انا مش فاهم انت ازاي مقتنع ان إلى حصل في انتخابات الرئاسه أو الاستفتاء على التعديلات الدستورية ده اسمه ديمقراطيه لما الأمن يجبر الناس ويجمعهم من الشوارع عشان يخليهم ينتخبو بالعافيه أو يجبر الموظفين والمصانع الخاصه انها تجمع العمال عشان يشاركو بالعافيه أو توزع كراتين غذاء أو ١٠٠ جنيه لكل واحد عشان يشارك انت مشفتش وعاصرت الكلام ده انا بكلمك عن حاجات حصلت من شهور أو يدوب كام سنة انت شكلك مش عايش معانا أو يمكن عايش في عالم موازي انا ممكن ارد على واحد اخواني أو أي حد بيقتنع ايدولجيه معينه انما عمري ما شفت حد بيؤيد النظام إلى بيحكمنا ممكن تلاقي حد بيتكلم عن الاستقرار والخوف من الي ممكن يحصل في البلد زي ليبيا و سوريا إنما يدافع عنه من منطلق ايدولجي مش هتلاقي لأن ببساطه ده حكم عسكري يعني حكم متسلط ديكتاتوري ملوش أفكار الناس تؤمن بيها اصلا نظام مبنى على المصالح وعشان كده بتلاقي كله بيعمل لمصلحته وبيرميها على إلى فوقيه من أصغر موظف لاكبرهم لحد رأس الهرم إلى هو الرئيس والي هو كمان مبيقدرش يسيب الكرسي لأنه عارف انه حسابه تقيل وفيها رقبته
وده إلى بيعمله السيسي دلوقتي وللأسف مش بمزاجه هو قاعد غصب عنه لأنه دلوقتي بيحمي نفسه طول فترة وجوده وكذلك حاشيته ولو تلاحظ دي دايره وبنلف بيها بقالنا ٦٠ سنه
كلام لا اصل له والا منطق
ومبنى على عقل غايه فى السطحيه
اولا السيسى شئت ام ابيت له شعبيه كبيره جدا
وعندما تتحدث عن عمال مصانع وكراتين فأنت تهين 100 مليون مصرى
ولنفترض صحة ما تقول
الانتخابات الاخيره شارك فيها اكثر من 25 مليون مصرى
منهم 21.5 مليون اعطوا اصواتهم للسيسى
هل كل من اعطى صوته له خد كرتونه والا 100 جنيه كما تدعى
طيب انا اديته صوتى وغيرى العشرات مما اعرفهم لم يأخذو شىء
وبعدين ما نا ممكن اخد الفلوس والكرتونه وابطل صوتى او اديه للطرف الاخر
الفيصل فى اى انتخابات هى التزوير
هل حصل تزوير اتحدام ان تقول نعم
طيب اقولك حاجه فى سرك النظام الانتخابى او الديمقراطى اساسه هو الرشاوى الانتخابيه
لايوجد مرشح يمكن ان ينجح الا بتقديم وعود ورشاوى لشعبه لحثهم على انتخابه
سواء كان زياده فى الراتب او اعفاء من الضرائب او تأمين صحى افضل
حتى لو كان ذلك على حساب الاقتصاد ومالية الدوله ومستقبلها
لذلك فى النهايه الصندوق هو الفيصل من لا يريده كان ممكن يخرج ويدى الطرف الاخر او يبطل صوته حتى
طيب سيبك من دى التعديلات الدستوريه
هناك اكثر من 2 مليون قالو لا للتعديلات هل لو خرج اكثر وقال لا هل كان سيمنعهم احد
سيبك من الحجج الفارغه دى
ولكن اقولك حاجه لانكم قله ولا تأثير لكم لا تستطيعون ذلك
عزيزى مصر اكبر من بوست او مشاركه وكام واحد بيعملك اعجاب
ياريت تعيشوا الواقع وتعرفوا حجمكم فى الشارع وفى مصر ونبطل كلام انشائى لابيودى والا بيجيب
اخيرا السيسى افضل رئيس مر على الدوله المصريه وهذا رأى يشاركنى فيه الملايين وهو موجود لاننا من نعطيه اصواتنا وليس العكس
اما موضوع رقبته والكلام الفارغ ده فلا رد عليه
وما قلته اكبر دليل على كلامك الانشائى الذى لا اثر له والا قيمه
فلو كان نظام دكتاتورى متسلط كما تدعى لما ستطعت او اتتك الجراءه لتكتب كلمه مما كتبته
اما لانك تأمن العقوبه فكتبت ما تشتهى ضد رأس الدوله
ياريت نبطل افترى ورمى الناس بالباطل تحقيقا لرغبه فى اثبات فكر غير سوى
الرجل لم يفعل الا كل خير لهذه البلد حتى الان سواء اقتصاديا او عسكريا او امنيا او حتى تنمويا وصحيا
واتحداك انت او غيرك ان تنفى ذلك
عامة ان شاء الله الراجل موجود معانا لحد 2030
حاول تتعايش مع الواقع وبطلل تهرب منه الى عالم ديزنى لاند الى انت عايش فيه
تحياتى
