اولا انا لست محارب ليهم و لا بكرهم مثلا ، و عارف ان طبعا فيهم ناس محترمين و ناس حتي بتعالج ببلاش. و شوفت منهم اللي بيشيل استقبال المستشفى لوحدة بعد هروب النائب. و لا اعمم الاخلاق السيئة فكل مكان فية الحلو و الوحش
الفقرة الأولى اللي بتتكلم فيها إن مرتبات الكل ضعيفة بس الدكاترة اعلى حبة
وفي التعليق اللي قبله مش عاجبك انهم بيتكلموا كمان 😂 عايزهم ياخدوا كام عشان تبقى مبسوط ؟
انت فاكر اني ضد رفع مرتباتهم مثلا ؟!!!!! انا بقول ياريت نبقي زيهم و خصوصا اول سنين بعد التخرج الي السوق كله طالب (حديثي التخرج خبرة ثلاث سنوات 🤣)
انت كطبيب بتاخد الخبرة و التدريب علينا و بمرتب و بعدها بتسافر. و مش عاجبك انك بتاخد تكليف 🤔
انا فاكر لما بتوع صيدلة زعلوا من تاخر التكليف و عملوا مظاهرات كمان.
النقطة الاخيرة ، انا لست ضد رفع مراتبتهم انا قصدي ان الظلم طايل الكل ، لكن هم علي الاقل واخدين شئ.
حتة ليه مش بيكتبوا الإسم العلمي
ده اريح اصلاً 😂 بس ليه بيكتب إسم تجاري ؟ عشان الصيدلي ميدهوش نوع معين ويقوله ده زي ده وهو مش كدة
ياسلام 🤣 يعمي الاسم العلمي هو الغلط مش الاسم التجاري 🤣 العكس صحيح ، الاسم العلمي هو الضامن الوحيد لعدم اختيار دواء غلط.
يعني الدول المحترمة بتخلي الصيدلي يعمل كدة. بقولك مفيش اصلا دولة بتكتب دواء بالاسم التجاري أصلا.
و علي اساس اني معرفش مؤتمرات شرم الشيخ و الساحل و مندوبين الادوية و......
حتة ان حديث التخرج بيهرب من المستشفى ، ياريت تقولي انت شوفت ده في مستشفى ايه ؟ وليه عممته على الكل
شوفت بعيني. و بلاش اتكلم لما ابويا جالة جلطة في المخ ، علشان انا كمان ميجليش جلطة و انا بكتب.
اقولك نكتة علي كورونا. في بلدي في الشرقية ، الاطباء هربوا علشان مفيش حماية. و سابوا الممرضين هما اللي يشتغلوا مكانهم 🤔. و هبروا علي عيادتهم (اللي طبعا غير مجهزة و هتنشر العدوي اكتر) و المستشفيات الخاص
قالوا لاهل البلد مش هنشتغل علشان مفيش حماية و لا إمكانيات. مكنوش يعرفوا ان اهل البلد هيعملوا اية ، اهل البلد قالوا هنلم فلوس و نوفر ليهم الامكانيات و كمان هنطلع علي المحافظ و نائب مجلس الشعب.
المضحك بقي و كيل الوزارة رد علي البلد و قال ازاي مفيش مستلزمات انا جاي بنفسي و نزل تاني يوم
المفاجأه 🤣🤣🤣 الاطباء كلهم متواجدين و لابسين الحمايه و بيشكشفوا علي المرضي 🤣. الوكيل بيقولهم المخازن مليانة اهية و انت لابسين امال الشكوي منين. قالوا احنا لم نشتكي 🤣.
انا مش عوز ابعتلك الفديو علشان محدش يعرف بلدي و الخصوصية و كدة بس ممكن ابعتهلولك لو مش مصدقني.
اقولك الاوسخ بقي و اللي خلاني العنهم ، كانوا ٢٠١٤ عاملين اضراب و انا جالي مغص كلوي (انا مكنتش غاهم اية دة) و مغترب بعيد عن بيتي علشان الجامعة ، روحت المستشفي و كنت بتقطع ، دخلت قالوا فية اضراب هنديلك في الطوارئ حقنة مسكن و مضاد للتقلصات و انت شكلك عندك حصوة. خلي بالك كان طبيب امتياز الي كشف عليا.
بقلهم طيب اعمل اشعة (سونار) علشان اشوف حجم الحصوة ، قالي لا احنا عاملين اضراب و مش هنعملك الا لو هتعمل عملية. 🤔🤔
اضطريت اصرف الفلوس اللي معايا و روح مستشفي خاص ، فشختني فلوس.
الشيفتات في مصر غير آدمية اصلاً ومفيهاش ادنى تقدير للطبيب
واخيرًا بدل ما تعترض على ان الدكاترة بتطالب بحقها ما تعترض على اللي بيدي الرواتب
ياحبيي امال المريض يعمل اية اصلا. اذا كان الطبيب زعلان ، المريض الغلبان اللي داخل مستشفي ضايعة و كمان دكتور امتياز مبتدأ هو الي بيكشف علية و مش عاجبة كمان.
اقولك الاقذر من كدة كمان.
عمال نظافة المستشفيات اثناء كورونا اللي الاطباء رموهم تحت الاتوبيس و محدش جاب سيرتهم. لية لانهم غير متعلمين. اما الدكطور جايب ٩٩٪ في الثانوي 🤣 هو المهم و هو اللي اتعمل له تطبيل.
انت عارف العامل دة اللي بينضف غرفة العمليات و لامواخدة بيشيل براز المريض بياخد كام!!!!
انا طبعا. مع زيادة جميع المرتبات لكن بلاش موضوع المظلموية و الاڤورة بتاعتكم دية. ابقي روح اتعالج كدة وشوف الاطباء هيحلبوك ازاي. 
