انا لم افهم اية علاقة دة بكلامي ، هو انا قولتلك ماتحافظش علي فلوسك!!!! او سيبهم جنيهات!!! انت داخل فيا شمال كدة لية يامعلم حذيفة
الافضل حاليا من و جهت نظري المتواضعة وضع الفلوس في اصول مثل الاراضي و العقارت و ياسلام لو ارض زراعية. او اي شئ بينتج و يكسب و ليس مجرد حفظة للقمية لان التضخم ضرب العالم كله.
الدهب في مصر سعره بقي مبالغ فيه جدا
صحح لى
الدوله والحكومه اكبر المستفيدين حاليا من زياده اسعار الذهب .. وان بان لك انه مبالغ فمستحيل ومن عاشر المستحيلات ان الذهب يتم تسعيره الان وهذه القفزه بهوى التجار الى حسبوها على ان الدولار ب 22 جنيه .. مستحيل دى تعلميات عليا ان الذهب يتسعر ب 22 جنيه وليس اعتباطا
وده ليه فايده كبيىره على الاقتصاد
انك بتقلل التضخم .. وانك بتشيل عن كاهل الدول ديون داخليه وديون الفوايد لو زودت الفايده
هشرح مثال
معايا مليون جنيه .. الناس في هلع والجنيه هتقل قيمته السنه دى المهم كل الشعب والدوله عارفه ان الحنيه مالهوش قيمه للاسف
كل الناس خايفه على فلوسها وانا خايف على المليون جنيه اعمل ايه
واحد. ... اشترى دولار بالمليون جنيه .. البنك مستحيل يديك دولار .. اروح السوق السودا .. طبعا وصل ل 22 .. عشان كده الدوله والبنوك الان رفضوا اى دولار جاى من الصرافات ومن اى طريق غير البنك
فدى سكه اتقفلت .. ده غير ان الدوله الان رفضت اى دولار يطلع برا البنك ..
اثنين بعد ما السوق السوداء فيها مشاكل كبيره ومخاطر انى اخذ الدولار ومش هعرف احطه في حسابي في البنك .. استنى بكل فزع وخوف على فلوسي المئه الف .. الخمسين الف او حتى الى معاه مليون .. اى مبلغ المهم استنى اشوف الدوله هتتزود فوايد ولا لا .. لان القيمه الى هيخسر بها الجنيه قيمته اكبر من اى فايده متوقعه .. الدولار هيزيد ست مرات السنه .. طبيعي الجنيه يقل ست مرات .. المستحيل ان الدوله تعمل لك فوايد تساوى قيمه خساره الجنيه المتوقعه دى كلها ..
بعيدها تانى مستحيل البنوك تعملك شهاده تعوضك عن قيمه الخساره الى هتحصل للجنيه السنتين القادمتين .. لان لو هتعمل لك شهاده ب 30% مثلا دى خرااااااب على البلد والبنك نفسه مش هيعرف يدى ارباح 30% مثلا .. قصه الشهادات دى خراااب على البلد كل لما تزيد فوايدها .. غير الشركات والمصانع هتقف لان البنك هيسلفهم كم عشان يدينى ارباح .. صعب ومستحيل البنك يعمل شهادات بنفس قيمه خساره الجنيه
فالحل الثالث الاصح للدوله واقتصاد الدوله انك تشترى ذهب
انت كمواطن مهما كان سعره هيظل ذهب حافظت على قيمه فلوسك في الذهب وحتى تسيل الذهب اسهل مليون مره من عقار وارض في الزمن ده
واامن من التلقلبات الى بتحصل دلوقتى في عمله ومش عمله وفايده بنك مستحيل تعوض ميه في الميه عن خساره الجنيه المتوقعه ..
ولو مستورد ومعاه ملايين يقدر يسدد بضاعته بالذهب مثلا ده في اسوا الاحوال والتخطيط للمستقبل .. انما ارض شقه هروح بهم فين ؟
وكدوله لميت المليارات من الناس في حاجه لها قيمه تحافظ على المال .. وبدون ما يبقى دين على الدوله انها تعمل فوايد بنكيه بنفس الخساره المتوقعه للجنيه ..
يعنى الدوله لمت فلوس الشعب في الذهب وقللت الطلب على الدولار .. وبالتالى بتزود فرصه ان الجنيه يصمد قدام الدولار لان الطلب راح للذهب وفي نفس الوقت مش هتحتاح تعمل فوايد بنكيه بارقام تعوض خساره الحنيه .. لان الفوايد دى دين على الدوله ..
فالدوله لمت فلوس الناس في الذهب قللت التضخم ..و بدون مايبقى عليها ديون الفوايد االى تديها للناس في الشهادات الى هى اصلا سبب خراب الاقتصاد وغلق مصانع و ديون وفوايد وقللت الطلب على الدولار
عشان كده مصلحه الدوله ان الشعب يشترى ذهب بتسعيره الدوله ب 22 للجرام
انا لو وزير ماليه اواقتصاد في الحكومه هعمل كده وهجى على تجار الذهب بعدين ولازم افرض ضريبه معينه لان انا كدوله الى قللت قيمه الجنيه وخليتهولك ب 22 جنيه يبقى كخزانه دوله استفدت اكثر
يعني الكل بيضرب في الاقتصاد
![٣٠ يونيو [حالم]](/vb/data/avatars/m/46/46842.jpg?1617106882){kind=avatar}
، و خد معاهم المواشي و انتاج منتجات الالبان او بيع الالبان للشركات ، او منحل عسل او مزرعة دواجن او..... (بتحافظ علي قيمة فلوسك و سعر بيرتفع و بتعطيلك دخل شهري) 
