هتفرج وبعد كده ارجع ارد عليك انت عارف مبحبش اشتري سمك فى ميه 🤣
لا البيع لو تم هيكون بسعر 1250 جنية للسهم وده سعر كويس جدا وبالقيمة العادلة ليك حق تعترض لو كان البيع هيتم بتمن بخس وللعلم البيع اختياري مش إجبارى اسمه شطب اختياري يعنى البيع او الاحتفاظ قرار خاص بالمساهم ،، انا معنديش مشكلة فى البيع طالما بسعر عادل حتى لو الشركة ناجحة وهتخارج منها
للأسف بيعارضوا للمعارضة فقط مش للمصلحة بيعارضوا للهدم مش للبناء ،، نتمنى والله التخارج يتم وبوتيرة سريعة إنما للأسف لحد دلوقتى كله كلام على ورق مفيش تنفيذ ومع الحكومة دى انا مش متفائل بصراحة
@EL-3kaad فاكر لما كنت بكلمك علي نمو صناعة الاجهزة المنزلية في مصر و للي مصانعها حرفيا قريبا مني و بشوفها بعيني و بيشتغلوا حتى يوم الجمعه... و متوفع زيادة نمو صادرتهم بسبب ضعف السوق المحلي حاليا
ممكن جدا للمصريين فى الخارج اطرح حصص بالدولار ودى فكرة عظيمة على فكرة واتطرحت قبل كده بس طبعا لازم سوقك يبقى مغرى عشان تعرف تسوق صح. إنما جوا اعتقد هيبقى صعب لاسباب كتير أبرزها شح العملة وكمان هيبقى فيه عدم عدالة انك تطرح حصص بالدولار فقط داخليا لان مش كل المساهمين فى الداخل معاهم دولار فهيبقى فيها تمييز إنما اللى برة هو كده كده معاه دولار فالبنسبة له الأمر هيبقى عادى
اقصد الناس اللي معها دولار في السوق السوداء او رجال الاعمال تلم و تشتري حصص في الشركات و يبقي مطروح بسعرين بالجنية و الدولار لكن الدولار يدي ميزة سعرية شوية
انا عارف وفاهمك والله ،، هو لو اطرح بسعرين الكل هيشجع عملة بلده وهيشترى بالجنية 🙂محدش هيطلع الدولار ،،الدولارات المتخزنة دى مش هتطلع للأسف و مش لاقى ليها حل بصراحة فكرة السوق السودا دى اصبحت مميتة للبلد وسبب فى مشاكل كتير من اللى وصلنا ليها
شوفت كمان في المؤتمر قالك طلعت مصطفي جاب دولارات من حسابه بره و اشتري 😏
على فكرة نسبة كبيرة من الشركات الكبيرة عندنا واللى بيصدروا بالتحديد بدأو يعتمدوا على نفسهم فى توفير العملة اللازمة لشراء المواد الخام بيحتجزوا جزء من العملة اللى بتيجي من الصادرات ،، هو انا مشفتش المؤتمر بس اللى اقدر اقوله عن طلعت مصطفى انه من رجال الأعمال الناجحيين واكبر مطور عقاري حاليا فى مصر دماغه عالية اوى ومتكلفة ،، بالنسبة للنقطة الاخيرة انه يسعر الدولار على 40 وده امتياز رائع بيدل ان دماغك كبيرة يا ايجى فكرك بيعجينى جدا ماشاء الله عليك والله الفكرة اللى انت قلتهافى لحظة دى حكومة مدبولى ممكن تقعد سنة كاملة عشان توصلها 🙂
طيب اصلا مش واخد بالك أن شركه عز محتكر وحيد في السوق المصري ومرتبط بجهات سياديه في الدوله
