الإيجار القديم في مصر

[Alucard]

الفقر مش عيب.

للتذكير بس لمن ينسى.

 

[بسيط نجم.]

مالك شغل في سعر العمله ومعدل رواتب الطباخين .. هو اتفق معاه ووافق ووصل البلد وسكن واكل ولبس ببلاش .. وبعدين يجيني يقول غيرت رأيي بسبب الفيس بوك ... انت لواء ببلدك ما يستلم 10000درهم +

انت اللي بتجيب سيرة سعر العملة لما قولت لواء بلدك و١٠ الاف درهم ايش التناقض هذا
انت مالك درهم او جنيه
قولنا الف مرة الجنيه جنيه بلده لانه يصرف بالدرهم في الامارات

هو غلطان لانه اخلف كلامه وطلب راتب زيادة لكن العنصريين اللي زيك غلطانيين بردو اللي بيقولو مش تجيب منهم لو ببلاش

 

[بسيط نجم.]

اخي الحبيب هشرحلك الموضوع ببساطه
عبد الناصر الله يجحمه لما مسك الحكم
اصدر قانون يتم تخفيض قيمة الايجار المتفق عليها بين المالك والمستأجر بأثر رجعي وعملها تلت مرات مش مره واحده اصبح المالك يتقاضي ما تقرره الحكومه لا ما يقرره هو في ملكه الشخصي ثم اصدر قانون لتأبيد العقود فاصبح عقد الايجار يمتد للجيل السادس من المستأخر يعني بحد يعني الي الابد لم ينتهي الامر هنا
اتي السادات واصدر القانون 49 لسنة 77 وينص علي ان المستأجر اذا رأي شقه والمالك رافض تأجيرها من حقه الذهاب للمحافظه وتوقيع عقد ايجارها واستلامها بقوة القانون ويضع الايجار في المحكمه .

مادة اخري تقول انه اذا اراد المالك ان يقوم ببيع شقق في عماره يملكها يجب عليه اولا تأجير ثلث الشقق جتي يبيع الباقي بنظام التمليك .

ثم وبعد ان توقع العقود وتتفق علي قيمة الايجار تأتي لجنه من المحليات وتقوم بتخفيض القيمة الايجاريه بشكل كبير واجباري علي المالك .

طبعا مع ثبات الاجره وقلة قيمتها توقف المالك عن صيانة عقاره حيث انه لا يستنفع به ويجمع من عقاره بكامله طوال عام اقل من الف جنيه وعندما يسقط العقار يتم القبض علي المالك لانه رفض صيانة العقار الذي يسكنه المستأجرين ببلاش حتي يكملو بقية حياتهم علي حساب المالك .

واذا توفي المستأجر يمتد العقد الي زوجته وابنائه واحفاده وزوجاتهم كل هؤلاء يرثون شقة المالك بقوة قانون لا ينطبق عليه شرعا ولا دينا وابن المالك الوارث الحقيقي لا يستطيع ان يرث شيئا .

واخيرا في عام 95 صدر حكم من المحكمه الدستوريه بعدم دستورية قانون الايجار القديم بالكامل فتخيل معي ماذا فعل شياطين القوانين وقتها اوقفو العمل بقانون الايجار القديم واصدرو القانون المدني ولكن بدون اثر رجعي فبقي سكان الايجار القديم كما هما حتي الان .

اخيرا وايس اخرا اختارت الدوله ان تحل مشكلة الاسكان وعدم توافر وحدات سكنيه علي حساب كل ملاك العقارات في مصر بدلا من ان تتحمل مسؤوليتها وتبني هي وحدات سكنيه كما يحدث الان

بالنسبة لخلو الرجل اللي المالك كان بياخد مبلغ يوازي ١٠٠ جرام ذهب او اكثر مقابل رحيله عن الشقة وثبات المبلغ

رجعو للناس ال ١٠٠ جرام واستلمو الشقق

 

[Egyptian_1973]

كارثة من كوارث عبد الناصر، مبارك رحمه الله اعاد الاراضي الزراعية لاصحابها وهذا لو تعلمون كيف اعاد الحياة لاصحاب تلك الاراضي..رحم الله مبارك رحمة واسعة.

السيسي الشجاع حفظه الله سيعيد البيوت لاصحابها وربما مات اصحابها من الظلم وابناؤهم من سيستلمها…هذا الانجاز وحده مع رفع الدعم هو احد اهم القرارات التي لن ينساها التاريخ للسيسي الشجاع .


مصر لازالت تدفع ثمن دلع عبد الناصر للجعانين والحرافيش والجهلة، ولكن الامل في السيسي ومن بعده في اصلاح تلك التركة الثقيلة واعادة مصر للطريق الصحيح.

ملاحظة: ارجو ممن لا يعلم شيء عن الاقتصاد المصري "الموازي" ولا يعرف شيء عن "العقارات" في مصر ان لايتحدث فيما يجهله لان شكلكم مضحك وانتو بتكتبوا وبتفتو فحاجات مش فاهمين عنها اي حاجة نهائي!!

 

[ديجاڤو]

هذا هو الحل الجذري فقط للمشكلة.

الحكومة يجب أن تدفع وتنقذ شريحة كبيرة من الشعب غير قادرة على الدفع.
اذا مافي كاش ممكن تعوض الملاك بأعطاءهم تعويضات عبارة عن قطع أراضي في المناطق الجديدة

معناها رح تبني تقريبا للشعب المصري اجمع
وتسلمهم .... وياليت الله يوفقهم ويرزقهم
ولكن الواقع يقول لايوجد دوله في العالم تستطيع ذلك اذا كان الشريحه العظمى من الشعب تحت خط الفقر

---

اكثر من 66 في المائه تحت خط الفقر في مصر حسب تقارير البنك الدولي لعام 2025 مابالك بأصحاب الدخل المحدود.... وهذا شي مؤسف كان الله في عونهم وفرج هم كل مسلم

تقرير البنك الدولي يفضح الواقع.. 66.2% من المصريين تحت خط الفقر العالمي! - نافذة مصر

لم تصدر أي بيانات حديثة عن الجهاز المركزي للتعبئة العامة والإحصاء حول نسبة الفقر وصدرت آخر نشرات بحث الدخل والإنفاق المعني بتحديد نسبة الفقر

www.egyptwindow.net

طبعا هذا الرابط لا اعلم اذا كان ماذكر على ذمة البنك الدولي وعن الإحصائيه في مصر... صحيحه او لا

مش كل الايجار القديم وحدات سكنية أصلا.. بص دا مقال من شهرين اقرأوه براحتكم
----------------------------------------------------------------------------------------

الأيام الماضية كان في خناقة في مجلس الشعب بين أعضاء المجلس من ناحية المدافعين عن المواطن الغلبان اللي ساكن في إيجار قديم وبين الحكومة اللي عاوزه تنفذ حكم المحكمة الدستورية ببطلان الإيجار القديم... وهنا تيجي أصعب معضلة بعيد عن كوميديا الصراع دا.

لما يبقى في وضع مش مظبوط بيتم لعشرات السنين فهنا يتحول إلى حق مكتسب بيتم بناء الكثير من الخطوات عليه وبيكون إصلاحه معقد؛ يعني كمثال في عضو مجلس شعب قال أنا جدتي ساكنه في المهندسين في إيجار قديم فإزاي عاوزين تطلعوا وتنقلولها لسكن بديل في الأسمرات مثلاً؛ وافهم معايا المشكلة فين دلوقتي.

جدة النائب (هنستخدمها كمثال لإني معرفش حتى اسم النائب) سيدة كبيرة السن عالمعاش طبعاً وعايشة في شقة في المهندسين دلوقتي بقالها 50+ سنة وغالباً بتدفع مبلغ أقل من 50 جنية؛ بغض النظر هي معندهاش تصور إنها هتطلع من المهندسين خلاص؛ وكمان ممكن في حالات تانية معندهاش فلوس تسكن في المهندسين بالإيجار الحقيقي. فدلوقتي ايه الحل في الوضع اللي استمر أكثر من نصف قرن غلط؟

الفريق اللي عنده أملاك إيجار قديم ومؤيديه بيقول احنا اتظلمنا سنين يبقى خلاص استخدم الساطور واديهم ولو شايف انهم هيتظلموا فعادي الدنيا دوارة وكل واحد يتظلم شوية وأنا كان إيه ذنبي لما يطلع جمال عبد الناصر في يوم ياخد قرار خفض الإيجارات 25% مثلاً زي ما عمل؟ اه ناصر كان بيطلع الصبح يقرر تخفيض الإيجارات ويصبح دا الإيجار الجديد للشعب غصب عن المالك.

الفريق الثاني وهو المستأجرين شايف إن الإيجار كان مناسب جداً في الخمسينات والستينات ثم بقى نص نص في السبعينات؛ لكن آخر 40 سنة الجنية المصري فقد 99% من قيمته (دا بجد مش مبالغه يعني 1 جنية في 1985 تساوي 100 جنية النهاردة)؛ فجايين تحاسبوني أنا على ال 40 سنة دول؟ هو أنا اللي فقدت الجنية 99 قرش.

مش كل اللي ساكن في إيجار قديم فقير ومعدم؛ كلنا نعرف ناس ساكنه في إيجار قديم ومعاها عربيات حديثه وعندها شقة في الشيخ زايد والرحاب ومدينتي وبعضهم بيدفع 30 جنية إيجار و 3000 جنية كهرباء.

لكن برضك في ناس عجوزة عالمعاش موظفين كبار السن وإن كانوا أقليه لإن غالبية عقود الإيجار القديم تمت قبل 30+ سنة يعني غالباً طرفي العقد ماتوا... وفي شقق اللي عالمعاش فيها دول أبناء مش طرف أول؛ لكن الخلاصة في ناس فعلاً غلبانه يبقى نعمل ايه؟ هيجيبوا منين الناس دي انك تقولهم إيجارك ال 50 جنية بقى 7000 جنية؟

هنا بقى لو إنتا عاوز تصلح بتعمل ايه؟ الإجابة من وجهة نظري سياسة قصقصة الريش يعني نحاول نفرق بين القادر وغير القادر بحيث نوصل مين فعلاً متضرر.

طبقاً للجهاز المركزي والتعبئة والإحصاء فإن عدد وحدات الإيجار القديم في مصر 3.02 مليون وحدة عبارة عن 1.643 مليون وحدة سكنية و 1.377 مليون وحدة غير سكنية.

عندنا 1.377 مليون وحدة غير سكنية ودول عبارة مثلاً عن 500452 محل و 796652 شقة (تستخدم غير سكني زي مخزن أو شركة) و 6088 جراج و 3425 كشك ووو بل إن في 12 عوامة في إحصائية المركزي. دول بقى نشاط تجاري يعني؟ يعني مش بيبع أكيد بأسعار 1960 بل بأسعار اليوم يعني هو شخص عايش بسعر اليوم ودخله سعر اليوم فدا ياخد 12 شهر بعدها يحرر العقد.

النقطة بقى هي في 1 مليون و 642 ألف و 870 شقة إيجار قديم سكني (حسب تعداد 2017) فدول بقى نشتغل عليهم قصقصة الريش اللي قولناها ودا يتم كالتالي

المغلق: وحسب الجهاز المركزي في 300 ألف شقة إيجار قديم مغلقة دول بقى تثبت انهم مغلقين عن طريق فواتير الكهرباء آخر 12 شهر السابقين لحكم المحكمة (عشان حركات الناس اللي تروح فاتحه البيت المقفول وتقعد فيه من باب أهو قاعدين؛ لا يا بابا هنجيب استهلاك الكهرباء آخر سنة أو سنتين ونشوف). اللي يطلع مغلق خلاص 6 شهور مهلة للمؤجر يخلي المكان.

الأملاك: نستخدم سيستم الحكومة وخاصة مصلحة الضرائب مع الكهرباء مع البنك المركزي ونشوف المستأجر دا عنده أملاك؟ شقة تانية أو فيلا أو شاليه أو شركة أو مصنع أو أو ... شيء يثبت إنه شخص معاه أملاك ويقدر لو خرج يقعد في سكن تاني معاه فلوس مش غلبان.

الإنفاق العالي: دي بقى من سيستم التموين اللي بيعملوه بالتعاون مع كل الجهات بما فيها شركات الاتصالات؛ هاتلي يا ولدي استهلاك العيلة دي؛ فواتير موبايل وإنترنت وكهرباء ومياه ومصاريف مدارس وجامعات ومخالفات مرور ووو... لقيت العيلة دي بتصرف ليكن 100+ ألف جنية سنوي يبقى خلاص انتم قادرين على تحمل إيجار مش غلابة.

البنك: هنا بقى الفريق اللي فاضل ودول عن طريق موافقتهم الشخصية لازم يتم فحص أرصدتهم البنكية وحركاتها آخر 3 سنين لو طلع إنه شخص ما شاء الله عنده ما يمكنه من دفع إيجار؛ برضك مع السلامة... ليييه الخطوة دي؟ عشان ممكن شخص عنده 50-60 سنة مثلاً عياله اتجوزوا وهو عايش مع زوجته في الشقة؛ مش مهتم يشتري أملاك تانية وهو طلع معاش ومعاه مليون جنية في البنك حاططها في شهادة البنك الأهلي بتطلع له 20 ألف جنية شهري... دا تكشف أملاك متلاقيش؛ موبايل مش بيرغي؛ كهرباء هي أوضة واحدة فيها تكييف فمش كثير؛ مصاريف مدارس وجامعات لا خلاص العيال كبرت. فمش هيتقفش بالطريقة السابقة.

الفكرة في الإجرائات هي إن المواطن العادي بيدفع 5-10 آلاف جنية شهري إيجار؛ العائلات اللي في إيجار قديم بتوفر المبلغ دا شهري فممكن عبر التوفير دا لعشرات السنين تكون كونت ثروة صغيرة فمعلش بقى استخدمها لدفع الإيجار زي باقي الناس.

ونكمل بقى بعض الخطوات زي كده لغاية ما يفضل عندنا أظن 300-400 ألف بالكثير قوي دول فعلاً ناس في إيجار قديم بس فعلياً معندهمش ولو خرجوا هيبقوا في الشارع فهنا تتحمل الدولة دورها.

مين عمل الإيجار القديم؟ الملك فاروق ثم ثبته عبد الناصر؛ يعني الحكومة... هنا بقى الحكومة المسئولة تشيل المسئولية عن الغلابة دول؛ تعمل جدول زمني ليكن 5 سنين فيه توفر لهم سكن بديل بأسعار رمزيه يعني مبلغ يقل عن ألف جنية؛ بل المفروض يتم فحص الحالات اللي ساكنه دي بواسطة وزارة التضامن واللي يثبت إنه غير قادر يعفى من الإيجار... وطبعاً المقصود هنا كبار السن اللي ساكنين لإن حرام تمرمط الناس في أواخر عمرهم؛ لكن السكن البديل الحكومي دا لا يمتد للورثة؛ مهواش ايجار قديم لكن عند الدولة؛ دا ل بابا وماما العواجيز يا مواطن عشان متعش في الدور وتقول تتجوز عندهم والسكنة تستمر.

بس يا سيدي وبكده يبقى أنتا بدل ما تاخد الكل عاطل في باطل؛ سعيت بأقصى جهد إنك تقلل الضرر... هو مستحيل مستحيل ميتضررش حد لإن أي إصلاح ليه ضحايا لكن مش معنى كده اضرب في الكل بدون تمييز. ودي كانت وجهة نظري واللي عاوز يشتم ويتخانق ويعيش في قصص أصل جدو دفع 3 أضعاف سعر الشقة خلو عشان يسكن فيها؛ طيب مشترهاش ليه؟ لا ملوش نفس.... لا أصل الناس دول عاشوا كثير ببلاش ليه تخلي الملاك يستحملوا 5 سنين كمان اطردهم فوراً... معلش يعني استحملت 60 سنة وجت على 5 خلاص؟ يا جبروتك يا أخي دول جيرانك نص قرن للدرجة دي مش طايقين بعض؟

 

[مطلع]

انت اللي بتجيب سيرة سعر العملة لما قولت لواء بلدك و١٠ الاف درهم ايش التناقض هذا
انت مالك درهم او جنيه
قولنا الف مرة الجنيه جنيه بلده لانه يصرف بالدرهم في الامارات

هو غلطان لانه اخلف كلامه وطلب راتب زيادة لكن العنصريين اللي زيك غلطانيين بردو اللي بيقولو مش تجيب منهم لو ببلاش

انت مستوعب ردك ... هي 10000 درهم .. تحولها دولارات او جنية او اي حاجه ... دامك وافقت بلاش صداع الراس والاستهبال ده .. ما يعملش فيها فهلوي وما فيش غيره بالسوق .. انا قلت الراتب ما يحلم فيه لو حول العمله واعطيت مقارنه .. بس زيك صعب يستوعب المقارنه

 

[بسيط نجم.]

انت مستوعب ردك ... هي 10000 درهم .. تحولها دولارات او جنية او اي حاجه ...

انت اللي جبت سيرة اللواء مو انا.

دامك وافقت بلاش صداع الراس والاستهبال ده ..

انا قلت كدا بردو لكن لا تتكلم بتعصب وعنصرية هكذا

ما يعملش فيها فهلوي وما فيش غيره بالسوق .. انا قلت الراتب ما يحلم فيه لو حول العمله واعطيت مقارنه

هو حقه يسأل عن متوسط الرواتب في وظيفته ، لو راتبه قليل مقارنة بزمايله من حقه يطلب زيادة

ومن حق الاخ برنس قبولها ورفضها
عرض وطلب

لكن ليس من حقك التعنصر

 

[مطلع]

انت اللي جبت سيرة اللواء مو انا.

انا قلت كدا بردو لكن لا تتكلم بتعصب وعنصرية هكذا

هو حقه يسأل عن متوسط الرواتب في وظيفته ، لو راتبه قليل مقارنة بزمايله من حقه يطلب زيادة

ومن حق الاخ برنس قبولها ورفضها
عرض وطلب

لكن ليس من حقك التعنصر

انا حطيت مقارنه بين راتب لواء وراتب الطباخ .. افهم ...
انا تقول من حقه يسأل عن متوسط الراتب في وظيفته ... ابشرك .. ليس من حقه اذا قبل بالوظيفة وجاء للعمل .. بل المفروض يعوض صاحب العمل عن خسائره لتذكرة الطيران والسكن وكل شي .. وبعدين يتوكل على بلاده .. فهمت والا اقسطها لك ؟

 

[EL-3kaad]

الطباح المتميز يستلم راتب في الامارات من 2500 - 4000 درهم في الشهر واما 10000 درهم فهذا راتب شيف في فنادق الخمس نجوم

اماراتي فرع المنوفية

 

[amr hassan]

بالنسبة لخلو الرجل اللي المالك كان بياخد مبلغ يوازي ١٠٠ جرام ذهب او اكثر مقابل رحيله عن الشقة وثبات المبلغ

رجعو للناس ال ١٠٠ جرام واستلمو الشقق

انا معنديش مشكله نرجعلك الخلو اللي انا مخدتوش واحنا بنأجر احنا اخدنا مقدم ايجار وكان بيتخصم من قيمة الايجار لحد ما بيخلص مبلغ المقدم وبعدين يرجع يدفع القيمه كامله مستعد ارجعهولك دهب بسعر يوم سداده لكن حضرتك لازم وقتها تسددلي كامل قيمة الايجار دهب من اول يوم ايجار وتبقي تخصم قيمة المقدم وترجعلي الباقي دهب .

اه صحيح مسيت اقولك خلو الرجل اللي هو مبلغ لا يرد كان بياخده المستأجر للعين عشان يتركها للمستأجر الجديد مش المالك

 

[TORNADO.SA]

الفقر مش عيب.

للتذكير بس لمن ينسى.

صحيح انا اضفت الإحصائيه ردا على الإقتراح لإيضاح ان الأمر صعب

والفقر عمره ماكان عيب .. او شي يخجل وطبعا الإحصائيه ليس شرط ان تكون صحيحه
... الله يرزق كل مسلم من اوسع ابوابه ويفرج عنهم الغمه في مصر وكل بلاد المسلمين...

 

[milasus007]

خلو الرجل" كما كان يُستخدم في الستينيات في مصر،

وهو مبلغ مالي كان يدفعه المستأجر القديم لصاحب العقار الأصلي عند توقيع عقد الإيجار القديم،

مقابل الحصول على حق الإيجار الثابت (بقيمة رمزية) وحق توريث العقد للأبناء أو الأقارب

. هذا المبلغ كان بمثابة تعويض مقدم لصاحب العقار للموافقة على شروط الإيجار القديم التي تحد من زيادة الإيجار وتضمن استمرارية العقد.

مثال توضيحي
:في الستينيات،
لنفترض أن شخصًا يريد استئجار شقة في حي مثل السيدة زينب بالقاهرة. صاحب الشقة يوافق على إيجار شهري ثابت، مثلًا 5 جنيهات شهريًا،

مع شرط أن العقد يكون قابلًا للتوريث

(أي يمكن أن ينتقل للأبناء أو الزوجة بعد وفاة المستأجر).

مقابل هذه الشروط المميزة، يطلب صاحب العقار من المستأجر دفع "خلو رجل"، مثلاً 1000 جنيه كمبلغ مقدم.

المستأجر يدفع 1000 جنيه مرة واحدة لصاحب العقار

.في المقابل، يحصل على عقد إيجار بقيمة ثابتة (5 جنيهات شهريًا) مع إمكانية توريث العقد.

هذا المبلغ (1000 جنيه) كان يُعتبر كبيرًا في ذلك الوقت، لكنه يضمن للمستأجر استقرارًا طويل الأمد في الإيجار بتكلفة منخفضة جدًا مقارنة بالسوق في المستقبل

لماذا يقبل المستأجر دفع خلو رجل بهذا الميلغ الكبير و يبقى مستأجرا بينما ربما يمكنه بذلك المبلغ شراء شقة؟

 

[بسيط نجم.]

انا معنديش مشكله نرجعلك الخلو اللي انا مخدتوش واحنا بنأجر احنا اخدنا مقدم ايجار وكان بيتخصم من قيمة الايجار لحد ما بيخلص مبلغ المقدم وبعدين يرجع يدفع القيمه كامله مستعد ارجعهولك دهب بسعر يوم سداده لكن حضرتك لازم وقتها تسددلي كامل قيمة الايجار دهب من اول يوم ايجار وتبقي تخصم قيمة المقدم وترجعلي الباقي دهب .

اه صحيح مسيت اقولك خلو الرجل اللي هو مبلغ لا يرد كان بياخده المستأجر للعين عشان يتركها للمستأجر الجديد مش المالك

العقد شريعة المتعاقدين
كل واحد يسأل جده او والده ليه وافق على عقد ايجار مدى الحياة وبه توريث ونسى ان له اولاد واحفاد


لا تلوموني ولومو انفسكم

 

[عيناوي قديم]

أولاً، لازم نعترف إن مشكلة الإيجار القديم مش بسيطة ولا ليها حل سحري يرضي كل الأطراف. هي أزمة متراكمة من عقود طويلة، وكل طرف عنده أسبابه ومظلمته، سواء المالك أو المستأجر.​

بصراحة، الإيجار القديم وضع غير عادل للطرفين فالمالك اتحرم من حقه في ملكيته لسنين، والمستأجر اتعود على وضع شبه مستحيل يتكرر في أي مكان في العالم. لكن في نفس الوقت، الوضع ده استمر لعشرات السنين وبقى عليه حقوق مكتسبة وحياة ناس اتبنت عليه، فمش ممكن نحلّه بضغطة زر أو بقرار مفاجئ.​

المشكلة مش أبيض وأسود، مش كل مستأجر غلبان ومش كل مالك غني، والعكس صحيح. فيه ناس فعلاً محتاجة حماية، وفيه ناس بتستغل الوضع. فلازم أي حل يكون فيه تدرج وعدالة اجتماعية، ويفرق بين القادر وغير القادر.​

أفضل حل من وجهة نظري هو اللي طرحته الدولة وبعض الخبراء:​

• حصر الشقق المغلقة أو اللي أصحابها عندهم أملاك تانية أو دخل عالي، ودي لازم تتحرر فورًا.​
• الشقق اللي فيها ناس غير قادرة فعلاً، وخصوصًا كبار السن أو أصحاب المعاشات، لازم الدولة تتدخل وتوفر لهم سكن بديل أو دعم مباشر.​
• باقي الحالات يتم تدرج رفع الإيجار فيها على عدة سنوات، بحيث الناس تقدر تتأقلم ومايبقاش فيه طرد أو تشريد فجائي.​

الحكومة هي اللي خلقت الوضع وهي اللي لازم تتحمل مسئولية تصحيحه بشكل إنساني وعادل، خصوصًا مع الفئات الضعيفة. مش معقول نرمي الناس في الشارع بعد ما عاشوا عمرهم كله في مكان واحد. وفي الآخر، لازم كل طرف يحط نفسه مكان التاني فالمالك عنده حق في ملكيته، والمستأجر مش ذنبه إن النظام كان كده. فالحل لازم يكون فيه توازن ورحمة وعدالة، مش انتقام ولا تعسف. والموضوع معقد ومافي حل بيرضي الكل ١٠٠٪، لكن الحل الذكي هو اللي يقلل الضرر لأقل عدد ممكن من الناس، ويفرق بين القادر وغير القادر، ويضمن العدالة للطرفين. ولو كل واحد اتنازل شوية وفكر بعقلانية، هنقدر نخرج بأقل خسائر ممكنة.​

 

[Khalid88]

من اغرب القوانين الي ممكن تمر عليك فحياتك كلها