مش عارف اقول ايه بس انا ليا رأي ثالث في النقاش إلى بينكم حاليا يعني انا شايف اني معارض للنظام وأنه نظام ديكتاتوري عسكري وجاء بأنتخابات مزوره أقل ما شئ يقال في حقها انها مسرحية رديئه وكفايه انهم بعتو الراجل الي اترشح ضد السيسى فى اخر لحظه عشان ميتقالش انه حبس كل المرشحين بعد إلى عمله في شفيق وعنان وعقيد الجيش وفي الاخر الراجل بكل غباء وبلاده خرج يقول انه هيعطي صوته للسيسي في أغرب انتخابات في التاريخ مش عارف اقول ايه بس مفيش حاجه تخليني أؤيد نظام مبنى على تأليه الحاكم وللأسف ده الي قايم عليه النظام في مصر اي حاجه تتعامل لازم بموافقة الرئيس وبرعاية الرئيس وآخرها فضيحة العائدين من الخارج إلى اتحلت بعد تدخل الرئيس وكأن احنا بيحكمنا سوبر مان بيفهم كل شيئ ولازم هو الي يؤمر عشان القرارات تمشي
وفي نفس الوقت ربنا رزقنا بمعارضه تنقسم لجزئين الجزء الأول وده إلى موجودين في مصر بينقسمو لجزئين برضو الأول في السجون والثاني بره السجن والي بره السجون دول بيؤيدو الرئيس أكثر ما بيعارضوه اما الموجودين خارج مصر وخصوصا بتوع تركيا وقطر فللاسف هما بيطبقو أجندة الدول الي بتمولهم والي تمويلها ليهم لتنفيذ اجنده خاصه بيها من خلال أطماعها لبسط السيطره والنفوذ السياسي و الاقتصادي في المنطقه وفرض نفسها كقوي اقليميه مؤثره وده طبعا على حساب النفوز المصري وده في حد ذاته مش معارضه لا دي خيانه
