وزير المالية السعودي:سنتخذ اجراءات صارمة وربما مؤلمة

[abu ali]

امس قاعد اخطط كيف اجمّع
مكافأة حافز

يارب ما ينقطع ?

الله يرزقك ويرزقنا ويرزق الجميع من واسع فضله

 

[عاشق اسبانيا]

يا اخي الدعم اللي تتكلم عنه غير صحيح ابداً

الموظف السعودي في القطاع الخاص لم يتم دعمه حكومياً وما تحاول ان ترمي به غير منطقي ابداً

نظام ساند هو نظام اجتماعي للقطاع الخاص يستقطع شهرياً واحد بالمئة 1% من راتب الموظف السعودي النظام حديث له 6 سنوات
والحكومة مالها دخل فيه ابدا.
التأمينات الإجتماعية تديره وتنظمه القطاع الخاص بإشراف حكومي فقط وليس مالي.

الأمر الملكي أصدر لتعديل بعض بنود ساند فقط وليس دعم مالي كما تدعي.

بالعربي مادفعه الموظف السعودي من راتبه الشهري سابقاً يأخذ جزء بسيط منه الآن من بند ساند لمدة ثلاثة اشهر ولا يزيد عن 12 شهر.

أعيد وأكرر الحكومة فقط عدلت النظاام ولم تدعم لا الموظفين السعوديين ولا القطاع الخاص.

وهذا سبب في إزاحة كثير من الاعباء الماليه على شركات القطاع الخاص بسبب إبعاد الموظفين السعوديين.

ارجوا ان الصورة وضحت لك.
شكراً

??? التأمينات الاجتماعية مؤسسة حكومية تأسيساً وإشرافاً وتنفيذاً والقطاع الخاص ما له علاقه فيه لا من قريب او من بعيد
نظام ساند اصدره التأمينات الاجتماعية وهو خاص لاي احد يفصل من القطاع الخاص يكون له دعم مالي لمدة سنتين على ما اعتقد
والتأمينات ما يدعم مالياً ولا ساند اذا كان الموظف على رأس العمل
التأمينات تستقطع من الراتب علشان التقاعد فقط وساند نسبة من الراتب كذلك
اما الدعم فكلامي كان عن صندوق الموارد البشرية فهو يدعم الراتب بنسبة 40% لمدة ثلاث سنوات وتخفض حتى تصبح 0%
طبعاً مو كل منسوبي القطاع الخاص يحصلوا على دعم ممكن 15% بعد وضع الشروط التعجيزية
[/QUOTE]
اعيد كلامي ان 60% هو لدعم القطاع الخاص ليس منسوبي القطاع الخاص

جميع موظفي القطاع الخاص السعوديين يتم دعمهم ملياً من قبل التأمينات الاجتماعية على بند نظام ساند الحكومة ليس لها دخل سوى تنظيمي فقط.

 

[جزر المحيط]

التحويلات الخارجيه تافهه مقارنه بامور اخرى

وشغله الايدي العامله هذي من الفكر الاساسي للاقتصاد ماتوقع يتخلون عنه لان على كثر الازمات مارفعو نسب السعوده ولا سعودو قطاع المقاولات النفطيه اللي بشخطه قلم يمكن يوفر لك نص مليون وظيفه برواتب محترمه

المشكله مو بالقطاع الخاص بختصار ولا حتى العام

القطاع الخاص شرائح

إرتفاع الإنفاق = إرتفاع سعر المخرجات = ضعف المنافسة داخليا و خارجياً = ضعف العوائد

 

[كوماندو]

بداية جيدة

 

[الرمز]

اعيد واكرر جميع دول العالم ستتخذ أجراءات تقشفيه بعد تلك الجائحة منهم من سيعلن للمواطنين ومنهم من سيتخذها بشكل فجائي ..

 

[نويصر]

هذا كلامي ، يجب التوسع في الخصخصة وايضا الرسوم والضرائب

اصنع اقتصاد اولاً بعدين افرض رسوم وضرائب

 

[سلطان الجزيرة]

العدد لازم يقل

عندنا بالحارة
بقاله وجنبه خباز
الخباز 3 باكستانيين
البقالة يمكن خمسه

وقيس عليها


اعداد كبيرة ماحنا بحاجة لها

العمالة النظامية التي تشتغل بهذه الوظائف نفعها أكبر من ضررها، تركت أصحاب الوظايف من مهندسين وإداريين ومحاسبيين اللي بسببهم هناك آلاف العاطلين السعوديين ومسكت ذولي اللي لهم نفع كبير جدا على الاقتصاد عن طريق الضرائب التي يدفعوها

 

[العزيزي]

ما ينقص على احد شي من الرزق لو هللة
بالنسبة لي مااهتم إذا كان لي رزق ابي اخذه لو كل العالم حالت دونه
فخليها تجي زي ماتجي والحافظ الله

 

[abu ali]

اهم شيء المواطن ثم المواطن ثم المواطن


حان وقت ترحيل المخالفين وتقليل عدد النظاميين من الأجانب

تدري كم تحويلاتهم للخارج في عام 2019 فقط 104 ريال مليار أكبر استنزاف لخزينة الدولة هذا غير اقتصاد الظل الي يمارسونه

 

[كوماندو]

اصنع اقتصاد اولاً بعدين افرض رسوم وضرائب

١٢٣ اقتصاد ماتعرف انت، اي دولة بالعالم عندها ضرائب

 

[deter]

العمالة النظامية التي تشتغل بهذه الوظائف نفعها أكبر من ضررها، تركت أصحاب الوظايف من مهندسين وإداريين ومحاسبيين اللي بسببهم هناك آلاف العاطلين السعوديين ومسكت ذولي اللي لهم نفع كبير جدا على الاقتصاد عن طريق الضرائب التي يدفعوها

الوظايف المدنية انا من زمان مع سعودتها
وهذا المفروض بدل المجاملات على حساب المواطن

 

[ali-777]

في هذه الاوقات العصيبة يجب التخفيف على الميزانية عن طريق
1- تقليل الاستيراد من الخارج الى الحد الضيق جدا جدا
2- تحويل الانفاق الى القطاعات الاكثر اهمية وهي الغذاء والصحة
3- وقف المشاريع الغير ضرورية مثل الترفيه

 

[كوماندو]

الوظايف المدنية انا من زمان مع سعودتها
وهذا المفروض بدل المجاملات على حساب المواطن

الغاء نظام الكفالة+ تطبيق الاجر بالساعات+ توطين الوظائف الإدارية والمالية

 

[رٍسِـــلآنٍ]

مقارنة بالانفاق الحكومي اكيد تافهه بس اذ عندك ١٠ مليار ريال متوسط التحويلات الشهري هذي ١٢٠ مليار ريال سنويا يعني مبلغ فلكي شوي واجزم ان ٤٠ في المية من التحويلات هي للعماله الزائدة عن الحاجة. انا اتفهم خفض اجور اليد العاملة لكن المفروض تكون متعلقه بقطاع المقاولات وبعض القطاعات الشبه حكومية اما بقية القطاعات لابد من رفع الاجور حتى يتساوى راتب الاجنبي المنخفض مع راتب السعودي المرتفع وبذلك تحد من استقدام عمالة راح تكلفك نفس راتب السعودي وفوق هذا تدفع الرسوم الحكومية والتامين الطبي و المقابل المالي والسكن. ارفع اجور اليد العاملة وعط السعودي راتب ويروح منه للتامينات الاجتماعية ولا لك علاقه في السكن ولا التامين. كذا تقلل نسبه التحويلات الخارجية وتحافظ على احتياط العملة الاجنبية وستخدمه في اماكن اخرى تشكل عصب للاقتصاد.

احنا نشوفها مشكلة وهذا حلها اللي مايشوفها مشكلة لازم يراجع نفسه والا بيستمر الوضع من جرف لدحديرة. اتوقع التصريح ايضا له ابعاد سياسية حتى تتفادى اي ضغط سياسي ممكن يواجهك لو اتخذت اجراءات صارمة من الممكن ان يتاثر بها احد خارج حدودك الجغرافية. اذا صاحب الخبر حملة اعلانية فاعلم ان الإجراءات مخروطية الشكل ?

الاجنبي ياخذ راتب قليل ولا يدخل في التأمينات بحيث ماتصرف له راتب تقاعد لسنوات وتاخذ منه رسوم وفلوس كثيره سنويا يدخل لك مبالغ مو بسيطه وحتى معيشته هنا بفلوس يصرف مقابل اللي ياخذه ويرفع لك المبيعات

السعودي اعلى تكلفه عليهم ، هم كذا يفكرون لهذا الوضع مستمر على هالحال

 

[رٍسِـــلآنٍ]

إذا هذا فكرك المالي ان فلوسك اللي حافظها انت للاستثمار وتستخدمها لمصاريفك وقت الازمات، فأستطيع التأكيد أن ماعمرك أستثمرت ولا جمعت وحياتك كلها ماشية ببركة القروض والفيزا وكل سنة تسوي اعادة تمويل من كثر مامخك في الصرف والايرادات مضروب.

ههههههههه انا ما اتسلف من احد بحياتي عشان احط رقبتي في قرض وبنك وفيز ?

انا قلت لك خذ فلوس الصندوق كلها ؟
ياخي خذ من الارباح !!! تستثمر ليه اجل !!!

 

[deter]

في هذه الاوقات العصيبة يجب التخفيف على الميزانية عن طريق
1- تقليل الاستيراد من الخارج الى الحد الضيق جدا جدا
2- تحويل الانفاق الى القطاعات الاكثر اهمية وهي الغذاء والصحة
3- وقف المشاريع الغير ضرورية مثل الترفيه

وفيه شي لازم ينتهي

ماله داعي اذا جا مسؤول يحطون 9 الاف بنر ترحيب بالشوارع ومادري كم الف وردة
وشرا اطقم كنب فاخرة للضيوف

الصرفيات اللي مثل هذي مالها اي داعي ومردها زبالة او مخازن وتفسد

 

[رٍسِـــلآنٍ]

العمالة النظامية تدخل على الدولة

قيمة الفيز

رخص السيارات

التاشيرات

لكن كفلاؤهم يسحبونها من ظهورنا برفع الاسعار

بالضبط التكلفه علينا

 

[كوماندو]

وفيه شي لازم ينتهي

ماله داعي اذا جا مسؤول يحطون 9 الاف بنر ترحيب بالشوارع ومادرب كم الف وردة
وشرا اطقم كنب فاخرة للضيوف

الصرفيات اللي مثل هذي مالها اي داعي ومردها زبالة او مخازت وتفسد

كلها افكار الجيل القديم من الديناصورات

 

[GSN]

 

[GSN]