بـوابة مصـر الأقتصادية

[عبد الباقى]

 

[Atum]

لازم نعرف يا جماعه ان مصر لسه بتبدأ مصر جايه من مشاكل كالجبل محتاجين تريليونات علشان نصلح كل قطاع من الدوله شبكات المواصلات زى القطارت ووسائل النقل والطرق والتعليم والصحه والصناعه والتجاره مفيش حلجه سليمه كانت فى البلد شوفوا كن فين دائما بوصو لقدام 2025 2030 مصر كل يوم فى جديد واحده واحده حنوصل لمستوى جيد فى كل قطاعات الدوله انشاء الله خير فى تاسيس لدوله قويه فى كل المجالات فقط الصبر هى دى الحقيقه الصبر والصبر والصبر والعمل العمل العمل

 

[OSORIS]

موضوع مدينة الدواء بمراحلها ده مع تصنيع مشتقات البلازما ومشروع التامين الصحي الشامل وغيره من المشاريع هيحقق طفرة ممتازة في المجال الصحي

بقولك ايه يا اوزيريس .. انا بقالي فترة عايز اكتب موضوع شامل مختصر عن اكبر المشاريع القومية في مجالي الصحة والتعليم لكن مكسل .. لان انت عارف الاخونج ومن شابههم كل لما يتم الاعلان عن مشروع يقولك فين الصحة والتعليم فعايز يكون فيه موضوع مخصوص لرد موجز عى اللبانة دي

فلو سمحت لما يقع في ايدك خبر مهم عن التعليم والصحة ابقى اعملي منشن عشان احاول اضيفه .. الاخبار المهمة فقط اللي ممكن تشوفها تستحق تضاف لموضوع مختصر

عينيا يا صديقي

وهنزود كمان بما يتم انشاؤه وغير معلن عنه

 

[Night walker]

ثاني اخطر ظاهرة بعد السلفنة الحديثة هي ترييف (فلّحنة) المدن وأعنى القاهرة والاسكندرية تحديدًا..وما تلاها من تديين الدولة حتى وصلنا لثقافة المصطبة واخلاق القرية بنت الdirty

انا بحترم آرائك جدا والله ومكنتش متوقع الردود المقرفة دي منك أو من أي عضو مصري ، العنصرية والطبقية القذرة بقت تنتشر بسرعه الايام دي ابناء القري والريف والفلاحين مش اقل منكم في حاجه يا محترم واحنا عشان محترمين ومتربين ع الأصول مش هنقول علي بتوع المدينه انهم ناس ولاد **** زي مانت بتقول علينا .

 

[عبد الباقى]

 

[egy13]

اه عندنا ناس سلوكياتهم خرا بس بيخافوا لو في عارفين ان في عقوبة هتتنفذ عليهم
والدليل شوفهم لما يسافروا بره بيبقوا محترمين نفسهم على الآخر

انت عارف مين اللي سلوكياتهم مبنية فقط على الخوف من العقوبة .. البهايم والحيوانات .. انت عشان تنظم مزرعة فيها حيوانات بتستخدم عصاية لانك مش هتعرف تعرفهم او تتناقش معاهم ايه الصح والغلط

لكن البشر ايوه العقاب جزء من تنظيم المجتمع لكن العامل الرئيسي هو ثقافة المجتمع وعاداته وكمان مستوى وعيهم بمصلحتهم مش بس على المدى القصير

الناس بره مش بتلتزم بالمرور مثلا عشان بس الخوف من العقاب لكن دي ثقافة مجتمعية .. بره مفيش ضابط مرور في كل متر وكل شارع لكن الناس بتلتزم لان عندها ثقافة ووعي

كمثال .. انت لو ماشي بعربيتك في مصر واتجننت في عقلك وقررت تلتزم بالسرعة والحارة وتمشي قانوني هتتشتم من طوب الارض حواليك وهتضطر في الاخر تمشي غلط لان دي ثقافة المجتمع .. نفس الامر برة انت لو قررت تمشي عكس الاتجاه او تمشي بنظام الملاهي والغابة في مصر الناس هيبلغوا عنك وهينبذوك فلازم تمشي مظبوط

طيب احنا ليه عندنا الثقافة ضايعة .. ده سببه الزيادة السكانية الكبيرة اللي اكبر بكتير من قدرة الدولة على مواكبتها بسكن وخدمات وصحة وتعليم وشغل يكفيهم .. فكانت النتيجة ان الناس انشات مجتمعات غير مخططة تفتقر لاغلب الخدمات الاساسية وبكثافة سكانية اعلى من استيعاب بعض الخدمات المتوفرة وبزيادة مستمرة لحد ما اصبحت المجتمعات دي هي النسبة الغالبة في مصر .. مجتمعات بمساكن غير مطابقة للمواصفات وبلا صرف صحي وبلا منظومة قمامة فبيرمي قمامته في الترع فالناس اعتادت على القذارة والمناظر القبيحة لحد ما اصبحت عادي .. والطرق الكثافات عليها اكتر من التخطيط فاتحولت لقانون الغابة .. والناس خصوصا الفقيرة عمالة تخلف عيال كتير تحت قناعة ان العيل بييجي برزقه .. فيطلع اغلبهم بلطجية وفي الاخر يشتموا الحكومة اللي مش موفرة لهم تعليم وصحة وسكن وشغل كويس

رغم الرغي ده اللي حاولت اختصره جدا .. لكن اكبر مشكلة في مصر ان الناس اللي بتفكر بشكل سطحي زي حضرتك يمكن اكتر من ٨٠% من الشعب واللي عندهم ثقة كبيرة في جهلهم بفضل ان الغالبية بتفكر زيهم وشايفين ان كل مشاكلهم في الحكومة .. بلاش مش هكمل اكتر من كده عشان مزعلش الناس مني اكتر من كده

 

[egy13]

عينيا يا صديقي

وهنزود كمان بما يتم انشاؤه وغير معلن عنه

يا سلام .. احلى دلع منك ده

 

[Egyptian Stud]

انا بحترم آرائك جدا والله ومكنتش متوقع الردود المقرفة دي منك أو من أي عضو مصري ، العنصرية والطبقية القذرة بقت تنتشر بسرعه الايام دي ابناء القري والريف والفلاحين مش اقل منكم في حاجه يا محترم واحنا عشان محترمين ومتربين ع الأصول مش هنقول علي بتوع المدينه انهم ناس ولاد **** زي مانت بتقول علينا .

طيب اولا شكرًا لاحترامك لآرائي ودا كرم منك في الاساس..

تحذيري من ترييف المدن وثقافتها لا يعني القدح في الريف او الريفيين، لكنه يشير لظاهرة موضوعية تقدر انت وغيرك ترصدها..ونعم، اقولها واعيدها (واسف لو كلامي ضايقك) القيم الريفية قيم معطلة ومعوقة للتمدن والحداثة، والأنسب حصرها في مكانها كمحميات طبيعية لقيم الأسرة الريفية

 

[صَقر قُرَيْش]

انت عارف مين اللي سلوكياتهم مبنية فقط على الخوف من العقوبة .. البهايم والحيوانات .. انت عشان تنظم مزرعة فيها حيوانات بتستخدم عصاية لانك مش هتعرف تعرفهم او تتناقش معاهم ايه الصح والغلط

لكن البشر ايوه العقاب جزء من تنظيم المجتمع لكن العامل الرئيسي هو ثقافة المجتمع وعاداته وكمان مستوى وعيهم بمصلحتهم مش بس على المدى القصير

الناس بره مش بتلتزم بالمرور مثلا عشان بس الخوف من العقاب لكن دي ثقافة مجتمعية .. بره مفيش ضابط مرور في كل متر وكل شارع لكن الناس بتلتزم لان عندها ثقافة ووعي

كمثال .. انت لو ماشي بعربيتك في مصر واتجننت في عقلك وقررت تلتزم بالسرعة والحارة وتمشي قانوني هتتشتم من طوب الارض حواليك وهتضطر في الاخر تمشي غلط لان دي ثقافة المجتمع .. نفس الامر برة انت لو قررت تمشي عكس الاتجاه او تمشي بنظام الملاهي والغابة في مصر الناس هيبلغوا عنك وهينبذوك فلازم تمشي مظبوط

طيب احنا ليه عندنا الثقافة ضايعة .. ده سببه الزيادة السكانية الكبيرة اللي اكبر بكتير من قدرة الدولة على مواكبتها بسكن وخدمات وصحة وتعليم وشغل يكفيهم .. فكانت النتيجة ان الناس انشات مجتمعات غير مخططة تفتقر لاغلب الخدمات الاساسية وبكثافة سكانية اعلى من استيعاب بعض الخدمات المتوفرة وبزيادة مستمرة لحد ما اصبحت المجتمعات دي هي النسبة الغالبة في مصر .. مجتمعات بمساكن غير مطابقة للمواصفات وبلا صرف صحي وبلا منظومة قمامة فبيرمي قمامته في الترع فالناس اعتادت على القذارة والمناظر القبيحة لحد ما اصبحت عادي .. والطرق الكثافات عليها اكتر من التخطيط فاتحولت لقانون الغابة .. والناس خصوصا الفقيرة عمالة تخلف عيال كتير تحت قناعة ان العيل بييجي برزقه .. فيطلع اغلبهم بلطجية وفي الاخر يشتموا الحكومة اللي مش موفرة لهم تعليم وصحة وسكن وشغل كويس

رغم الرغي ده اللي حاولت اختصره جدا .. لكن اكبر مشكلة في مصر ان الناس اللي بتفكر بشكل سطحي زي حضرتك يمكن اكتر من ٨٠% من الشعب واللي عندهم ثقة كبيرة في جهلهم بفضل ان الغالبية بتفكر زيهم وشايفين ان كل مشاكلهم في الحكومة .. بلاش مش هكمل اكتر من كده عشان مزعلش الناس مني اكتر من كده

شكرًا يا محترم

في قول كويس جدًا لعثمان بن عفان " إن الله ليزع بالسلطان ما لا يزع بالقرآن "

ومعناه إن السُلطة أو قوة الوالي بتمنع المفاسد اكتر ما القرآن بيمنع

ببساطة لو إحنا اعتمدنا على ضمائر الناس و ثقافتهم بس البلاد هتخرب

الدول الأوروبية اللي بتستشهد بيها لو عارفين ان مفيش رقيب عليهم والله لياكلوا بعض و هتشوف وساختهم على الحقيقة و ده يبان في المظاهرات و النهب اللي بيحصل لما يبقى في انفلات أمنى ، المفروض لو مثقفين وبلا بلا ده ميحصلش.

مثال تاني عشان اوضحلك الصورة : سنغافورة كان شعبها أوسخ مننا و اللي عدلهم على لسان رئيس الوزراء هي القوانين الرادعة اللي اتنفذت على الكبير قبل الصغير

باختصار لازم قوانين قوية تتنفذ على الكل الأول وبعدين التثقيف و تعليم الناس هييجي مع الوقت.

 

[رياض ناصر]

تسلم يا صديقي
انا اقسم بالله بتجنن لما بمشي في اوروبا من مقدار الجوده وتصميم الشوارع ولغايه دلوقت منبهر بالشغل في مصر لكن فعلا فيه مشكله في الفينش وجماليات الطرق والفقر نوعا ما في استخدام التكنولوجيا
الله ينور عليك يا صديقي جبت الخلاصه
الواحد من حبه لبلده بيتمني احسن شيء

ان شاء الله تكون بلدنا احسن بلد. انا متفائل خصوصا في ظل الإصلاح الحاصل في مناهج التعليم وما يتبعه من استعادة منظومة القيم عند الشعب مرة اخري بعد عدة سنوات.

 

[Night walker]

طيب اولا شكرًا لاحترامك لآرائي ودا كرم منك في الاساس..

تحذيري من ترييف المدن وثقافتها لا يعني القدح في الريف او الريفيين، لكنه يشير لظاهرة موضوعية تقدر انت وغيرك ترصدها..ونعم، اقولها واعيدها (واسف لو كلامي ضايقك) القيم الريفية قيم معطلة ومعوقة للتمدن والحداثة، والأنسب حصرها في مكانها كمحميات طبيعية لقيم الأسرة الريفية

صدق أو لا تصدق اهل المدينه بياجو القري في بعض الأحيان عشان تكلفة المعيشة زهيدة و اي حد معاه حرفة بسيطة ودخلها متوسط هينجح هنا وبياجو برضو ومعاهم عاداتهم الغريبة والدخيله علينا ومع ذلك عمرنا ما قلنا ليهم نفس كلامك ده ولا فكرنا فيهم بنفس طريقة تفكيرك ، اهل المدينه فيهم الكويس والوحش زيهم زي اهل الريف ، ع العموم كلامك ما هو إلا جزء من مسلسل العنصرية المستمرة ضد اهل الريف والفلاحين واللي بتكبر يوم بعد يوم في التلفزيون او في السوشيال ميديا والاهانات ضدنا كل يوم بتزيد اكتر ، زي مانت ليك عاداتك وتقاليدك وافكارك وشايف عاداتنا غريبة عنك احنا كمان شايفين المثل بس مش بنعنصر علي حد ولا شايفين نفسنا احسن من حد والمفروض انه حضرتك انسان متحرر ومنفتح وبالتالي اصلا الأفكار لا تصدر منك لكن للأسف زي ما قلت مجرد سطر من مجلدات من الاراء المقرفه اللي بنقراها عننا كل يوم، لا كلامك مش ضايقني هو احزنني واغضبني وخنقني لاني عمري ما بصيت لحد مختلف معايا بالنظرة دي واتمني برضو اني كلامي ميزعلكش ولو اني مغلطش في حد بالاساس

 

[Egyptian Stud]

صدق أو لا تصدق اهل المدينه بياجو القري في بعض الأحيان عشان تكلفة المعيشة زهيدة و اي حد معاه حرفة بسيطة ودخلها متوسط هينجح هنا وبياجو برضو ومعاهم عاداتهم الغريبة والدخيله علينا ومع ذلك عمرنا ما قلنا ليهم نفس كلامك ده ولا فكرنا فيهم بنفس طريقة تفكيرك ، اهل المدينه فيهم الكويس والوحش زيهم زي اهل الريف ، ع العموم كلامك ما هو إلا جزء من مسلسل العنصرية المستمرة ضد اهل الريف والفلاحين واللي بتكبر يوم بعد يوم في التلفزيون او في السوشيال ميديا والاهانات ضدنا كل يوم بتزيد اكتر ، زي مانت ليك عاداتك وتقاليدك وافكارك وشايف عاداتنا غريبة عنك احنا كمان شايفين المثل بس مش بنعنصر علي حد ولا شايفين نفسنا احسن من حد والمفروض انه حضرتك انسان متحرر ومنفتح وبالتالي اصلا الأفكار لا تصدر منك لكن للأسف زي ما قلت مجرد سطر من مجلدات من الاراء المقرفه اللي بنقراها عننا كل يوم، لا كلامك مش ضايقني هو احزنني واغضبني وخنقني لاني عمري ما بصيت لحد مختلف معايا بالنظرة دي واتمني برضو اني كلامي ميزعلكش ولو اني مغلطش في حد بالاساس

انت خطفت كلامي لسياق آخر.

ثاني، بقول ان القيم الريفية (بغض النظر حلوة ولا وحشة) هي قيم مُعطلة ومعوقة للتمدن وللحداثة (بعض النظر حلوة ولا وحشة) وان الأنسب حصرها في مكانها.

 

[OSORIS]

نقل مونوريل العاصمة الإدارية الجديدة من ميناء الإسكندرية

 

[رياض ناصر]

انت خطفت كلامي لسياق آخر.

ثاني، بقول ان القيم الريفية (بغض النظر حلوة ولا وحشة) هي قيم مُعطلة ومعوقة للتمدن وللحداثة (بعض النظر حلوة ولا وحشة) وان الأنسب حصرها في مكانها.

ما هي بعض مظاهر القيم الريفية المعطلة التي لا تنطبق على اهل الحضر؟

 

[OSORIS]

أعمال إنشاء طريق الزقازيق السنبلاوين الحر ( محور شرق الدلتا ) الطريق يبدا من مدينة الزقازيق لمدينة ديرب نجم كمرحلة اولي ومن ديرب نجم الى مدينة السنبلاوين كمرحلة ثانية .....ياتي انشاء المحور كمحور ينظم الحركة المرورية للمركبات الخاصة والنقل الثقيل في اقليم شرق الدلتا خصوصا مع الافتتاحات القريبة للتجمعات السكنية والصناعية والتجارية في الاقليم

 

[OSORIS]

منصة #جسور.. نافذة الشركات المصرية على #السوق الخارجية؛




وفقا للدكتور هشام توفيق وزير قطاع الأعمال العام: إن #الكتالوج_الإلكتروني للمنتجات المصرية المتاح على منصة جسور يأتي فى إطار الرغبة في التوسع في تصدير المنتجات المصرية للعالم كله وليس لإفريقيا والمنطقة العربية فقط.
مركزا على منتجات الشركات المصرية بداية من الصغيرة والمتناهية الصغر.
#اقتصاد
#تكنولوجيا
#economy
#global

 

[OSORIS]

صنف #البنك_الدولي مصر ضمن الدول مرتفعة الأداء في مؤشر تطور التقنيات الحكومية 2020

الذي يهدف إلى قياس مدى تطور الدول في أربعة مجالات رئيسة (الأنظمة الحكومية الرئيسة، وأداء الخدمات العامة، ومشاركة المواطنين، وممكنات الحكومة الرقمية) حققت مصر فيها كلها درجة مرتفعة وأعلى من المتوسط العالمي، فيما يعكس التوجه الاستراتيجي #للتحول_الرقمي في الدولة المصرية من خلال ضخ #استثمارات كبيرة؛ بهدف تطوير البنية التحتية لتكنولوجيا #المعلومات والاتصالات وإطلاق منصة" مصر الرقمية" الإلكترونية لتوفير مجموعة واسعة من الخدمات الحكومية.


#مركز_المعلومات_ودعم_اتخاذ_القرار
#التحول_الرقمي
#مصر_الرقمية
#وزارة_الاتصالات_وتكنولوجيا_المعلومات
#technology
وزارة الاتصالات وتكنولوجيا المعلومات-مصر

 

[OSORIS]

"التأمين الصحي الشامل"

#مشروع_قومي يحظى بأهمية كبرى، لما يحققه #للأسر_المصرية، بما في ذلك حمايتهم من كثير من الأمراض التي تُحمّلهم أعباءً مالية ونفسية، وذلك في إطار الإرادة السياسية الحقيقية وسعيها الدائم إلى تحسين أوضاعهم وضمان #حياة_كريمة لهم. وقد بات الوضع المالي للهيئة العامة للتأمين الصحي الشامل في وضع أفضل، مع إمكانية التوسع التدريجي في تطبيق

#منظومة_التأمين_الصحي_الشامل بمختلف محافظات الجمهورية؛ حيث حققت #إيرادات الهيئة العامة للتأمين الصحي الشامل خلال العام المالي الماضي 2021/2020 نموًّا بنسبة 36%، بالإضافة إلى التوسع في #الخدمات_الطبية المتاحة بالمنظومة والتي وصلت إلى 2850 خدمة طبية حتى الآن، تشمل: الأشعة، والتحاليل، والتدخل الجراحي، والأدوية المعتمدة عالميًّا، وخدمات أخرى.



#مركز_المعلومات_ودعم_اتخاذ_القرار #خدمات_طبية #صحة
#IDSC #UHIEG #Egypt_Health #Healthcare #Safety_first #Medical
التأمين الصحي الشامل وزارة الصحة والسكان المصرية وزارة الاتصالات وتكنولوجيا المعلومات-مصر

 

[حُذَيفة بن اليَمَانِ]

انت خطفت كلامي لسياق آخر.

ثاني، بقول ان القيم الريفية (بغض النظر حلوة ولا وحشة) هي قيم مُعطلة ومعوقة للتمدن وللحداثة (بعض النظر حلوة ولا وحشة) وان الأنسب حصرها في مكانها.

كلامك ده خطير وضد الأمن القومي المصري مفيش فرق بين المدينه والريف كلنا مصريين وواحد

 

[OSORIS]