- إنضم
- 21 فبراير 2017
- المشاركات
- 6,523
- التفاعل
- الدولة
طيب هقولك حاجه. انا وأنت مدنيين ونعلم جيدا جدا ان التصوير بالشكل ده في الجيش مصيبه سودا. ودول كش عساكر. دول ظباط و دفاع جوي كمان. ومنهم من هو اعلي من ملازم. يعني عارفين وفاهمين كويس اوي.
ثانيا. هما واخدين راحتهم اوي في الصور و بيهزرو و يضحكو. وشهم باين. رتبهم. حتي أساميهم باينه علي الافارول. ومنزلين كل ده علي حساباتهم الشخصية.
يعني واضح ان الموضوع مش خطير او جاد.
واضح ان موضوع السريه بتاع زمان او بروتوكول التعامل اتغير شويه داخل الجيش.
يعني مثلا في قواعد عسكريه ومطارات مهمه جدا اتفتح فيها جزء مدني. زي قاعده غرب القاهرة الجويه. اهم قاعده في مصر. عادي.
معسكرات جيش و كتائب كثيره وسط القاهرة كان ممنوع تعدي من جنبها. دالواتي دخلت ضمن نطاق شبكه الطرق. وبقي الداءري بيعدي من جنبيها و فوقها كمان. زي منطقه وادي حوف. مليانه كتائب جيش وكان كذا مره يحاولو يعملو كباري وكان حسني مبارك بيرفض والجيش مانع. دالواتي تعالي اتفرج علي الداءري الاوسطي. معدي من وسطيهم تقريبا. ومع ان الحته ديه فيها جبال و مخازن داخل هذه الجبال.
واضح ان بدل القاعدة بقي في اتنين وتلاته وبدل المخزن بقي فيه عشره وبدل الكتيبة بقي فيه خمسين وفي مناطق اخري ومحمية وتحت الارض. والشغل القديم كله انتهي. واضح ان الجيش المصري اصبح أخطبوط بألف زراع و زراع. وده مش مبالغه مني. لا والله.
من اول ما قاعده غرب الجويه اتفتح للطيران المدني وأنا عرفت ان بقي فيه ليله تانيه خالص وفي حتت تانيه خالص. وان الموضوع كبر اوي و ان اصبح لمصر عده جيوش وليس جيش واحد.
وده طبعا مش عشان الموضوع ده بس. لا في شواهد كتير جدا تثبت ان الجيش المصري ضخم ويضخ بداخله جيوش وأصبح كمان يطبق نظريه الفيالق العسكرية. وأنت تعلم ان الجيش يضم ثلاث فرق او اكثر. والفيلق يضم جيشين او اكثر. ولذلك تري مثلا وضع المنطقه الشرقية كلها بجيشها الثاني والثالث تحت قياده موحده
اذن هذا اصبح يسمي فيلق الشرق المصري
ومن ثم بداء تشكيل فيلق الغرب بإنشاء قاعده محمد نجيب العملاقه. و بنظره بسيطه علي امكانات تلك القاعدة تعرف علطول انها لم تنشاء من اجل فرقه او اثنين. وهكذا يعني.
أأسف علي الاطاله بس موضوع جاب موضوع وكان لازم ببقي فيه تحليل
