رؤية مدينة الرياض

[رٍسِـــلآنٍ]

اذكر التصريح ولكن ما اخذته كمصدر
لانه ذكر بشكل هامشي وبدون تفصيل

بعدها بكم شهر صار لقاء الامين وفصل في الموضوع فلذلك اخذت به

بالعكس التصريح جاء تفصيل بعد الاعلان عن المستهدف

هنا سمو الامير يشرح الامر بعد اعلانه ويذكر انه المستهدف بالخبر اللي ارفقته لك



بمعنى تصريح الامين غير دقيق في الوصف

 

[آل قطبي الحسني]

لا متوقع وليس مستهدف حسب كلام امين الرياض

لا مستهدف والامير محمد بن سلمان ناويها
الله يعين اهل الرياض تسلم عليه العصر يرد العشاء النت بطيء

اما السعوديه كلها توقعات في 2030 توصل 60 مليون كيف الله اعلم

 

[رٍسِـــلآنٍ]

مملوكة للدولة اعتقد
وراح تنقل لشركة KAFD او انها نُقلت خلاص
بس الكلام شلون بيربطونها بمحطة مترو المركز المالي مع انها تقريباً اكتملت
ولو حطو جسر شلون يفتحون باب في المحطة

مشاهدة المرفق 523722
مشاهدة المرفق 523723

صراحه ماعندي علم ولكن اعتقد انها مؤجره لونترلاند من قبل احد الملاك غير الدوله لان التطوير فيها معدوم ويخص وضع ونترلاند فيها فقط

اذا تم بنا جسر لا يشترط ان يدخل الجسر مباشره لمبنى المحطه تستطيع وضع بوابه النزول بجوار اقرب بوابه للمحطه

بل الافضل بناء نفق مشاة بدل الجسر

 

[رٍسِـــلآنٍ]

لا مستهدف والامير محمد بن سلمان ناويها
الله يعين اهل الرياض تسلم عليه العصر يرد العشاء النت بطيء

يازين الشرقيه بس
او بالاصح اي مدينه غير الرياض

 

[آل قطبي الحسني]

كلنا في الهوى سوى المستهدف عامة السعوديه 60 مليون تقريبا اخصم نصيب الرياض معا السكان الحاليين يصير الباقون نصيب المدن الجميله الشرقيه وجده والمدينه ومكه ونيوم الحمدلله القنفذه محد يبيها

يازين الشرقيه بس
او بالاصح اي مدينه غير الرياض

 

[Ranger454]

لايوجد ناموذج واحد ينفع للكل كل بيئة تخلق خليط خاص فيها



صحيح لاكن ماهو يا حلا يابرا يابيت بدون خصوصية ياغابة من الاسمنت كل مرحلة في حياتك تحتاج نمط معين للسكن بداية حياتك ممكن تكون شقة لمى تكبر ممكن تاخذ فله ولمى تتقاعد ممكن ترجع شقة امر طبيعي

انا كنت ساكن في الرياض في بيت اهلي مساحته اكثر من 500 متر الان اقصى طموحي هو شقة ملك من النوع الجديد بسعر معقول

خن نكون واقعين قليل جدا الي يقدر يتحمل تكلفة فيلا في الرياض حاليا والناس اعجبتها الشقق الجديدة الي تكون مصممه كويس ومخدومة وتشطيبها فخم

مع ذالك هي ليست للجميع من ناحية الفلل فيه حلول كثيرة متوفرة من التاون هاوس والدبلوكسات الى البيوت الي تكون مصممه بشكل جيد الى اضافة ادوار زيادة يعني لا افهم صراحة منع بناء الدور الثالث فيه حلول لمسالة الخصوصية لاكن ليش المنع !

بالاضافة الى انه ممكن بناء احياء فلل تكون ممتازة وكثافتها تسمح بخدمة مواصلات كويسة عن طريق تقليل عدد المواقف وغيرها وجعل الاحياء انسانية اكثر والخلط مابين الشقق والفلل والدبلكسات وغيرها وتوزيع المحلات التجارية بالقرب من السكنية





صحيح فيه مدن كويسة في امريكا غالبيتها بنيت قبل السيارة وكانت بالاصل تخدم عن طريق الترام لاكن الغالبية العظمى سيئة جدا سياسات تقسيم الاراضي الى سكنية فله واحده وسياسات المواقف وسياسات فصل المناطق التجارية




هذا لايتعبر كويس لاكن هم انحدو على كذا لانه مايقدرون يتوسعون في احياء "الضواحي" لانه اولا فيه سياسات تقسيم الاراضي تمنعهم وحتى اذا عدوها ملاك البيوت الموجودة يوقفون المشاريع


انا ساكن حاليا في احد الدول الي ذكرتها ونفس كلامك وظيفة المترو يخدم من الضواحي الى الداون تاون وهذا مايتعبر الافضل لانه المترو مايخدمك الا اذا بتروح الداون تاون اما اذا شغلك بمكان غير بالغالب حلك الوحيد ان تاخذ السيارة لانك تحتاج تاخذ المترو الى الداون تاون وبعدها الى الحي الاخر الي تبيه

مترو الرياض مثلا يتعبر افضل لانه فعلا يمثل شبكة وظيفتها النقل العام من اي مكان لاي مكان لاكن ناقصه التوسع بالترام نقول انشالله انهم بيستخدمون الباصات لتحديد اماكن الطلب العالي وتطويرها الى ترام

الباصات عموما سيئ في جميع الدول الي ذكرتها عدا كندا مثلا في تورينتو عندهم فكر رهيب في الباصات فا مع انهم ضواحي الا انهم يخدمون ضواحيهم بالباصات بشكل كبير وتردد عالي لذالك الكثير هناك يستخدم الباص

المونوريل وسيلة سيئة والترام والمترو وغيرها تعتبر حلول افضل لاكن وضعها في المركز المالي كان معظمه للشكل وهذا ماهو غريب مشروع المركز ركز على الشكل الى درجة ان كفاءة مساحة المباني سيئة وهذا كلام الرميان

ثقافة النقل العام هي للاسف عندنا تعامل كا شيئ ثانوي وليس اساسي النقل العام يتم بناءه لتخفيف عن الطرق بعد المصايب بدال ان يكون بناء النقل العام مخطط له في مناطق نمو المدينة بحيث اصلا قبل ماترخص لحي تشوف موقعه هل يناسب النقل العام ام لا ؟

اضافة الى ذالك التمدد العمراني وخصوصا بالرياض غير طبيعي مع انه في الفترة الاخيرة توجه الكثير الى الشقق بدال الفلل

السعوديين ليسو حساسين من النقل العام لاكن يحتاج البناء بشكل ممتاز واسثمار الاراضي

مشروع مترو الرياض جبار لاكنه لايغطي كل شي والمفترض اضافو الترام ليكون معاون للمترو في تغطية الشوارع المهمة

شوارع مثل طريق مكة, الدائري الشرقي, الدائري الشمالي , ابو بكر

هاذي الشوارع فيها كمية ضخمة من القطاعات الحكومية والشركات والمولات لذالك المفترض خدمتها عن طريق ترام يكون مربوط بالقطاعات المهمة عن طريق جسور مشاة مكيفة هنا تكون وظيفة الترام ربط محطات المترو الي موجودة في كل الجهتين با المراكز المهمة

ميزة الترام انه رخيص التكلفة جدا مقارنة بالمترو ومايحتاج تغير كل شي تاخذ المساحة الموجودة في جزيرة الطريق وتحولها الى ترام بالسهولة

الجبيل ترها مثال سيئ والسبب زي ماذكرت الامريكان

الامريكان بلا منازع هم الاسوء في تخطيط المدن مدنهم تعتمد بشكل اساسي على السيارة ومعدومة الانسانية

الجبيل مبنية بطريقة متعرجة على الطراز الامريكي

التخطيط المتعرج هاذا سيئ لاسباب كثيرة اهمها انه مايسمح للنقل العام انه يشتغل بطريقة سلسلة الشغلة الثانية يفصلك عن الجوار والمناطق التجارية فا تحتاج السيارة لكل مشوار

طبعا ليش هذا النظام المتعرج الغبي هو حل احمق من الامريكان لمشكلة سرعة السيارات داخل الاحياء السكنية واستخدام الشوارع السكنية كا شوارع رئيسية

هذاي المشاكل تم حلها بطرق افضل بكثير اولا سرعة السيارة عشان تخففها تضيق الشارع وتخلق بيئة تطلب انه يكون مدرك اكثر زي وضع الشجر في نصف الطريق !

ثاني مشكلة هي ببساطة اغلاق الاحياء مع السماح للمشاة والسياكل والنقل العام بالعبور

معليش انت يبدوا انك ما انتبهت لنفسك
تنقل اراء اليساريين والاوروبيين اللي يعقتدون بغباظ ان تخطيط مدن اوروبا هو الافضل ويناسب كل مكان والحقيقة ان كلامخم خرطي. حتى قنوات اليوتيوب اللي تدعي انها تفهم ترا كلامهم غير منطقي.

الجبيل وغيرها من المدن تخطيطها امريكي ومناسب للسعودية بشكل كبير.

تبي تقنع نفسك ان تخطيط امستردام يناسب السعودية.

بعدين النقل العام با يناسب السعوديين وعلى فكرة سترى عند تشغيل مترو الرياض ان اغلبهم يجربونه لاسبوع ثم يهجرونه معتقدين ان اغلبهم سيستمر باستخدام المترو وكذا الطرق صارت خالية لهم.

تخطيط المدن الامريكية قائم على تواجد ضواحي تتوقر بها جميع الخدمات ومربوطة بشبكة طرق سريعة ابعد مسافة من المدينة حوالي 20-40 دقيقة بالمتوسط.

مسألة التطبيل للتخطيط المعماري للمدن الاوروبية مصخت وصارت مهزلة. روح استخدم مترو الرياض ويوم تصل العليا مثلا كمل طريقك مشي او بالسكوتر بعز الحر و وقتها تعرف ان الله حق.

فيه واحد غثيث وبثر وحمار اصلي بتويتر سعودي شغلته يطبل لتصميم المدن الاوروبية ويشنع على تصميم المدن الامريكية غيرها بس كذا واللي يصحك انه يحسب نفسه فاهم وطلع حمار اصلي.

نصيحة لا تكن مثل ذاك تطبل على غير سنع.

سنويا زور اوروبا وخاصة امستردام وعندي شقة ببرلين وانا سنويا ازور اوروبا وبرلين من اسوأ المدن تخطيطا وهي من اقدم المدن الاوروبية. عدا عن باريس التي يغلب عليها الفوضوية في مناطق.

على فكرة المدن العسكرية بالسعودية انشئها سلاح المهندسين الامريكي ولا تزال في قمة الجودة والتخطيط الجميل المنسق.

حاليا انا مقيم في دالاس ولا زلت احتفظ بشقتي بوسط دالاس لكني انتقلت الى منزل في احد ضواحي دالاس وقت زواجي والحمدلله مبسوط ولا اشتكيت من سوء التخطيط بل بالعكس زعلان ان الضاحية اللي اشتريت بها منزلي اصبحت متصلة نوعا ما باحياء شمال وشرق دالاس “هذا اللي الاوربيين يحبونه الالتصاق او التكتل السكاني بالمدن الmetropolitan”.

سابقا وقت دراسة الماستر كنت ساكن في لوس انجلس وكانت شقتي بمجمع اسمه Americana at brand ومتوفر بالمجمع جميع الخدمات حرفيا لذلك قيمة الشقة بالسوق كانت توازي 2.5$ مليون دولار وايجارها الشهري كان 4000$ دولار شهريا واحد اسباب السعر المرتفع هدا هو تشوه لوس انجلس بالتخطيط بين المدرسة الاوروبية والامريكية والنتيجة زحمة لوس انجلس تخليك تسب وتسخط على الناس وتطلع اسوأ ما فيك. وبل حتى المشاهير اللي يطبلون للوس انجلس ما تلقاهم اصلا ساكنين بلوس انجلس نفسها بل بضواحي ومجمعات سكنية منفصلة.

النموذج الاوروبي للتخطيط العمراني مناسب لاوروبا ولا يعني بالضرورة انه قابل للنجاح او التطبيق في مكان اخر.

ملاحظة اخيرة تراك كثرت من مقاطع القناة التطبيلية ذيك not just bikes اللي مهمتها تحارب السيارات وتطبل للسياكل على اساس ان كل العالم مثل هولندا وامستردام.

 

[شلفا]

لذلك انا قلت ان النمط الامريكي هو الافضل
لانه يناسب ويحتوي الجميع (طبعاً يمكن تحسينة) الي يبي يسكن في منطقة ملمومة وحولة كل الخدمات ويعيش بدون سيارة يروح منطقة المحيط او السيتي سينتر
والي يبي فيلا ومساحة كبيرة يروح للضواحي والخ.

ما ادري وش تقصد بالضبط بالنمط الامريكي ؟

اذا قصدك داون تاون وبعدها تدرج بسيط ثمن ضواحي هاذا ماهو الافضل ونظام سيئ جدا

هم نفس ماقلت لك انحدو على هاذا النظام بسبب تقسيم البلديات الي يمنعهم من بناء احياء مزيج لذالك اي عمارة ماتقدر تبنيها الا في الداون تاون وحوليها

ليش هاذا ماهو الافضل ؟ لانه اصبح المطور اذا تجاوز كل ازمة التراخيص لازم يطلع اكبر عائد ومردود على ارضة لذالك يبنى عماير كبيرة فا الخيارات باغلب مدن امريكا الشمالية محدودها وعندهم مشكلة تسمى The missing middle مافيه اي خيارات اما بيوت كبيرة في ضواحي معزولة او كراتين في السماء مافيه دبلكسات مافيه شقق 4 ادوار مافيه تاون هاوس

افضل نظام هو الاحياء المتكاملة تقدم خدماتها للكل بدون سيارة وفيها تنوع سكني من عماير الى فلل ونشوفها كثير بالرياض عندنا بالاحياء الجديدة هاذا ماهو النظام الامريكي

نرجع للجبيل شف كيف اسلوب تخطيط وتطوير العماير في الجبيل
منطقة ملمومة
يتوسطها حديقة ومواقف سيارات مشجرة
مشاهدة المرفق 523706
مشاهدة المرفق 523707

بغض النظر عن التخطيط حي جميل وممتاز ان فيه شقق

 

[Ranger454]

لذلك انا قلت ان النمط الامريكي هو الافضل
لانه يناسب ويحتوي الجميع (طبعاً يمكن تحسينة) الي يبي يسكن في منطقة ملمومة وحولة كل الخدمات ويعيش بدون سيارة يروح منطقة المحيط او السيتي سينتر والي يبي فيلا ومساحة كبيرة يروح للضواحي والخ.

حنا مشكلتنا اننا نقلنا النمط الامريكي بشكل مشوه فصارت مدننا سيئة
خذ الرياض كمثال
عبارة عن ضواحي مرتبطة بطريق دائري
وطرق سريعة مافيه لا مركز ولا محيط
والمدن الكبيرة المفروض يكون فيها اكثر من سيتي سنتر واذكر قريت مقترح ودراسة لاحد دكاترة العمارة والتحطيط في جامعة الملك سعود عن بناء اكثر من مركز في الرياض
مشاهدة المرفق 523701

اما بخصوص خيارات السكن فاتفق معك
اتمناء اصلاح السوق العقاري وتنويع العرض
انا بالنسبة لي اتمنى ان نرى خيارات كثير في السوق ،بيوت دور واحد، عماير شغل مرتب
وابراج سكنية وتاون هوسيس وفلل ثلاث ادوار الخ

نرجع للجبيل شف كيف اسلوب تخطيط وتطوير العماير في الجبيل
منطقة ملمومة
يتوسطها حديقة ومواقف سيارات مشجرة
مشاهدة المرفق 523706
مشاهدة المرفق 523707

فعليا لا يوجد افضل من النمط الامريكي للتخطيط العمراني بالسعودية.

عن اذنكم بكمل نوم بس صحيت البي نداء الواجب وطالت السالفة وبرجع انام. يعني برد عليكم اول ما اصحى بعون الله

 

[Ranger454]

…

 

[شلفا]

معليش انت يبدوا انك ما انتبهت لنفسك
تنقل اراء اليساريين والاوروبيين اللي يعقتدون بغباظ ان تخطيط مدن اوروبا هو الافضل ويناسب كل مكان والحقيقة ان كلامخم خرطي. حتى قنوات اليوتيوب اللي تدعي انها تفهم ترا كلامهم غير منطقي.

ما ادري وش دخل اليساريين والاوربيين والعجين والخبز

ومن قالك اني اعتقد تصميم الاوربين للمدن ممتاز ؟

بالعكس انا من الصبح اطبل للقريد التصميم الي اغلب المدن الامريكية القديمة تستخدمة

اما الهولندين هم مبدعين في الانسنة المدن وتصميم الطرق وغيرها مثل (تخفيض السرعة, الرصيف الجانبي , الاشارات والتقاطعات )

بعدين النقل العام با يناسب السعوديين وعلى فكرة سترى عند تشغيل مترو الرياض ان اغلبهم يجربونه لاسبوع ثم يهجرونه معتقدين ان اغلبهم سيستمر باستخدام المترو وكذا الطرق صارت خالية لهم.

روح استخدم مترو الرياض ويوم تصل العليا مثلا كمل طريقك مشي او بالسكوتر بعز الحر و وقتها تعرف ان الله حق.

غير صحيح اذا تم تشغليه بطريقة صحيحة نجاحه مضمون حتى لو كان فيه مشكلة في ال last mile

فيه اماكن عمل كبيرة متصلة فيه وفيه باصات توديك للمحطات المترو

بعدين الدولة ماصرفت هاذي المليارات وتتوقع انها بتخليك تكمل بالسيارة اغلب الي بيصير بيكون فيه toll على الطرق الرئيسة وتدفع مواقف في الوزارات وغيرها كذا اغلب الموظفين بيروح ويرجع على المترو

بعدين 4 شهور فقط الي تعتبر حر واذا تم التشجير على النمط الحالي الوضع بيكون افضل

تخطيط المدن الامريكية قائم على تواجد ضواحي تتوقر بها جميع الخدمات ومربوطة بشبكة طرق سريعة ابعد مسافة من المدينة حوالي 20-40 دقيقة بالمتوسط.

ضواحي تتوفر بها الخدمات !

وانت الصادق احياء خالية ماتقدم اي شي اذا تحتاج تشتري لو موية تركب سيارتك وتروح مشوار 15 دقيقة لولمارت الي موقفه اكبر من المعرض نفسه كفاءة استخدام المساحات 0

اذا امين الرياض نفسه انتقد التصميم الاجنبي وقال انه سبب مشكلة وماناسب النسيج للمدينة

على فكرة المدن العسكرية بالسعودية انشئها سلاح المهندسين الامريكي ولا تزال في قمة الجودة والتخطيط الجميل المنسق.

روح شوف تصميم مدينة الملك خالد هل هاذا تصميم الضواحي الامريكية الي حنا نتكلم عنه ؟

مدينة الملك خالد تقدر تمشي من المجمعات السكنية الى الكتائب وغيرها في وقت قصير

حاليا انا مقيم في دالاس ولا زلت احتفظ بشقتي بوسط دالاس لكني انتقلت الى منزل في احد ضواحي دالاس وقت زواجي والحمدلله مبسوط ولا اشتكيت من سوء التخطيط بل بالعكس زعلان ان الضاحية اللي اشتريت بها منزلي اصبحت متصلة نوعا ما باحياء شمال وشرق دالاس “هذا اللي الاوربيين يحبونه الالتصاق او التكتل السكاني بالمدن الmetropolitan”.

سابقا وقت دراسة الماستر كنت ساكن في لوس انجلس وكانت شقتي بمجمع اسمه Americana at brand ومتوفر بالمجمع جميع الخدمات حرفيا لذلك قيمة الشقة بالسوق كانت توازي 2.5$ مليون دولار وايجارها الشهري كان 4000$ دولار شهريا واحد اسباب السعر المرتفع هدا هو تشوه لوس انجلس بالتخطيط بين المدرسة الاوروبية والامريكية والنتيجة زحمة لوس انجلس تخليك تسب وتسخط على الناس وتطلع اسوأ ما فيك. وبل حتى المشاهير اللي يطبلون للوس انجلس ما تلقاهم اصلا ساكنين بلوس انجلس نفسها بل بضواحي ومجمعات سكنية منفصلة.

النموذج الاوروبي للتخطيط العمراني مناسب لاوروبا ولا يعني بالضرورة انه قابل للنجاح او التطبيق في مكان اخر.

انت عندك مشكلة بفهم وش انا اتكلم عنه بالتصميم الامريكي وايش هو التصميم الاوربي لان لوس انجلوس

التصميم الامريكي القديم هو المعتمد على نظام القريد كا واشنطن ونيويورك وشيكاغو وغيرها كثير وهو معظم المدن الامريكية

التصميم الامريكي الحديث هو الضواحي وال Strode و كول دا ساك وغيرها

التصميم الاوربي امر مختلف جدا لان اوربا قديمة فا انبنيت المدن بشكل عشوائي الى ان جاءت شوارع كبيرة لتمثل الدائري

لوس انجلوس ابعد مايكون عن التصميم الاوربي او الامريكي القديم لوس انجلوس هي جنة الضواحي مدينة ممتدة نفسها نفس اغلب تكساس مثل هيوستن ودالاس وغيرها

ملاحظة اخيرة تراك كثرت من مقاطع القناة التطبيلية ذيك not just bikes اللي مهمتها تحارب السيارات وتطبل للسياكل على اساس ان كل العالم مثل هولندا وامستردام.

ما اطبل لااحد انا اومن بالحرية المدن الي فيها حرية لاتجبرك على السيارة جميع وسائل النقل متوفرة والحمدالله حاليا عايش بمدينة على هاذا الطراز عندي سيارة وعندي ترام يوقف على باب العمارة وعندي محطة مترو قريبة السيارة استخدمها في الويكيند وفي السفر وغيره والنقل العام استخدمه بشكل يومي للدوام والمقاضي ومرتاح الحمدالله بدال اقعد بالزحمة راكب الترام ومروق

وهذا الكلام الي Not just bike وغيره يدعمونه مايقولك اركب سيكل يقولك وفر خيارات من مشي وغيرها



على العموم ان مشكلتك جاي مدافع عن القضية الامريكية معتقدا اني امدح الاوربين مثلا او احد غيرهم ملاحظ فيك حميا كبيرة عن الامريكان ذكرتني بافراس الله يستر بكرا تقولنا النفط الايراني


امريكا حاليا من الاسوء في تصميم المدن وهذا شي مايختلف عليه اثنين عندهم ادمان للقوانين والاشتراطات وكانك تعيش في الاتحاد السوفيتي

ممنوع تبني بقالة جنب بيوت ممنوع تبني دبلكس او اي شي غير فله منفصله في one family zone لازم تبني حديقة امامية حتى لو ماتبغى لازم تبني مواقف ضخمة حتى لو كان مافيه حاجة لها وغيرها كثير من الاشتراطات وكل هاذا وفيه يبقى عندك ال NIMBYS وتحكمهم في اي شي تسويه في ارضك

واذا اشتريت بيت يجيك ال HOA ويتحكمون كم طول الثيل وايش لون بيتك مابقى الا يقولون لك ايش تلبس

 

[GREEN]

مشاهدة المرفق 523717
مشاهدة المرفق 523718

احس لها vibe غريب
ودي اجرب اعيش فيها شهر

النظام هذا شايفه بحي الصحافة جمب نادي الشباب
تقريبًا فوق ٢٠ برج وشغالين في اكثر من ١٠ ابراج ثانية كلها فوق ١٥ دور و فوق

مدري هو نفس اللي تتكلم عنه او لا بس الزبده منظرها يسد النفس ويجيب الاكتئاب تصميم غبي و الابراج كل جمب برج طالع لك ٥٠ مكيف سبيلت
مدري متى بيتخلصون من المنظر المقزز هذا

 

[GREEN]

اشوف بعض المطورين عندنا بغرب الرياض صارو يحطون مواقف الشقق تحت العمارة مباشرة نفس نظام اهل الغربية والصراحة حل ممتاز لفضيحة أمانة تخطيط مدينة الرياض و شوارعها الضيقة

 

[GREEN]

وبعدين ترى العقار نزل في الرياض بسبب انخفاض الطلب بمعدل النصف

مشاهدة المرفق 523661

مشاهدة المرفق 523662
لكن عند نزوح كم كبير من السكان الى الرياض بيصعد للسما

احد الاصدقاء يقول المحافظات التابعه لمدينة الرياض صلخ بالسابق حاليا الله اعلم لازم الاستراتيجيه تشمل منطقة الرياض وتوزيع السكان والمصانع وشركات فيها لفك الزحمه لهم قرن اهل الرياض يصيحون من الزحمه

لذلك اقترح ان تكون فكرة مدن صناعيه بين محافظتين او ثلاث حسب عدد المحافظات + تبنى مدن تسمى (مدن قطاع الاعمال) يكون كل الموجودين هناك الادارات الكبيره للمصانع اللي بين المحافظات

وتتصل المدن الصناعيه معا مدن قطاع الاعمال بمترو منفصل عن مترو الرياض معا مروره بالمحافظات لنقل العماله والموظفين الى المدن الصناعيه ومدن قطاع الاعمال

مترو معلق

مشاهدة المرفق 523664

كذلك ترام داخل المدن الصناعيه وترام داخل مدن قطاع الاعمال

مشاهدة المرفق 523663


كذا تخف الزحمه ويعاد استيطان العماله من مدينة الرياض العاصمه الى محافظاتها وتخف الزحوم

ولا انسى الترام والمترو المعلق يمر من حي المطاعم في مدن قطاع الاعمال والمدن الصناعيه كذا حي كامل كل ابوه مطاعم

يارجال جعلك سالم بس مترو الرياض له سنين ماخلص وإلى الان موقف الشغل فيه وتبي تحط مترو ثاني

 

[شلفا]

طيب النمط الامريكي
قائم على القريدز وإلى الان مستخدمة وواضحة المربعات في كل مدن امريكا تقريباً





اذا قصدك زي مانهاتن وفليدلفيا
فهذي بتسبب ازمة مرور ما تخلص

صحيح المدن الامريكية قديما بنيت على قريد مستمر يعني البلوك من اولة لاخرة متصل زي ماتشوف في مانهاتن وشيكاغو وغيرها

لاكن بعد الحرب العالمبة الثانية انتشرت الضواحي المتموجه وحطيت مقطع فوق يشرح ليش انتشرت بشكل كبير الان نادرا احياء جديدة تكون قريد في امريكا

ما ادري اي علاقة الازمة المرورية ترا اغلب مدنا تستخدم نظام القريد لاكن ماهو شكل متصل للبلوكات شف مثلا الخرج عندهم قريد كبير متصل

طبعا القريد متى يكون ممتاز اذا استخدمته بنظام معين مثلا شارع اساسي بين كل 5 بلوكات والبلوكات من داخل مقفلة للسيارات بحيث الناس ماتستخدم شواع الحي لتجاوز الزحمة او الاشارات

 

[أبو ع ـنآد]

النقل العام في هيوستن سيء جداً
السيارة ارحم مليون مرة
ممكن الداون تاون و الحي الطبي عشان القطار بس
اما الباص متعب و غثيث و ياخذ وقت طويل

البيت للمعهد : ساعة و نصف باص ، ٢٠ دقيقة سيارة
المعهد للبيت : ساعتين باص ، ٧ دقايق سيارة !

الباص ينفع اذا بتنتقل في نطاق ضيق
مربعين ثلاث سكنية او على امتداد نقطتين توقف ايه
اما الحياة اليومية تعتمد عليه كان الله ف العون بس​

 

[أبو ع ـنآد]

عشان كذا مدننا سيئة
ليتهم كلفو على انفسهم وعينو شركة امريكية

الأمريكان حاسبين إحساب كل شي
بين الطرق السريعة و الأحياء السكنية
يبنون أسوار عالية ، للخصوصية و إزعاج السيارات

 

[القائـد في الظل]

يازين الشرقيه بس
او بالاصح اي مدينه غير الرياض

هذا الصح
لكن اللي مرتبط بالرياض بوظيفته
ماله الا بيت او مزرعه برا
يتفضى وتطلع منه كل سلبيات
وضوضاء المدن

 

[رٍسِـــلآنٍ]

هذا الصح
لكن اللي مرتبط بالرياض بوظيفته
ماله الا بيت او مزرعه برا
يتفضى وتطلع منه كل سلبيات
وضوضاء المدن

هذا المصيبه ارتبطنا بالوظيفة

 

[access1]

هذا المصيبه ارتبطنا بالوظيفة

بس الشرفيه زحمه وغثاء
الخطوط السريعه صداع
الخبر الدمام داخل المنطقه مرض

 

[رٍسِـــلآنٍ]

بس الشرفيه زحمه وغثاء
الخطوط السريعه صداع
الخبر الدمام داخل المنطقه مرض

صدمه

معقول ماعمرك زرت الرياض

اللي بالشرقيه ذي رحمه مقارنه بالرياض