انا عن نفسي شايف ان مستحيل علي المدي القريب تطبيق مشروع زي ده في اي دوله عربيه , لان مافيش اي دوله تمتلك القدره الماديه او العلميه او الشجاعه لدخول مجازفه زي دي , لاننا للاسف تاخرنا عن العالم بسنوات ضوئيه و ريحنا دماغنا و اكتفينا بالشراء و الاستسلام لضغوط و شروط بائعين السلاح, و اكيد عمرهم ما هيسبوك تستقل عنهم و تقطع عنهم مصدر دخل كويس ليهم , و بصراحه لو اهتمينا بالطيران المسير حاليا هتكون خطوه ممتازه و تضعنا في الطريق للكثير من التطوير في المجال ده مستقبلا.
مافيش دوله عربيه تقدر لواحدها تخش في المجال ده , حتي مصر ايام حلوان كان في مساعده من الهند ده غير ان المصمم كان الماني و الموارد كانت مستورده من المانيا الشرقيه , و دي عوامل اثرت علي المشروع و افشلته ,
لذلك الحل هو حل للاسف اري انه غير قابل للتحقيق و هو تعاون عربي شامل عن طريق توفير جميع العوامل الماديه و العلميه المطلوبه و توزيع الاجزاء و المجهود علي جميع الدول بشكل يتناسب لكل دوله , و اري ان نبدا بتطور طائرات مسيره ثم نتجه لطائره تدريب و في نفس قابله ان تكون مقاتله خفيفه ثم نتجه لهذا العالم الشيق من مقاتلات بجميع الانواع و الهليكوبترات حتي طائرات النقل كمان
الحل التاني هو تعاون مع دول متقدمه في المجال ده و اننا نخليهم يعملوا مصانع ليهم في بلادنا و نبدا نتطور و نشق الطريق و نجمع خبرات من الموضوع ده
في الاخر كلها امنيات لا اتوقع تحققها مستقبلا
