شركة العاصمة مناصفة بين الجيش و هيئة المجتمعات العمرانية
اعتقد سبب عدم تخصيص الارض مباشرة هوا نفس ما تفعله هيئة المجتمعات بس باضافة انهم حطو كل شئ في شركة العاصمة على امل بيع اسهمها لاحقا بالغالي لان العاصمة بقى و تطور و تشغيل كدا فتعظيم للمردود و صياعة الصراحة لو نجحت
موضوع الابجار انا بفتي فيه و لكن كفتي حيأجرو الحي الحكومي للحكومة عشان شركة العاصمة تنجح و متخسرش عشان سعر السهم لو تم ادرجها او بيعها بس هيا فكرة مش وقتها خالص حاليا و لكن لو متعملش كدا الشركة حتخسر زي باقي الشركات الحكومية القدمية
اول حاجة انت قلتها انا متفق معاها جدا ليه الارض اصلا تبقى ملك القوات المسلحة او ليه احتاج موافقة منها لاي ارض !!!! احنا عايشين في مصر مش في وزارة الدفاع ! و لكن هيا بلدنا كدا
شركه العاصمه الاداريه هى ملكيه مشتركه مابين القوات المسلحه وهيئة المجتمعات العمرانيه الجديده والتى تم تحويلها إلى هيئه إقتصادية
الشركه تقوم بترفيق الأراضى وبيعها وتدخل فى حساب الشركه وليس الموازنه العامه
أما المرافق الخارجية مثل محطات المياه والصرف الصحي والكهرباء مثل سيمينز والطرق
الجديدر بالذكر أن كل الطرق والكبارى تم عملها للتسهيل للوصول للعاصمه
ناهيك عن القطار الكهربائي الخفيف
والقطار السريع والمونوريل للتسهيل للوصول للعاصمه
بعشرات المليارات من الدولارات اللى طبعا قروض صينيه ( الأبراج والقطار الخفيف )
وقروض ألمانيه ( محطه الكهرباء والقطار السريع) وبريطانية ( المونوريل)
وصناديق وبنوك ( الطرق والكبارى ومحطات المياه والصرف)
ببساطه الموازنه العامه واحنا الشعب طفحنا القروض وفوائدها
والجيش بيبع الأراضى ويحطها فى حسابه ( شركه العاصمه)
أما النكته الاكبر هى تاجير منطقة الحى الحكومى من قبل الجيش للحكومه
( الحكومه ساكنه عند الجيش ايجار جديد ياجدعان )
ده ممكن وزير الدفاع يطرد رئيس الوزراء من مكتبه فى أى وقت مش ساكن عنده !!!!!!!!!!
فى البداية كان الاتفاق أن تبنى شركه العاصمه الحى الحكومى مقابل المقار القديمه
ولكن بعد البناء رفض الجيش أن يتنازل عن مقاره لشركه العاصمه اللى هى
( الجيش )
هيقوم بتنميتها بن
فسه أو بيعها لحسابه
ولم يتبقى الا مقر الوزارات ومجلس النواب ودى بعضها أثرى والبعض الآخر تم تخصيصه للصندوق السيادى ( خازوق جديد )أنا بوجه نداء من الشعب المصري كمواطن لجمهورية القوات المسلحه الشقيقه
الرحمه بالشعب والموازنة العامه والاقتصاد المصرى
كفايه كده ابوس قفا ابوكوا
شركة العاصمه وان كان معلن مناصفه فهى مش مناصفه ..
جهاز العاصمه بيتكون
هيئه المجتمعات العمرانيه ( ٣ اعضاء ) .. جهاز مشروعات اراضي القوات المسلحه (2 اعضاء ) ..
حهاز مشروعات الخدمه الوطنيه للقوات المسلحه ( 2 اعضاء ) ..
بمعنى الملكيه الاكبر للجيش ..
و من ظواهر الامور في مصر ومما نراه من تدخل الحيش في كل شي .. اعتقد هو المهيمن عليها
هو السؤوال طبيعي .. ليه القوات المسلحه اصلا في مشروع مدنى بحت .. المفروض اى ارض تبع اى هيئه حكوميه او خاصه لها منفعه عامه .. بتتنزع ملكيتها نفع عام للدوله ..
الموضوع مش جيش .. لو كانت ارض تبع الاوقاف تبع الزراعه الخ تتنزع لخزينه الدوله زى ما بيتم معاهم .. الا الجيش شي غريب فلا
مش هتكلم عن بقيه القطاعات المدنيه الجيش داخل فيعا .. كلنا عارفينها والنؤسسات العالميه والمستثمرين بيتكلموا عنها ..
لا بجد فيه ايه ( بصوت مرتضى منصور )
بلاش هو ده فكره اقتصادى عالمى سليم .. يعنى في دراسات وتحليلات عالميه بتقول اه كده صح وبتشحع الدول على كده .. باماره ايه باماره البنك الدولى مثلا
ثانى نقطه موضوع الايجار 4 مليار الحكومه تدفعها لشركه العاصمه ( الجيش يعنى ) وده رقم سنوى ومبداى .. وممكن يزيد اكتر واكتر وماحدش يقدر يعترض لو وصل 10 مليار ايحار كل سنه من فلوس الشعب ..
لو مبررها عسان الشركه ماتخسرش ... ماهو انت كده بتخسر خزينه الدوله
حوش حوش مليارات خزينه الدوله
يعنى عشان ما اخسرش شركه اخسر خزينه الدوله سواء دفع مباشر قيمه الايجار 4مليار او عشره مليار سنويا كل سنه كل سنه .. انتوا متخلين كل سنه دى ؟؟ او نضيع 4 مليار او 6 مليار تتحط مباشره في خزينه الدوله .. خزينه الدوله الى اصلا بتعانى جدا جدا ..
يعنى اسند الشركه على خزينه مريضه بالدعم و بالديون وفوايده بمليارات الدولارات والعجز التجارى بمليارات الدوارات
نظريه مش مفهومه خالص .. ومن حق الناس تشكك في مدى صوابها .. ومدى نجاحها ..
حتى السيسى نفسه لو تسمعه في مقطع الفيديو قال باللفظ مككن حد يسال هى الحكومه هتدفع للحكومه ..لانه سؤوال منطقي وطبيعي الناس تتسال عن مدى نجاح الفكره الاقتصاديه في هذع النقطه .. حتى وزير الماليه قال ما انا هاخذ منها ضرايب وجمارك وبيضحك بمعنى مش هسيبهم ..
السؤوال هل ده فكر اقتصادى ميه في الميه صح ؟ ؟
فكك من كل ده .. هل تم مناقشه هذه الامور في البرلمان مثلا .. مع مختصين عالميين مثلا .. هل تم الاستغانه اصلا بشركات تحليله ماليه واقتصاديه عالميه عن الجدوى من عدمه
ده جوهر اعتراضي مافيش مؤسسه عالميه واحده بتقولك توغل الجيش بالذات افي الاقتصاد هو عين العقل وسر النجاح الاقتصادى لاى دوله .. وكمان الحنرال نفسه مش مقتنع غير انه صح والعالم كله خطا .. ومش مقتنع ان في راي اخر اصلا .. ومش مقتنعباى فكر غير فكره هو فقط .. ومش مقتنع ان الناس تتناقش في المواضيع ده عادى بحريه فكر وعقل واسئله منطقيه .. بل وصل الامر للتخوين في اعلامه لاى معترض
هو ده جوهر اختلافي مع السيسى ( .. ديكتاتوريه الفكر والمنهج في كل شي سياسه واقتصاد وعداءه الشديد لاى راي مخالف لرايه ..
