متابعة الوضع الميداني في سيناء

[Egypt2017]

هى دى وظيفة الرئيس فى اى مكان فى العالم واى دوله تطبق النظام الرئاسى
والا انت عايز تألف ليك نظام على مزاجك
عامة معارضتك لاتسمن والاتغنى من جوع هى والعدم سواء
استمتع بها

انا مش فاهم انت ازاي مقتنع ان إلى حصل في انتخابات الرئاسه أو الاستفتاء على التعديلات الدستورية ده اسمه ديمقراطيه لما الأمن يجبر الناس ويجمعهم من الشوارع عشان يخليهم ينتخبو بالعافيه أو يجبر الموظفين والمصانع الخاصه انها تجمع العمال عشان يشاركو بالعافيه أو توزع كراتين غذاء أو ١٠٠ جنيه لكل واحد عشان يشارك انت مشفتش وعاصرت الكلام ده انا بكلمك عن حاجات حصلت من شهور أو يدوب كام سنة انت شكلك مش عايش معانا أو يمكن عايش في عالم موازي انا ممكن ارد على واحد اخواني أو أي حد بيقتنع ايدولجيه معينه انما عمري ما شفت حد بيؤيد النظام إلى بيحكمنا ممكن تلاقي حد بيتكلم عن الاستقرار والخوف من الي ممكن يحصل في البلد زي ليبيا و سوريا إنما يدافع عنه من منطلق ايدولجي مش هتلاقي لأن ببساطه ده حكم عسكري يعني حكم متسلط ديكتاتوري ملوش أفكار الناس تؤمن بيها اصلا نظام مبنى على المصالح وعشان كده بتلاقي كله بيعمل لمصلحته وبيرميها على إلى فوقيه من أصغر موظف لاكبرهم لحد رأس الهرم إلى هو الرئيس والي هو كمان مبيقدرش يسيب الكرسي لأنه عارف انه حسابه تقيل وفيها رقبته
وده إلى بيعمله السيسي دلوقتي وللأسف مش بمزاجه هو قاعد غصب عنه لأنه دلوقتي بيحمي نفسه طول فترة وجوده وكذلك حاشيته ولو تلاحظ دي دايره وبنلف بيها بقالنا ٦٠ سنه

 

[Egypt2017]

علي فكرة في معارضين كثير للسيسي هنا ، و انا بعارض السيسي في كثير من سياسته الداخلية و كان فيه مناقشات مع بعض الإخوة هنا بس طبعًا شكل المناقشات كان مختلف ، مش معني انك تكون معارض للنظام انك تبقي معارضة طول الخط لان الموضوع مش خالف تعرف ، السيسي ليه شغل كثير في البلد اقتصاديا و سياسيا و ناكر الموضوع دهً اما كاره للبلد او انتمائه السياسي غلب علي وطنيته ، حتي السياسة الداخلية للسيسي انا بجد له عذر في بعض الأمور ، رغم أني مش بحب أتكلم عن سياسات داخلية هنا بس هقولك حاجة ، مصر بعد ثورة يناير وانهيار الأجهزة الأمنية و التمويل الخارجي للمنظومات الحقوقية في الداخل المصري ، مصر أصبحت ملعب للأجهزة الأمنية في المنطقة وخارج المنطقة حتي وصلت الأمور ان في دول لها مرشح رئاسي في مصر و المال السياسي في مصر اصبح يشكل خطر يهدد الدولة ككل بسبب الاستقطاب ، و المشهد الداخلي اصبح مخيف و اصبحت كدولة ليس لها سيادة علي المشهد الداخلي ، فكان لازم يبقي ضبط للمشهد الداخلي ، وده حصل ، علي فكرة المظاهرات اختفت مش علشان القبضة الأمنية بس لكن علشان برده المال السياسي من الخارج وقف ، مش عايز اتكلم بشكل اكبر عن أمور داخلية بس انت اقرأ عن الموضوع بشكل اكبر

مع إحترامي لوجهة نظرك بس ده لو كان السيسي جه ومعاه اسلوب جديد في إدارة الحكم ولكن هو رجع نفس إدارة الحكم بتاعة مبارك تاني ان يتلعب في الدستور وكأنه لعبه في ايده طريقة إدارته للبلد ولدت عداوات بينه وبين كل الفئات وده مكنش مطلوب وخصوصا في المرحله إلى احنا فيها الجامعات بعد أن كانت منبر للشباب عشان كده كل الناس المحترمه انسحبت من المشهد والنتيجه زي ما انت شايف نوعية الناس الي بتأيده وبتدافع عنه مطبلاتيه وفنانين وراقصات واراجوزات مفيش علماء ولا سياسيين وللأسف خيرة الشباب في السجون وعشان كده كل أمنية السيسي أنه يفضل يحكم لآخر لحظه في عمره لأنه عارف ان مجرد تركه الكرسي هيبقى تاني يوم كبش فداء للتصالح السيسي إلى هيبقى موجود ساعتها

بالنسبه لإنجازات فدى عامله زي واحد بيدهن بيته إلى اصلا جيله قرار ازاله والمغروض انه يتهدم وده إلى مزعلني فيه مشاريع فعلا محترمه وخساره انها ممكن تتهدم تاني من بعد السيسي لأن طبعا التاريخ بكل بساطه بيقولنا أن نظام الحكم في مصر مبنى على تأليه الحاكم وكل واحد بيهدم إلى عمله الرئيس إلى قبله واكيد كلنا عارفين الاشتراكيه إلى أسسها عبد الناصر والمصانع إلى كانت بتتبني في البلد وقتها ثم مجيئ السادات وتغيير شكل الاقتصاد تمام والتوجه نحو الخصخصة و١٥ مايو إلى السادات كان عايز يعملها عاصمه اداريه ومبارك لغاها لأنها مش هتحسب كأنجاز ومجد شخصي ليه ومشروع توشكى إلى تم طمسه بعد الثوره فأكيد هيتعمل كده مع مشاريع السيسي وده إلى مخليني ضد إدارة النظام إلى بنتحكم بيه بغض النظر عن الحاكم لأن المشكله في السيستم نفسه

 

[(Hossam)]

اولا عندما تقول هناك جنود وضباط ينضمون لتنظيمات ارهابيه
وتأتى بأسم عشماوى ثم قتلة السادات الذى بفصل بينهم عشرات السنوات فهو افلاس بين
عشماوى تم فصله فى 2010 يعنى مكنش فى حاجه خالص فى البلد اصلا
قتلة السادات هم من تنظيم الاخوان وقتلوه بسبب معاهدة كامب ديفيد لعنهم الله
ثانيا انت تتحدث عن جيش قوامه قرابة المليون جندى واكثر ثم تأتى باسم او اثنين بينهم عشرات السنوات للدلاله على وجهة نظرك
فهو امر ينم عن تعمد تضليل وجهل
ثالثا اذا كانت هذا يحدث بسبب ما يرونه من تجاوزات فى الحرب
فماذا يفعل ضباط المملكه فى امريكا والذين يفترض انهم منتقون من الصفوه من خلال انضمامهم للتنظيمات الارهابيه والجهاديه صراحة وقتلهم لمدربيهم
ترى ما سبب ذلك وما الذى راؤه جعلهم يتجهون فى هذا الاتجاه

قصف جبهة بالاسلحة النووية
ارى الاخ مرتبك و يعرف الان..

 

[Bright sky]

مع إحترامي لوجهة نظرك بس ده لو كان السيسي جه ومعاه اسلوب جديد في إدارة الحكم ولكن هو رجع نفس إدارة الحكم بتاعة مبارك تاني ان يتلعب في الدستور وكأنه لعبه في ايده طريقة إدارته للبلد ولدت عداوات بينه وبين كل الفئات وده مكنش مطلوب وخصوصا في المرحله إلى احنا فيها الجامعات بعد أن كانت منبر للشباب عشان كده كل الناس المحترمه انسحبت من المشهد والنتيجه زي ما انت شايف نوعية الناس الي بتأيده وبتدافع عنه مطبلاتيه وفنانين وراقصات واراجوزات مفيش علماء ولا سياسيين وللأسف خيرة الشباب في السجون وعشان كده كل أمنية السيسي أنه يفضل يحكم لآخر لحظه في عمره لأنه عارف ان مجرد تركه الكرسي هيبقى تاني يوم كبش فداء للتصالح السيسي إلى هيبقى موجود ساعتها

بالنسبه لإنجازات فدى عامله زي واحد بيدهن بيته إلى اصلا جيله قرار ازاله والمغروض انه يتهدم وده إلى مزعلني فيه مشاريع فعلا محترمه وخساره انها ممكن تتهدم تاني من بعد السيسي لأن طبعا التاريخ بكل بساطه بيقولنا أن نظام الحكم في مصر مبنى على تأليه الحاكم وكل واحد بيهدم إلى عمله الرئيس إلى قبله واكيد كلنا عارفين الاشتراكيه إلى أسسها عبد الناصر والمصانع إلى كانت بتتبني في البلد وقتها ثم مجيئ السادات وتغيير شكل الاقتصاد تمام والتوجه نحو الخصخصة و١٥ مايو إلى السادات كان عايز يعملها عاصمه اداريه ومبارك لغاها لأنها مش هتحسب كأنجاز ومجد شخصي ليه ومشروع توشكى إلى تم طمسه بعد الثوره فأكيد هيتعمل كده مع مشاريع السيسي وده إلى مخليني ضد إدارة النظام إلى بنتحكم بيه بغض النظر عن الحاكم لأن المشكله في السيستم نفسه

يعني مفروض الرئيس ميعملش حاجة خوفا ان الرئيس الجديد يهدم العمله يعني؟ !! منطق غريب

السيسي حط ايده علي أساس مشكلة مصر وهي التوزيع الخطأ للسكان وهي سبب المشاكل الاقتصادية و اجتماعية و أمنية و الرجل بدأ بالبنية التحتية و الطرق و الكباري تمهيد للخروج من الوادي الهو كارثة مصر ، لذلك معظم الطرق الجديدة بتوصل للمدن الجديدة، وعلي فكرة مشروع توشكا شغال و اهم حاجة في المشروع هو مفيض توشكي و بحيرات الخور ، حتي العاصمة الإدارية الجديدة كانت مطروحة أيام مبارك وفي مكانها الحالي يعني السيسي مخترعهاش ،
لو كنت بتكلم بقي علي ديمقراطية حقيقة في مصر لزم تطرح علي نفسك السؤال ده ، هل الوضع في مصر مهيأ لديمقراطية حقيقة ؟ قولًا واحدًا طبعًا لا . وهضربلك مثال ، أنت عندك مال سياسي غير عادي في مصر خاصا وقت الانتخابات يعني لو فيه جهاز امني معادي ليك حب يعمل لوبي ليه في البرلمان يعطل قرارات الرئيس وينفذ أجنده خاصا بيه في مصر سهل جدا يستثمر كم مليار و يشتري أصوات الناخبين ويكون ليه اجنحة قوية في البرلمان مثلا وده حصل علي فكره بعد الثورة بشكل محدود و الأجهزة الأمنية ادخلت ، لم يبقي التعليم حقيقي مش أنصاف متعلمين و حياه كريمة لكل مواطن ووعي بان صوته في الانتخابات ده أمن قومي ساعتها كلمني علي تطبيق الديمقراطية الأوروبية في مصر

 

[alhout]

رأيك يمثلنى بشده انا من الناس اللى كانت بتحلم بالديمقراطية بعد٢٠١١ ولكن ما رأيته فى الانتخابات كان شيئ مفزع وان المال السياسى الخارجى كان ضخم لدرجه مهزله وأنه كان مكشوف الإخوان تمويل قطرى ودعم تركى والسلفيين كان انفاقهم رهيب بتمويل من إحدى الدول العربيه لما سألت أحد السلفيين من اين لكم بكل هذه الأموال كان رده أنه مال (حلال) رعبتنى الجمله وذكرتنى بالوضع بلبنان نعم احنا كنا فى الطريق اللبنانى . أحد الأحزاب المدنيه كان تمويله ضخم من رجال الأعمال والمهاجرين . ده غير الخزعبلات الفكريه اللى كانت منتشره استغلالا للوضع التعليمى السيئ وهى إحدى جرائم مبارك . فى مره بعد صلاه الجمعه لقيت إمام المسجد وهو سلفى بيقولى أدى صوتك لله رديت عليه الله ده بتاع الاخوان ولا السلفيين ولا الجماعه الاسلاميه كلهم نازليين الانتخابات قصاد بعض لقيته أتصدم ولم يرد بس انا اصريت أنه يجاوب فقال لى استفتى قلبك . ولم ارد إحراجه أكثر من ذلك . بص رغم أن وضعنا سيئ بس افضل بكتيييير من اللعبكه اللى كنا فيها. بس المهم يكون الضغط ان يهتموا بالتعليم والصحه واحنا هنوصل للوضع الافضل .

 

[Egypt2017]

يعني مفروض الرئيس ميعملش حاجة خوفا ان الرئيس الجديد يهدم العمله يعني؟ !! منطق غريب

السيسي حط ايده علي أساس مشكلة مصر وهي التوزيع الخطأ للسكان وهي سبب المشاكل الاقتصادية و اجتماعية و أمنية و الرجل بدأ بالبنية التحتية و الطرق و الكباري تمهيد للخروج من الوادي الهو كارثة مصر ، لذلك معظم الطرق الجديدة بتوصل للمدن الجديدة، وعلي فكرة مشروع توشكا شغال و اهم حاجة في المشروع هو مفيض توشكي و بحيرات الخور ، حتي العاصمة الإدارية الجديدة كانت مطروحة أيام مبارك وفي مكانها الحالي يعني السيسي مخترعهاش ،
لو كنت بتكلم بقي علي ديمقراطية حقيقة في مصر لزم تطرح علي نفسك السؤال ده ، هل الوضع في مصر مهيأ لديمقراطية حقيقة ؟ قولًا واحدًا طبعًا لا . وهضربلك مثال ، أنت عندك مال سياسي غير عادي في مصر خاصا وقت الانتخابات يعني لو فيه جهاز امني معادي ليك حب يعمل لوبي ليه في البرلمان يعطل قرارات الرئيس وينفذ أجنده خاصا بيه في مصر سهل جدا يستثمر كم مليار و يشتري أصوات الناخبين ويكون ليه اجنحة قوية في البرلمان مثلا وده حصل علي فكره بعد الثورة بشكل محدود و الأجهزة الأمنية ادخلت ، لم يبقي التعليم حقيقي مش أنصاف متعلمين و حياه كريمة لكل مواطن ووعي بان صوته في الانتخابات ده أمن قومي ساعتها كلمني علي تطبيق الديمقراطية الأوروبية في مصر

مقلتش انه ميعملش حاجه ولكن كان المفروض السيسي كان يغير في آلية نظام الحكم وصلاحيات الرئيس بالمعنى الأصح تبقى دولة مؤسسات مش دولة بحسب توجيهات الرئيس أو رعاية الرئيس لدرجة ان بيبقى فيه حاجات عبيطه الناس واقفه عليها وبتستني السيسي عشان يتدخل ويحلها ده بسبب صلاحيات الرئيس عندنا إلى بتحسسك انه سوبر مان بتاع كله ولازم يكون بيفتي في كل حاجه وعلى فكره انا من الناس المؤيده للنظام الملكي وخصوصا في دولة زي مصر ولكن على الطريقه الأردنية مثلا بحيث السياسه الخارجية للدوله من مهام الملك هو من يتحكم فيها اما الشئون الداخليه فهيا من مسئولية الحكومة إلى مش مشكله لو جت من خلال البرلمان المنتخب اعتقد ده أفضل نظام لمصر وهيحمينا من تدخلات المال الخارجي إلى هيتمنع وقتها لأنه كان موجهه بالأساس للتأثير على السياسة الخارجية للدوله من خلال دعم الأحزاب بالمال والي وقتها مش هيبقى ليها تأثير في القرار الخارجي فهيتمنع الدعم

 

[Golden Fingers]

هذا مثال على المعارضة المصريه ( المثقفه ) ......
كذب، تدليس، نفاق ،ازدواجية ، دعوه للفتنه وخيانه لأرضهم وأهلهم .

 

[Egyptian citizen]

قصف جبهة بالاسلحة النووية
ارى الاخ مرتبك و يعرف الان..

اصل السيد هيرون فاكر نفسه اذكي الناس . ويجيبلك تحليل عميق كده . تتخيل ان الراجل ده بيتكلم بحكمة السنين .

 

[Egyptian citizen]

مقلتش انه ميعملش حاجه ولكن كان المفروض السيسي كان يغير في آلية نظام الحكم وصلاحيات الرئيس بالمعنى الأصح تبقى دولة مؤسسات مش دولة بحسب توجيهات الرئيس أو رعاية الرئيس لدرجة ان بيبقى فيه حاجات عبيطه الناس واقفه عليها وبتستني السيسي عشان يتدخل ويحلها ده بسبب صلاحيات الرئيس عندنا إلى بتحسسك انه سوبر مان بتاع كله ولازم يكون بيفتي في كل حاجه وعلى فكره انا من الناس المؤيده للنظام الملكي وخصوصا في دولة زي مصر ولكن على الطريقه الأردنية مثلا بحيث السياسه الخارجية للدوله من مهام الملك هو من يتحكم فيها اما الشئون الداخليه فهيا من مسئولية الحكومة إلى مش مشكله لو جت من خلال البرلمان المنتخب اعتقد ده أفضل نظام لمصر وهيحمينا من تدخلات المال الخارجي إلى هيتمنع وقتها لأنه كان موجهه بالأساس للتأثير على السياسة الخارجية للدوله من خلال دعم الأحزاب بالمال والي وقتها مش هيبقى ليها تأثير في القرار الخارجي فهيتمنع الدعم

نفسي الاقي واحد من المعارضين للسيسي يقول اننا مش جاهزين لسه للديموقراطيه المزعومه
محمد حسنين هيكل قال جمله من سنين وانا مقتنع بيها تمام الاقتناع . ان السيسي اختيار الضروره .
غير كده المعارضين وجب عليهم تجهيز انفسهم لما بعد السيسي

 

[Egypt2017]

نفسي الاقي واحد من المعارضين للسيسي يقول اننا مش جاهزين لسه للديموقراطيه المزعومه
محمد حسنين هيكل قال جمله من سنين وانا مقتنع بيها تمام الاقتناع . ان السيسي اختيار الضروره .
غير كده المعارضين وجب عليهم تجهيز انفسهم لما بعد السيسي

وانا مع الجمله دي بس كان لازم يجهز الدوله برضو لما بعد السيسي مش يبقى ماشي بنفس اسلوب من سبقوه انت متخيل مصير الدوله لو تم اغتيال السيسي أو مات موته طبيعية ايه الي ممكن يحصل في البلد طبعا هيبقى فيه فراغ سياسي ومش هنلاقي حد يبقى بديل وفي النهايه بنتلجأ للجيش والي بيبقى في الغالب وزير الدفاع بيتعمل منه سوبر مان برضو ويتم تلميعه وهكذا دواليك احنا في الدئره دي بقالنا ٦٠ سنه نفس الأسلوب
طبعا ان لم افترض استقالة السيسي أو تخليه عن الحكم بمحض إرادته لأن ده مستحيل للأسباب إلى انا ذكرتها قبل كده عشان كده بقول ان المشكلة في سيستم وآلية الحكم إلى بييجي بيها الرئيس وصلاحياته

 

[Bright sky]

مقلتش انه ميعملش حاجه ولكن كان المفروض السيسي كان يغير في آلية نظام الحكم وصلاحيات الرئيس بالمعنى الأصح تبقى دولة مؤسسات مش دولة بحسب توجيهات الرئيس أو رعاية الرئيس لدرجة ان بيبقى فيه حاجات عبيطه الناس واقفه عليها وبتستني السيسي عشان يتدخل ويحلها ده بسبب صلاحيات الرئيس عندنا إلى بتحسسك انه سوبر مان بتاع كله ولازم يكون بيفتي في كل حاجه وعلى فكره انا من الناس المؤيده للنظام الملكي وخصوصا في دولة زي مصر ولكن على الطريقه الأردنية مثلا بحيث السياسه الخارجية للدوله من مهام الملك هو من يتحكم فيها اما الشئون الداخليه فهيا من مسئولية الحكومة إلى مش مشكله لو جت من خلال البرلمان المنتخب اعتقد ده أفضل نظام لمصر وهيحمينا من تدخلات المال الخارجي إلى هيتمنع وقتها لأنه كان موجهه بالأساس للتأثير على السياسة الخارجية للدوله من خلال دعم الأحزاب بالمال والي وقتها مش هيبقى ليها تأثير في القرار الخارجي فهيتمنع الدعم

بصراحة مش فاهمك يعني أنت بتنادي بديمقراطية في مصر و في نفس الوقت بتؤيد نظام ملكي علي الطريقة الأردنية في تناقض غريب بصراحة ، النظام الملكي مع احترامي للجميع أسوأ نظام للحكم حتي لو كان الملك رجل صالح حكيم ممكن ولي عهده يكون العكس وانت لا تملك من تغير الأمر شئ ، لذلك جميع دول العالم اصبح النظام الملكي شرفي فقط ،مش عايز أتكلم في الموضوع دهً بشكل أعمق لان امر بعيد عن مصر ولن يحدث ، و أنت بتقول لو في برلمان قوي مش هيكون فيه تمويل خارجي للأحزاب ، ازاي مش فاهم يعني هو مش البرلمانات بتتكون من احزاب او تكتلات حزبية يعني الموضوع كله راجع لوعي الموطن انه يعرف ان صوته في الانتخابات دهً امن قومي واحنا معندناش الوعي ده ، نظام الحكم في مصر رئاسي فطبيعي رئيس الجمهورية ليه صلاحيات كبيرة وعلي فكرة صلاحيات الرئيس دستوريا اقل من عهد مبارك لصالح البرلمان ، حتي في مصر رئيس الوزراء بقي ليه دور اكبر من قبل كده

 

[Bright sky]

رأيك يمثلنى بشده انا من الناس اللى كانت بتحلم بالديمقراطية بعد٢٠١١ ولكن ما رأيته فى الانتخابات كان شيئ مفزع وان المال السياسى الخارجى كان ضخم لدرجه مهزله وأنه كان مكشوف الإخوان تمويل قطرى ودعم تركى والسلفيين كان انفاقهم رهيب بتمويل من إحدى الدول العربيه لما سألت أحد السلفيين من اين لكم بكل هذه الأموال كان رده أنه مال (حلال) رعبتنى الجمله وذكرتنى بالوضع بلبنان نعم احنا كنا فى الطريق اللبنانى . أحد الأحزاب المدنيه كان تمويله ضخم من رجال الأعمال والمهاجرين . ده غير الخزعبلات الفكريه اللى كانت منتشره استغلالا للوضع التعليمى السيئ وهى إحدى جرائم مبارك . فى مره بعد صلاه الجمعه لقيت إمام المسجد وهو سلفى بيقولى أدى صوتك لله رديت عليه الله ده بتاع الاخوان ولا السلفيين ولا الجماعه الاسلاميه كلهم نازليين الانتخابات قصاد بعض لقيته أتصدم ولم يرد بس انا اصريت أنه يجاوب فقال لى استفتى قلبك . ولم ارد إحراجه أكثر من ذلك . بص رغم أن وضعنا سيئ بس افضل بكتيييير من اللعبكه اللى كنا فيها. بس المهم يكون الضغط ان يهتموا بالتعليم والصحه واحنا هنوصل للوضع الافضل .

علي فكرة في اهتمام بالتعليم و الصحة ميزانية التعليم من ٢٠١٦ الي ٢٠٢٠ يعني خلال اربع سنوات ذادت الضعف ، المشهد في مصر بعد الثورة كان كارثي أنت تقريبًا كل مخابرات الدول في المنطقة وخارجها كانت بتشتغل عندك وأحزاب و أعلام و شخصيات عامة بتمويلهم دول وكل دولة ليها رجالها ، كان لازم يكون في ضبط للمشهد الداخلي امني و استخباراتي

 

[Nile crocodiles]

انا مش فاهم انت ازاي مقتنع ان إلى حصل في انتخابات الرئاسه أو الاستفتاء على التعديلات الدستورية ده اسمه ديمقراطيه لما الأمن يجبر الناس ويجمعهم من الشوارع عشان يخليهم ينتخبو بالعافيه أو يجبر الموظفين والمصانع الخاصه انها تجمع العمال عشان يشاركو بالعافيه أو توزع كراتين غذاء أو ١٠٠ جنيه لكل واحد عشان يشارك انت مشفتش وعاصرت الكلام ده انا بكلمك عن حاجات حصلت من شهور أو يدوب كام سنة انت شكلك مش عايش معانا أو يمكن عايش في عالم موازي انا ممكن ارد على واحد اخواني أو أي حد بيقتنع ايدولجيه معينه انما عمري ما شفت حد بيؤيد النظام إلى بيحكمنا ممكن تلاقي حد بيتكلم عن الاستقرار والخوف من الي ممكن يحصل في البلد زي ليبيا و سوريا إنما يدافع عنه من منطلق ايدولجي مش هتلاقي لأن ببساطه ده حكم عسكري يعني حكم متسلط ديكتاتوري ملوش أفكار الناس تؤمن بيها اصلا نظام مبنى على المصالح وعشان كده بتلاقي كله بيعمل لمصلحته وبيرميها على إلى فوقيه من أصغر موظف لاكبرهم لحد رأس الهرم إلى هو الرئيس والي هو كمان مبيقدرش يسيب الكرسي لأنه عارف انه حسابه تقيل وفيها رقبته
وده إلى بيعمله السيسي دلوقتي وللأسف مش بمزاجه هو قاعد غصب عنه لأنه دلوقتي بيحمي نفسه طول فترة وجوده وكذلك حاشيته ولو تلاحظ دي دايره وبنلف بيها بقالنا ٦٠ سنه

رايك واحترمه ولكني اختلف معك فيه
بس اسمحلي يا صديقي انت شايف الموضوع من جنب واحد فقط وهو ان السلطة الحالية بتحاول
الدولة المصرية بتحارب الفساد واللي بيقع بالادلة ما فيش حد بيرحمه
الدولة المصرية اتغيرت كثيرا في اخر 6 سنوات على مختلف الاصعدة الداخلية والخارجية وهذا لا يمنع من وجود تقصير في بعض المجالات ولمن هذا ليس نقاشنا الان
الخلاصة يا صديقي انا مش مختلف معاك انه من الممكن نكون احسن من كدا لكن لو شوفت الاحداث اللي مرت على المنطقة في اخر10 سنوات ومصر تخرج منها بالصورة اللي احنا عليها دلوقتي هذا يعتبر انجاز ويحسب للرئيس ولحكوماته
تحياتي لك

 

[alhout]

انا معاك بس الأرقام لا تعكس الواقع التعليم بتاعنا تم تخريبه على مدار ٣٠ عام من حكم مبارك وعلشان تبدأ تشعر بشئ من الاصلاح محتاجين ان التعليم يكون المشروع الأول والتانى والتالت فى الاهميه ورصد ميزانيات أكبر احنا لورصدنا للتعليم تمن صفقه سلاح بالاضافه الميزانيه العاديه هنشعر بفرق . الموازنه زادت اه بس هل الكثافه نزلت هل المناهج اتحسنت هل أجور المعلمين زادت هل الدروس الخصوصيه قلت لا. يبقى لا شيئ جديد

 

[Nile crocodiles]

مع إحترامي لوجهة نظرك بس ده لو كان السيسي جه ومعاه اسلوب جديد في إدارة الحكم ولكن هو رجع نفس إدارة الحكم بتاعة مبارك تاني ان يتلعب في الدستور وكأنه لعبه في ايده طريقة إدارته للبلد ولدت عداوات بينه وبين كل الفئات وده مكنش مطلوب وخصوصا في المرحله إلى احنا فيها الجامعات بعد أن كانت منبر للشباب عشان كده كل الناس المحترمه انسحبت من المشهد والنتيجه زي ما انت شايف نوعية الناس الي بتأيده وبتدافع عنه مطبلاتيه وفنانين وراقصات واراجوزات مفيش علماء ولا سياسيين وللأسف خيرة الشباب في السجون وعشان كده كل أمنية السيسي أنه يفضل يحكم لآخر لحظه في عمره لأنه عارف ان مجرد تركه الكرسي هيبقى تاني يوم كبش فداء للتصالح السيسي إلى هيبقى موجود ساعتها

بالنسبه لإنجازات فدى عامله زي واحد بيدهن بيته إلى اصلا جيله قرار ازاله والمغروض انه يتهدم وده إلى مزعلني فيه مشاريع فعلا محترمه وخساره انها ممكن تتهدم تاني من بعد السيسي لأن طبعا التاريخ بكل بساطه بيقولنا أن نظام الحكم في مصر مبنى على تأليه الحاكم وكل واحد بيهدم إلى عمله الرئيس إلى قبله واكيد كلنا عارفين الاشتراكيه إلى أسسها عبد الناصر والمصانع إلى كانت بتتبني في البلد وقتها ثم مجيئ السادات وتغيير شكل الاقتصاد تمام والتوجه نحو الخصخصة و١٥ مايو إلى السادات كان عايز يعملها عاصمه اداريه ومبارك لغاها لأنها مش هتحسب كأنجاز ومجد شخصي ليه ومشروع توشكى إلى تم طمسه بعد الثوره فأكيد هيتعمل كده مع مشاريع السيسي وده إلى مخليني ضد إدارة النظام إلى بنتحكم بيه بغض النظر عن الحاكم لأن المشكله في السيستم نفسه

برده با اختلف معاك مع احترامي لرايك
ياراجل السيسي زي نظام مبارك في الحكم!!!
الراجل بينفذ خطة موضوعة لمصر منذ عام 2009 وكان واضع هذه الخطة خيرة علماء مصر في كل المجالات بما فيها المجال العسكري والاقتصادي والاامني والاجتماعي وكل مناحي الاقتصاد المصري وكان من ضمن هذه الفريق من الخبراء الدكتور مصطفى مدبلوي رئيس الوزراء وهذا الكلام قاله السيسي في احد فيدوهاته وبالتالي نظرتك له وانه قادم للعمل بنفس نظام مبارك هذا ظلم له
اما بخصوص نقطة الحرية في الجامعات ان كنت فهمتها صح يا صديقي البلد كانت في حالة سيولة والشعب كله في الشارع وكان لازم هذه الفوضى تقف لفترة حتى نسطيع ان نبني البلد البلد مش هتبني بالمظاهرات ستبني بالانتاج وهديك مثال لغاية هذا اليوم انا باعمل في القطاع الخاص والمصنع شغال 24 ساعة ومش بيقف وعمالين جدوال وتغيير في الورادي علشان الانتاج ميقفش رغم الجائحة اللي احنا وانا مقصدي من هذا المثال ان الدولة لولا الاستقرار اللي فيها لما استطعنا الان الاستمرار في العمل في بعض القطاعات وباقي الشعب يقعد يستريح في البيوت قدر الامكان
لا تكون قاسي في حكمك على الحكومة وخصوصا ان الدولة مرت بمرحلة لولا توفيق وارادة الله ثم مؤسسات الدولة القوية وهي الجيش وتكاتف الشعب وراء هذه الحكومة وصبرها على الاجراءات الصعبة لكنا في وضع صعب الان لا يعلمه الا الله
تحياتي لك مرة اخرى

 

[Nile crocodiles]

يعني مفروض الرئيس ميعملش حاجة خوفا ان الرئيس الجديد يهدم العمله يعني؟ !! منطق غريب

السيسي حط ايده علي أساس مشكلة مصر وهي التوزيع الخطأ للسكان وهي سبب المشاكل الاقتصادية و اجتماعية و أمنية و الرجل بدأ بالبنية التحتية و الطرق و الكباري تمهيد للخروج من الوادي الهو كارثة مصر ، لذلك معظم الطرق الجديدة بتوصل للمدن الجديدة، وعلي فكرة مشروع توشكا شغال و اهم حاجة في المشروع هو مفيض توشكي و بحيرات الخور ، حتي العاصمة الإدارية الجديدة كانت مطروحة أيام مبارك وفي مكانها الحالي يعني السيسي مخترعهاش ،
لو كنت بتكلم بقي علي ديمقراطية حقيقة في مصر لزم تطرح علي نفسك السؤال ده ، هل الوضع في مصر مهيأ لديمقراطية حقيقة ؟ قولًا واحدًا طبعًا لا . وهضربلك مثال ، أنت عندك مال سياسي غير عادي في مصر خاصا وقت الانتخابات يعني لو فيه جهاز امني معادي ليك حب يعمل لوبي ليه في البرلمان يعطل قرارات الرئيس وينفذ أجنده خاصا بيه في مصر سهل جدا يستثمر كم مليار و يشتري أصوات الناخبين ويكون ليه اجنحة قوية في البرلمان مثلا وده حصل علي فكره بعد الثورة بشكل محدود و الأجهزة الأمنية ادخلت ، لم يبقي التعليم حقيقي مش أنصاف متعلمين و حياه كريمة لكل مواطن ووعي بان صوته في الانتخابات ده أمن قومي ساعتها كلمني علي تطبيق الديمقراطية الأوروبية في مصر

الله ينور عليك
السيسي قال في احد لقاءته ان ما يحدث في مصر من مشاريع وتنمية ليست وليدة هذه الحكومة وليست افكاره هو بل هو برنامج تم وضعه منذ عام 2009 ووضعه علماء مصر في كل المجالات وكل ما فعله هو وحكومته هو الارادة في التنفيذ
يعني الراجل شغال بمبدا وباسلوب مختلف وعلى خطة موضوعة مسبقا وضعها خيرة علماء مصر منذ عام 2009
تحياتي لك

 

[MaD]

انا معاك بس الأرقام لا تعكس الواقع التعليم بتاعنا تم تخريبه على مدار ٣٠ عام من حكم مبارك وعلشان تبدأ تشعر بشئ من الاصلاح محتاجين ان التعليم يكون المشروع الأول والتانى والتالت فى الاهميه ورصد ميزانيات أكبر احنا لورصدنا للتعليم تمن صفقه سلاح بالاضافه الميزانيه العاديه هنشعر بفرق . الموازنه زادت اه بس هل الكثافه نزلت هل المناهج اتحسنت هل أجور المعلمين زادت هل الدروس الخصوصيه قلت لا. يبقى لا شيئ جديد

مع احترامى ليك لكن لا مش هتفرق لسببين و نكون واقعين.

الاهالى مش عايزة تذاكر للعيال و ابسط مثتل الاهالى رفضة ال الطلاب يعملوا بحث عشان ينجحوا السنادى. على الرغم من ان الناس كلها ماسكة التليفون و النت ٢٤ ساعة.

الثانى.... مهمت عملت الحكومة مش هتقدر تلغى الدروس الخصوصية و السبب اللى قلته من ضمن الاسباب الرئيسية و السبب التانى المدرس نفسه.
الوزارة هتدى مرتب كام للمدرس؟
تعالى نحسبها مع بعض .... نفترض انك مدرس و بتدى دروس خصوصية..
الطالب ب ١٠٠ جنيه فالحصة و انت بتدى ٥ حصص فاليوم و كل حصة ٣٠ طالب (طبعا دة مش الحقيقى لكن نفترض) دة معناه ان الحصة الواحدة ب ٣٠٠٠ جنيه يعنى يومك ب ١٥ الف جنيه يعنى الشهر ب ٤٥٠ الف جنيه. هنفترض انك بتدرس فسنتر و الاتفاق ٧٠% للسنتر و ٣٠ % ليك ... يعنى دخلك الشهرى ١٣٥ الف جنيه.

المفروض الحكومة تديك مرتب كام عشان انت كمدرس ترفض الدروس الخصوصية؟

 

[Nile crocodiles]

مقلتش انه ميعملش حاجه ولكن كان المفروض السيسي كان يغير في آلية نظام الحكم وصلاحيات الرئيس بالمعنى الأصح تبقى دولة مؤسسات مش دولة بحسب توجيهات الرئيس أو رعاية الرئيس لدرجة ان بيبقى فيه حاجات عبيطه الناس واقفه عليها وبتستني السيسي عشان يتدخل ويحلها ده بسبب صلاحيات الرئيس عندنا إلى بتحسسك انه سوبر مان بتاع كله ولازم يكون بيفتي في كل حاجه وعلى فكره انا من الناس المؤيده للنظام الملكي وخصوصا في دولة زي مصر ولكن على الطريقه الأردنية مثلا بحيث السياسه الخارجية للدوله من مهام الملك هو من يتحكم فيها اما الشئون الداخليه فهيا من مسئولية الحكومة إلى مش مشكله لو جت من خلال البرلمان المنتخب اعتقد ده أفضل نظام لمصر وهيحمينا من تدخلات المال الخارجي إلى هيتمنع وقتها لأنه كان موجهه بالأساس للتأثير على السياسة الخارجية للدوله من خلال دعم الأحزاب بالمال والي وقتها مش هيبقى ليها تأثير في القرار الخارجي فهيتمنع الدعم

ما ينفعش نطبق نظام الحكم الملكي الاردني في مصر
كل دولة يا صديقي لها نظامها ولكل شعب طباعه
ولو انت عايز السيسي يقلل من صلاحياته ليس في هذا الوقت سيحدث هذا لكن عندما يعي كل فرد في الشعب دوره وان صوته امانه ومهم في نفس الوقت من اجل ابناءه لكن للاسف حتى الان هناك الملاين من الممكن ان تحرك مشاعرهم بالكلام عن الدين وان هذا المرشح بيعرف ربنا على اساس ان باقي الناي او المرشحين ميعرفوش ربنا او كفار وكل ده غير المال السياسي والذي وضح دوره القذر العضوين @alhout & B @Bright sky

 

[Nile crocodiles]

وانا مع الجمله دي بس كان لازم يجهز الدوله برضو لما بعد السيسي مش يبقى ماشي بنفس اسلوب من سبقوه انت متخيل مصير الدوله لو تم اغتيال السيسي أو مات موته طبيعية ايه الي ممكن يحصل في البلد طبعا هيبقى فيه فراغ سياسي ومش هنلاقي حد يبقى بديل وفي النهايه بنتلجأ للجيش والي بيبقى في الغالب وزير الدفاع بيتعمل منه سوبر مان برضو ويتم تلميعه وهكذا دواليك احنا في الدئره دي بقالنا ٦٠ سنه نفس الأسلوب
طبعا ان لم افترض استقالة السيسي أو تخليه عن الحكم بمحض إرادته لأن ده مستحيل للأسباب إلى انا ذكرتها قبل كده عشان كده بقول ان المشكلة في سيستم وآلية الحكم إلى بييجي بيها الرئيس وصلاحياته

طيب اسمحلي اسالك سؤال محدد من ترى من المعارضة يستطيع ان يترشح امام السياسي ويستطيع ان يكسب ثقة الشعب
عارف بقى انا متوقع مين اللي يمسك بعد السياسي؟؟؟؟؟ انا توقعي يكون واحد من الاكاديمية المصرية لتدريب الشباب واللي منهم الان محافظين لمصر ونواب وزراء هم هؤلاء من وجهة نظري الذين يتم تدريبهم واعدادهم اعداد ممتاز في كل المجالات
يا صديقي من يترشح الان ولديه معرفة بمعنى الامن القومي المصري!!!!!!!!انا شايف ان الشباب اللي بيدربوا في الاكاديمية هم المؤهلين لقيادة مصر في الحكومات القادمة والرئاسة كمان ولكن هذا في المستقبل ان شاء الله

 

[Nile crocodiles]

علي فكرة في اهتمام بالتعليم و الصحة ميزانية التعليم من ٢٠١٦ الي ٢٠٢٠ يعني خلال اربع سنوات ذادت الضعف ، المشهد في مصر بعد الثورة كان كارثي أنت تقريبًا كل مخابرات الدول في المنطقة وخارجها كانت بتشتغل عندك وأحزاب و أعلام و شخصيات عامة بتمويلهم دول وكل دولة ليها رجالها ، كان لازم يكون في ضبط للمشهد الداخلي امني و استخباراتي

يحسب للرئيس السيسي تنظيف الدولة من هؤلاء الممولين واخراج كل هذه الاجهزة خارج الدولة حتى يقدر ينفذ المشروع المصري القومي
تحياتي لك على تحليلاتك الممتازة وقراءتك للواقع المصري بصورة ممتازة