مصر لن تستورد قطارات او مترو او مونوريل بعد الان وستعتمد على التصنيع المحلى

[Hegesias]

منذ عدة أيام تحدثت تقارير ان مصر غير قادرة على دفع قيمة صفقة القطارات وكذلك واردات معدات مشاريعها الموقعة.

- الخبر عبارة عن تقشف مجمل من الشئون
لا يوجد صناعة ولا غيره مجرد عجز وعدم قدرة.​

صادق.

بس لا تقتل المتعه يا مسلم.

 

[جنة البقيع]

سمعت من مصرين يمشون في الشارع انهم يبيعوا الريال ب ٩ جنية
ولقيته في التطبيقات ١١ ريال

اللي بيشتغلها في السعودية بيصير مليونير مم لاشيء في أقل من سنه بس اظن حرام و ممنوع

انا استخدم الكريبتو فقط للألعاب

لو تقصد العملات الافتراضيه محظورة والقانون بيجرمها لكن فى ناس بتتعامل بيها

صادق.

بس لا تقتل المتعه يا مسلم.

٢٢% الفرق

 

[Hegesias]

و لا و ممكن الناس تمشى برضه ،انت طلعت اذكى منه و دمك اخف يا حبوب

شكرا

 

[madodedo]

سمعت من مصرين يمشون في الشارع انهم يبيعوا الريال ب ٩ جنية
وهو في التطبيقات ١١ ريال

اللي بيشتغلها في السعودية بيصير مليونير مم لاشيء في أقل من سنه بس اظن حرام و ممنوع

انا استخدم الكريبتو فقط للألعاب

معرفش بتتم ازاى لكن اعرف حاليا معظم التجارة فى الدولار فى مصر بتتم عبر أصحاب مطاعم أجانب فى مصر من جنسيات معروفة وبيشتغلو على المصريين فى الخارج الى بيحولو فلوس لاهلهم فى مصر يعنى كا مثال بيسلم أهله فى مصر بالعملة المحلية والدولار بيحوله من برا برا من الدولة الى المصري شغال فيها مصر ابتدت تفرض عقوبات على الموضوع ده وحاليا بيتحاسب التاجر والمشتري

 

[Hegesias]

علشان هما حجزهم بيتم عن طريق تطبيق والدولة بتعتبر ده مصدر للعملة الصعبة هوا ده الهدف من السياحة طيب ليه السائح يعجبو الموضوع ده فى السابق مصر كانت بتحاسبهم بالجنيه كان بيقف بتوع السوق السوداء يخدو منهم الدولار ويدوهم جنيه وكان بيحصل نصب عليهم كده أفضل كنت نشرت القرار ده هنا وأنا اعتبرته انه خطوة كويسة جدا كان بيطالب بها السياح اما بالنسبة للتسعير مصر عندها طول عمرها تسعيرة سياحية وتسعيرة للمواطنين بسبب تفاوت الدخل يعنى فى الأهرامات السياحة العربية والمصريين لهم نفس التسعير لأن العرب مش كلهم أغنياء ومصر بتعتبر أن دول احق بزيارة الآثار أما الأجانب لهم تسعير أكبر

مش صح. قصر نظر بامانه.

شوية الفكه الي تكسبها من عصر طالب او سائح درجه ثالثه ما تسوى. البند الكبير في مصاريف السياحه السكن و التسوق و الغذاء و النقل الجوي, مش المترو و شباك التذاكر.

اصلا الفئه هذه العالم كله يعاملهم بتسويق كمي. يعني شجعهم يجوا باعداد و هذه الطريقه التي تجيب مدخول منهم. قد ترى ان الزياده لا تستحق كل هذا التهويل, بس صدقني, الفئه هذه ابخل من البخل و تلاقيه يحسب كل قرش بالورقه و القلم من بلده قبل ان يصل لمصر. فارق 100% في تسعير التذاكر على متحف مثلا قد يعني انه لن يزور المتحف.

و بالمناسبه انا مواطن عربي سعودي و اي واحد كان يسأل اوريه الجواز. و برضه دفعوني تسعيره الاجنبي. اعتقد كلامك غير دقيق, اما هذا او انهم نصبوا علي.

 

[ابو كايد]

السائح له تسعير تانى

في اغلب دول العالم نفس التسعيره.
لفيت كل متاحف اوروبا وغيرها وكنت اخذ تخفيض على بطاقه الطالب الجامعي وصلت مصر رده انت كبير في السن ما ينفع التخفيض لسن عشرين بالكثير 25.
يجب ان يتعلموا من جورجيا تركيا اليونان معاملة السائح

 

[EGY FTW]

كيف رائع والقطارات هذه تشكوا خلوها من الركاب؟ تذاكر المترو والقطارات اصبحت مرتفعة جدا عن السابق والمواطن المصري يعاني الامرين حتى يدفع قيمتها.

الله يعين المصريين على الفقر والجهل والذي كان المفروض بالحكومة المصرية اعطائها الاولوية بدلا من مشاريع بنية تحتية كهذه لا تشكل اي اولوية مقارنة بالتعليم والصحة وتحسين اوضاع المواطنين المصريين

ماهو الجهل و التضليل و همل رجل قش يعتبر صنعه بردوا ...لما تكون بتهبد و كل معلوماتك جايبها من تويتر

حاول تداري الي جوا نفسك شوية ...كل تعليقاتك عن مصر

القطارات و المترو و الترام اكثر شئ مزدحم في مصر و مهما ارتفعت اسعارهم ...فهم ارخص بكثير من السيارات الخاصة

ماتهبد عليه و اكيد جايبه من تويتر هو القطار الخفيف الجديد في المدن الجديدة و اللي المفروض يزيد الاقبال علية مع بدأ العاصمة الادرية

ايضا هناك حفض و إعفاء لمن تجاوزوا عمر الستين عام ...و هناك اشتراكات للطلاب و لصحاب الاعاقات و خلاقة ....

جميل ان بلدي تتحول من بلد car centric الي بلد تهتم جدا بالنقل الجماعي

و الصناعية حلوة مفيش كلام ....

الغريب انك امثالك من الهبيدة و العنصريين بيتريقوا علي حال القطارات المصرية ...لما مصر. تقرر تصنع قطار اسباني و تستبدل المتهالك ... يبقي وحش

انصحك تشوف مساعدة

 

[madodedo]

مش صح. قصر نظر بامانه.

شوية الفكه الي تكسبها من عصر طالب او سائح درجه ثالثه ما تسوى. البند الكبير في مصاريف السياحه السكن و التسوق و الغذاء و النقل الجوي, مش المترو و شباك التذاكر.

اصلا الفئه هذه العالم كله يعاملهم بتسويق كمي. يعني شجعهم يجوا باعداد و هذه الطريقه التي تجيب مدخول منهم. قد ترى ان الزياده لا تستحق كل هذا التهويل, بس صدقني, الفئه هذه ابخل من البخل و تلاقيه يحسب كل قرش بالورقه و القلم من بلده قبل ان يصل لمصر. فارق 100% في تسعير التذاكر على متحف مثلا قد يعني انه لن يزور المتحف.

و بالمناسبه انا مواطن عربي سعودي و اي واحد كان يسأل اوريه الجواز. و برضه دفعوني تسعيره الاجنبي. اعتقد كلامك غير دقيق, اما هذا او انهم نصبوا علي.

حتى النوع ده من السياح معمول حسابه بأماكن مناسبة لهم مجانية كتير وتحفه حتى الطالب الأجنبي له تخفيض كبير ولكن بشروط

اما بالنسبة إنك اتحاسبت غلط الناس تعملك ايه دول حاطين لافته بحجم شباك التذاكر بتاكد على الأسعار للمصرين والعرب وده اخ تونسي صور تجربته بعيدا عن كلامى

 

[madodedo]

في اغلب دول العالم نفس التسعيره.
لفيت كل متاحف اوروبا وغيرها وكنت اخذ تخفيض على بطاقه الطالب الجامعي وصلت مصر رده انت كبير في السن ما ينفع التخفيض لسن عشرين بالكثير 25.
يجب ان يتعلموا من جورجيا تركيا اليونان معاملة السائح

ده مينفعش فى مصر نظرا لتفاوت الأجور بين مصر وبعض الدول العربية وبقيت دول العالم وكل حاجة لها ضوابط معينة والأسعار لا تقارن تقريبا مع أسعار معالم أثرية تانية فى العالم انا بعتبرها منخفضة جدا وتحتاج الرفع للضعف ويتقدم فى المقابل خدمات أفضل للسائح

 

[Hegesias]

حتى النوع ده من السياح معمول حسابه بأماكن مناسبة لهم مجانية كتير وتحفه حتى الطالب الأجنبي له تخفيض كبير ولكن بشروط
مشاهدة المرفق 576878

اما بالنسبة إنك اتحاسبت غلط الناس تعملك ايه دول حاطين لافته بحجم شباك التذاكر بتاكد على الأسعار للمصرين والعرب وده اخ تونسي صور تجربته بعيدا عن كلامى

مشاهدة المرفق 576879

مش فاهمني, اليافطه نفسها مفيهاش خانة "عربي". واجهتني نفس التسعيره الخاصه في القاهرة و الاسكندرية و الاقصر. الكلام هذا في عهد مبارك.

و الاعتراض عزيزي مش للرغبه في خانه مستقله عن بقية الاجانب. الاعتراض على فكرة التسعير على الجنسيه من اساسها. ما فيه احد في الدول السياجيه المحترمه يقوم بنفس الممارسه و اصلا تسويقيا فكره غبيه.

 

[Hegesias]

ده مينفعش فى مصر نظرا لتفاوت الأجور بين مصر وبعض الدول العربية وبقيت دول العالم وكل حاجة لها ضوابط معينة والأسعار لا تقارن تقريبا مع أسعار معالم أثرية تانية فى العالم انا بعتبرها منخفضة جدا وتحتاج الرفع للضعف ويتقدم فى المقابل خدمات أفضل للسائح

تفرق في ايه ؟ السائح الاجنبي تخين مثلا و يأخذ حيز اكبر ؟ لا يكون يشفط اكسجين بمعدل اعلى من المصري ؟ فيه جرب لا سمح الله و لازم تعقم بعده ؟

انت مقدم خدمة, سوي حساباتك و تشوف بكم يطلع عليك الزبون الواحد و حط تسعيره تناسبك. ما في داعي للتمييز على اساس الجنسيه.

و اذا ناوي تعصر السائح للفائده فاشتغل في الانشطه الي العصر فيها يستاهل, كالسكن مثلا. دفعه 5% زياده في السكن خلال اقامته افضل مئه مره من فتات على تذكره لا تقدم او تؤخر.

 

[madodedo]

مش فاهمني, اليافطه نفسها مفيهاش خانة "عربي". واجهتني نفس التسعيره الخاصه في القاهرة و الاسكندرية و الاقصر. الكلام هذا في عهد مبارك.

و الاعتراض عزيزي مش للرغبه في خانه مستقله عن بقية الاجانب. الاعتراض على فكرة التسعير على الجنسيه من اساسها. ما فيه احد في الدول السياجيه المحترمه يقوم بنفس الممارسه و اصلا تسويقيا فكره غبيه.

لا عصر مبارك انت بتتكلم عن عمر ده الهرم اتجدد واترمم بعدها يجي 3 مرات
اما التسعير مصر شايفه كده ان حقوق أهل البلد فى رؤية تراثهم بأسعار معقولة ومناسبة لقدراتهم المادية مهمه لهم للترفيه وكا فسحة لتعريف اولادهم بالتراث وللجيران فى المنطقة العربية لكن فى نفس الوقت لازم يربحو من السياحة وخصوصا أن الأسعار فى مصر بالنسبة للاجنبي لا تقارن يعنى فى وسط الغلاء الى المصريين فيه وبيشتكو منه ومع ذالك الأجانب بيتعجبو ازاى مصر الأسعار فيها رخيصة طبعا بالمقارنة بمتوسط الدخل فى دولهم

 

[madodedo]

تفرق في ايه ؟ السائح الاجنبي تخين مثلا و يأخذ حيز اكبر ؟ لا يكون يشفط اكسجين بمعدل اعلى من المصري ؟ فيه جرب لا سمح الله و لازم تعقم بعده ؟

انت مقدم خدمة, سوي حساباتك و تشوف بكم يطلع عليك الزبون الواحد و حط تسعيره تناسبك. ما في داعي للتمييز على اساس الجنسيه.

و اذا ناوي تعصر السائح للفائده فاشتغل في الانشطه الي العصر فيها يستاهل, كالسكن مثلا. دفعه 5% زياده في السكن خلال اقامته افضل مئه مره من فتات على تذكره لا تقدم او تؤخر.

بص التفكير السياحي فى مصر يحتاج إعادة نظر بالكامل اعتقادى الشخصي المنظومة لو تم إدارتها بشكل أفضل هتجيب أربع أضعاف الأرقام الحالية

 

[ابو مهند الزهراني]

الاولى وقف الصفقات العسكرية التي لاداعي لها

فمصر الان تمر بمرحلة خطيرة اقتصاديية لا عسكرية

المصانع العسكرية هو الحل الامثل لسد النقص و تلبية الأحتياج
ووقف ماراثون التسليح من الخارج
ووقف دعاية نحن اقوى ثالث جيش بالعالم و اكبر جيش بالمنطقة

عشرات المصانع الحربية لإنتاج الأسلحة وعشرات الشركات التي تسيطر عليها وزارة الدفاع
ومع ذلك و حسب ماقراءت
أن مصر كانت ثالث أكبر مستورد للأسلحة في العالم
بين عام 2015 - 2019 م

 

[عزت]

خبر ممتاز باى مقياس لتقليل كلفة الاستيراد حتى لو نسبة الصناعة الحقيقية 10بااماءة فقط فهو إنجاز

 

[madodedo]

خبر ممتاز باى مقياس لتقليل كلفة الاستيراد حتى لو نسبة الصناعة الحقيقية 10بااماءة فقط فهو إنجاز

على فكرة فى المجال ده ال 10% كا بداية رقم كبير لأن مش دول كتير اقتحمته او لها خبرات به او حتى مصانعها قادرة عليه صناعة القطارات والطيران هما الاختبار الحقيقي لصناعة اى بلد لذالك تلاقي دول معدودة فى منطقتنا الى بتفكر فيها كا صناعة مبالك انت بادي بنسب اكبر من كده بمراحل فى بعض الصناعات لا وداخلهم مع بعض

 

[احمد فتحي]

بالتوفيق لمصر الحبيبه
مشوار الألف ميل يبدا بخطوه
لسه محتاجين كتير بس الحمدلله مقومات الدولة موجودة عندنا
عقول، أراد موارد بشرية.

افتكرت تجربة الهند الصناعيه
كان الجميع يسخر منها خصوصا العرب
الآن الهند قادمة بقوة وربما ستبتلع بعض الدويلات الصغرى بجوارها فمعظم سكانهم اصبحوا هنود بل اقاموا لهم معابد خاصه
ربما سنشاهد الخليج الهندى قريبا ٢٠٣٠

 

[mohamedkamal]

انا شايف ٣٤ ناس بتضحك .. مش فاهم على ايه .. الموضوع الناس نسيت مكن cnc إلى بيصنع المكن زمان أما جت .. دلوقتى ابتدت توضح ملامح .. عموما تعدد كسكان مصر يحتاج بنيه تحيته ضخمه للنقل .. ولا اعلق على بعض الأفراد .. أن خطوط سكك حديد مصر تنقل أضعاف تعدد شعوبهم يوميا

 

[madodedo]

انا شايف ٣٤ ناس بتضحك .. مش فاهم على ايه .. الموضوع الناس نسيت مكن cnc إلى بيصنع المكن زمان أما جت .. دلوقتى ابتدت توضح ملامح .. عموما تعدد كسكان مصر يحتاج بنيه تحيته ضخمه للنقل .. ولا اعلق على بعض الأفراد .. أن خطوط سكك حديد مصر تنقل أضعاف تعدد شعوبهم يوميا

بالظبط مصر مكنتش مصانعها جاهزة لكده لكن بعد تطوير المصانع أصبحت جاهزة الأن سبق ونشرت موضوع بيتكلم عن أهمية الى بيحصل ده

الأول من نوعه في إفريقيا.. مصر تشيد "المصنع الأم"

اتفقت مصر وألمانيا على شراكة لتنفيذ أول مصنع من نوعه في مصر والقارة الإفريقية لتصنيع "ماكينات الخراطة فائقة التطور التي تعمل بالليزر والموجات فوق الصوتية"، وقالت الرئاسة المصرية في بيان إن المصنع سينتج ماكينات تستخدم في الصناعات الأساسية لقطاع الأعمال بكافة مجالاته. وبعد لقاء الرئيس المصري...

defense-arab.com

وانا لسه عند رأي ان الصناعات المدنية والى بيحصل فيها هتكون ظهير قوى للصناعة العسكرية فى مصر يعنى تتبع نشاط الصناعات المدنية فى مصر هتلاقيها غير بريئه فى المجال العسكري لكن خلافى ديما مع سرعة الإنجاز وعدم مراعاة الوقت المصنع العسكري المصري يتصرف كما لو أنه عنده كل الوقت الكافى فى الكون

 

[madodedo]

العربية للتصنيع تستقدم «ماكينة نادرة» الأولى بالمنطقة والثامنة في العالم تُصنع القطارات وعربات المترو وتصنع أجزاء من الطائرات والسيارات​

تمكَّنت الهيئة العربية للتصنيع، برئاسة الفريق عبدالمنعم التراس، من استقدام أول ماكينة في الشرق الأوسط والثامنة على مستوى العالم، والتي تعمل بنظام التحكم الرقمي بالكامل لتصنيع عربات السكك الحديدية ومترو الأنفاق بأحدث تكنولوجيا عالمية على أرض مصر، وذلك بالتعاون مع شركة «دي إم جي موري» الألمانية العالمية.
كان الرئيس عبدالفتاح السيسي، رئيس الجمهورية، قد اجتمع مع «الفريق التراس»، ووفد من مسؤولي الشركة الألمانية العالمية لبحث التعاون معها في توفير ماكينات حديثة لمشروعات تعميق التصنيع المحلي بالبلاد.
ومن المُقرر أن يشمل التعاون بين الجانبين إنشاء مصنع لإنتاج ماكينات الـCNC ذات التحكم الرقمي الأساسية لمدخلات الصناعات الحديثة محلياً خلال عام ونصف العام.
وتعمل الماكينة على تشغيل وتشكيل المعادن، والتي تُعتبر أكبر وأحدث ماكينة في العالم من نوعها، والتي تعمل بنظام التحكم الرقمي بالكامل، والتي وفرتها «العربية للتصنيع» بالتعاون مع الشركة الألمانية تنفيذاً لتوجيهات الرئيس عبدالفتاح السيسي، رئيس الجمهورية، بالاهتمام بالصناعة، ونقل وتوطين التكنولوجيا الصناعية الحديثة في مجال السكك الحديدية.
وكلَّف الرئيس عبدالفتاح السيسي، الفريق عبدالمنعم التراس في وقت سابق، بعمل «العربية للتصنيع» على تطوير وتحديث خطوط إنتاج مصنع مهمات السكك الحديدية «سيماف»، التابع لـ«الهيئة»، بأحدث الآلات والمعدات لمواكبة أحدث المصانع العالمية في هذا الصدد.
ووصلت الماكينة الحديثة، اليوم، إلى ميناء الإسكندرية، وهي الماكينة التي يبلغ وزنها 150 طناً، وسيتم نقلها بواسطة 22 ناقلة ثقيلة، على أن يتم تركيبها بواسطة خبراء ألمان طوال فترة 72 يوماً كاملة.
ومن المُقرر أن يخضع مهندسو مصنع «سيماف» لتدريب بواسطة خبراء شركة «دي إم جي موري» الألمانية على كيفية عمل وتشغيل الماكينة.
وحسب تقارير الشركة الألمانية العالمية؛ فإن الماكينة التي تحمل اسم «DMU 600 GANTRY»، تعمل على تصنيع الأجزاء كبيرة الحجم بأعلى درجات الدقة والسرعة في الإنتاج، وتُعتبر الماكينة «طفرة تكنولوجية».
وتستطيع الماكينة، بحسب تقارير الشركة الألمانية العالمية، تصنيع جميع مهمات السكك الحديدية، المتمثلة في صناعة عجل عربات السكك الحديد، والبوجيهات، وكامل محركات القطارات، وجميع آلات الجر، وأيضاً تصنيع السيارات، وأجزاء من الطائرات.
وتتميز الماكينة النادرة أيضاً باتساع مساحة التشغيل الرقمية، والتي تصل حتى 18 مترا طوليا.

مشاهدة المرفق 407730
مشاهدة المرفق 407732
مشاهدة المرفق 407731
مشاهدة المرفق 407734
مشاهدة المرفق 407735
مشاهدة المرفق 407736
مشاهدة المرفق 407737
مشاهدة المرفق 407738

ليس لديك تصريح لمشاهدة الرابط، فضلا قم ب تسجيل الدخول او تسجيل