هل تفكر مصر فى إستغلال علاقتها بأوكرانيا وتشكيل قوه مرافقه للميسترال ؟!!!

[MrHBK]

يا جماعه لو المشكله في العدد اظن 12 هو العدد الادني و في اتفاق علي كده بين اغلبنا
لو المشكله في تنوع المصادر و الله يا ريت ال 12 يبقوا الماني مع تصنيع مشترك حد يكره؟ انما مش هيحصل و لا هيحصل من بلد غيرها و اقصي ما سنحصل عليه من بلد واحده هو اربعه فقط
يبقي علي الاقل مطلوب اني اشتري من 3 بلدان و لو العدد اكتر هتشتري من بلدان اكتر

 

[خالد المصري]

انما مش هيحصل و لا هيحصل من بلد غيرها و اقصي ما سنحصل عليه من بلد واحده هو اربعه فقط

.

و انا مش عاوز غير أربعة من كل دوله
4 من روسيا
4 من فرنسا
4 من المانيا
4 من الصين

بس كفايه كده

 

[MrHBK]

.

و انا مش عاوز غير أربعة من كل دوله
4 من روسيا
4 من فرنسا
4 من المانيا
4 من الصين

بس كفايه كده

تمام و هو ده اللي الاخ رافال كان بيقوله
كلام منطقي مش عارف ايه وجه الاستغراب منه

 

[Fawzy]

بص يا كبير صحيح هيبقي في عبء كبير لو الغواصات من اكتر من بلد بس الاربع بلدان التي ذكرها الاخ منطقيه
المانيا في صفقه فعليه و نبحث عن زياده عدد
روسيا كان في مفاوضات علي الكيلو و اخبارها انقطعت ربما تكون تمت و ربما لا
الصين عرضت عليك الرضي ترضي في الغواصات بنت تمن الالماني و دي حديثا
فرنسا انت اكبر شريك ل DCNS حاليا و مش مستحيله حصولك علي غواصة منهم سواء في صفقه منفصلة او صفقه مكملة للبلاوي اللي اشتريناهم منهم
شفت بقي ان الحسبه مش خيال علمي ولا حاجه؟

يا سيدى مفيش خلاف والله لكنه هيكون عبئ هائل مش كبير بس

 

[خالد المصري]

تمام و هو ده اللي الاخ رافال كان بيقوله
كلام منطقي مش عارف ايه وجه الاستغراب منه

و لا أي إندهاش بعد البلاوي اللى شوفناها السنه دي... نحن نسير بثقة الله يتمم على خير

 

[Fawzy]

و اقصي ما سنحصل عليه من بلد واحده هو اربعه فقط

مش الصين ,,,
ولا روسيا ,,
ولا فرنسا ,
الالمان ,, ممكن

 

[AL RAGH]

.

و انا مش عاوز غير أربعة من كل دوله
4 من روسيا
4 من فرنسا
4 من المانيا
4 من الصين

بس كفايه كده

تمام و هو ده اللي الاخ رافال كان بيقوله
كلام منطقي مش عارف ايه وجه الاستغراب منه

الالمان فقط هم الغير مؤكد موافقتهم اما فرنسا و روسيا و الصين و معهم اسبانيا مع الاس80 فلا مانع لديهم لتوريد حتي 20 غواصه لمصر و مع نقل التقنيه ايضا
الفيصل سيكون في الاحتياجات المصريه حسب طبيعه المهمات المطلوبه

 

[خالد المصري]

يا سيدى مفيش خلاف والله لكنه هيكون عبئ هائل مش كبير بس

العبء كبير على القوات الجوية و البرية و الدفاع الجوي الدور على البحريه تشيل شويه

 

[AL RAGH]

العبء كبير على القوات الجوية و البرية و الدفاع الجوي الدور على البحريه تشيل شويه

هذا الوضع موجود من الثمانينات لكن سلاح الغواصات وضع مختلف نظرا لحجم و طبيعه و معدات السلاح و كذلك الافراد

 

[Fawzy]

العبء كبير على القوات الجوية و البرية و الدفاع الجوي الدور على البحريه تشيل شويه

كده مش هتشيل عبئ
كده لمؤاخذة هتشيل ابح

 

[خالد المصري]

كده مش هتشيل عبئ
كده لمؤاخذة هتشيل ابح

ليه يا فوزي ما نحن عندنا في البحرية روسي و صيني و أمريكى و أسباني و داخل عليهم المامي و فرنسي جديد.... متعوده دايما

 

[خالد المصري]

هذا الوضع موجود من الثمانينات لكن سلاح الغواصات وضع مختلف نظرا لحجم و طبيعه و معدات السلاح و كذلك الافراد

انا أرى العكس.. الغواصات حجم أفراده المشغلين قليل و بالتالى تأهيلهم و تدريبهم يكون أسرع و أسهل

 

[Fawzy]

ليه يا فوزي ما نحن عندنا في البحرية روسي و صيني و أمريكى و أسباني و داخل عليهم المامي و فرنسي جديد.... متعوده دايما

مع سلاح زى الغواصات الموضوع مختلف
الكوكتيل ده ضرره اكتر من نفعه

 

[خالد المصري]

مع سلاح زى الغواصات الموضوع مختلف
الكوكتيل ده ضرره اكتر من نفعه

ممكن شرح مبسط للإستفاده.. مع ان رأيي المحتمل أن يكون خاطئا أن هذا الكوكتيل سيشكل تحدى مهول لأي عدو لكشف هذا التنوع من البصمات الصوتيه

 

[Fawzy]

ممكن شرح مبسط للإستفاده..

التشغيل و الصيانه و الدعم مستحيله

 

[AL RAGH]

انا أرى العكس.. الغواصات حجم أفراده المشغلين قليل و بالتالى تأهيلهم و تدريبهم يكون أسرع و أسهل

العكس هو الصحيح حاليا لا تملك غير 6 اطقم تشغيل و مثلهم صيانه اربعه اساسي و اتنين احتياطي و تريد رفعهم الي 24 +24 لتشغيل و صيانه 16 غواصه من اربع طرازات مختلفه و مصادر مختلفه طب ازاي و في وقت اد ايه

 

[EGY_RAFALE]

العكس هو الصحيح حاليا لا تملك غير 6 اطقم تشغيل و مثلهم صيانه اربعه اساسي و اتنين احتياطي و تريد رفعهم الي 24 +24 لتشغيل و صيانه 16 غواصه من اربع طرازات مختلفه و مصادر مختلفه طب ازاي و في وقت اد ايه

.زى ما هتستوعب 2 مسترال فى 6شهور تدريب وتشغيل عارف انو مش كامل بس 60 شهور وتكون تحت ايدك زيها زى الفريم وتكمل باقى تدريبك
الغواصات مش هتيجى كلها دفعة واحدة وهتقدر تدرب الاطقم فى فترة اقصاها 5 سنين ودى فترة جيدة + انت عدد سكانك 100 مليون غير رسمى +طبيعى انك تزود عدد الجيش طبقا للاعداد وبالتالى زيادة القوة مطلوبه
بالنسبة للروسى والصينى مش هيبقى صعب على رجالتنا المشغلين للصينى اللى هو فى الاساس مشتق من الروسى ومدمج بتسليح وحشو الكترونى غربى يعنى
بالنسبة للوقت متقلقش منو بتاتا انت قدامك 5 سنين على 2020 دى حتى تركيا مبدأتش فى خوان كارلوس ولا لسه استلمت حاجة منهم انت بالعكس متقدم عليهم فى خطتك الحربية للنهوض بالقوات المسلحة

 

[the red general]

وجهة نظري ان السيسي لا يعترف باي عقيدة عسكرية قديمة
اعتقد كمان ان لازم هيكون فيه مشروع غواصات شرقي لندمج عليه صاروخ كروز مصري بعيد المدى
فالغواصات هي السلاح الامثل لحمل هكذا سلاح
وابقى خلي الاقمار الصناعية تنفع امريكا واسرائيل في تحديد مكانهم
وممكن يكون فيه مشروع ثالث كمان للتصنيع لان المانيا مش هتديك تصنيع وممكن الصيني ميكنش على مستوى الطموح مثل الفرنسي مثلا
او ممكن مشروع روسي ليحمل الصواريخ المصرية والتصنيع معا
والله اعلم

فرنسا و المانيا عرضت السكوربيون و التايب 212 علي بولندا و نسخ خاصة بامكانية اطلاق الكروز.
و تاني فرنسا عرضت البركودا علي استراليا تصنيع و نقل تقنية و المانيا عارضة نسخة خاصة لاستراليا و ايضا مع التصنيع.
سوق الغواصات مفتوح و بالنسبة لمصر تطوير كروز بمدي محترم شرط اساسي لاي مشروع غواصات.

 

[EGY THUNDERBOLT]

هههههه اصبر بس
انت هتخرج 4 كيلو صينى هستبدلهم بشق صينى لانك ليك باع طويل فى الصيانة الخاص بيها ومش بالساهل تفرط فى العماة الخاصه بالقسم دا
والصين عارضة عليك غواصات عرض كمبو باسعار تعتبر رمزية هتقولى مش بالمستوى المطلوب هقولك لاو هتأمن المياة الاقليمية المصرية ومراقبه السواحل المصرية مهمة روتينية +مهام الدورية
بالنسبة للفرنسى هيجى كشق لحماية المسترال من ضمن صفقات التسليح لحد 2020 (لن تكتمل منظومة حماية المسترال بنسبة 100 % حتى 2020 او حتى 2022
الروسى الكلام عن ايام 2009 وعن بداية تسلم مصر من 2013 عارف انك هتقولى على حساب الالمانى بس مفيش ما يثبت او حتى نفى ولاحظ سنة 2013 هى سنة التسليح المصرى والتقرب الروسى الكبير والمهول الروسى حوليه شكوك وارجع لموضع كان عاملو الدرع المصرى او مشارك فيه فى قسم الاستفسارات كان كاتب الموضع الراجح المشرف
الالمانى كشق قتالى بحت وصامت

انت عندك 4صينى على وشك الخروج +4 المانى منتظر تسليم اولهم كمان 5 شهور او 6 +فرنسى لا يقل عن 4
الصينى هيستبدل بصينى ربما مع نقل تقنية + الروسى الجدل واسع جدا
المسترال لن تومن حقول الغاز كما هو متوقع المسترال عمليات بعيدة فى اعالى البحار +تركيا عندها من 12 الى 15 غواصة ولازم تصدهم بقوة غوصات قوية
4 الاسكوربيون هيبقى تبع اسطول المسترال
4 الالمانى هدفهم ولاد العم
الصينى الدورية العامه ومراقبة السواحل
الروسى الصياد فى حقول الغاز ومن يتشددلنا من ولاد قرد

صيني وروسي والماني وفرنساوي ده اسمه كارثة حقيقية على الدعم الفني والصيانة .. لأنك ياعزيزي مع كل نوع جديد بتدخله عندك لازم توفرله خط صيانة ودعم فني بمعداته بالفنيين بالمهندسين بقطع الغيار ، فلك ان تتخيل لما شعبة مهندسي البحرية يتم وحلها في 4 انواع مختلفة من الغواصات وكله من الفئة الحديثة ، وطبعا غير انك هاتحتاج تدرب الظباط وصف الظباط والطلبة على الـ4 انواع يعني كمان عبء عليك في التدريب والتدريس ، ده غير عبء دمجهم مع باقي منظومة قواتك البحرية ..

انا همشي مع فرضية انه يبقى عندي 12 غواصة في التشكيل النهائي للبحرية المصري رغم اني مستبعده ومش بحب ابقى متفائل اوي ( معلش خليني دايما في السليم بدل المبالغة في التفاؤل والواقع يصدمني ) بس خلينا نمشي مع الرأي ده ... هما حلين لا ثالث لهما :

1) 4 تايب 209 + 4 سكوربين + 4 يوان بشروط :

- السكوربين تكون مزودة بقدرة اطلاق الكروز يعني سكالب بحري تصديري ( انا عايز قدرة كروز حقيقية لضرب اهداف برية في العمق المُعادي بمدى 300 كم مش مجرد هاربون بلوك 2 مداه 140 كم بقدرة ضرب اهداف ساحلية ليس اكثر ) بس ماننساش ان اسرائيل دائما بتعترض على مجرد حصولنا على قدرة ضرب ارضي ثانوية على صاروخ مضاد للسفن في الاساس زي الهاربون فمابالكم بصاروخ متخصص زي السكالب ومُطلق من الغواصات اللي تعتبر سلاح استراتيجي .. هل هانقدر نحصل على حاجة غربي بالقدرة دي ؟! اتمنى ..

- السكوربين هانقسمها 2 لكل حاملة ميسترال

- التايب واليوان يتم توزيعهم على البحر المتوسط والبحر الاحمر لباقي الادوار الاخرى


2) 4 تايب 209 + 6 ~ 8 يوان بشروط :

- اليوان تكون نسخة مُعدلة خصيصا لمصر زي باكستان كده مع نقل التكنولوجي يعني نبني نصهم عندنا والنص التاني في الصين

- اليوان يترفع ازاحتها من 2300 طن ( 1850 طن فوق سطح البحر ) لـ2800 - 3000 طن

- بناءا على زيادة الازاحة يتم اضافة وزيادة عدد خلايا الاطلاق الرأسي مع تسليحها بعدد كبير من صواريخ الكروز الروسية وميزة الصيني انه بيضرب روسي عادي من غير مشاكل

- يتم اضافة سونار وانظمة حرب الكترونية واتصالات ورصد الماني وفرنساوي وده ميزة كبيرة في الصيني برضه انه يتعدل بمكونات غربي بدون مشاكل

* وممكن اعكس يعني التايب ارفعها من 4 لـ6 واجيب 4 يوان ويبقى معايا 10 غواصات او 6 تايب + 6 يوان ويبقى معايا 12 غواصة


طيب لو هانتكلم بقى في الاقرب للمنطق والواقع ؟ عندنا الخيارات دي :

1) 8 تايب وابقى ضحيت بقصة الكروز بس في المقابل هاحول الاعماق لجحيم حقيقي ضد اي سفن معادية

2) 4 تايب + 4 أمور لكن مش واضحلها ملامح لحد الان لأنهم مش هايبدأوا فيها قبل الانتهاء من طلبيات الكيلو يعني عشان استلم مش قبل 2020 وانا معايا 2 ميسترال يعني مافيش رفاهية الانتظار الوقت ده كله

3) 4 تايب + 4 يوان بشرط التعديلات اللي قولت عليها عشان اضمن الكروز + الانظمة الغربية المتطورة

4) 4 تايب + 4 سكوربين بشرط تسليحها بالسكالب البحري وابقى كده ضمنت الكروز + تحويل الاعماق لجحيم ضد السفن

افضل خيارات عندي مع التايب الالماني هي الصيني او الفرنساوي .. وانا بفضّل الصيني لأن سعره رخيص فأقدر اجيب عدد + امكانية تعديلها بكل ماسبق ذكره بدون ادنى مشكلات .. انما فرنساوي يجيلي من غير كروز يبقى الالماني احسنلي ازود عدده بقى لأنه كده مش هاتفرق في حاجة ..

 

[Fawzy]

4 تايب 209 + 4 سكوربين + 4 يوان بشروط

4 تايب 209 + 6 ~ 8 يوان بشروط

4 تايب + 4 أمور

4 تايب + 4 يوان بشرط التعديلات اللي قولت عليها عشان اضمن الكروز + الانظمة الغربية المتطورة

تايب + 4 سكوربين بشرط تسليحها بالسكالب البحري وابقى كده ضمنت الكروز + تحويل الاعماق لجحيم ضد السفن

تمام , الكلام ده معقول ,,,
لكن كلهم مع بعض يبقى " عباسية "
اميل للاقتراح الاول وشايف انه اكثر منطقية

- السكوربين هانقسمها 2 لكل حاملة ميسترال

- التايب واليوان يتم توزيعهم على البحر المتوسط والبحر الاحمر لباقي الادوار الاخرى

بختلف معاك فى التقسيمه دى
السكوربيون بميزة اطلاق الكروز هيكون افضل لو قام بمهامه فى البحر الابيض والاحمر مع اليوان
التايب مع الميسترال واقعى اكتر