بمنطقك دا وبتقول الارض صحراء جرداء وملهاش لازمه
كنا سبنا سيناء لاسرائيل ماهي برضوا صحراء وملهاش لازمه
كنا عطينا حلايب وشلاتين للسودان برضوا صحرا وملهاش لازمه زي ما بتقول
ليه مدخل خمسين موضوع في بعض اتكلم عن موضوع واحد بس ورد فيه
اللي بيقول المدن الجديده مش مكلفه البلد شيئ بيضحك علي الناس وبيستعبطهم كمان
الارض ارض البلد كلها وانت قطعت قطعه وبعتها للمستثمرين هيكون النتيجه نقص الارض بخلاف طبعا
التمتع بالمزايا الخاصه بالمستثمرين سواء طرق وكهرباء و مياه وغيره الكثير
في حين ان اصحاب الارض الحقيقيين يعانون اشد المعاناه في الداخل
صحه - تعليم - طرق - محليات - مياه -موظفين مرتشين
تقريبا كله دون المستوي وبدل ما نصلح الداخل الاول لا الجماعه رايحين يبنوا مصر تاني غير اللي احنا فيها
البطل الحقيقي لهذه الفتره و الصامد رغم كل هذا هو الشعب المصري وفقط ولا احد سواه وخصوصا الطبقه المتوسطه وما دونها
بلاش نضحك علي بعض ونقول ونعيد وعلي الارض شيئ مختلف
من يقول ان المدن الجديده لا تكلف الدول شيئ يفسرلي ارتفاع الديون الخارجيه الي 108 مليار دولار غير الداخلي
كدا دخلنا علي 4 تريليون ودا مصيبه كبيره مع ان الميزانيه فيها فائض ممكن 2 %
تصاريح الحكومه متضاربه وغير الحقيقه التي يصدرها البنك المركزي و جهاز الاحصاء
المشكله في المدن الجديده الان هي التسويق لارتفاع الاسعار بطريقه غريبه اكبر من القطاع الخاص
لذلك تجد الان كثير جدا من الاعلانات للشراء في المدن الجديده وحتي قطع الاراضي السكنيه الاخري
ولاول مره تطرح اراضي ولا تجد من يشتريها بوزاره الاسكان ويعاد طرحها من جديد وفي اكثر من موقع
للاسف الحكومه والسيسي ضائعه منهم بوصله الاولويات في البلد
احنا حظنا كويس ان اسعار البترول هذا العام لم تتعدي 65 دولار والا كنا شفنا العجب في مصر
عالج مشاكل مصر التي قامت من اجلها ثورتين وبعدين نتكلم في الجديد
انا نفسي افهم حاجه واحده بس
ليه الاسعار نزلت بعد مشكله محمد علي ومحدش يقول الدولار لان الدولار له سنه بينزل والاسعار كانت عاليه
ليه رجع 2 مليون لبطايق التموين تاني وليه اصلا حذفهم
دا اسمه تخبط ومفيش نظام اتعدل
البطل الحقيقي هو الشعب المتحمل لكل هذه المتاعب وصامد رغم كل هذا
كلنا يهمنا مصلحه البلد ونتمني ان تكون احسن بلاد الدنيا والنقد ليس عيبا لان كلنا بشر فينا الغلط والصح
انا بردو الى بخلط المواضيع
ايه علاقة سيناء وحلايب بكلامى
انا بتكلم عن قطعة ارض صحراويه والا كان ليها اى ثلاثين لازمه اقتصاديا قبل مشروع العاصمه وكانت هتفضل كده
لولا هذه الفكره
ثانيا انت تكرر كثيرا ان البطل الحقيقى هو الشعب المصرى
وكانى قلت عكس ذلك او ان احدا اصلا قال غير ذلك
كل تصريحات الرئيس والحكومه فى انجاز اى شىء هو رده للشعب المصرى
ولا يوجد خطاب يخلو من هذه الجمله ودى حقيقه
فلا ترد على شىء لم يقال اساسا
ثانيا مضحكه جدا فكرة اننا اقتطعنا قطعة ارض وبعناها للمستثمرين فالارض نقصت
انت عارف مساحة الصحراء والارض غير المسكونه فى مصر قد ايه
طيب انت تعرف ان ال100 مليون عايشين على اقصى تقدير على 7% من مساحة الارض
وانا مقلتش ملهاش لازمه لكن فرق كبير جدا بين ارض صحراء مترها كان بيتباع زمان بجنيه ده لو حد رضى يشتريها اساسا وبين دلوقتى
اما مزايا المستثمرين فأنا بصراحه مش عارف ارد على الكلام ده
هو انا لما اشترى اى ارض بالمليارات مش الخدمات دى لازم تكون متوفره انا اساسا مش واخدها ببلاش
ده غير ان الخدمات دى الى هيستخدمها هيدفع ثمنها سواء كهرباء او ماء
زيه زى اى حد تانى
مش عارف ايه الغريب فى كده
اما لفظ اصحاب الارض الحقيقيين
فده حقيقة نكته وكلام غريب يعنى همه الى هيسكنوا هناك هنود حمر مهو مصرى زيك والا انت قصرت الجنسيه عليك
وحتى لو اجنبى او هندى فهو دافع ثمن هذه الارض او الوحده مكسبهاش فى كيس شيبسى هو
على فكره فكرنا ده لازم يتغير فعلا
انت بتشوف كمية الاعلانات عن الشقق والوحدات السكنيه فى كل دول العالم على مواقع التواصل
ده فى دول ربطتها بالجنسيه
انت عارف احسن احياء لندن وباريس مين ساكن فيها
ثانيا انت بتقلى المواطن المصرى بيعانى طرق وصحه وتعليم
انا مش عارف اقول ايه بصراحه الطرق المصريه حاليا معمول فيها جهد خرافى
انت عارف تصنيفنا كام فى جودة الطرق 2016 كان 107 من بين 137
الان فى احدث تقرير فى 2018 ترتيبنا 75 وانخفضت نسبة الحوادث 40 %
انا اول مره اشوف حد بينكر المجهود المعمول فى الطرق ومحطات المترو الجديده ومشاريع القطارات
والصحه يمكنك ان تبحث عن عدد المستشفيات التى تم افتتاحها حديثا ومشروع التأمين الصحى الشامل وحملة فيروس سى التى اصبحت بها مصر الان خاليه من فيروس سى بعد ان كانت اول دوله فى معدل الاصابه
والمدارس فمشروع تطوير التعليم الذى يقوده وزير التعليم والمدارس اليابانيه ومدارس النيل وخلاف الذى بالتأكيد نتطلع للمزيد منه وهو يحتاج وقت فالتعليم ليس مبنى ستهدمه وتبنيه
اما موضوع التسويق فى المدن الجديده
فالعلمين على سبيل المثال بيعت الابراج فيها فى ساعات وبلا من بناء 5 ابراج نتيجة الطلب اصبحوا 15 برج وشغالين فى 6 اخرين
العاصمه كذلك معظم طرح الاراضى تم بيعه لمستثمرين
حتى حى السفارات تم بيع معظمه
وبعدين هو بيع الاراضى للمستثمر غاليه عيب ده عدم تفريط فى حقوق الدوله فهو يكسب ايضا من بيع هذه الاراضى والا انت عايزنا نديهاله بجنيه زى زمان
ثانيا نزول الاسعار ده طبيعى يعنى اللحوم من شهور وهى بالسعر ده حتى تجار المواشى بيشتكوا من انخفاض اسعار المواشى
والفواكه والخضروات انت افتتحت الالاف الصوب ومزارع سمكيه ضخمه
اخيرا انا مقلتش اننا فى نعيم انا بس بعطى كل شخص حقه
انت شايف غير كده انت حر
