تطوير 43 مروحية اباتشي مصرية الى AH-64E

[RAS DAHB]

الصراحة اصبح شئ ممل ان ترى التقليل من اى شئ خاص ببلدك بالرغم من ان مصر من اكبر الدول نشاطا فى موضوع تحديث جيشها

عندهم حق ..التسليح منقوص

 

[خالد المصري]

الفلبين حصلت على ٦ مروحيات وتوابعها بقيمة ١.٥ مليار. السعر منطقي جدا

يعني المروحية الواحدة ب 250 مليون دولار.... سعر منطقي جدا ... مروحية بسعر 3 إف 35

 

[Su-57]

عندهم حق ..التسليح منقوص

تسليح ايه اللى منقوص؟!!

 

[خالد المصري]

وتزامنت مع خبر قطع العلاقة العسكرية مع كوريا ش....حقيقة ما حدث في هذا الوقت غير مفهوم

إستجداء موقف سياسي

 

[meky]

بصراحه اسعار الاباتشى اخر استعباط

 

[خالد المصري]

ونحن ايضا لانرى اى مبرر لذلك
لكن مصر خصوصا عليها محاذير لايمكن لاى اداره امريكيه تجاوزها
ومعروفه للجميع اسبابها
الموضوع والا ليه علاقه بمفاوض والا غيره
بجانب انك بتحصل على تسليحك الامريكى من المعونه
يعنى مش عاجبك خلاص متخدش
وانا شايف الموضوع منطقى فأنت لاتدفع كاش لهم
مصر طبعا بتاخد المتاح والى تقدر تاخده منهم
بجانب انها بفلوسها ابرمت صفقات ضخمه مع معظم موردى السلاح فى العالم الروس والالمان والفرنسيين والصينيين وغيرهم
للتنويع والحصول على اقوى المتاح فى العالم
اوعى تحط نفسك مكان اى دوله اخرى فى العالم عند التفاوض على سلاح امريكى
فاللوبى اليهودى واسرائيل حاضره وبقوه فى اى مفاوضات
وهناك خطوط مرسومه لايمكنهم تخطيها
وعامة انا اعتبر هذه الصفقه جيده جدا بل ممتازه
تطوير اسطولك للجارديان ومن اموال المعونه شىء ممتاز
انت بس ادعى انهم يوافقو

كلام لا مشكلة فيه.... طيب لماذا وقعت الإتفاقية العجيبة؟ و ماذا إستفدت؟

أرى أننا لم نستفد شيئا بل خسرنا كارت مهم (هل دفعنا الجزية؟)

 

[Firas607]

يعني المروحية الواحدة ب 250 مليون دولار.... سعر منطقي جدا ... مروحية بسعر 3 إف 35

سعر التحديث منطقي

 

[RAS DAHB]

تسليح ايه اللى منقوص؟!!

في الاباتشي تسليح و تجهيز + في كل صفقة امريكية و اوروبية.

الحاجه الوحيدة اللي تجهيزها كامل هي قوارب الامباسدور و شكراً.

 

[Su-57]

في الاباتشي تسليح و تجهيز + في كل صفقة امريكية و اوروبية.

الحاجه الوحيدة اللي تجهيزها كامل هي قوارب الامباسدور و شكراً.

جميع الصفقات الاوروبية مصر اخدت التسليح اللى طلبته حتى الرافال فرنسا معندهاش مانع فى السكالب ومهما تأخر تبقى السكالب من مكونات الصفقة .. مع اميركا ميهمنيش لان كله مجانى حتى لو ناقص بعض الخصائص لكنه يؤدى المهام الموكل له.. الاف المدرعات و الدبابات و امئات الطائرات و المدفعية و فرقاطات و رادارات وصيانة 4 غواصات صينية .. علاقتنا ممتازة مع الجميع واى سلاح نطلبه شرقى او اوروبى قبل ما نطلبه بيكون معروض علينا .. ?✌

 

[RAS DAHB]

جميع الصفقات الاوروبية مصر اخدت التسليح اللى طلبته حتى الرافال فرنسا معندهاش مانع فى السكالب ومهما تأخر تبقى السكالب من مكونات الصفقة .. مع اميركا ميهمنيش لان كله مجانى حتى لو ناقص بعض الخصائص لكنه يؤدى المهام الموكل له.. الاف المدرعات و الدبابات و امئات الطائرات و المدفعية و فرقاطات و رادارات وصيانة 4 غواصات صينية .. علاقتنا ممتازة مع الجميع واى سلاح نطلبه شرقى او اوروبى قبل ما نطلبه بيكون معروض علينا .. ?✌

الحماس واخدك شوية ..
مفيش حاجه اسمه مجاني من امريكا .. شوف خبايا المساعدات العسكرية الامريكية و استغلال اسرائيل لمعادن سيناء و بعدها قولي هي مجاني ولا لأ.

فرنسا معندهاش مانع بس امريكا عندها مانع و اللي تقوله امريكا يمشي علي اوروبا كلها.

 

[خالد المصري]

سعر التحديث منطقي

مين يشهد للعروسة؟

أهلها

 

[Bright sky]

الاباتشي عموماً هي بلا مقارنة أفضل مروحية من ناحية التاريخ العملياتي ... مشكلتها حالياً سعرها بقا مبالغ فيه بشكل مقزز
[/QUOTE]

امريكا شرطي العالم و بلطجي الكرة الأرضية ، دخلت حروب كثيرة بالمفهوم التقليدي في العقود الأخيرة من حرب الخليج الأولي و الثانية و حرب أفغانستان فطبيعي يكون فيه أسلحة لها تاريخ عملياتي و تجربة أسلحة جديدة ، اما روسيا لم تدخل حرب نظامية من عهد السوفيت ، حتي مشاركتها للنظام الأسد في حروبه التي لم تكن نظامية حسمها الروس في فترة قصيرة رغم حصاره في دمشق

 

[Bright sky]

كنت عايز اسأل كده علي فكره والاساتذة هنا يفيدونا... بالنسبة للميسترال احنا عارفين ان طبيعي هيكون هناك قطع مرافقة ليها هتقوم بعمليات حمايتها ضد تهديدات سطح جو / سطح سطح / عمق سطح...... لكن ليه لأ يكون تفكير القيادة ان بجانب القطع المرافقة تكون للحاملتين منظومات حماية خفيفة كخط دفاع اخير ضد التهديدات.... يعنى مثلا تنصيب الستينجر عليها كدفاع جوى عجبانى جدااااا كفكرة لانها مكلفتكش اي شئ ولا احتاجت تغيير في البدن و هتقوم بدور الدفاع الجوى كخط دفاع اخير.... طب ليه لأ كمان لما مثلا نقوم بتثبيت منظومتين كورنيت مضاد للدروع علي الحاملة ، منظومة تكون علي يمين مقدمة الحاملة ومنظومة اخرى علي يسار مؤخرة الحاملة (كده تبقي غطيت جميع الاتجاهات ٣٦٠°) وتبقي خط دفاع اخير ضد القطع سطح سطح.... لان الكورنيت حجمه صغير جدااااا مش هيشغل مساحة علي سطح الحاملة وفي نفس الوقت دقيق جدااااا خصوصا ضد قطع بحرية احجامها عشرات اضعاف المدرعات ( اللي هى الهدف اللي اتعمل عشانه الكورنيت) بجانب قوته التدميرية الكبيرة، هي مجرد فكرة بتهيألي تنفيذها ممكن وسهل ومش محتاج دعم من دول اخرى ولا اي شئ ومن خلال منظومات كالاستينجر والكورنيت تبقي عملت خط دفاع اخير عن الحاملة في حالة لا قدر الله عدم قدرة القطع المرافقة علي الصمود في حمايتها مثلا.

مستني اراء أساتذتنا

في مباحثات بين مصر وروسيا لشراء البانتسير-ام ، كتسليح ذاتي للمسترال

 

[RAS DAHB]

امريكا شرطي العالم و بلطجي الكرة الأرضية ، دخلت حروب كثيرة بالمفهوم التقليدي في العقود الأخيرة من حرب الخليج الأولي و الثانية و حرب أفغانستان فطبيعي يكون فيه أسلحة لها تاريخ عملياتي و تجربة أسلحة جديدة ، اما روسيا لم تدخل حرب نظامية من عهد السوفيت ، حتي مشاركتها للنظام الأسد في حروبه التي لم تكن نظامية حسمها الروس في فترة قصيرة رغم حصاره في دمشق

دخلت حرب ضد جورجيا و تحرير اوسيتيا و ابخازيا .. و حاليا في حرب ضد الدولة الاوكرانية و بتساعد الانفصاليين و الحرب الاهلية الطاجيكية و الشيشانية و الانجوشيه الخ

 

[MaD]

الاخوة يظنون ان لونغبو فقط من ينقصها وهذا غير صحيح المروحية ليس فيها (MUMT-2)
ليس فيها AN/APR-48B
Modernized - Radar Frequency Interferometers (MRFI
المروحية ليس فيها AN/APX-123 بل نسخة اقدم APX119
ليس فيها
AN/ARN-153 Tactical Air Navigation (TACAN
ليس فيها
AN/APR-39D(V)2 radar signal detectin
لا ارى ICMD
ليس فيها (APKWS) هذا فقط ما استطعت تحديده بسرعه بدون الدخول في تفاصيل اوفى

ممكن مقارنة بسيطة للاستفادة.
انا معرفش لأنظمة الطائرات و لكن هل أعلاه دة مش موجود فالاباتشى المصرية قبل التحديث ام بعده؟

و هل تصل الأباتشي بعد التحديث الى مستوى E دة فى حالة وجود أعلاه بالتحديث.

طبعا معروف أن اللونج بو غير متواجد

 

[SU35EG]

يمكنك ان ترجع انت لل12 صفحة وتقتبس لمن انتقص او قلل من جيش مصر او برنامج تحديثه َلا تقتبس لي انا وتتكلم عن التنقيص انا تكلمت عن جزئية تجهيزات النسخة E فقط.

ياعم اهدا بس
انت من الناس المحترمين جداً جداً وبالذات على المستوى الشخصي

بس للاسف انت شايف مجموعة معينة علطول في إساءة لمصر والموضوع أصبح مسبب حساسيات
يشهد ربنا اني من اكتر الناس اللي اعرف مدى حبك لمصر
بس عتابي ليك وانت من اهل الإدارة هنا رؤية الإساءة ومفيش تحجيم ليها

 

[MaD]

في الاباتشي تسليح و تجهيز + في كل صفقة امريكية و اوروبية.

الحاجه الوحيدة اللي تجهيزها كامل هي قوارب الامباسدور و شكراً.

الامبسادور انت واخده بطلبك و بفلوسك بالإضافة أنه مش هيفرق كتير فى. التفوق النوعى خاصة و أنه فالاخر ٤ قوارب

 

[Su-57]

الحماس واخدك شوية ..
مفيش حاجه اسمه مجاني من امريكا .. شوف خبايا المساعدات العسكرية الامريكية و استغلال اسرائيل لمعادن سيناء و بعدها قولي هي مجاني ولا لأ.

فرنسا معندهاش مانع بس امريكا عندها مانع و اللي تقوله امريكا يمشي علي اوروبا كلها.

هههههخههه المساعدات العسكرية مصر تأخدها وإسرائيل كذلك بعد معاهدة كامب ديفيد لدعم السلام والصفقات المذكورة كلها من برنامج المساعدات الامريكية اما حكاية استغلال اسرائيل لمعادن سيناء دى انتهت من ايام المستوطنات ومفيش خبايا ولا حاجة .. برنامج المساعدات كان الزامى لحد 2018 ومع ذلك كنا بناخد ربع المبلغ اسلحة .. حاليا المبلغ مخصص للصيانة ولدعم محاربة الارهاب و تأمين الملاحة .. انت شكلك بتكتب وانت نايم وعايش فى خيال المؤامرات

 

[RAS DAHB]

الامبسادور انت واخده بطلبك و بفلوسك بالإضافة أنه مش هيفرق كتير فى. التفوق النوعى خاصة و أنه فالاخر ٤ قوارب

الامباسدور فلته من الفلتات .. قارب مجرم.
بس مشكلته انهم بيضاعفو في سعره و المفروض كنا اخدنا حق تصنيعه , كان هيفرق معانا جداً .. تخيل تشكيل مجرم من 15 - 20 فئة امباسدور؟

 

[RAS DAHB]

هههههخههه المساعدات العسكرية مصر تأخدها وإسرائيل كذلك بعد معاهدة كامب ديفيد لدعم السلام والصفقات المذكورة كلها من برنامج المساعدات الامريكية اما حكاية استغلال اسرائيل لمعادن سيناء دى انتهت من ايام المستوطنات ومفيش خبايا ولا حاجة .. برنامج المساعدات كان الزامى لحد 2018 ومع ذلك كنا بناخد ربع المبلغ اسلحة .. حاليا المبلغ مخصص للصيانة ولدعم محاربة الارهاب و تأمين الملاحة .. انت شكلك بتكتب وانت نايم وعايش فى خيال المؤامرات

لا مؤامرات ولا حاجه .. الواقعيه مش مؤامره و هقولك تاني ابقي اقرأ عن استغلال اسرائيل للتعدين في سيناء.