مشروع مترو الرياض

[القائـد في الظل]

سمعة ان سرعة المترو 80 كم في الساعه الصراحه قالبينه ترام مو من جدهم معا ان الشائعات تقول 200 كم في الساعه وهذا المفترض

عزيزي فرق بين الميترو
والقطار السريع

الدنيا ماهي عجله داخل المدن

 

[Arrogate9]

سمعة ان سرعة المترو 80 كم في الساعه الصراحه قالبينه ترام مو من جدهم معا ان الشائعات تقول 200 كم في الساعه وهذا المفترض

المترو في جميع انحاء العالم سرعته ما تتعدى اعلى 100km لذلك متوسط السرعة ما بين 80 - 100 بحكم قرب المسافات بين المحطات

عكس القطارات بين المدن تكون السرعة فيها اعلى على حسب نوع القطار طبعاً
​

 

[Medic]

المترو يحتاج وقت الى ان ينضج. افتتاح كامل المسارات، تقوية شبكات التغذية من والى المترو وهذي اهم نقطه. تطوير مسارات الحافلات. مو معقولة الطريق زحمه والباص ناشب معنا في الزحمه. لازم يكون له مسار مخصص في كل الطرق بلا استثناء. طبعا الامانة ووزارة البلديات تعرف من زمان ان فيه مترو جاي ماسوا لهم سبرايز الموضوع لا هم ولا الهيئة بس فيه غباء في الموضوع.

 

[آل قطبي الحسني]

المترو في جميع انحاء العالم سرعته ما تتعدى اعلى 100km لذلك متوسط السرعة ما بين 80 - 100 بحكم قرب المسافات بين المحطات

عكس القطارات بين المدن تكون السرعة فيها اعلى على حسب نوع القطار طبعاً
​

اعلم وما الحاجه لنا ان نقلد الغير لماذا المتر حقنا مايكون يفوق ال100 الى 200 كم
سرعة الوصول ليست مشكله الا في موضوع التفويج

بالعكس السرعه يعني وصول اسرع وترك السياره
مو معقوله اخذ مشوار ساعه وانا راكب مترو عشان اوصل المطار


على فكره ثقافة نبذ السرعات العاليه موجوده عندنا في كل قطاراتنا وبشكل متعمد خاصة في شركة سار حتى لو رقعنا للمترو الي عاملوه معاملة الترام في السرعه لقطع بين شمال الرياض وجنوبها بسرعة 80 كم فقط

اعتقد 22 مليار دولار تستاهل مترو بسرعة 200 كم في الساعه

وسرعه اساسيه للوصول السريع وانهاء الاعمال

 

[abuleith]

يوجد 19 موقف قرب المحطات لكن ما اعتقد انها كافيه ..

صحيح ليست كافيه ...تخيل احياء السليمانيه الورود العليا ليس بها موقف عام

 

[آل قطبي الحسني]

عزيزي فرق بين الميترو
والقطار السريع

الدنيا ماهي عجله داخل المدن

الترام هو ابو 80 كم بسبب وجوده بالاحياء الداخليه

لكن مترو كان الافضل اختصار وقت المطار لنص ساعه بدل ساعه كامله واعتقد مستقبلا سيراعون هذا

عاداتنا وتقاليدنا بدل ان نعمل الشيء مره واحده يتم بتدريج ونخسر فلوس خلال التدرج ونحن قادرون على عمله مره واحده لنا وللزمن معا الاسف

 

[سيمفونية الحرب]

المترو يحتاج وقت الى ان ينضج. افتتاح كامل المسارات، تقوية شبكات التغذية من والى المترو وهذي اهم نقطه. تطوير مسارات الحافلات. مو معقولة الطريق زحمه والباص ناشب معنا في الزحمه. لازم يكون له مسار مخصص في كل الطرق بلا استثناء. طبعا الامانة ووزارة البلديات تعرف من زمان ان فيه مترو جاي ماسوا لهم سبرايز الموضوع لا هم ولا الهيئة بس فيه غباء في الموضوع.

هنا تجي اهمية جودة التخطيط والتصميم الحضري الي كنت اتكلم عنه من زمان وللاسف فيه مشكلة عندنا في هالنقطة لأنه قليل من يقدر علم التخطيط الحضري وعلم التصميم الحضري عندنا
رغم ان هالموضوع تحسن كثيرا في السنوات الاخيرة
لو كانت الرياض مدينة متضامة " كومباكت " ومتمددة عمودياً وليست متمددة افقيا و عشوائيا
لكانت الفائدة من المترو خمسين ضعف الفائدة الحالية
لما تكون المحطات في مناطق ذات كثافة سكانية متوسطة او عالية
المحطة بتكون قريبة من عدد اضخم من السكان ويمشون للمحطة رجلية وما يحتاج كل احد يمشي للمحطة بالسيارة او بالتاكسي
وكذلك لازم تخلط الاستعمالات بدرجة معينة
انت الان لو تبغى تشتري شطة او كيس خبز لازم تركب سيارتك وتمشي للبقالة ثم ترجع للسيارة وتمشي للبيت
تكلفة الشطة والخبز ريالين المفروض ، بس في الواقع تكلفتها اكثر بسبب : 1- استهلاك البنزين 2- اهلاك السيارة 3- اهلاك البنية التحتية
وتكاليف خفية اخرى
طبق هالشي على ملايين حول المملكة يسوون نفسي الشي لانهم مضطرين له بسبب ضعف الكثافة السكانية و فصل و تباعد الاستعمالات
كل هالاثار عشان شي تافه بريالين كان من المفترض ان الشخص يمشي له على رجوله
هم الان يحاولون يحلون هالمشكلة بالمشاريع الجديدة مثل المسار الرياضي و حديقة الملك سلمان و المربع الجديد
بيكون فيه كثافات جيدة في حديقة الملك سلمان وهي قريبة من المحطات وكذلك في بقية المشاريع
ولو تلاحظ في كود المسار الرياضي كود المناطق القريبة من محطات الميترو مسموح بارتفاعات اعلى و باستعمالات مختلطة
وبتغيير التمدد من افقي الى عمودي راح تتحسن جودة الحياة بشكل كبير ان شاء الله

 

[Arrogate9]

اعلم وما الحاجه لنا ان نقلد الغير لماذا المتر حقنا مايكون يفوق ال100 الى 200 كم
سرعة الوصول ليست مشكله الا في موضوع التفويج

بالعكس السرعه يعني وصول اسرع وترك السياره
مو معقوله اخذ مشوار ساعه وانا راكب مترو عشان اوصل المطار

يا عزيزي يابو قطبي المترو وظيفته التنقل بين المحطات داخل المدينة وبحكم ان المسافات المحطات غالباً تكون قصيرة
( المسافة غالباً أقل من 5 دقائق بين كل محطة ومحطة )

لذلك لو فيه مترو سرعته اكثر من 100 كم كان تحصله عند العالم كلها بس مافيه​

على فكره ثقافة نبذ السرعات العاليه موجوده عندنا في كل قطاراتنا وبشكل متعمد خاصة في شركة سار حتى لو رقعنا للمترو الي عاملوه معاملة الترام في السرعه لقطع بين شمال الرياض وجنوبها بسرعة 80 كم فقط

اعتقد 22 مليار دولار تستاهل مترو بسرعة 200 كم في الساعه

وسرعه اساسيه للوصول السريع وانهاء الاعمال

السرعات تنفع فقط بين المدن زي مثلاً المشروع القادم الجسر البري ، الترام على فكرة ينفع للمدن الصغيرة او المسافات القصيرة عكس المترو ( الفرق بينهم كبيررر جداًً من جميع النواحي )

اذكر كاز قطار سار من الرياض للمجمعة كان سرعته 200km فما أدري اذا تغير الحين او لا ، والاكيد راح يجيه تطوير للسكك الشرقية مع المشروع الجسر البري

​

 

[Saud06]

لا والله المفروض سباق هذا مترو وانصرف عليه مليارات

ويقطع من الشمال الى جنوب الرياض المفترض 200 كم اشك المرور له يد بالموضوع

الترام هو اقصى سرعاته 80 كم

اتمنى نصحح الخطأ في مترو جده

بو قطبي افكارك واقتراحاتك مذهله

 

[ابو مشعل]

وش القصة يا اهل الرياض

 

[Saud06]

وش القصة يا اهل الرياض

زي الهبات اللي في الرياض، يجونك مدرعمين بيجربونه بدافع الفضول وفي ناس مسكينه تبي تتأكد من جدوى استخدام المترو وطاحوا بوحوش الهبات. كلها كم اسبوع ويرجع الوضع طبيعي ان شاء الله وبيستخدمونه الناس الطبيعية

 

[ابو مشعل]

زي الهبات اللي في الرياض، يجونك مدرعمين بيجربونه بدافع الفضول وفي ناس مسكينه تبي تتأكد من جدوى استخدام المترو وطاحوا بوحوش الهبات. كلها كم اسبوع ويرجع الوضع طبيعي ان شاء الله وبيستخدمونه الناس الطبيعية

اجل زحمة الشوارع اليوم خفت

 

[Arrogate9]

وش القصة يا اهل الرياض

 

[Saud06]

اجل زحمة الشوارع اليوم خفت

ماعندي علم بزحمة الرياض، مستأجر جنب دوامي حالياً ولا عندي علم بالزحمه اللي يشتكون منها اهل الرياض

 

[Power2030]

تطوير مسارات الحافلات. مو معقولة الطريق زحمه والباص ناشب معنا في الزحمه. لازم يكون له مسار مخصص

بالضبط ... مسار مخصص وتغيير الحافلات الى ترام

 

[Power2030]

وش القصة يا اهل الرياض

الموضوع يحتاج دراسة عاجلة ... انت تبي تستضيف Expo و كأس العالم ... الرياض وحدها 8 ملاعب

 

[رٍسِـــلآنٍ]

لا والله المفروض سباق هذا مترو وانصرف عليه مليارات

ويقطع من الشمال الى جنوب الرياض المفترض 200 كم اشك المرور له يد بالموضوع

الترام هو اقصى سرعاته 80 كم

اتمنى نصحح الخطأ في مترو جده

يابن الحلال هذا مترو داخل المدينه سرعته لازم تكون منخفضه بسبب كثره المحطات وكثره المركبات العامله بنفس الشبكه لتتوافق مع الجدوله + زياده معدل امان الركاب والنقل بشكل عام

رفع السرعات فيه خطوره من جميع النواحي وفوق هذا زياده سرعه اهلاك المترو والشبكة نفسها

 

[آل قطبي الحسني]

بو قطبي افكارك واقتراحاتك مذهله

الكل يبحث عن السرعه لسنا وحدنا

 

[ألب أرسلان]

زي الهبات اللي في الرياض، يجونك مدرعمين بيجربونه بدافع الفضول وفي ناس مسكينه تبي تتأكد من جدوى استخدام المترو وطاحوا بوحوش الهبات. كلها كم اسبوع ويرجع الوضع طبيعي ان شاء الله وبيستخدمونه الناس الطبيعية

لاتلوم الناس فرحانين وتجربة فريدة

وابو جدوى لاحق على جدواه وبالعكس بتكون افضل وقت الذروة

 

[Arrogate9]

صورة جميلة لمحطة فضائية من المستقبل أستقرت بالرياض

​