أولاً أعتذر عن التأخير في الرد
العماله تشتغل عند الشركات وفق قوانين وانظمه الاستقدام نفسها لهذا اقول الخروج الفوري انهيار فوري
المشكلة أخوي أن الأنظمة مترهله و القوانين قديمة و تنخرها الثغرات
و أنت أساساً ما تدري الوافد قادم للعمل ولّا للإستثمار بإستغلال التستر التجاري ؟!
هالامور مافيها مكابره ولا تدار بهذا الاسلوب لان انت الخساسر الوحيد وغيرك هو المستفيد , انت بحاجه الى بيئه جذب استثمار الان وخطتك جذب الاستثمارات الخارجيه كيف بيجيك الخارجي وانت حتى الداخلي صرت طارد له ؟
لازم يكون عندك مميزات عن غيرك تخلي المستثمر يشتغل عندك , فكره ان كثره العماله بالمجمل ضاره للبلد غلط وفكره الاعتماد الكبير على العماله بالقطاع الخاص برضو غلط , المطلوب منك توازن بين الامرين وتعدل الوضع بحيث تكون الاولويه لتوظيف السعوديين , انت مشكلتك الفعليه الان مع العماله في رفع نسبه البطاله بالاعتماد على الايادي الاقل تكلفه في القطاعات الكبرى والمهمه وهي المفروض يكون لها الاولويه مو من تحت بمحلات الخضار والجوالات والورد ومدري ايش هذي مضيعه وقت وتشتيت الانظار عن القطاعات اللي مطلوب فيها التغيير لان انت كمواطن اكبر المتضررين من خروج العماله من المشاريع الصغيره
بالعكس أخوي ما أقصد المكابرة و إسلوب التعالي ,
و أيضاً واضح إنه أنت و أنا متفقين على خلل القوانين
و عليه خلنا نتفق على أنه فيه فرق بين :
إستقدام عمالة أجانب لتشغيل مشاريع تجارية و صناعية
و بين خلق بيئة جاذبة و حوافز لجلب الإستثمار الأجنبي
و أنه فيه فرق بين المشاريع الصغيرة و "الناشئة"
اللي ممكن تطورها في المستقبل و تصنع منها قطاع كامل
أنت تواجه مشكلة سوء تنظيم السوق , و أساسه التستر التجاري ,
و لاحظ أخوي أن أزمة كورونا كشفت خلل و ضعف في :
قطاعات , خدمات و منتجات مهمة للمواطن
رغم أنها أزمة صحية و ليست حرب !
و أنا معك أن بعض و ليس كل مبادرات التوطين
مضيعة للوقت و فشخرة كذابه من وزارة العمل
قطاعات السوق بعضها حيوية و الأخرى أقل ..
** ب أجهز موضوع نقاش عنها و أمنشنك
ياخي خلني ساكت ماقدر اتكلم بذا الشي الزبده التأثر كان كبير لدرجه شركات نقلت اعمالها للعراق تخيل !! حتى قبل لايسون اجتماع الفرص الاستثماريه مع العراق !!
هذي فلوس واستثمارت مافيه شيء بالغصب لان كذا ماحد بيجيك لان ماحد مجبر يستثمر عندك , لغه المال مو كذا الزم ماعليهم هم فلوسهم
أرجع أقول لك , في يد الحكومة أدوات , و كذلك سلاسل الإمداد و التموين
و المواد الخام , و مشاريع الحكومة و فرص الإستثمار المطروحة كلها منها ,
و الأجنبي جاك مستثمر في وقت كنت ساكن خيمه و راس مالك بير بترول ,
كيف هالحين !
انا اتكلم عن الكل مستثمريين محليين وخارجيين ولا اقصد بكلامي المشاريع الصغيره من بقالات ومراكز تجاريه لا تأثير لها ولا مقارنه بينها وبين باقي المصانع والشركات
جميع القطاعات اللي ذكرتها بإمكانك إصلاح الأنظمة و القوانين
و راح تخلق منها قطاعات جديدة مستدامه و تحقق أهدافك ,
المنشآت الصغيرة/المتوسطة و قطاع الخدمات أساس أي إقتصاد .
فرض رسوم على الواردات يعني بتاخذ هالرسوم من جيب المواطن وش الانجاز هنا ؟
الشركات الناشئه والمتوسطه بتموت في المهد لو طبقت الكلام اللي تقوله , مع القرارات الاخيره اغلب اللي خرج من المشاريع الصغيره كانو السعوديين لانهم يعتمدون اعتماد كلي على العماله الاجنبيه في وضائف رواتبها متدنيه ولا يمكن رفع الراتب فيها لانها بتسبب خساره للمشروع ولهذا تعتمد على الاجنبي فيها
رسوم الواردات مقابلها منتجات سعودية و منتجاتنا الوطنية معروف عنها جودتها
و الأهم أن لها الأولية في برنامج المحتوى المحلي , بقية كلامك صحيح 100% ,
عملية تنظيم السوق لابد أن تكون على مراحل و تضمن نجاح المشاريع القائمة .
الزبده انا مو ضد كلامك كله لكن الموضوع يحتاج تدرج وتخطيط صح لان القرارات الشاطحه تخليك اصلا غير مستقر بالنسبه للمستثمرين سواء اجانب ومحليين ينام على قرار ويصبح على قرار
الزبده أخوي بإذن الله راح أشتغل على موضوع أوضح فيه بعض الأمور
و المشكلة أن كمية الأفكار اللي في بالي يبي لها ترتيب عشان لا أشتت القارىء
و أول ما أطرحه أمنشنك و يهمني رأيك , دمت بوّد
