يا اخي لا اتحدث عن طريقة عمل القطار ... القطار اذا وصل لـ سرعات اعلى 300 مثلاً، هل تقدر تشحن عليه ؟
ياعزيزي القطار نفسه ماتقدر تغيره قطار الشحن للشحن وقطار البضائع للبضائع لاكن تقدر تستخدمه على نفس السكة فيه بعض الدول مثلا اذا مايقدرون يوسعون السكة يخلونها باوقات مثلا الصباح الى العصر للركاب الليل الى الصبح للشحن كونه قطارات الشحن بطيئة
شئ بديهي يا اخي ، لأنك تخليت عن الشحن ... تكلفة قطار الحرمين 60 مليار ، والطائرة 600 مليون
60 مليار ماهي قيمة القطار يالغالي هي قيمة البنية التحتية شاملة للقطار والسكة والمحطات والاراضي والصيانة للقطارات ل12 سنة يعني للمقارنة فقط مطار جدة الجديد كلف الدولة 36 مليار هذا مطار واحد من غير قيمة تشغيلة والطيارات الي فيها وصيانتها ومافيه نزع ملكيات
اما القطار نفسه بعدد ركاب حوالي 600 يكلف اقل من 25 مليون يورو بينما a320 الصغيرة تكلف اكثر من 100 مليون دولار !
حتى تكلفة التشغيل اقل
وانا مدري من قالك اني قلت نتخلى عن الشحن ! الشحن هو اهم شي انا كل الي اقوله الافضل يكون 4 مسارات ثنتين للشحن وثنتين للركاب حتى مايوقفون بعض لاكن ممكن حتى تشغيلة با مسارين او ثلاثة (اثنين للشحن وواحد للركاب )
ممكن منافسة لاسباب غير السعر ... مثلاً ... اقتباس ((المسافة من نيويورك إلى واشنطن تبلغ حوالى ٢٤٠ كيلومترا. سعر التذكرة ليس ثابتا ويشبه تماما اسعار تذاكر الطائرات. أقل سعرهو ٨٤ دولارا فى القطار «القشاش» اذا جاز التعبير فى «الأوقات الميتة» فى حين قد يرتفع إلى ٤٥٠ دولارا فى بعض أوقات الذروة، أو إذا حجزت التذكرة قبل الإقلاع بوقت قصير، وبالتالى فإن سعر تذكرة القطار قد يتجاوز سعر تذكرة الطائرة فى بعض الأحيان))
ياعزيزي طرحك لمثال قطار Northeast Corridor غير منطقي لان الشركة المشغلة هي حكومية اسمها ام تراك عندهم خطوط كثيرة خسرانة ومايقدرون يلغونها بسبب ضغط الكونغرس لانها تمر على قرى كثيرة نائية
لذالك هي معتمدين على ارباح خط Northeast Corridor عشان يغطي خسايرهم بالخطوط الثانية
انت تدري انهم يربحون لكل مقعد في ارخص سعر ممكن تحصله 25 دولار على القطار البطيئ و 85 دولار على القطار السريع (سرعة 200 كيلو زي حق الشمال والدمام )
طبعا هم يرفعون السعر لانهم محتكرين السوق ولانه المدن هاذي كبيرة وقريبة من بعضها فا ماعندك حل اما القطار ولا زحمة السيارات
كذالك الموضوع نفسه في المشغلين الكبار في اوربا الخطوط الي الطلب عاليه عليها يعوضون فيها الخطوط النائية لاكن اذا تبي تشوف صدق ربحية القطار على الخط الواحد شف المشغلين الجدد الاقتصاديين
مثلا خط رين- باريس حوالي 350 كيلو
الشركة الحكومية تبيع التذكرة با 36 دولار
والشركة الاقتصادية تبيع التذكرة با 16 دولار
كلهم يشغلون نفس القطار ونفس السرعة والغريب انهم اكتشفو الشركة الاقتصادية ما اكلت سوق الشركة الحكومية لاكن اكلت سوق قطاع الطيران والسيارات و الناس الي اصلا ماكنو ناوين يسافرو لو انها مو موجودة
Alitalia خطوط مثلا خسارتها ماكانت بسبب منافسة خطوط الطيران بل كانت بسبب منافسة القطار !
طيب نجي عندنا حنا اصلا ماعندنا شبكة قطارات تشتغل لمناطق نائية خسرانة تخلينا نزيد تكلفة التذاكر حتى نعوض لذالك الكفاءة عندنا عالية جدا
قد ركب قطار الشمال مثلا ؟ يارجل عجعجت عوايل وبزارين تتلاحق ماتوقف مع ان التذاكر حوالي 100 ريال ! وهذا الدليل ان فيه طلب محلي اكثر الناس عندنا ماترغب الطيران ولو ماكان فيه القطار كان اخذو سيارة او قعدو ببيوتهم
اعرف لك الكثير الان يروح با السيارة الى المدينة يوقفها هناك ويركب قطار الحرمين
بأمريكا الرحلات الداخلية متوفرة وبسعر رخيص ، بلا دعم ولا خرابيط (ليش) ؟ ... الادارة عندنا كانت خطأ ، الآن فتحوا شركات وزادو عدد الرحلات واهتموا بالمطارات وزادو عددها ... التوسع يكون في الاتجاهين
مادري وش دخل امريكا مع انها مثال فاشل على النقل في مستوى العالم صداع المطارات هناك لايصدق والتذاكر ماهي رخيصة ولاتقارن حتى في راين اير وغيره من المشغلين الاوربين
اكيد التوسع في مجال الطيران مطلوب لاكن الرغبة الان هي ان نكون مركز عالمي زي دبي ماهو نجيب طيارات تكلفلتها ملايين ونشغلها الرياض جدة ولا الرياض القصيم !
سوق الطيران عندنا كبير والشركات اصلا مو ملحقة هذا الي يخلي الخليجين ماكلين حصة من سوقنا الدولي
وعلى فكرة قطاع الطيران بامريكا من اكثر القطاعات المدعومة ولايقدر يعيش بدون دعم حكومي
