جدوى:ضريبة القيمة المضافة سترفع التضخم 3% واسعار الاغذية ارتفعت في المملكة رغم تراجعها عالميا

[البحرية عز وحرية]

ضريبه الدخل جايتك جايتك ?

ضريبه القيميه المضافه خليجيا هي ٥٪؜ لكن رفعناها الى ١٥٪؜ وهذا بينشط الاسواق الخليجيه على حساب السوق المحلي

انا اعتراضي كله مو على الضريبة بالعكس الي يبي اقتصاد منتج وبعيد عن النفط الضريبة شي اساسي فيه لكن مره وحده 15% صادمة كانت لو تم رفعها تدريجيا لين تنحل الامور وترجع الاوضاع وبعدها يرجعونها لمستويات 5-10% بكيفهم اما ضريبة الدخل قال ولي العهد انه مستحيل تجي ضريبة على الثروة او الدخل لكن لو جت الله يعين وقتها مع انه الي بياكلها الهوامير ههه

 

[رٍسِـــلآنٍ]

كيف تنشط الاسواق على حساب المحلية؟

التسوق السعودي راح يرتفع من دول الخليج بالذات البحرين والكويت

 

[البحرية عز وحرية]

والله ما اشوف الا ان هذا السبب المنطقي للاصرار على اغراق البلد بالعماله الوافده وعدم رفع نسب السعوده خاصه بالقطاعات الكبرى ، ولا تنسى انهم مستفيدين من الاجانب رسوم توصل الى ١٠ الاف بالسنه للعامل الواحد

فتش عن المجاملات السياسية في موضوع الوافدين مالها دخل بالرسوم يدفع 10 وياخذ مليون وش استفدت دفع لك 1% من الي اخذه

 

[رٍسِـــلآنٍ]

انا اعتراضي كله مو على الضريبة بالعكس الي يبي اقتصاد منتج وبعيد عن النفط الضريبة شي اساسي فيه لكن مره وحده 15% صادمة كانت لو تم رفعها تدريجيا لين تنحل الامور وترجع الاوضاع وبعدها يرجعونها لمستويات 5-10% بكيفهم اما ضريبة الدخل قال ولي العهد انه مستحيل تجي ضريبة على الثروة او الدخل لكن لو جت الله يعين وقتها مع انه الي بياكلها الهوامير ههه

بالعكس الضريبه تدمر الاقتصاد وتسبب ركود ، لازم تفهم نقطه ان الضريبه ماتوجد فلوس من العدم انت فقط تاخذ جزء من فلوس موجوده مسبقا في البلد

اللي يدخل لك فلوس هي الصادرات والصناعات مو الضريبه

 

[عبير البحرين]

اذا فتح الجسر ماتوقع تزيد الضريبه على البحرينين

سابقا كانت البحرين مصدر تسوق ارخص لنا لبعض السلع مثل الملابس والمجوهرات وبعض الماركات
اما الان مع ارتفاع الضريبه الى ١٥٪؜ راح تكون البحرين وجهة رئيسيه لتسوق لاهل الشرقيه لكل السلع فعليا

اذا ممنوع الشكوى لله بجيكم سباحه

أمزح معاك .. أنت مب ممنوع
حياكم الله يا أهل الشرقية وأهل السعودية جميعاً، تعالوا بسرعة للبحرين، شوارعنا ومناطقنا وفرجانا ومولاتنا ودور السينما ينطقون ويقولون لنا وينهم وين أهل السعودية؟ ليش ماعاد نشوفهم؟، قلنا لهم هذا الكورونا لا بارك الله فيه فرق بينا وبين عيال عمنا وأشقائنا.​

 

[typhon99]

التسوق السعودي راح يرتفع من دول الخليج بالذات البحرين والكويت

الجمارك ما بتسمح لك تمرر كميات.. الا اذا تشوف المقاضي العائلية تفرق في سوق ضخم زي السوق السعودي

الشي الثاني زيادة الضريبة تعني انخفاض الطلب وبالتالي خفض الاسعار.. مو ضروري زيادة الضريبة تعني زيادة الاسعار

 

[البحرية عز وحرية]

التسوق السعودي راح يرتفع من دول الخليج بالذات البحرين والكويت

اسمح لي اختلف معك وعبير موجودة وتعرف اسعار المنتجات بالبحرين والكويت مقارنة بالسعودية اغلى بكثير مع وجود الضريبة شبه متشابهة بتصير

 

[الطارق]

ياخوي اقولك الازمة حصلت عام 1998 وكان سعر النفط نازل ايامها 12 دولار وصندوق النقد وضعنا بالخطوط الحمراء ووصلت ذيك السنة بس نسبة الاستدانه 100% من الناتج المحلي يعني امر اكبر من الي حنا فيه الحين لاننا كنا وقتها معتمدين على النفط حاليا حنا نسبة الاستدانة مع الازمات هذه كلها 25% من الناتج المحلي

معلومة على الماشي

كان عدد السعوديين بالثمانينات ٩ ملايين

و الددسن وكالة ب ١٢ الف ريال

و الخروف الطيب ٣٥٠ ريال

و البنزين ب ٢٥ هلله

و الوظايف على قرش طب و تخير

 

[البحرية عز وحرية]

بالعكس الضريبه تدمر الاقتصاد وتسبب ركود ، لازم تفهم نقطه ان الضريبه ماتوجد فلوس من العدم انت فقط تاخذ جزء من فلوس موجوده مسبقا في البلد

اللي يدخل لك فلوس هي الصادرات والصناعات مو الضريبه

انت تحسبها 15% على المواطن لكن احسبها على الشركات والمصانع وقتها بتشوف المبالغ الضخمة الي تكون الضريبة الدولة تاخذها منك وترجعها لك رواتب ترا شفت ترامب بازمة كورونا همه الوحيد دعم القطاع الخاص جوبس جوبس جوبس لان التوظيف في القطاع الخاص هو الي بخلي العالم تدفع ضرايب عندهم وتنمي ميزانيتهم واقتصادهم

 

[typhon99]

بالعكس الضريبه تدمر الاقتصاد وتسبب ركود ، لازم تفهم نقطه ان الضريبه ماتوجد فلوس من العدم انت فقط تاخذ جزء من فلوس موجوده مسبقا في البلد

اللي يدخل لك فلوس هي الصادرات والصناعات مو الضريبه

بلعكس في قطاعات في السوق السعودي تتلقى دعم حكومي مهول ولا تقدم اي فائدة تذكر للدورة الاقتصادية او للحكومة.. مثل القطاع العقاري اللي يتم فيه كنز الاموال على شكل اراضي خام.. هذي الضريبة حلال فيهم وبتساعد في وقف المضاربات وخفض الاسعار

 

[البحرية عز وحرية]

معلومة على الماشي

كان عدد السعوديين بالثمانينات ٩ ملايين

و الددسن وكالة ب ١٢ الف ريال

و الخروف الطيب ٣٥٠ ريال

و البنزين ب ٢٥ هلله

و الوظايف على قرش طب و تخير

يا عالم 1998 يعني قبل ال 2000 بسنتين

 

[البحرية عز وحرية]

الشباب هنا ناسين التسعينات من الثمانينات للالفين وصلنا على طول ههههه

 

[رٍسِـــلآنٍ]

فتش عن المجاملات السياسية في موضوع الوافدين مالها دخل بالرسوم يدفع 10 وياخذ مليون وش استفدت دفع لك 1% من الي اخذه

مافيه عامل ياخذ مليون الا على عدد الاصابع ، اغلب العماله الوافده راتبها من ١٣٠٠ الى ٢٥٠٠ بالكثير
ولو حسبناها على ٢٥٠٠ راتبه السنوي ٣٠ الف ريال بيدفع منه ١٠ الاف رسوم غير مصروفاته في الاقتصاد المحلي من فواتير كهرب وماء هذي منتجات تدر اموال على الدوله بعكس مايعتقد البعض اننا نخسر من استهلاكها
الزبده ممكن يصرف ٥٠٪؜ من دخله محليا لو ما رص على نفسه

 

[typhon99]

معلومة على الماشي

كان عدد السعوديين بالثمانينات ٩ ملايين

و الددسن وكالة ب ١٢ الف ريال

و الخروف الطيب ٣٥٠ ريال

و البنزين ب ٢٥ هلله

و الوظايف على قرش طب و تخير

والدولار اللي كان مربوط به الريال كان في الثمانينات 3 اضعاف قيمته حاليا
انت فقط اضرب في 3 وبتكتشف انها نفس القيمة تقريبا

 

[FA-117]

لولا النفط ماقدرت تاخذ ضرائب على المواطنين هذي حقيقه لا جدال فيها

من قالكم ان الضرائب توجد اموال من العدم ؟

تراها ضريبة قيمة مضافة مش ضريبة دخل !
الغرب والشرق بكبره .. مواطنيهم مفروض عليهم ضريبة دخل لاتقل عن 40% + ضريبة قيمة مضافة.

إذا ضريبة قيمة المضافة مسببة كل هالأزمة عندك، فأعرف أن عندك خلل على الصعيد الشخصي في تدبير امورك المالية.
الأقتصاد مب جمعية خيرية لي ولك... الاقتصاد لازم يعطي وياخذ منك عشان تستمر دورة الاقتصاد.

أما إذا حاكر الرضا والرفاهية عندك على أنك تاخذ وتاخذ وتستنزف موارد البلد عشان اللي مثلك ينامون مرتاحين ومبسوطين فأنت واهم.

 

[البحرية عز وحرية]

مافيه عامل ياخذ مليون الا على عدد الاصابع ، اغلب العماله الوافده راتبها من ١٣٠٠ الى ٢٥٠٠ بالكثير
ولو حسبناها على ٢٥٠٠ راتبه السنوي ٣٠ الف ريال بيدفع منه ١٠ الاف رسوم غير مصروفاته في الاقتصاد المحلي من فواتير كهرب وماء هذي منتجات تدر اموال على الدوله بعكس مايعتقد البعض اننا نخسر من استهلاكها
الزبده ممكن يصرف ٥٠٪؜ من دخله محليا لو ما رص على نفسه

راتب مين ؟ رسلان انا لي تجربة بمحل سويته واعطيهم رواتب واكتشفت انهم يطلعون بال 30 - 40 الف شهري وياخذون راتب مني فوقها ويعطوني 13 الف لا ومنها رواتبهم يعني يوصلني حول 8

 

[access1]

قالها لن يتم فرض الضرائب على الثروة او الدخل ما قال عن القيمة المضافة والقيمة المضافة خليجيا مو بس عندنا

تم نشر الاتفاقية الموحدة لضريبة القيمة المضافة لدول مجلس التعاون الخليجي في صحيفة أم القرى بعددها ‏الصادر رقم 4667 بتاريخ 24/7/1438هـ. وتهدف هذه الاتفاقية إلى وضع إطار موحد لتطبيق ضريبة القيمة ‏المضافة في دول مجلس التعاون الخليجي، والتي ستفرض على توريد السلع والخدمات، وقد صدرت موافقة ‏المملكة على الاتفاقية بموجب المرسوم الملكي الكريم رقم م/51 وتاريخ 3/5/1438هـ‎

انا لا اتحدث عن ولي العهد حفظه الله
اتحدث عن الماليه وغيرهم
هم من يرفع التوصيات ومن يوجد حلول كلا حسب مكانه وطريقته للاسف الكثير منهم حلول ضريبيه او خدميه

 

[access1]

راتب مين ؟ رسلان انا لي تجربة بمحل سويته واعطيهم رواتب واكتشفت انهم يطلعون بال 30 - 40 الف شهري وياخذون راتب مني فوقها ويعطوني 13 الف لا ومنها رواتبهم يعني يوصلني حول 8

وش مشروعك اخوي

 

[البحرية عز وحرية]

وش مشروعك اخوي

كان محل مواد صحية وكهرباء

 

[access1]

فتش عن المجاملات السياسية في موضوع الوافدين مالها دخل بالرسوم يدفع 10 وياخذ مليون وش استفدت دفع لك 1% من الي اخذه

القرارات الاخيره لو طبق تنفيذ فعلي على مووضع التحويلات الماليه مايقدر يحقق اي فائض دخل