انت شايف ان تايوان فرملت الصين بالميراج 2000
اعتقد اتخاذك الهند كمثال شىء سىء خصوصا انك تعلم كيف تم شراء الرافال
على العموم مبروك لفرنسا ما يزيد عن 20 مليار , حصلت على سعر للرافال يزيد عن الاف 35
ما علاقه تجارب هيئه التسليح بتأخر فرنسى فى برامج تطوير المقاتله
بصراحه استغرب اصلا من فكره تبرير فكره تكلفه التشغيل او سعرها بحجه انها متفوقه تقنيا وكأن الاخرين يعرضوا طائرات ورقيه
المحزن ان التبرير يصل للذخائر الفرنسيه وكانها قادمه من المريخ مع انها اقل من مثيلاتها الامريكيه والروسيه
المنطق يقول اذا كان هناك اتجاه من الاساس للتعامل مع شركاء اوروبيين فى تطوير القوات الجويه دون وضع اعتبار للابتزاز والضغط
التى تعرضنا لها نتيجه اوضاع داخليه ومن لم يلاحظ لهجه باريس قبل وبعد صفقه الجويند
على الاقل استثمر فى برنامج له مستقبل كالتايفون خصوصا ان هناك السعوديه والبحرين قريبا من ملاكها
انت من المفترض انك ملم بالرافال جيدا هل من المفترض ان اتعاقد الان واكون مضطر للدخول بعد فتره قصيره لبرنامج تطوير المحرك بعد انتهاء الفرنسيين منه وبالطبع تكلفه اضافيه لمقاتله من المفترض انها منضمه حديثا
ام تنتظر فتره حتى تجد فرنسا المغفل الذى سيتحمل كلفه تطوير المحرك والرادار مستقبلا
بالمناسبه لماذا لم تتعاقد الامارات حتى الان بعد سنوات طويله ؟! هل لبت فرنسا مطالبهم فى التطوير ؟!
والله تايوان عملت نسخه مخصصة ليها من الميراج حضرتك تعرفها MIRAGE-2000 EI والمعروف انها نسخة قتال جوي صرف للسيطرة الجوية ومزودة بمنظومات دفاع وهجوم .... اعتقد ان تايوان أما تحط خطها الأمامي MIRAGE-2000 أمام الصين دي حاجه كويسه في حق الMIRAGE-2000 مش وحشه بالمرة ... وحتة الفرملة انك تعمل باترول لحدودك على الأقل برغم فارق التسليح الضخم تبقى تايوان كما هي بدون مساس برغم الدعم الأمريكي المستحي .
الهند اشرت الرافال بعد 634 نقطة تقييم فني واعتقد نقطة الفساد وماشابه ديه مش معقولة والسعر كان 10.2 مليار دولار وطبعا الهنود حبوا يضحكوا عالفرنسيين اه هنعمل قطع غيارنا هنا ... الفرنساويين قالولهم سمعة الطيارة = اننا اللي هنعمل البنية التحتية والا بقيت ال 126 هتبقى تجميع ومفيش رخصة قطع غيار فال 20 مليار دي ماهياش تمن ال 126 طيارة بس .اعتقد من يبرز اخبار الفساد هم اطراف خاسرون بالمنافسه والا مانيجي نجيب بروفايل الرافال قدام F-15K في كوريا وهامش تفوق 1.1 بالميه ولا ده تدليس برضك.
فرنسا ليست متأخرة في برامج الطائرة الى الاّن النموذج F3R ظهر للخدمة والقادم MLU في 2030 حتة التبرير للتفوق الفني لو أنا قلتلك مصر معاها مصدر مفتوح لتوريد السلاح من أي دولة هتختار وانته مغمض ال F-15 الأمريكي أو F-18 طيب دي متعذرة يبقى كويس اعمل TENDR مقاتلات قواتك الجوية جربت الروسي والصيني والفرنسي وطلبت الفرنسي اكتر من مره وفي اكتر من ظرف ... الله ..؟؟ دي قواتك الجوية بتقولك احنا عاوزينها الناس جربتها وقالت هي دي . طيب ماده بيأكد كلامي .. الطيارة دي بتديني طيف عملياتي لا تقدمه بعض المقاتلات الأخرى ولا قواتك الجوية فاسده هيا كمان ..؟؟
باريس لم تبتزنا وإلا بقى كنا جاملنا ألمانيا بفرقاطتين ولا انجلترا بفرقاطة ... انته فيه شيئ ساقط منك ومن بعض الذين يدعون بسيسية صفقة الجاويند إن فيه برنامج مصري سنة 1996 كان اسمه FUTURE SHIP OF EGYPTIAN NAVY اللي هو كان تطوير ال PERRY CLASS وتصنيع ال AMBASSADOR MK III واللي الكونجرس اعترض عليه ولما اتمرر الشركة اتباعت لسنغافورة وحصل تأخير البرنامج وأصبح أقصى أمانينا هو وصول اللانشات فقط .
لو حضرتك ناسي دي افتكرها لأن فرنسا وافقت على تصنيعك لل GOWIND يعني اعادة احياء مشروع البحرية من جديد تصنع معاها منظومة قتال بحري SETIS كمان .. اعتقد إن ده مش صفقة سياسية ده انا متخيل ان الفرنسيين كانوا سكارى وهمه بيوقعوا الصفقة دي .
انته ماسك في تطوير المحرك .... تطوير المحرك ... طيب الأول فنيا ماتشوف المقاتلة فيها ايه واللي طلب المحرك الجديد طلب ايه ... المحرك الحالي يطير الطيارة بسرعة سوبر كروز ويديك قدرة تحميل 2 سكالب وتسليح جوي معتبر ومناورة جيدة وقلنا اترفع من 17.500 كيلو نيوتن الى 20.250 كيلو نيوتن
الإمارات عاوزه محرك يشيل ال 9 طن ليه يقولك هو كده ... الله ..؟؟ ده انته مش عاوز محرك طيارة ده انته بتضغط على الشركة بس وعموما التوربينات الجديدة للضغط العالي في 2014 ولا تزعل والمحرك هيجيب ال 9 طن بحسب التجارب المبدئية .
الله ..؟؟ نروح بعيد ليه مانته اتعاقدت على ال MIRAGE-2000 أما كان محركها M-53P1 ولما وصلتك جات M-53P2 وبيرو استلمتها قبل منك لأنك انتظرت المحرك الجديد ... هو ده جديد علينا ..؟؟ ومع ذلك وبرغم قدوم اجيال احدث من الفالكون ال MIRAGE-2000 لها حساباتها الخاصة في اذهاننا واذهان قيادات الجوية .
نيجي بقى لنقطة الإمارات وكلاكيت 10 مره شرح ...
الإمارات مش عاوزه 30 شركة مشتركة .. عاوزه حصه في داسو
لكن نيجي لطلبات الإمارات
*عاوزين رادار الباور بتاعته تعدي 14.6 كيلو وات .. النسخه F3R خلاص دخلت الخدمة
*عاوزين بود تهديف البود DDM-NG تم اعلانه خلاص وفي التجارب
*عاوزين محرك 9 طن غيرنا التوربينه ورفعنا الضغط من 27:1 الى 30:1 ورفع الدفع من 17.500 الى 20.250 كيلو نيوتن
*عاوزين رادار مداه اكبر 10% علشان يستغنوا عن الأواكس ( تاليس شغاله عليه لكن المفاوضات على القديم اللي هو RBE-2AESA)
*عاوزين نطور ال SPECTRA طيب 5T في 2014 وده التطوير الجديد
*عاوزين ندمج ال KH-31 قالك ماشي طيب نحط ال BRAHMOS قالك ماشي
*عاوزين نحط 3 سكالب قالك خد جرب .. حلقت بالثلاثة عادي خالص .
الله ..؟؟ دي الأمور ماشيه تمام اهيه .. أومال ايه اللي متأخر ولا انته عاوز مشروع MLU بقى ..؟ على ما MLU يظهر هتبقى الرافال بتشتغل مع ال UCAV NEURON بكونسيبت جديد في عالم القتال الجوي .
فالموضوع مش هنود وفيل ولا يحزنون الموضوع ورقة وقلم وسيبك من هرتلة المنافسين
