هل ستتوتر الاوضاع بين مصر واثيوبيا ؟

[النبوت 1]

سد النهضه متوقف البناء فيه حاليا
انسحاب الشركات المموله للمشروع بعد الضغط المصري علي ايطاليا والصين
نسبه بناء السد لا تتعدي 62% حتي الان
هناك مشاكل تكنولوجيه وفنيه في تركيب توربينات الكهرباء السفلي
فتحه السد اصغر من حجم التوربينات ودا المستوي الاول
لم يتم حجز اي مياه حتي الان في بحيره السد لان العمل به متوقف
وعود ابيي احمد بتشغيل السد في 2020 لا يوجد ما يوحي بصحتها
تغير الوضع في السودان في صالح الطرف المصري واضعاف الطرف الاثيوبي
المشاكل الداخليه في اثيوبيا هي نقطه الضعف التي لم يتم استغلالها حتي الان
النيــــــــــــــــــــــــــــــــــــــــــــــــــــــــل = الحياه لمصر ​

 

[Angmar]

لن يحدث حرب ولا يحزنون
اعتقد ان النظام المصري في افضل حالاته مع الكيان الصهيوني وانه سيوصل مياه النيل لهم عبر سحارات سرابيوم للضغط على إثيوبيا لتنفيذ المقترح المصري في إدارة السد ولوم الشعب على ذلك لأنهم قامو بثورة

 

[Egyptian Stud]

لن يحدث حرب ولا يحزنون
اعتقد ان النظام المصري في افضل حالاته مع الكيان الصهيوني وانه سيوصل مياه النيل لهم عبر سحارات سرابيوم للضغط على إثيوبيا لتنفيذ المقترح المصري في إدارة السد ولوم الشعب على ذلك لأنهم قامو بثورة

شُفِيتُمْ

 

[Angmar]

شُفِيتُمْ

عفيتم

 

[Statham]

@Egyptian Stud

غير صحيح، لأن انتاج مصر من الغاز وحتى مخزونها وتصديرها لا يدخل من ضمن العشرة الكبار بالغاز


وأوروبا اعتمادها بالدرجة الأولى على الغاز
الروسي والإسترالي والقطري والجزائري والنيجيري والكندي والنرويجي

ومصر بالمركز الـ 16 من حيث الاحتياطي للغاز،
والـ 15 من حيث مستوى الإنتاج

لذلك على أرض الواقع ماتحدثت عنه غير صحيح وغير مجدي كلياً ..​

 

[fo-235]

في يوليو اللي فات في خبر صغير ظهر في موقع "ديبكا" العسكري الإسرائيلي.. عن "توتر شديد بين القاهرة وتل أبيب بعد نشر بطاريات صواريخ (سبايدر SPYDER-MR) الإسرائيلية حول موقع سد النهضة".
صواريخ "سبايدر" - اللي في الصورة دي - صواريخ دفاع جوي، أرض- جو قصيرة ومتوسطة المدى، سريعة الاستجابة، بتتقدم وتغير موقعها وبتصف أثناء حركتها وبتتأقلم مع التضاريس المباغتة لو بتضرب وهي متحركة.. تقدر تتعامل وتتصدى للمقاتلات الهجومية، المروحيات، الطائرات بدون طيار، والصواريخ الموجهة.. في مدى غير مرئي بالعين المجردة.. وبيغطي 360 درجة.
الهند اشترت الصواريخ دي من إسرائيل.. واشترت من نفس الشركة صواريخ شبيهة "جو- جو" محمولة جوا بتركب على الطائرات. لو تفتكر في مارس اللي فات حصل توتر بين الهند وباكستان، كانت الغلبة فيه للباكستانيين.. واسقطوا مقاتلة هندية.. وأسروا طيارها.. النهاردة الهند بعد صفقة الصواريخ الإسرائيلية وبطاريات الدفاع الجوي دي.. بتشم نفسها.. وبتعلن إنها حتسيطر على إقليم كشمير بالكامل.. وباكستان بتحاول تطلف الجو.
تركيب "سبايدر" حول موقع سد النهضة بدأ في مايو اللي فات.. واستغرق شهرين ونصف.. يعني خلص في منتصف أغسطس الماضي.. إمبارح ظهر خبر، إن الإثيوبيين "رفضوا دون نقاش".. مفاوضات حصة مصر من ماء النيل.. الخبر مرفق في صورة مع البوست.. أعمل عنه بحث.
إثيوبيا غيرت كلامها.. وقررت فجأة إنها مش مستعدة تحافظ على حصة مصر المائية.. حتبني السد وتسيب دول المصب تتحرق.. مستقوية طبعًا بنظلم الدفاع الإسرائيلي خاصة، وبالإسرائيليين عامة.
من فترة كنت كتبت.. إن الدولة بتستعد لحرب.. محدش بيشتري "حاملة طائرات" عشان يحارب إرهابيين مستخبية في الجبل.. دي دولة بتستعد لحرب حقيقية شاملة.. بتوسع طرق وتفتح سكك للإمداد وتحرك الدبابات والمشاة الميكانيكية وناقلات الجنود.. بتعمل مطارات بديلة.. بتعمل قواعد عسكرية جديدة.. وبتحرص على إن يكون عندها فائض طاقة.
بتزود شغل الجيش المتعلق بالأمن الغذائي.. القوات المسلحة وقت الحرب لو مابتزرعش وتنتج وتربي فراخ وسمك وتزرع خضار.. بتبقى عبء رهيب على الدولة.. لأنها بتستهلك كتير جدًا.. وأنت ساعتها مبتلاقيش السلع في المحلات.. وقت السلم هو بيطرحلك المنتجات دي للبيع للجمهور بسعر مخفض.. وبيسلح نفسه بثمنها ويبني قواعد.. وقت الحرب حيحتاج معظمها.
ففكرة إنك تحافظ على الأمن الغذائي والقوات دي تأكّل نفسها.. ضرورية وحيوية وأمن قومي من الدرجة الأولى.. أهالينا اللي عاصروا 1967 و 1973.. حيقولك إن "معلقة السكر" مكانتش موجودة.. وكانت كوباية الشاي المحلاة بالسكر كنز.. لما تأمن الجانب دا.. يعني إنك مستعد في أي لحظة لحرب.. ولا عزاء لأي حمار دافن خطمه في العليق.. وبيسخر من القصة دي.. إذهب إلى حيث ألقت.. وخليك في جهلك وتفاهتك وهبلك.. أقول لك؟ خليك مع المقاول بتاع المواخير.. يتصور لك وهو بيرقص في البار.. وأنت تفتح بقك في بلاهة وتقفل مخك.. وتقعد تطبل له.
خبر "رفضوا بدون نقاش" دا ظهر إمبارح للصحف.. بس هو فعليًا.. تاريخه مكانش إمبارح.. دا حصل في جولة المفاوضات نفسها.. اللي اتقفلت قبل مؤتمر الشباب الأخير بفترة.. عشان كده الرئيس اتكلم عن موضوع المياه والسد فجأة في المؤتمر.
نتيجة المفاوضات لو بحثت عنها بنفسك.. ودققت في التواريخ.. تلاقيها اتعرفت في الكواليس بالضبط مع ظهور "المقاول" بطل البارات وعلب الليل والمواخير الإسبانية.. في نفس التوقيت بالضبط يا مؤمن.. وقبل ما وزارة الخارجية المصرية توزع مذكرة على الأعضاء الدبلوماسيين بمحتوى المفاوضات ونتيجتها الأسبوع اللي فات.. وقبل ما تسلمها للصحف امبارح.
مع انتشار فيديوهات "زبون المواخير" الشهير.. الحقيقة مافهمتش إيه الغرض.. إيه الغرض من عمل شقاق بين الجيش والشعب دلوقتي؟ وليه دلوقتي؟
وإيه الفكرة إن كل النشطاء الكسر يظهروا فجأة.. يضيعوا وقتنا في فيديوهات مالهاش معنى.. ويحاولوا يأثروا على الشباب ويدفعوهم لثورة؟
وبعدين يتطور الأول من مقاول - المفروض - بيحارب الفساد اللي اشتغل معاه 15 سنة.. كأنه بقى شريف فجأة.. إلى بروفايلات مزيفة لضباط وجنود جيش.. بتدعو للانشقاق والإنفصال والخروج على القوات المسلحة.
معلش هو دا ايه علاقته بالمقاولات؟
وبعدين يتطور الأمر لأن المقاول زبون المواخير.. بقى بيدعو لإسقاط النظام بالكامل.. وبيدعو لتفكيك الجيش.. وأهل سيناء يحموا سيناء وأهل الصعيد يحموا الجنوب. دا فجأة كده الخطة دي ظهرت؟ يعني وضعت الإستراتيجية السياسية العظيمة دي وأنت في البار بالليل بعد شوب بيرة؟
وفجأة يتلقفه الإخوان وقنواتهم من تركيا في حماس شديد.. ويدافعوا عنه وبنشروا كلامه.. ويرموا لنا طعم - بلعته أنا نفسي - أنهم مجموعة أغبياء بلهاء.. بيفكروا يقتلوا "حد منهم" ويحولوه لـ"خاشقجي".. أو بيفكروا بغباء وبيسعوا لثورة "الجمعة الجاية"...
لا. أنا اللي كنت غبي ومافهمتش.. بس عزائي إن مذكرة مفاوضات السد.. مكانتش أتوزعت على وكالات الأنباء.. فمكنتش شايف الصورة الكاملة.. كل اللي قريته قبلها "تعثر المفاوضات" ودا خبر عادي قريناه ميت مرة.
مفيش ثورات الجمعة الجاية يا جماعة.. بس في بذرة شك رماها جواك.. وخلا الداعم لبلده يبدأ يتذمر ومايعجبوش.. عشان مش فاهم.. ولكم حواليه الشباب الصغير.. بتاع ثانوي وجامعة.. بفيديوهات مثيرة ممتعة.. عشان برضه مش فاهمين.. وعشان مفيش إعلام محترم يلمهم ويجمعهم.. في حرب قوامها الأول "الإعلام". اللي وقع العراق كان الإعلام بالمناسبة.. بنفس التقارير المزيفة اللي بينشروهالك.. اتضرب مطار بغداد.. فيجري "الصحاف" يروح يتصور فيه ويشتمهم.. ضربنا القصر الرئاسي.. فيجري "الصحاف" يشتمهم من قدامه.. لكن للأسف العراقيين مع الوقت اتهزموا ووقعوا في الفخ.. لأن برضه إعلامهم كان ضعيف.. والصحاف مهما كان "رجل واحد".. وفي النهاية.. سقطت بغداد.
الكلمات اللي بتستوقفني دايمًا لما ينطقها السيسي بتبقى كلمات زي "أنا مش عايز أقول".. "مش حينفع نقول".. مش حينفع أقولك أنا فعليًا بابني عاصمة ليه.. وباوسع طرق للمشاة الميكانيكي ليه.. ومش حينفع أقولك بابني قصور ليه.
إحنا فعليًا بنستعد لحرب شاملة.. لازم يكون لك فيها عاصمة أخرى.. تسير الأعمال.. لو اتعرضت العاصمة الأصلية لأي خطر أو حصار "قريبًا".. لازم يكون لك كذا مقر للحكم.. لأن لو مقرك الأول اتعرض لخطر مش حتروح تدير البلد من على القهوة في وسط البلد.. لازم في مرحلة انتقالية ما يبقى عندك "وزارتين دفاع".. يقدر طاقم الوزارة يتحرك بينهم.. لازم يكون في مناطق عسكرية جديدة.. زي "محمد نجيب".. تغطي مسافة ممكن تتعرض للخطر بين المنطقة العسكرية الشمالية والمنطقة الغربية.. لازم يبقى عندي أكل يكفي قواتي اللي بتحارب.. من غير ما أضغط على السوق العادي وأسحب منه سلع.
فكر لثواني معلش.. حد بيشتري "غواصات دولفين" ويعمل كورفيتات شبحية.. ويشتري صواريخ ومقاتلات هجومية وقاذفات ويبني أسطول بحري جنوبي.. عشان إرهابي مستخبي في الجبل؟ عشان حقول الغاز؟ الأسطول الشمالي كان كفيل بها.
هو دلوقتي وأنت واقف على رجلك مايقدرش يدخل معاك في مواجهة مباشرة.. بس يقدر يحاول يعطلك المشاريع دي.. يوقف عملية البناء اللي بتعملها عشان تحمي نفسك.. يقدر يعطشك ويمنع عنك المياة ويموتلك المحاصيل.. بس عشان يعمل دا.. لازم يفكك من جواك.
مش حيقدر يكمل الخطة دي إلا لو دخلك في فوضى جديدة.
لازم يثيرك.. ويحولك إلى متذمر مش عاجبه حاجة.. يوقعك في الجيش.. يحاول يقلب جنود الجيش على قياداتهم.. وساعتها يقفل حنفية المية.. فتدوّر أنت في غضب.. للجيش الفاشل اللي ماعرفش يحميك ويوفرلك مياه.. هو الحقيقة حيكون ساعتها ماعرفش يحميك لأنك فككته واشتبكت معاه في صراعات مالهاش ملامح طول الوقت.. وأحبطت رجاله.. وحسسيتهم بالخذلان.. فتنحسم الحرب في صدورهم وينهزموا.. من قبل ما تبدأ.. الحروب بتنحسم في صدور الرجال.. قبل ما تنحسم في أي ميدان قتال.
حتموت عطشًا.. حتاكل تراب.. وفي الآخر تسيب الأرض والقناة ولآثار وطرق التجارة والمتوسط والأحمر فاضية.. ييجوا يحتلوها.. وافتح يابني الحنفية.. وترجع مصر تخضر.. بس مش حتبقى أنت موجود ولا حتبقى مصر بتاعتك.. لو موجود حتبقى أجير بلقمتك عند العثمانلي أو آية الله أو القطري أو الإسرائيلي.. يضربك بالكرباج ويستبيح نساءك.. لو كان لسه عندك نساء.
"الحصار البابلي على صور" قعد 13 سنة.. نبوخذ نصر نفذ نفس التقنيات دي فيه ضد اليهود بالحرف.. فأكلوا الحشرات.. وشربوا المياه من جذوع الصبار.. وشربوا دماء وأبوال الحيوانات وأكلوا الجيف وبعدين أكلوا موتاهم وبعدين أكلوا لحوم بعضهم البعض.. وماتوا واللي نجا.. اتضرب بالجزمة واتطرد وهرب واتشتت وعاش كمتسول في كل أرض شوية.
الحرب دي مش حتبقى بسيطة ولا سهلة لو لقوا الفرصة لها.. حترهق الخزانة لدرجة مروعة.. حيدفع تمنها 100 مليون مصري.. بما فيهم الأهبل اللي بيروج للمقاول زبون المواخير.. وبما فيهم المعتوه المأجور اللي حيسخر من الكلام دا. الممتع إن كل الضالعين في الخطة دي من نشطاء قاعدين برا في أمان.. في ميه ومنطقة سلام وأكل متوفر.. "غنيم" في أمريكا.. و"محمد علي" في إسبانيا.. وشلة تركيا و"معتز مطر" في أسطنبول.. وبيستعملوك كسلاح تقتل نفسك.. وبيتفرجوا عليك ويضحكوا.
دلوقتي أن عندك دولة بتتحداك علنًا أنها تحرمك من مياه الشرب.. وفي نفس اللحظة خرج مقاول مدمن.. مع نشطاء وإعلاميين هاربين.. يهيجوك على الجيش؟ هي دي صدفة؟ في نفس اللحظة؟ لو دي صدفة يبقى أنت ممكن تمثل بدل "توم كروز" في الفيلم الجاي بالصدفة.
في نفس اللحظة يظهر لك المقاول مع شلة شبهه من أرباب المواخير وعلب الليل.. يدعوك للثورة ويقلبوك على الجيش.. الجزيرة وقنوات تركيا حتثيرك بأن "القصور الرئاسية مش مهمة".. طيب ليه سكتوا لما "أردوغان" بني قصر جديد في أسطنبول بلع ميزانية تركيا.. وفقا للتقارير المالية التركية نفسها؟ أنتوا مش إعلام شريف محايد وكده؟
ليه سكتوا لما بدأ يجدد قصره الصيفي في يوليو اللي فات وبنى حوله ثلاث شواطيء صناعية.. بتكلفة هائلة.. مع إن أسطنبول لوحدها فيها 12 قصر.. ومع إن الليرة في أزمة وتصنيف تركيا الإثتماني بينخفض كل يوم؟
الشباب اللي بيدعم تركيا ومتصور إنها لو انتصرت على مصر.. حياخدوه هناك ويقعدوه في فندق خمس نجوم ويجيبوا له الفطار في السرير.. حبيبي أنت بالنسبة لهم مجرد حشرة حقير خاين.. بعت وطنك عشان طعام بطنك.. يوم ما يكرمك حيرميك في خيمة وسط الصحرا الشمس تحرقك وتغرقك السيول.. أديك شايف اللي اترمى في حضنهم من جنسيات تانية.. عاملهم كلاجئين والنهاردة بيضربهم بالنار ويرميهم برا ويقولك "مش عايزهم".. فوق لنفسك وأعرف إنك حتتداس بالأحذية التركية.
الخطة دي في جوانب كتير منها أنا ماعرفهاش لازلت.. لأني معنديش الصورة الكاملة.. بس دي الخيوط اللي اتجمعت.. إثيوبيا بتحبك ورئيس وزرائها بيدعم حصتك المائية.. وبتكلمك بشكل ودي ورئيسك بيتكلم عنهم بشكل ودي.. إسرائيل بتحميها بمنظومة صواريخ متطورة..بتقل إثيوبيا وجهها وتكشف لك وجه قبيح وبتقول لك "روح إشرب من البحر".. ورئيسك بيتكلم عنها بعنف خارج الدبلوماسية "مكانوش يجرؤوا يبنوا سدود قبل 2011".. وبعدين يكلمك فجأة عن مياه العراق.. بعد ما تركيا بنت سدودها بالقوة.. لما العراق فقدت قوتها مع "ثورتها المجيدة".. ضد "صدام حسين".
الصواريخ والطائرات الغير مأهولة اللي من اليمن بتوصل للسعودية.. دي طبعًا مش "صنع في اليمن".. ومعملهاش جماعة "الحوثي" اللي مبيستحموش ونايمين والقات في بقهم.. ومش هم اللي بيشغلوها أصلا.. والقذائف دي مش عشان السعودية فقط.. دي في معظمها تجارب.. زي ما "ترومان" ضرب هيروشيما عشان يجرب القنبلة الذرية الأولى.. الصاروخ اللي من اليمن يطول الرياض.. يعني أنه من اليمن يطول السد العالي!
أفتح بقى "خرائط جوجل" اللي قارفنا بيها بقالك يومين بتصور منها مواقع الفيلل في "المعمورة".. وخليه يحسبلك المسافة.. يعني يوم ما تخرب القوات المسلحة.. والطريق يتفتح.. ويعلن الحرب عليك ويقرر يعطشك.. مش حيبقى لك حتى مخزون بحيرة ناصر.. اللي ممكن يكفيك "شوية".. تقدر تشوف قيهم حتعمل ايه.
يا ترى شفت الصورة الكاملة على بعضها؟
آخرها إيه وحلها إيه.. أنا ماعرفش.. بس الي عليك تعمله وتشغل مخك وتبطل بلادة وغباء وتنظير تافه.. وكل ما حد يرمي لك كلمة ضد الجيش تجري وراه.. وتهدم الدرع اللي بيحميك. . الموضوع جد خطير لدرجة مخيفة.
سيبك من التنظير الفارغ.. وأصل "حقي انتقد الجيش" و"اصل لازم الرئيس يشرحلي".. صدقني أنت بتسخر من سوريا والعراق واللي حصل لهم.. السيناريو اللي مستنيك حيخلي "سوريا والعراق" جنة بالنسبة لك.. حيبقوا سويسرا مقارنة بيك.. دا يمكن تبقى لاجيء عندهم.. يعطفوا عليك بكسرة خبز يكسوها العفن.. بالكاد تبقيك على قيد الحياة.. أو يقابلك جندي من داعش.. ويقايضك بابنك أو بنتك مقابل علبة دواء لأمك المريضة.. فكر في المشهد دا.. وافتكر "الحصار البابلي".
المواجهة جاية جاية.. بس عشان تيجي لازم تتحقق عدة شروط.. منها إنها تدخل في "فوضى".. "تفقد" القوات المسلحة.. أو تفككها.. أو تقلبها على الشعب وتقلب الشعب عليها.. أو حتى "تنهكها".. لأن القوات المسلحة عقبة هائلة في سبيل تنفيذ الخطة دي.. في وجودهم مش حيسمحوا إثيوبيا تموتك من العطش.. حتى لو حمتها بطاريات صواريخ الكوكب كله.. حيروحوا يموتوا في إثيوبيا هناك.
مرة تانية بقول لك.. اختار معسكرك.. أنت مع مين؟ أنت تقدر تمنع المواجهة دي لو فكرت بذكاء ووقفت بصلابة.. بس تقدر تعجل بيها كمان إذا حبيت وتكتب للأرض دي مشهد مروع.

alaa hamouda

مقاول مدمن مين وزفت مين؟؟؟.... وعاصمة ايه اللي بدل العاصمة الاصلية.... انت بدل ما عمال تبرر الصرف الغير منطقي في حاجات مالهاش اهمية زي القصور بحجة اننا لما نتقهقر نلاقي (هما اللي يلاقو) حاجة يتقهقروا ليها، يصرف عالسلاح و التدريب والمنتدى مليان تحليلات ومتطلبات..... تركيا اللي قارفة الكل راحت جابت الاس ٤٠٠ واتصوروا جنب السو ٥٧ واحنا بالعافية بنتكلم ومش متأكدين هل السو ٣٥ هتيجي ولا لأ.... المحترمين اللي هنا بيقترحوا قطع بحرية ذات تسليح ثقيل من روسيا ... الهواريزون او الفريدا بجوار الفريم... فريم أخرى.... سرب كمان من الرافال...

الناس كانت بتقطع من لحمها الحي وتدي القوات المسلحة يشتروا سلاح في الماضب.... بيتبرعوا بالملايين للمستشفيات الخيرية دلوقتي .... شوف بقة اختيارهم، هل يدفعوا لقصور رئاسية؟ ولا يدفعوا يجيبوا احسن سلاح؟ ....

الكلب المقاول دا لم اللي حواليه بسرعة البرق عشان حاجة مهمة... هو او اللي ممشيه فاهم الشارع بيفكر في ايه... الله يبارك لك بطل ام الاستفزاز دا عشان احنا في منتدى عسكري محترم ومش ناقصة. روح المنتدى بتاع الطبلة اكتب فيه اللي هواك فيه...

 

[Maphric]

مقاول مدمن مين وزفت مين؟؟؟.... وعاصمة ايه اللي بدل العاصمة الاصلية.... انت بدل ما عمال تبرر الصرف الغير منطقي في حاجات مالهاش اهمية زي القصور بحجة اننا لما نتقهقر نلاقي (هما اللي يلاقو) حاجة يتقهقروا ليها، يصرف عالسلاح و التدريب والمنتدى مليان تحليلات ومتطلبات..... تركيا اللي قارفة الكل راحت جابت الاس ٤٠٠ واتصوروا جنب السو ٥٧ واحنا بالعافية بنتكلم ومش متأكدين هل السو ٣٥ هتيجي ولا لأ.... المحترمين اللي هنا بيقترحوا قطع بحرية ذات تسليح ثقيل من روسيا ... الهواريزون او الفريدا بجوار الفريم... فريم أخرى.... سرب كمان من الرافال...

الناس كانت بتقطع من لحمها الحي وتدي القوات المسلحة يشتروا سلاح في الماضب.... بيتبرعوا بالملايين للمستشفيات الخيرية دلوقتي .... شوف بقة اختيارهم، هل يدفعوا لقصور رئاسية؟ ولا يدفعوا يجيبوا احسن سلاح؟ ....

الكلب المقاول دا لم اللي حواليه بسرعة البرق عشان حاجة مهمة... هو او اللي ممشيه فاهم الشارع بيفكر في ايه... الله يبارك لك بطل ام الاستفزاز دا عشان احنا في منتدى عسكري محترم ومش ناقصة. روح المنتدى بتاع الطبلة اكتب فيه اللي هواك فيه...

ربنا يهديك

 

[فارس الظلام]

تحت أي مستند قانوني ؟

الحرب حق سيادي للدول. اول مره اسمع ان الحرب تحتاج لإذن دولي او قرار من محكمة العدل الدولية. الحرب وسيلة مقبولة في العلاقات بين الدول

 

[Maphric]

لو امتلئت السدود بالماء ستكون من المستحيل توجيه ضربة عسكرية
بل من الممكن ان تهرول مصر والسودان لحماية السد بسبب حجم الدمار الذي سيلحقه لو انهار السد وهو ممتلئ

غير صحيح السد لن يترك حتى الإمتلاء الشركة المنفذه نفسها قالت إن لا يوجد قدره للسد على تحمل سعة تخزين 74 مليار وإن التصميمات كانت لسعه تحمل أقل من ذلك والاثيوبين هم ما غيروا سعة التخزين بعد انتهاء التصميمات السد غير قابل للحياه أقصى قدره للسد هيا 14 مليار وهذا هو الواقع
عموما مصر تستطيع تحمل فيضان عالى فى حاله انهيار سد النهضه يوجد مفيض توشكى وهو مصمم من أجل ذلك لتصريف المياه وعدم الضغط على السد العالي المشكلة فى السودان ولكن فى حاله عدم امتلاء سد النهضه حتى السعه القصوى وهذا الذى سوف يحدث الخطر قائم فى كلتا الحالات لكن قطع مصدر المياه الوحيد عن مصر لن يقبل ولن يمر قالها السادات من قبل فليذهب الجيش المصري ليموت فى الحبشه ولا يموت الشعب المصرى

 

[alhout]

موضوع النيل وحصه مصر منه قضيه قديمه للاسف اثارها الغرب . اتذكر انى شاهدت فيلم وثائقى امريكى فى التسعينات يتحدث ان حروب القرن الواحد و العشرين هى حروب المياه والصراع على حصص الانهار وركز تركيز شديد على نهر النيل وان مصر تستولى على الحصه الاكبر من النهر وان الاثيوبيين غير مستفيدين منه وان عليهم استخدام النهر فى التنميه الزراعيه وبناء سدود لتوليد الكهرباء . اذا الموضوع اكبر من الاثيوبيين ورغم احقادهم المعروفه تاريخيا على مصر ولكن تم تسخير تلك الاحقاد مع رغبه فى التنميه من قوى اقليميه ودوليه معروفه للاضرار بحصه مصر من النيل . اما ان الحديث ان ثوره يناير كانت السبب فى بناء سد النهضه فهذا غير صحيح فقديما حاولت اثيوبيا بناء السد فهدد السادات بالحرب قائلا نموت فى اثيوبيا بدلا ان نموت من العطش فى مصر ..اما المحاولا ت الحديثه فبدأت من عام 2000 بدعم اسرائيلى ومنظمات امريكيه وحاولت اثيوبيا الاحتماء بدول حوض النيل فقامت بتاسيس منتدى لدول المنبع تمخض عن اتفاقيه عنتيبى مع غياب مصرى تام عن تلك التحركات التحريضيه على مصر .
اذا القضيه ليست جديده والمفروض ان لدى اجهزه الدوله المختلفه اكثر من خطه للتحرك . اذا لم تكن تلك الخطط موجوده فعليه العوض . لقد نجح اعداء مصر فيما سعوا اليه حيث ان
السد بالنسبه لمصر lose - lose situation لو تدخلت مصر عسكريا تخسر ويتم توريط جيشها بحرب سيتم دعم الاثيوبيين من اعدائها وهم كثر غير الخسائر الاقتصاديه.
اذا قبلت الامر الواقع سوف تخسر القدره على توليد الكهرباء من السد العالى والكثير من الاراضى الزراعيه ومايرتبط بهذا من اضطرابات اجتماعيه وسياسيه حيث سوف يتهم النظام بعدم القدره على حمايه حصه مصر من المياه .

 

[TUT]

لن يحدث حرب ولا يحزنون
اعتقد ان النظام المصري في افضل حالاته مع الكيان الصهيوني وانه سيوصل مياه النيل لهم عبر سحارات سرابيوم للضغط على إثيوبيا لتنفيذ المقترح المصري في إدارة السد ولوم الشعب على ذلك لأنهم قامو بثورة

ربنا يشفيك
ده انت حققت الرقم القياسي فى الهبد

 

[POPOS]

السد بالنسبه لمصر lose - lose situation لو تدخلت مصر عسكريا تخسر ويتم توريط جيشها بحرب سيتم دعم الاثيوبيين من اعدائها وهم كثر غير الخسائر الاقتصاديه.
اذا قبلت الامر الواقع سوف تخسر القدره على توليد الكهرباء من السد العالى والكثير من الاراضى الزراعيه ومايرتبط بهذا من اضطرابات اجتماعيه وسياسيه حيث سوف يتهم النظام بعدم القدره على حمايه حصه مصر من المياه .
[/QUOTE]

اي حرب قد تحدث ستكون خاطفة لتدمير السد و شكرا اي لا مجال للاستنزاف ونظرا لبعد المسافة . اي المصطلح الافضل هو عملية ضرب السد وليس حتي لفظ حرب
و الفكرة فعلا في معدل الملا فالمياه ستفيض في كل الحالات فهو ليس للتخزين من الاساس و لن تتوقف امدادات المياه لمصر وبالتالي لن يتوقف السد العالي عن انتاج الكهرباء ولن يحدث اي شئ في مصر لا تقلق
المشكلة هنا ضربة مضادة للسد العالي في مصر لو حدثت من الاثيوبيين فما اعرفه انهم يمتلكون السوخوي ٢٧ ىكن لا اعلم الاعداد صراحة او تجهيزاتها لكن اذا امكنها ذلك مع الاستعانة بمدي صواريخ محترم ستكون معضلة مثيرة للاهتمام

 

[TUT]

مقاول مدمن مين وزفت مين؟؟؟.... وعاصمة ايه اللي بدل العاصمة الاصلية.... انت بدل ما عمال تبرر الصرف الغير منطقي في حاجات مالهاش اهمية زي القصور بحجة اننا لما نتقهقر نلاقي (هما اللي يلاقو) حاجة يتقهقروا ليها، يصرف عالسلاح و التدريب والمنتدى مليان تحليلات ومتطلبات..... تركيا اللي قارفة الكل راحت جابت الاس ٤٠٠ واتصوروا جنب السو ٥٧ واحنا بالعافية بنتكلم ومش متأكدين هل السو ٣٥ هتيجي ولا لأ.... المحترمين اللي هنا بيقترحوا قطع بحرية ذات تسليح ثقيل من روسيا ... الهواريزون او الفريدا بجوار الفريم... فريم أخرى.... سرب كمان من الرافال...

الناس كانت بتقطع من لحمها الحي وتدي القوات المسلحة يشتروا سلاح في الماضب.... بيتبرعوا بالملايين للمستشفيات الخيرية دلوقتي .... شوف بقة اختيارهم، هل يدفعوا لقصور رئاسية؟ ولا يدفعوا يجيبوا احسن سلاح؟ ....

الكلب المقاول دا لم اللي حواليه بسرعة البرق عشان حاجة مهمة... هو او اللي ممشيه فاهم الشارع بيفكر في ايه... الله يبارك لك بطل ام الاستفزاز دا عشان احنا في منتدى عسكري محترم ومش ناقصة. روح المنتدى بتاع الطبلة اكتب فيه اللي هواك فيه...

يعنى هو التصوير جنب الطيارات بقى إنجاز دلوقتي
عزيزى التطوير فى التسليح والتدريب والمنشأت والمطارات العسكريه والقواعد الذى تم فى خلال الخمس سنوات الماضيه لم بسبق له مثيل
واحنا مش هنصرف على التسليح بس يعنى فى حاجه اسمها توازن

 

[Egyptian Stud]

مهزلة أن تتفاوض و تصمت عن دولة تقطع الماء عنك

الماء من الامن القومي

 

[ضمير حى]

@Egyptian Stud

غير صحيح، لأن انتاج مصر من الغاز وحتى مخزونها وتصديرها لا يدخل من ضمن العشرة الكبار بالغاز


وأوروبا اعتمادها بالدرجة الأولى على الغاز
الروسي والإسترالي والقطري والجزائري والنيجيري والكندي والنرويجي

ومصر بالمركز الـ 16 من حيث الاحتياطي للغاز،
والـ 15 من حيث مستوى الإنتاج

لذلك على أرض الواقع ماتحدثت عنه غير صحيح وغير مجدي كلياً ..​

مؤقتا يا حبيبى
القادم لن تتخيله

 

[فارس الظلام]

مصر تصرفت بدبلوماسية كبيرة وحاولت احتواء الموضوع بل قبلت من حيث المبدأ وجود السد ما المطلوب منها اكثر من ذلك لبيان حسن نيتها الباقي ان تستجيب إثيوبيا للمقترح المصري الذي ينظم آلية ملئ السد. ان تعطش مصر ليس خطر على مصر وحدها بل على الجميع هل يتوقع احد ان يموت المصريين عطشا وهو صامتون هذي غريزة بقاء

 

[fo-235]

يعنى هو التصوير جنب الطيارات بقى إنجاز دلوقتي
عزيزى التطوير فى التسليح والتدريب والمنشأت والمطارات العسكريه والقواعد الذى تم فى خلال الخمس سنوات الماضيه لم بسبق له مثيل
واحنا مش هنصرف على التسليح بس يعنى فى حاجه اسمها توازن

ولسة محتاجين تطوير كمان.... الكل عارف كده في المنتدى هنا...

وانا لما اعمل توازن اروح ابني قصور واستراحات؟؟ ولا اعمل المزيد مما يخدم التعليم والصحة والاقتصاد؟؟

اللي يضايق ان فيه ناس متقبلة ان هنعمل وزارتين دفاع وعاصمتين ..... وبالعة الكلام عادي... الاستحمار مقبول في الفيس بوك مش مكان زي دا

 

[TUT]

ولسة محتاجين تطوير كمان.... الكل عارف كده في المنتدى هنا...

وانا لما اعمل توازن اروح ابني قصور واستراحات؟؟ ولا اعمل المزيد مما يخدم التعليم والصحة والاقتصاد؟؟

اللي يضايق ان فيه ناس متقبلة ان هنعمل وزارتين دفاع وعاصمتين ..... وبالعة الكلام عادي... الاستحمار مقبول في الفيس بوك مش مكان زي دا

انا بكلمك باحترام
لأكن انت شكلك مش محترم اساسا
ايه هو الاستحمار ياحبيبى
الاستحمار الحقيقى هو كلامك ده الى واخده من جحش وجاى ترددو هنا
هو انت عزيزنا نوقف حياتنا على مواضيع التسليح فقط والا ايه
احنا الى عندنا يكفى وزيادة وبعدين هو مش سوق خضار هعبى وتجيب منه
النواقص معروفه وبيتم التعامل معاها وفقا لاحتياجاتنا وقدراتنا الماليه
وما حصل خلال الفتره الماضيه فى كل شىء عسكرى هو امر غير مسبوق
وعلشان اعرفك انك بتقول اى كلام بس
هى اولا عاصمه واحده ووزارة دفاع واحده
ومش وزارة دفاع دى اسمها كيان عسكرى متكامل للسيطرة والتوجيه لكل افرع القوات المسلحه المسألة الأهم من تكديس السلاح هو قدرتك على السيطرة ونقل المعلومات بين قواتك بسلاسة وده كنا مفتقدينه لحد التعاقد على القمر العسكري الفرنسي
فهى اكبر بكثير من مكاتب اداريه لوزارة دفاع هى اهم بكثير جدا من اى قاعده او سلاح
اما القصور الى انت عمال تعيد وتزيد فيها
يعنى احنا بنينا ٣٧ وزاره ومجلس نواب ده حتى هيئة الرقابه الإدارية وكل مؤسسات الدوله ليهم مؤسسات ومبانى هناك فمتوقع ايه يعنى تقعد الدوله فى مكان والرئيس فى مكان
ده اولا ثانيا بخصوص الصحه والتعليم والاقتصاد أبقى اطلع الاول قبل ان تتكلم
فعلا نحن فى زمن الرويبضه

 

[المنتصر]

1- قناة السويس
مصر دولة ذات موقع مميز تسيطر على قناة السويس لا توجد دولة في العالم خاصة الدول التي تمر تجارتها عبر مصر تؤيد أن تصبح عدوا لمصر فالبديل مرتفع التكلفة ويؤثر سلبا على اقتصاد تلك الدول كمثال دول اسيا والهند وباكستان
الناحية الاستراتيجية العسكرية لقناة السويس ايضا مهمة للغرب والشرق معا وهذا دائما يتطلب من مصر تحقيق توازن في علاقتها مع الطرفان وعدم الميل لطرف على حساب أخر إلا في حالة العداء
أمريكا تمنح مصر مليار و300 مليون دولار مساعدات عسكرية سنوية ليست من أجل سواد عيون مصر ولكن لان لامريكا مصالح مع مصر يجب ضمانها
بالنسبة لاثيوبيا فإن منع مصر للطيران الاثيوبي وللبضائع الاثيوبية من المرور عبر قناة السويس او الاجواء المصرية للاسواق الاوروبية هى ضربة موجعة لاثيوبيا
2- دور أفريقي متنامي
مصر اصبح لها علاقات تجارية واقتصادية واستراتيجية متنامية مع كل دول حوض النيل سواء اطراف اتفاقية عنتيبي او الدول غير الموقعة على الاتفاقية كمثال تطور العلاقات المصرية مع تنزانيا وكينيا واوغندا كما ان علاقات مصر قوية مع ارتريا وجنوب السودان والحكومة السودانية الجديدة ورواندا والكونغو وتفوق حاليا مصالحهم مع مصر أثيوبيا التي تعتبرها بعض تلك الدول دولة معادية ومصدرا للمشاكل او على اقل تقدير منافس اقليمي لهم
3- عدد سكان مصر أكثر من 100 مليون نسمة بالنسبة لأوروبا أن حدوث شح في المياه لمصر وتحول الحكومة المصرية لداعم للهجرة غير الشرعية لاوروبا هو كارثة ، وتصبح كارثة أكبر في حال وصول الاسلاميين للحكم في مصر على أوروبا أن تحطاط لاسوأ السناريوهات في تاريخها (القرارات في اوروبا بالاجماع )وفي حالة انفراد مثلا المانيا او فرنسا كمثال بعقوبات على مصر فستعارض ذلك دول شرق اوروبا وفي حال تطور الامر لكارثة هجرة غير شرعية سينهار الاتحاد الاوروبي حلم اوروبا سيتحول لكابوس
4- اسرائيل ودور مصر في السلام واستقرار الشرق الاوسط
ما يربط مصر بإسرائيل ليس اتفاقيات الغاز زبروتوكول الكويز بل الامر أعمق من ذلك ويمتد لدور مصر في عملية السلام بالشرق الاوسط والتاثير على أمن المواطن الاسرائيلي لدى مصر اوراق ابتزاز ضخمة لم تستخدمها ضد اسرائيل وان استخدمتها سيشيب شعر وزراء الحكومة الاسرائيلية واعضاء الكنيسيت او يقع نهائيا
5- علاقات مصر مع الصين وروسيا
باعتبار مصر جزء من طريق الحرير الصيني بل هى من اهم الاجزاء بسبب قناة السويس يجعل مصر اهم دول افريقيا للصين ، مع حجم السوق المصري و التبادل التجاري الضخم بين البلدين والاستثمارات البينية الضخمة
بالنسبة لروسيا هناك مشروعات ضخمة كمفاعلات الضبعة وصفقات السلاح و غيرها بما فيها تحول مصر لدور معادي او مؤيد لروسيا في سوريا وخروجها من حالة الحياد الحالي تدفع الروس دفعا لعلاقات اقوى مع مصر
6- دول الخليج
بالرغم من ضخامة حجم الاستثمارات البينية وتحويلات العاملين المصريين الا أن وقوف تلك الدول مع اثيوبيا قد يعني تحول اتراتيجي مصري تجاه ايران وتركيا في حال الاسوأ وهو سقوط نظام السيسي اي تصبح كلا من السعودية والامارات فقط في جزر محاطة بالاعداء والخراب من كل ناحية
وجود مصر كجزء من نيوم وعلى حدود نيوم يجعل من أمن مصر واستقرارها هو مصلحة رئيسية للسعودية خاصة ، كما ان طوحات الرؤية للسياحة في موانىء البحر الاحمر ايضا تجعل لمصر واستقرارها وتعاونها أهمية خاصة
، بغض النظر عن الصراع التركي الاخوانجي والشيعي الايراني الحالي والذي يقف فيه نطام السيسي حليفا للخليج وهو صراع مصير
لمن يتحدث عن فرض عقوبات على مصر فلن يحدث مجلس الامن عاجز عن فرض اي عقوبات جديدة ودائما وأهمية مصر حاليا للجميع تجعلهم يتجنبون ان ينفردوا بعقوبات على مصر او السعي لشيطنة مصر لانها ستكون كابوس اسود للجميع

 

[مشاة البحرية]

الحرب حق سيادي للدول. اول مره اسمع ان الحرب تحتاج لإذن دولي او قرار من محكمة العدل الدولية. الحرب وسيلة مقبولة في العلاقات بين الدول

مثل ما حصل بين العراق و الكويت مثلا ؟!

الحرب إن لم تكن بغطاء دولي فستكون عواقبها وخيمة على من بدأ