الرافال و التايفون و الصفقات المصرية السياسية.

[jack sparrow]

ههههههههه طب بص للصورة التانية , نبه زميلك سبارو انه شاف الصورة و معرفش الفرق بين الرافال و التايفون

انا رديت عليك نصا

ايه الروشنة ديه ؟! حد شايفك وانت جاي؟!

الله لا يسيئك انت بتقول ان مكونات الرفال امريكية

انا بقولك يا سيدي قولي مين هيديني قطع الغيار فرنسا ولا امريكا

التذخير الامريكي مش عايزه
يالا اثبتلي ان الامريكان هيتحكموا في الرفال XD

وبلاش لف ودوران انا خلقي ضيق​

 

[مارشــال]

اوكي يا مارشال , خليني احط الصورة الحقيقه

طيب معليش هتعبك معايا
ايه اللي حضرتك شايفه أمريكي فيها
مع العلم إن لو فيها مكون أمريكي (أنا بتكلم عن المقاتلة ) أنا Already استلمتها

 

[Hossam Hamed]

كل ما اشوف الم الاخوان ووجعهم الى اصعب مم وجع السنان .
احمد ربنا على نعمة السيسى ..
الحراق.

 

[Mr n ra stp n amn]

يا جماعه مش كل حد اخوانى هيخش ينزل موضوع هنفضل نناحى ونحاول نقنعه هو كده كده مش هيقتنع يعمى احنا صفقاتنا كلها سياسيه وعجبنا وربنا يكرم بخمس ست سبع صفقات سياسيه كمان وربنا يخليلنا السيسى

 

[مارشــال]

نحط بس نقطة نظام
مش معنى أني مكملتش صفقة الرافال يبقى هي صفقة سياسية وطيارة منقوصة و.............. إلخ
أفتكر إني اتكلمت عن نقطة حقوق الإنسان وملف التسليح مع فرنسا من حوالي 6 شهور في رد طويل عريض

لكن أنا معايا 24 طيارة وصلوا بتسليح BVR بيخش مصر أول مرة ... مع ذخائر جو أرض ذكية مع بود ملاحة وتهديف مع منظومة حماية الكترونية كاملة نقلت رأس حربة قواتي حرفيا لنص جيل كامل ده إذا اعتبرت ال F-16 بلوك 50 المصرية بتسليحها جيل رابع

قضية السكالب مش شايفها القضية المفصلية في شراء التايفون وأنا ضد شراء التايفون من دلوقتي ورأيي نضغط أو نتفاوض مع فرنسا

مش معنى كده أقول أصل الرافال معيوبة ... أنا اللي عندي مشكلة في التفاوض يا هي مشكلة ملف حقوق وسياسة يا مشكلة تمويل وهمه قالولك لأ مش هنمول الصفقة الجديدة

لأني كده كده محتاج فرنسا في تصريف ال Mirage V /2000 لو حبيت أخلص منهم ماهو اللي هياخدهم هيسأل عن أخبار تطويرهم في فرنسا

فالموضوع أنا شايفه مطول حبة

 

[Bright sky]

فين ازدواج المعايير؟ الناس ديه حصلت اللي مقدرش ناخده .. و انتا بتزود تسليح غربي برضو منقوص.

و بالمناسبة بخصوص التقليد و تقليد الخرده و الحوارات ديه , الجي-10 الصيني اللي مفروض متاخده من اللافي الاسرائيلي قدرت تهزم السو-35 (الروسي), مش كل حاجه تقليد تبقي اقل من الاصلي.

مصر تعاملها مختلف تماما عن باقي الدول العربية في العلاقات مع امريكا مصر ميولها شرقية ، باقي الدول تتسلح فقط بالسلاح الامريكي حتي لا تنتج ذخائرها ، المصانع الحربية المصرية متهمة اكثر من مرة بنقل تكنولوجيا امريكية لكوريا الشمالية و الصين ، ممكن تتفرج علي مناقشات قطع المساعدات العسكرية عن مصر ٢٠١٣ في الكونجرس واتفرج ممثل البانتجون قال ايه ، مصر بالنسبة للرفال اتعاقدت عليها وعلي تطويرها وعلي الميتور و علي تطوير يسمح بحمل قنابل الهمر ال ١٠٠٠ كجرائم ، و بضمان بنوك فرنسية لضمان شروط العقد ، كمفاوض مصري مفروض يعمل ايه تاني ؟؟!! ، حصلت مشكلة بين البنوك الفرنسية و الحكومة بسبب الستورم شادو و وسافر الرئيس الفرنسي لحل المشكلة مع الامريكان وهنشوف ايه الهيحصل في التطوير و الميتور ، روسيا اخذت الميج مطورة بناء علي طلباتك وكذلك المروحيات و كذلك السخوي من المانيا اخذت اسلحة بذخائرها القياسية ، انك تتسلح من دولة واحدة حتي لو بتكنولوجيا كاملة دهً مصيبة في حد ذاتها لإنك هتصبح تابع للسياساتها حتي الحروب لن تخوضها دون موافقتها كما حدث مع الاف ١٦ في ليبيا مثلا ، هو ده ازدواج المعاير و السطحية

 

[meky]

انا قريت الموضوع كله والحقيقه مش قادر افهم ايه لب الموضوع

هل المقصود ان البدائل كانت احسن وان مصر اختارت الرافال عشان سبب سياسى ؟
- فى الواقع الموضوع بيقول عكس كده وبيقول ان الرافال فازت على المنافسين

طيب هل بيقول ان صفقه شراء طياره جديده اصلا بغض النظر عن نوعها لسبب سياسى ؟
- طبعا ده كلام اهطل لو كان ده المقصود

فمش عارف ليه لازمه نفتح موضوع مقدمش اى حاجه غير ان عنوانه فيه كلمه صفقات سياسيه

 

[محمد_نبيل]

مصر خبرت الموقف الأمريكى من تسليح مصر طوال عقود. السؤال هل لم يتوقع المسئولين الموقف الأمريكي بعرقلة السكالب أم كانوا يتوقعون ذلك ومضوا فى اتجاه الرافال على أية حال ؟

 

[Bright sky]

مصر خبرت الموقف الأمريكى من تسليح مصر طوال عقود. السؤال هل لم يتوقع المسئولين الموقف الأمريكي بعرقلة السكالب أم كانوا يتوقعون ذلك ومضوا فى اتجاه الرافال على أية حال ؟

بصراحة مش فارقة كثير ، الحكومة الفرنسية وافقت وضامن لتنفيذ بنود العقد لدي البنوك الفرنسية ، اي اخلال ببنود العقد من حق مصر عدم سداد اقساط الدين للاخلال ببنود العقد ، و البنوك و الحكومة يحلو المشكلة مع بعض ، لذلك رفضت فرنسا التمويل البنكي الفرنسي في الصفقات التكميلية

 

[fo-235]

مصر تعاملها مختلف تماما عن باقي الدول العربية في العلاقات مع امريكا مصر ميولها شرقية ، باقي الدول تتسلح فقط بالسلاح الامريكي حتي لا تنتج ذخائرها ، المصانع الحربية المصرية متهمة اكثر من مرة بنقل تكنولوجيا امريكية لكوريا الشمالية و الصين ، ممكن تتفرج علي مناقشات قطع المساعدات العسكرية عن مصر ٢٠١٣ في الكونجرس واتفرج ممثل البانتجون قال ايه ، مصر بالنسبة للرفال اتعاقدت عليها وعلي تطويرها وعلي الميتور و علي تطوير يسمح بحمل قنابل الهمر ال ١٠٠٠ كجرائم ، و بضمان بنوك فرنسية لضمان شروط العقد ، كمفاوض مصري مفروض يعمل ايه تاني ؟؟!! ، حصلت مشكلة بين البنوك الفرنسية و الحكومة بسبب الستورم شادو و وسافر الرئيس الفرنسي لحل المشكلة مع الامريكان وهنشوف ايه الهيحصل في التطوير و الميتور ، روسيا اخذت الميج مطورة بناء علي طلباتك وكذلك المروحيات و كذلك السخوي من المانيا اخذت اسلحة بذخائرها القياسية ، انك تتسلح من دولة واحدة حتي لو بتكنولوجيا كاملة دهً مصيبة في حد ذاتها لإنك هتصبح تابع للسياساتها حتي الحروب لن تخوضها دون موافقتها كما حدث مع الاف ١٦ في ليبيا مثلا ، هو ده ازدواج المعاير و السطحية

هقول لك من الاخر المفاوض المصري المفروض يعمل ايه تاني.... المفروض يبقى تبع مرسي

دي زيتونة الموضوع كله

 

[fo-235]

انا قريت الموضوع كله والحقيقه مش قادر افهم ايه لب الموضوع

هل المقصود ان البدائل كانت احسن وان مصر اختارت الرافال عشان سبب سياسى ؟
- فى الواقع الموضوع بيقول عكس كده وبيقول ان الرافال فازت على المنافسين

طيب هل بيقول ان صفقه شراء طياره جديده اصلا بغض النظر عن نوعها لسبب سياسى ؟
- طبعا ده كلام اهطل لو كان ده المقصود

فمش عارف ليه لازمه نفتح موضوع مقدمش اى حاجه غير ان عنوانه فيه كلمه صفقات سياسيه

هي رخامة وخلاص

ما ايام الرافال كانو بيقولوا الساب جربين أحسن منها ???

 

[محمد_نبيل]

بصراحة مش فارقة كثير ، الحكومة الفرنسية وافقت وضامن لتنفيذ بنود العقد لدي البنوك الفرنسية ، اي اخلال ببنود العقد من حق مصر عدم سداد اقساط الدين للاخلال ببنود العقد ، و البنوك و الحكومة يحلو المشكلة مع بعض ، لذلك رفضت فرنسا التمويل البنكي الفرنسي في الصفقات التكميلية

هل يمكن ذلك فعليا فى ظل احتياج مصر لفرنسا لصيانة وتحديث المعدات الفرنسية وتوريد الذخائر ومركز فرنسا فى الاتحاد الأوروبي ?

 

[meky]

مصر خبرت الموقف الأمريكى من تسليح مصر طوال عقود. السؤال هل لم يتوقع المسئولين الموقف الأمريكي بعرقلة السكالب أم كانوا يتوقعون ذلك ومضوا فى اتجاه الرافال على أية حال ؟

اعتقد كان متوقع من طرف مصر وكان مفاجئ لفرنسا بس من ناحيتنا انت متعاقد على حاجه ومنتظر الاستلام
واعتقد بردو ان الى حصل ان فرنسا قدرت تتوصل لاتفاق مع امريكا لتسليم 50 صاروخ بتوع العقد الاول بس وده ممكن يكون الى موقف الصفقه التانيه

لكن على صعيد تانى حتى وان كنت عارف ان السكالب ممكن مايتسلملكش ففكره دخول 24 طياره متطوره جدا وقدرات BVR وتسليم فورى و الدفع بقروض مكانش ينفع تترفض فى الوقت ده

اما فكره الكروز انا اتمنى نمول مشروع كروز خفيف حتى بين مصر وفرنسا ويكون تقنيته معانا نقدر نطوره وندمجه على منصات تانيه براحتنا

 

[مارشــال]

مصر خبرت الموقف الأمريكى من تسليح مصر طوال عقود. السؤال هل لم يتوقع المسئولين الموقف الأمريكي بعرقلة السكالب أم كانوا يتوقعون ذلك ومضوا فى اتجاه الرافال على أية حال ؟

انته ممكن تجيب كروز من الروس من الصين من اي حته
بس اعتقد الرافال دورها حيوي أكثر من كروز

 

[meky]

انته ممكن تجيب كروز من الروس من الصين من اي حته
بس اعتقد الرافال دورها حيوي أكثر من كروز

بالظبط وطالما مش قادرين يوصلو لحل ماعتقدش هايمنعو الintegration لاسلحه بديله

 

[Bright sky]

بصراحة لا اتمني التايفون لمصر و اتمني زيادة الرافال ، لكن لو اتعاقد مصر عليها و الجيش هو ادري بتسليحة ، ايه المشكلة ، الطائراتين اوروبيتين و تسليحهم مقارب و بتخدم في اكثر من دولة عربية السعودية و عمان و الكويت وده ميزة كبيرة و الرافال مبنية علي اساسيات التايفون بعد انسحاب فرنسا من مشروع التايفون ، و الحمد اللهجيشنا استوعبه للسلاح ممتاز و مش زي بعض الدول يتستاجر طيارين للعودة بطائرتهم

 

[Bright sky]

هل يمكن ذلك فعليا فى ظل احتياج مصر لفرنسا لصيانة وتحديث المعدات الفرنسية وتوريد الذخائر ومركز فرنسا فى الاتحاد الأوروبي ?

عدم تفعيل فرنسا لعقود تسليحها دهً مصيبة ليهم ولشركات السلاح الفرنسية لانهم بيفقدو ثقة زبائنهم ، فرنسا وافقت علي الشروط المصرية في الصفقة لتكون دولة بحجم مصر اول مشتري الرافال وبعد شراء مصر توالت طلبات الشراء لان مصر تتقن شراء الاسلحة حتي مع ميزانية مبارك للجيش التي لم تتخطي ٤،٥ مليار دولار ، لان الفكرة مش شراء اسلحة وبس وازاي اعرف قدرات سلاحك ، زي الميج ٢١ و مناورة الصفر التي كان يتقنها المصريين و الباكستانين ، حتي الميج ٢٩ المصرية بها تكنولوجيا فرنسية بناءً علي طلب مصر

 

[TUT]

مصر صفقاتها سياسيه
مصر التى تملك الاباتشى والكاموف
وتملك فى قواتها البريه الابرامز والتى 90 بتصنيع مشترك
والى بتشغل الاف 16 والميج 26 ام 2
والى تحدت امريكا فى صفقة السو 35
والى هتشغل الرافال والتايفون قريبا
والغازيل والمى 24
والاليوشن والسى 130
تبقى صفقاتها سياسيه
الصفقات السياسيه هى التى تدور فى فلك واحد سواء شرقى او غربى
الصفقات السياسيه هى التى تتم لاثنائك عن رغبة لك اجبارا وخوفا من عقوبات وبطش
الصفقات السياسيه هى التى تتم لارضاء حليف
الصفقات السياسيه هى التى تجعلك رهين لدوله او لاتجاه واحد شرقى كان او غربى حتى وان كان على حساب مصلحتك
الصفقات السياسيه هى التى تجعل الدول مجرد اسواق لمنتجات مورديهم بدون اى اراده
الصفقات السياسيه هى التى تجعلك محسوبا ورهينه لاتجاه معين مجبرا غير مخير
والله وانا اقسم بالله
مافى دوله من الذين يدورون سواء فى الفلك الامريكى الغربى او الروسى الشرقى حولنا
من يستطيع فقط ان يفكر مجرد تفكير فى ما قمنا به من تنويع
مصر تبحث عن مصالحها ومصالح قواتها المسلحه مع اين كان
ولاتتنازل عن مايمكن ان يفيد قواتها المسلحه ارضاء او خوفا من احد
مصر غير ياعزيزى
والصفقات السياسيه وفسادها ليست منا والا نحن منها
انقلبت المفاهيم واصبح التدليس سمة المأزومين نفسيا واصحاب الهوى
واصبح الكذب والتحريف هو الوسيله الوحيده التى يحاول بها هؤلاء تجميل واقعهم المخزى

 

[Bright sky]

اعتقد كان متوقع من طرف مصر وكان مفاجئ لفرنسا بس من ناحيتنا انت متعاقد على حاجه ومنتظر الاستلام
واعتقد بردو ان الى حصل ان فرنسا قدرت تتوصل لاتفاق مع امريكا لتسليم 50 صاروخ بتوع العقد الاول بس وده ممكن يكون الى موقف الصفقه التانيه

لكن على صعيد تانى حتى وان كنت عارف ان السكالب ممكن مايتسلملكش ففكره دخول 24 طياره متطوره جدا وقدرات BVR وتسليم فورى و الدفع بقروض مكانش ينفع تترفض فى الوقت ده

اما فكره الكروز انا اتمنى نمول مشروع كروز خفيف حتى بين مصر وفرنسا ويكون تقنيته معانا نقدر نطوره وندمجه على منصات تانيه براحتنا

الصحافة الايطالية نفسها تحدثت عن عرض فرنسي لمصر بتفعيل بند الرافال وسفن بحرية و تسهيلات بنكية لذلك طالبت الحكومة الايطالية بتسريع التعاقد مع مصر و الصفقات التكميلية ، يعني الموضوع مع فرنسا مش بالسؤ ده ، سبب توجه مصر لايطاليا دهً شئ راجع للادارة السياسية لمصر

 

[مارشــال]

الصحافة الايطالية نفسها تحدثت عن عرض فرنسي لمصر بتفعيل بند الرافال وسفن بحرية و تسهيلات بنكية لذلك طالبت الحكومة الايطالية بتسريع التعاقد مع مصر و الصفقات التكميلية ، يعني الموضوع مع فرنسا مش بالسؤ ده ، سبب توجه مصر لايطاليا دهً شئ راجع للادارة السياسية لمصر

كلام حلو