مصر تستأنف برنامج الابرامز رسميا

[the red general]

ما هي الوطنية ؟!!!
اسف للخروج عن الموضوع​

 

[Eng Mido]

بص هو علي حسب تعريف حضرتك لكلمه بلاوي
يعني اكتر ناس بيهاجموا مبارك و الكلام عن انبطاح للامريكان و ما الي ذلك
عينا ان نأخذ مثلا وضع الجيش حينما مسكه مبارك و حينما تركه و نقارن
كان احدث ما لدي مصر هي طائرات الفانتوم التي قتل السادات و هو يشاهدها
مبارك ترك الجيش لديه 240 اف 16!
الدبابات كان احد ما لدي مصر هو تي 62
مبارك ترك الحكم و هناك اكثر من 1000 ابرامز و عدد مهول من ام 60
و هكذا و هكذا يعني بصراحه اي مقارنه بين قبل و بعد ستنصف مبارك او علي الاقل لن تكون فكره " البلاوي " بهذه الكارثيه
صحيح انه كان هناك تنازلات او توائمات لكنها لم تطغي علي السياده المصريه
علينا ان نبحث في التفاصيل للوصول الي نتيجه بخصوص حقنا قبل ان نبحث عن من نتهمه

مينفعش حضرتك تقارن اسلحه فى بدايه الثمانينيات بأسلحه فى 2011 مبارك مش صاحب فضل ولا حاجه والاسلحه اللى حضرتك بتقول ان له الفضل فيها فى زمنها غير كافيه على الاطلاق ولا تقارن اصلا بالاسلحه اللى كانت موجوده قبله بالنسبه للزمن بتاعها برضو

 

[MrHBK]

مينفعش حضرتك تقارن اسلحه فى بدايه الثمانينيات بأسلحه فى 2011 مبارك مش صاحب فضل ولا حاجه والاسلحه اللى حضرتك بتقول ان له الفضل فيها فى زمنها غير كافيه على الاطلاق ولا تقارن اصلا بالاسلحه اللى كانت موجوده قبله بالنسبه للزمن بتاعها برضو

شوف حضرتك مبارك و القيادات علي مدار 30 سنه اصحاب فضل سواء شئنا او ابينا
الاسلحه التي بدا دخولها في مصر في الثمانينات تقريبا سنه 82 هي علي سبيل المثال الاف 16 بدايه تعاقد. الهوك، ام 60 ا 3. و كانوا يعادلوا احدث المخزون الامريكي التي زودت بها اسرائيل نفسها في حرب 73. من ناحيه المقارنه كلام المشير ابو غزاله نفسه ان السوفيت دفعوا لنا بأعداد محدوده جدا من تي 62 رغم ان كنا نريد تي 72.
انا عارف ان الكلام عن مبارك بيبقي محرج جدا لناس خصوصا الكارهين له و لنظامه
انما شخصيا مش هسمح بتزوير التاريخ سواء التاريخ نصفه او ادانه

 

[Eng Mido]

اولا يا ريت نحسن الاسلوب شويه كي نرتقي بالحوار مفيش داعش لكلام ارتمي في احضان و عهده الميمون لان لو حضرتك بتسخر مني او منه فلا كلامك هينقص مني او منه



بما ان اسم المشير اتكرر نرد بقي
مع احترامي لكلامكم الا ان حصر ما تم في 30 سنه في فرد واحد حتي لو كان بحجم المشير لهو تزييف واضح للتاريخ
اولا معروف ان شعبه التسليح و سلاح المهندسين و ادارات اخري هي من تقوم باختيار السلاح و معني القول ان المشير مع احترمنا له هو السبب ان الباقي كله كان مابيشتغلش
ثانيا بعض الصفقات تحتاج ثقل من القياده السياسيه مثل ثقل الرئيس السيسي في الصفقات مع فرنسا و هو ما اداه مبارك بنجاح مع امريكا في بدايه حكمه
ثالثا مبارك استلم الحكم 81 و هو من استلم طابا بعد تحريرها كامله و اقول هذا لان تحرير طابا كانت هي البدايه الحقيقيه لانفتاح التسليح المصري الامريكي و تاكدهم ان كامب ديفيد لن ينفرط عقدها و وقتها فقط انفتحت الصفقات و من حسن حظ مصر و حسن حظ المشير انه من كان في مكان المسئوليه من عام 81 الي 89
رابعا القول بان المشير هو سبب كذا او كذا مع الامريكان و لذلك طرد حينما خرج عن النص بمكاننا ان نخرج بمليون سبب لطرد المشير او لتنحيته من منصبه و يمكننا ايضا ان نقول انه بسبب مكالمات ما مع طرف ما و لا داعي للخوض في تفاصيل
خامسا حصر ما تم في 30 عامل في اسم المشير هو قمه الاهانه لمن سبقه و لمن خلفه و نذكر منهم يوسف صبري ابو طالب, عبد رب النبي حافظ , ابراهيم العرابي , محمد حسين طنطاوي , ابراهيم العرابي , صفي الدين ابو شناف , صلاح حلبي , مجدي حتاته , حمدي وهيبه , سامي عنان و غيرهم الكثير في المستويات الموازيه او الاقل ممن تدخلوا في هندسه الصفقات المصريه بذبك يكون الله يبارك في ابو غزاله و غيره و علي رأسهم مبارك

شوفوا انا لا هدافع عن مبارك و لا ههاجمه بس مش هسمح لايا كان ان يزور في التاريخ زي اللي كانوا بيدعوا ان مبارك لم يقد الضربه الجويه و لا باقي المعارك الجويه او حتي انه طلع يجري بالجلبيه من قاعده بني سويف سنه 67!!
انا بتكلم اجمالا في عهد محدد باسم و رقم عهد رئاسه مبارك المده 30 سنه قبل 81 ماذا كان في الجيش و عند خروجه 2011 ماذا كان لدي الجيش؟
واحد زائد واحد تساوي اتنين
مفيش داعي لكلام سياسي او غيره او سخريه و ياريت لو حد عايز يذكر اسماء ندين لها بالفضل فده حقهم في رقبتنا انما نذكر الاسماء كامله و لا نختزل 30 سنه في شخص واحد قضي 8 سنين في المنصب
ياريت بلاش الدفاع عن المظلوميه و خلق ابطال لمجرد انهم ظلموا في يوم من الايام و الله اعلم حقيقه ما حدث وقتها

حضرتك مبارك استلم طابا نتيجه لمعاهده السلام وحرب اكتوبر ولو كان اى رئيس غيره كان برضو هياخدها وكل الاسلحه اللى جات من ابرامز و غيرها كانت برضو نتيجه للمعاهده لكن حضرتك شوف دول تانى كانت فين سنه 81 وبقيت فين سنه 2011 وقارنها بمصر فى الفترتين والرئيس المفروض ان انجازاته المدنيه والاجتماعيه تكون اهم من العسكريه ومع ذلك برضو شوف مصر وصلت لفين بسببه انا بناقش حضرتك بموضوعيه والاختلاف فى الرأى لا يفسد للود قضيه

 

[MrHBK]

حضرتك مبارك استلم طابا نتيجه لمعاهده السلام وحرب اكتوبر ولو كان اى رئيس غيره كان برضو هياخدها وكل الاسلحه اللى جات من ابرامز و غيرها كانت برضو نتيجه للمعاهده لكن حضرتك شوف دول تانى كانت فين سنه 81 وبقيت فين سنه 2011 وقارنها بمصر فى الفترتين والرئيس المفروض ان انجازاته المدنيه والاجتماعيه تكون اهم من العسكريه ومع ذلك برضو شوف مصر وصلت لفين بسببه انا بناقش حضرتك بموضوعيه والاختلاف فى الرأى لا يفسد للود قضيه

يا فندم و انا بتناقش بموضوعيه شديده لذلك من اول الكلام لم و لن اتطرق الي جوانب مدنيه او اجتماعيه او اقتصاديه او سياسيه احتراما لهدف المنتدي العسكري فالكلام يكون فقط عسكري و لذلك نتكلم في جوانب محدده فقط من فتره مبارك
طابا لم تعد باتفاقيه السلام و انما عادت بحرب اكتوبر اولا و بالتحكيم الدولي ثانيا في عام 89 بعد تقريبا ثمانيه اعوام من تولي مبارك الحكم و هو اشرف علي اللجنه التي ذهبت للدفاع في المحكمه الدوليه فلماذا ابخس الرجل حقه لو كان اي رئيس غيره كان استردها؟ الله اعلم يمكن لو كان رئيس غيره و الاسرائيليين مسكوا فيها كان حاول ياخدها بالقوه العسكريه و وقتها كانت كامب ديفيد ستسقط بالتبعيه و الله اعلم النتيجه وقتها
كل الاسلحه التي اتت اتت نتيجه للمعاهده؟ ليس صحيح الجزء الاكبر منها كان تمويل من المعاهده من المعونه انما لما يتم تحديد ان تكون هذه المعونه هي لمعدات جديده مثال مصر تفاوضت علي ام 60 ا 3 في 82 و بنهايه عام 2000 كان لدينا ما يقرب من الف ابرامز او ثمانمائه بجانب عدد ضخم من ام 60 في الجهه الاخري تجد مثلا دول اخري استلمت ام 60 ايضا بالمجان من امريكا و اكتفت بتطويرها حتي بعد العام 2000 و لم تدخل نوع اخر. يعني القياده هي من اختارت و سعت للابرامز و ليس الابرامز هي من جائت اليك نتيجه المعاهده. و بالمثل مثلا عرض علي مصر اف 15 في العام 82 لكن مصر في خطأ فادح رفضتها نظرا لسعرها الذي كان يقارب 76 مليون للوحده وقتها. فهل لو كانت الاسلحه تأتي هبه نتيجه المعونه كنا سنرفض اف 15؟!
موضوع دول تاني كانت فين و احنا فين شخصيا لا احبذها لان مثلا عسكريا ممكن اقول ان في عهد مبارك تم نسج شبكه دفاع جوي نادرا ما توجد في العالم اساسا و ده نجاح باهر له عسكريا
باقي المعايير غير العسكريه اعتقد الكلام فيها لا يكون هنا

 

[Eng Mido]

يا فندم و انا بتناقش بموضوعيه شديده لذلك من اول الكلام لم و لن اتطرق الي جوانب مدنيه او اجتماعيه او اقتصاديه او سياسيه احتراما لهدف المنتدي العسكري فالكلام يكون فقط عسكري و لذلك نتكلم في جوانب محدده فقط من فتره مبارك
طابا لم تعد باتفاقيه السلام و انما عادت بحرب اكتوبر اولا و بالتحكيم الدولي ثانيا في عام 89 بعد تقريبا ثمانيه اعوام من تولي مبارك الحكم و هو اشرف علي اللجنه التي ذهبت للدفاع في المحكمه الدوليه فلماذا ابخس الرجل حقه لو كان اي رئيس غيره كان استردها؟ الله اعلم يمكن لو كان رئيس غيره و الاسرائيليين مسكوا فيها كان حاول ياخدها بالقوه العسكريه و وقتها كانت كامب ديفيد ستسقط بالتبعيه و الله اعلم النتيجه وقتها
كل الاسلحه التي اتت اتت نتيجه للمعاهده؟ ليس صحيح الجزء الاكبر منها كان تمويل من المعاهده من المعونه انما لما يتم تحديد ان تكون هذه المعونه هي لمعدات جديده مثال مصر تفاوضت علي ام 60 ا 3 في 82 و بنهايه عام 2000 كان لدينا ما يقرب من الف ابرامز او ثمانمائه بجانب عدد ضخم من ام 60 في الجهه الاخري تجد مثلا دول اخري استلمت ام 60 ايضا بالمجان من امريكا و اكتفت بتطويرها حتي بعد العام 2000 و لم تدخل نوع اخر. يعني القياده هي من اختارت و سعت للابرامز و ليس الابرامز هي من جائت اليك نتيجه المعاهده. و بالمثل مثلا عرض علي مصر اف 15 في العام 82 لكن مصر في خطأ فادح رفضتها نظرا لسعرها الذي كان يقارب 76 مليون للوحده وقتها. فهل لو كانت الاسلحه تأتي هبه نتيجه المعونه كنا سنرفض اف 15؟!
موضوع دول تاني كانت فين و احنا فين شخصيا لا احبذها لان مثلا عسكريا ممكن اقول ان في عهد مبارك تم نسج شبكه دفاع جوي نادرا ما توجد في العالم اساسا و ده نجاح باهر له عسكريا
باقي المعايير غير العسكريه اعتقد الكلام فيها لا يكون هنا

طيب وليه نعتبر ان الحاجات دى من افضال مبارك علينا ما هو كان رئيس وده شغله عموما الاختلاف فى الرأى لا يفسد للود قضيه وحضرتك من الاعضاء اللى بستفاد منهم جدا وبتفائل بحضرتك فى النقاشات العسكريه

 

[MrHBK]

طيب وليه نعتبر ان الحاجات دى من افضال مبارك علينا ما هو كان رئيس وده شغله عموما الاختلاف فى الرأى لا يفسد للود قضيه وحضرتك من الاعضاء اللى بستفاد منهم جدا وبتفائل بحضرتك فى النقاشات العسكريه

يا فندم ربنا يخليك و اكيد الاختلاف في الرأي لا يفسد للود قضيه و متشكر علي مجامله حضرتك
بالنسبه للافضال الله اعلم الايام مخبيه ايه.

 

[Just Egyptian]

أرى أن يتم الاعتماد على الابرامز ل 3 أو 4 سنوات أخرى
لكن بشروط

1- الاتفاق الجديد يكون بنسخة أحدث وليس A1 ومواصفات مصريه مكتسبه بالتجربة العمليه خلال السنوات الماضيه

2- زياده الاعداد قدر المستطاع وزياده نسبه الإنتاج في السنه الواحده

3- خلال تلك السنوات يتم تجهيز منشأة صناعيه جديده تكافئ مصنع 200 بالاتفاق مع الروس تجهيزا للارماتا بعد جهوزيتها وإثبات كفاءتها

وعندما يتم ذلك
1- يوجه مصنع 200 طاقته في جانبين
تطوير الابرامز لنسخ أعلى.. وتوفير قطع الغيار بأقصى درجه ممكنه
وذلك بالضغط على امريكا وقت التفاوض مع الروس على تصنيع الارماتا

2- يبدأ إنتاج الارماتا بالمصنع الجديد الجاهز حينها بعد ما تم اختبارها وتطويرها خلال تلك السنوات

ليصبح بحلول 2025 سلاح المدرعات المصري يتألف بشكل رئيسي من ابرامز وارماتا مع تأمين كامل لصيانتهم وقطع غيارهم الضرورية بمصنعين متكاملين.

 

[adel dwedar]

الناس اللي بتقول ان التطور اللي حصل في الجيش ايام مبارك بفضل ابوغزالة وان فلوس الجيش بفضل طنطاوي
ده ميفرقش حاجة عن اللي بيقول ان تطور الجيش الحالي بفضل صدقي صبحي مش السيسي

مبارك دخل في عهده تصنيع افضل دبابة في العالم وافضل طيارتين متعددي المهام في العالم في ذلك الوقت تقريبا مجانا
ووفر وعمل احتياطي للجيش بنصرف منه حاليا على عمل صفقات اكثر من رائعة

مفيش رئيس يقعد 30 سنة في الدنيا ممكن يستمر على وتيرة عقد صفقات ضخمة باستمرار لدولة بحال اقتصادنا
ولو السيسي قعد 30 سنة عمره ما هيقدر يستمر على نفس وتيرة الصفقات الحالية

السيسي ومبارك رئيسان وطنيان .. كل منهم على طريقته واسلوبه

طب وبالنسبة للحالة الهباب اللى فى معدات الجيش الفتره الاخيرة مين السبب فيها
طب وبالنسبة انه انه اشترى 220 طيارة بدون تسليح محترم ...
طب وبالنسبة مين اللى عمل ليلة وبوليكة عشان يدخل ابرامز كان مبارك برضه ؟
طب بالنسبة مين اللى سرح ابو غزالة بدرى بدرى عشان كان ليه طموح وعمل له فضيحة عشان يخرجة
طب وليه اوفر فلوس واسيب جيشي معداتة فى الطراوة معظم مدرعاتة من اكتوبر
كل السلاح الجديد اللى دخل او معظمة امريكي ومن المعونة يعنى امريكا مديينا فلوس ولازم نشترى بيها حاجة لانهم مش هايدوها لينا كاش
طب وبالنسبة للهبل اللى حصل فى صفقة الغواصات اللى عوزين ندخلها من نهاية التمانينات وجرينا ورا امريكا وفضلت تماطل فينا لحد ما اسرائيل عملت سلاح غزاصات محترم وبعدها يقولك ممكن نشترى ليكم تايب من المانيا
فيه هبل كتير حصل ايام مبارك لانه كان نايم فى الدره اساسا
الصفقات اللى بتحصل اليومين دول غلط اننا نقول ان السيسي الفضل فيها لا خالص مش فضل ولاحاجة
الجيش بافرعة سزاء هيئة التسليح او التدريب ورئاسة الاركات ووزير الدفاع كل دول ليهم دور كبير اكبر من السيسي ودورة السيسي كان بيسند سياسيا
يا جدعان ده فرد الجيش سواء ظابط او عسكرى كان تجهيزة ايه افرول وبيادة وسلاح وشده معفنه فيه 4 خزن وزمزمية ميه وقناع واقى
ليه مبارك كان سياب بلاوى سينا وده اللى وصلنا للحال اللى احنا فيه ؟

 

[amrhamde]

ان معترض جدا علي ان مبارك او السيسي او ابو غزالة او صدقي صبحي ده عمل وده معملش مع احترامي ده احانه لمؤسسة الجيش الجيش مؤسسة وليس فرد ولو مبارك وطنطاوي كانو نيمين والسيس وصبحي صحينا الجيش مبيشتريش معدات علشان يتفاخر بيها ويقول عندي وعندي زاي جيوش تانية الجيش بيشتري احتايجاتة فقط ويوفر الفلوس علشان لو لقدر الله حصل حاجه مستناش حد ولا اتزلل لحد علشان تسليح ولا معونه هو ده الموضوع وادينا شيفين لما احتجنا سلاح جبنا وبكل ارياحية من غير ضغط وكمان بنتشرط ناخد اي وامته هي ده النقطه مش الجيش كان مهمل وفجأ صحي

 

[خالد المصري]

اخي العزيز في الجيش المصري رئيس الجمهورية لا يتدخل في تسليح الجيش نهائي ممكن يتدخل بشل سياسي لتسريع التسليم لكن ارتما في حضنا الامريكان سياسيا اه لكن عسكريا لا والا مكنش الجيش في عهد المشير طنطاوي وصل للمركز الثالث عشر وده تقيم سياسي ولكن علي معلومات متاحه ولو حد فعلا لي الفضل بعد ربنا يبقا المشير طنطاوي الا نقل الجيش نقله ١٨٠درجه مش في التسليح بس في اعادة التنظيم والتدريب والتطوير وضع مبارك في جمله مفيده جمب الجيش يعطيه شهادة تقدير بدرجة امتياز تحياتي

يا راجل... الطيران أمريكى و المدرعات أمريكى و البحرية امريكى و بعد كده تقولي مبارك امريكي بس الجيش لا.. أنا أتكلم تسليحا و ليس عقيدة

 

[خالد المصري]

اولا يا ريت نحسن الاسلوب شويه كي نرتقي بالحوار مفيش داعش لكلام ارتمي في احضان و عهده الميمون لان لو حضرتك بتسخر مني او منه فلا كلامك هينقص مني او منه

كتبت بالفصحى عبارات معروفه و لست أرى انها تقلل من مستوى الحوار.. و انا لا أسخر منك و لكن الشعب بمعظمه سخر منه. أنت تحبه هذا شأنك و انا ابغضه و هذا شأني

 

[MrHBK]

ما هي الوطنية ؟!!!
اسف للخروج عن الموضوع​

Patriotism is the virtue of the vicious

Oscar Wilde​

 

[the red general]

Patriotism is the virtue of the vicious

Oscar Wilde​

اوك وصلنا لحل
الوطنية فضيلة الاشرار
مبارك امتلك الصفتان​

 

[House]

طب وبالنسبة للحالة الهباب اللى فى معدات الجيش الفتره الاخيرة مين السبب فيها
جزء من السبب نكسة يناير .. والجزء التاني من السبب ان فيه وجهتين نظر في طريقة التعامل مع السلاح القديم .. وجهة نظر بتقول اني اطور في القديم واحافظ عليه لحد ما ينطق ويقول جاي .. ووجهة نظر بتقول اني اشتري جديد احسن ما اطوره وهيكون ده اوفر على المدى البعيد .. وجهتين النظر لهم وجاهتهم .. مثلا كان فيه حوار من عدة شهور هنا في المنتدى عن تطوير الميراج 2000 وانا كنت مع شراء رافال جديد افضل .. لكن اغلب الاعضاء هنا (واعتقد انك كنت منهم) كانوا مع تطوير الميراج لانه اوفر
طب وبالنسبة انه انه اشترى 220 طيارة بدون تسليح محترم ...
مبارك مشتراش .. مبارك اخد منهم 220 طيارة كانت افضل طيارة في العالم متعددة المهام بتسليح غير كامل ببلاااااش .. هقولك حاجة خلي السيسي ياخد ببلاش افضل طيارة متعددة مهام في العالم حاليا الاف 35 بتسليح كامل وبالامرام دي وانا ساعتها هتفق معاك ان مبارك فعلا كان رئيس ضعيف وفاشل .. لكن انك تحصل دلوقتي على الامرام سي بينما اسرائيل تحصل على الامرام دي فده مش هيصنع اي فرق وهتكون نفس المعاملة لان امريكا هدفها انها تحافظ على التفوق الاسرائيلي
طب وبالنسبة مين اللى عمل ليلة وبوليكة عشان يدخل ابرامز كان مبارك برضه ؟
يعني ابوغزالة مسك مطواة وخلى مبارك يمضي بالعافية على عقود تصنيع الابرامز
انا مبقولش ان ابوغزالة ملوش دور طبعا ليه دور كبير وراجل وطني وعسكري محترم (بعيدا عن علاقاته النسائية) لكن متقوليش مبارك ملهوش دور .. كل ده كان بيحصل بموافقة مبارك وبمساعدته بالدور الاكبر سياسيا
طب بالنسبة مين اللى سرح ابو غزالة بدرى بدرى عشان كان ليه طموح وعمل له فضيحة عشان يخرجة
ابوغزالة كان ليه طموح في ايه .. في السلطة يعني ؟ فين الكلام ده .. المشكلة زي ما قال اخونا M @MrHBK كل واحد اتعاقب في عهد مبارك اصبح بطل فقط كرها في مبارك .. يا راجل ده عصام شرف المتخلف جابوه رئيس وزراء وخلوه ضحية وبطل فقط عشان مبارك كان مشاه .. وبالعودة لابوغزالة هل انت مصدق ان مبارك مكنش يعرف يغيره (لو كان عايز) بمجرد قرار؟ ده السادات شال مراكز القوى كلهم وموقفه كان اضعف كتير .. بلاش طيب شال ابوغزالة عشان كان بيكرهه لان ابوغزالة وطني ومبارك بيكره الوطنيين وكان عايز يدمر البلد .. شال القاضي والمحافظ وكذا واحد معاه ليه ؟؟ بلاش مبارك كان لازم يرسم سيناريو .. طيب جريدة وول ستريت جورنال كمان متواطئة ضد ابوغزالة بنشر قضية كارول شانون في 2007 يعني بعد ما ابوغزالة مشي من زمااااان .. طيب وفيلم "حرب تشارلي ويلسون" بتاع توم هانكس برده كان جزء من المؤامرة الكونية ضد ابو غزالة .. يا جماعة بالله عليكم بس براحة شوية وبلاش نظريات المؤامرة الضخمة دي .. لا ابوغزالة كان ملاك ولا مبارك كان ملاك ولا السيسي ملاك .. كلهم ليهم اخطائهم
طب وليه اوفر فلوس واسيب جيشي معداتة فى الطراوة معظم مدرعاتة من اكتوبر
كل السلاح الجديد اللى دخل او معظمة امريكي ومن المعونة يعنى امريكا مديينا فلوس ولازم نشترى بيها حاجة لانهم مش هايدوها لينا كاش
هو احنا بس اللي كل سلاحنا الحديث امريكي .. كل الدول اللي بتمتلك علاقات قوية بامريكا كل سلاحها اما بتصنعه لنفسها او امريكي .. السعودية اقتصاد قوي لكن كل سلاحها امريكي وكل دول الناتو وغيرهم .. الفرق انا احنا كنا بناخد سلاح ببلاش غير كامل لكنه يظل افضل من المتاح بشراء من الصيبن وروسيا في اغلبه

اما ليه لازم اوفر فلوس فتاني هقولك ان فيه وجهتين نظر .. وجهة نظر تقول اني ممكن اوفر احتياطي نقدي عشان لو قامت حرب يكون عندي اقتصاد حرب ميدمرش اقتصاد الدولة ويخليني قادر على الاستمرار اقتصاديا ف الحرب .. وفيه وجهة نظر بتقول ان انا ابني جيش قوي حاليا يرهب الاعداء ضد الدخول في حرب .. ولو قامت حرب هكون معرض لخطر ان طائرات زي الرافال مثلا تطلع طلعتين تخلص ذخيرتها وميكونش معايا فلوس اشتري طيارات غيرهم او ذخيرة لهم او اقتصاد يضمنلي الاستمرار لسنوات في الحرب .. مرة تانية وجهتين نظر من شخصيات وطنية ومش معني انك اخترت اي منهم انك اقل وطنية
طب وبالنسبة للهبل اللى حصل فى صفقة الغواصات اللى عوزين ندخلها من نهاية التمانينات وجرينا ورا امريكا وفضلت تماطل فينا لحد ما اسرائيل عملت سلاح غزاصات محترم وبعدها يقولك ممكن نشترى ليكم تايب من المانيا
فيه هبل كتير حصل ايام مبارك لانه كان نايم فى الدره اساسا
انا عايز اعرف هو كل السئ في الجيش كان بسبب مبارك وكل الحلو كان بسبب ابوغزالة وطنطاوي ؟ .. انا وجهة نظري ان كل السئ والحلو كان بمشاركة مبارك مع قادته العسكريين في ذلك .. كلهم مشتركين في السلبيات والايجابيات .. بالنسبة للغواصات انا مش شايف ان السيسي غير حاجة .. احنا زودنا نفس نوع الغواصات وبرده من المانيا وهي افضل خيار متاح تكنولوجيا .. ومرة تانية مبارك مش ملاك عشان يكون في تلاتين سنة كل حاجة عملها تعجب كل الناس .. عايز اقولك ان فيه ناس كتير في مصر (مش انا طبعا) متضايقة جدا من وتيرة التسليح الحالية والصرف الحالية .. وبترد على موضوع احتياطي الجيش بان ده معناه ان الجيش بيعترف نفسه دولة داخل الدولة وله اقتصاد منفصل عكس كل دول العالم .. وسايب مصر تقترض من البنك الدولي وبيشتري سلاح .. هل هذا الكلام معناه ان السيسي وحش؟؟؟ لا طبعا هي وجهات نظر
الصفقات اللى بتحصل اليومين دول غلط اننا نقول ان السيسي الفضل فيها لا خالص مش فضل ولاحاجة
الجيش بافرعة سزاء هيئة التسليح او التدريب ورئاسة الاركات ووزير الدفاع كل دول ليهم دور كبير اكبر من السيسي ودورة السيسي كان بيسند سياسيا
بالعكس .. انا شايف ان دور السيسي في الصفقات الحالية اكبر من دور مبارك في الصفقات ايامه .. السيسي بيتدخل في التفاصيل بشكل كبير .. مش في التسليح بس في كل حاجة .. وتاني برده فيه وجهتين نظر .. وجهة نظر تقولك ده صح عشان الفساد وعشان يضمن حاجات كويسه .. ووجهة نظر تقولك رئيس الجمهورية مينفعش يكون بيفهم في كل المجالات وتفاصيلها وده مبيحصلش في اي دولة وده بيستهلك الرئيس في امور مش مطلوبة منه
ليه مبارك كان سياب بلاوى سينا وده اللى وصلنا للحال اللى احنا فيه ؟
السؤال ده تحديدا الرد عليه عايز موضوع لوحده ومينفعش الرد عليه بجزء من مداخلة .. بيفكرني السؤال ده بالاعلاميين المصريين .. قبل 30 يونيو كانوا بيشتموا مبارك انه ظلم الاخوان وكان كل اعلامي بيتفاخر انه كان بيستضيف الاخوان ببرنامجه في عز نظام مبارك رغم التضييق الامني .. وبعد 30 يونيو كلهم بقوا يشتموا مبارك انه كان سامح للاخوان بالتواجد في الحياة السياسية .. المهم في الموضوع هو شتيمة مبارك وخلاص بغض النظر عن اي حاجة حتى ولو وقعوا في التناقض

الرد داخل الاقتباس

 

[batteryneon]

اخشى ان المفاوض المصري فقد الامل تماما في الجانب الامريكي و لن ينتظر منه شئ عموما او يتطلع لاكثر مما كان موجود سابقا فقط في سبيل توازن العلاقات يعني لا حزود و لا حقلل
تريدون علاقات اذا لنبقها على المستوى السابق دعم و غيار و ابرامز ايه 1 ، و التركيز سيكون خارجي بالدرجة الاولي لحين تقليل المكون الامريكي مع الوقت لمستوى غير مؤثر تعبويا و غير مختفي سياسيا و تقنيا
ليه اخشى كده لان اسطول الابرامز و الاف 16 اكبر من ان يهملو لهذا الدور للاسف ... هذا الموضوع بالذات يحتاج حل سياسي عنه عسكري و سيكون tricky جدا
عموما الاحتكام للروس فقط ليس امر سليم ايضا فمعداتهم ليست بتلك الفاعلية و لا رؤيتهم للمواكبة ، احنا فعلا محتاجين رؤية خاصة بينا في التصنيع البري سيكون اسهل و اسرع من باقي الافرع
محتاجين شراكة قوية مع شريك فاعل دوليا و باقل المخاطرات لا ارى غير نيكستر و ايفيكيو و Uralvagonzavod و صراحة ابيع الكل في سبيل التقرب لشراكة مع الالمان خصوصا كراوس مافي و راينتمال لكل ما يتعلق مع الفكر البري

 

[amrhamde]

يا راجل... الطيران أمريكى و المدرعات أمريكى و البحرية امريكى و بعد كده تقولي مبارك امريكي بس الجيش لا.. أنا أتكلم تسليحا و ليس عقيدة

هو حضرقراء تعليقي قبل ما تقتبس وترد لان ردك ملوش علاقه بتعليقي

 

[egyptian lion]

خلاص يا جماعة، مبارك ابن ستين فى سبعين
ياريت نرجع لموضوعنا،هذا منتدى عسكرى وليس سياسى

 

[ahmedessa]

السادة الافاضل الموضوع عسكري
وياريت المناقشة تكون في تلك الاطار
ولا تتحول الي سياسية بحتة
والا سوف يغلق​

 

[adel dwedar]

الرد داخل الاقتباس

-ثورة يناير كانت السبب في ايه بالظبط ؟كانت السبب فى الحالة الهباب اللى كانت فيها المعدات بتاعتنا ؟ ازاى
المعدات وحالها الهباب دى متراكمة اساسا وموجودة من فتره كبيرة قبل ثورة يناير اساسا
يعنى اروح اصرف على عربات فى الجيش عمرها تعدى ال 50 سنة وبتعطل اكتر ما بتشتغل واقعد ارقع فيها بدل ما اطلعها واشترى جديد
ايوه فيه وجهتين نظر والمفروض وجهتين النظر يكونوا مع بعض لكن مش واحدة شغالة واللى هى الترقيع فى القديم
دبابات وطيارات ومعدات من ايام الحرب برقع فيها وخلاص ومفيش اى جديد بيدخل الا من المعونة الا القليل جدا من وحدات دفاع جوى وباعداد قليلة وفى الفتره الاخيرة
حاليا الامر مختلف يتم حصر الموجود اللى مش هايقدر يشتغل ويفيدنى وهايبقى عبئ عليا اخرجة خالص من الخدمة اشترى بدالة جديد واللى يقدر يخدمنى اطورة واظبطة بمعايير اعلى مش ارقعه
موضوع الميراج 2000 قلنا نطروها الطيارة مش ميج 21 مثلا او ميراج5 حالتها فى الهباب لا الطيارة لو اتطورت هاتقدر تدينى شغل عالى مادام حالتها جيده لكن بعد اتاح ان السعر عالى قلنا لا فائدة منه بال 2 مليار اللى تتطور بيهم نجيب بيهم جديد مش زى الخراب اللى كان بيحصل فى الجيش
-بالنسبة للطيارات مبارك خدها او مخدهاش ماكانش لوحدة ..نقول انها واقع مفروض علينا
ليه بقى مبارك واللى معاه ماراحوش جابوا اى طيارة تانية وقام بالتنويع وبتسليح محترم من روسيا او اى مكان تانى ليه
اصل مش اقول انا خدت طيارة بدون تسليح محترم واحط ايدى على خدى ؟ لا ده اسمه اهمال جسيم انى اسيب حال القوات الجوية بتاعتى كده
مبارك ماكانش زبالة لوحدة بالعكس كان لازم زبالة تانية حوالية بيشتغلوا بنفس الفكر بتاعه سواء بقى فى الجيش او البلد

-بالنسبة للابرامز مكانش صاحب فكره ادخال الابرامز ابو غزالة على رأس فريق التسليح بتاعه الاختصار فى كلمة ابو غزالة مش معنى انه بيشتغل لوحدة لا هو كان معاه رجالتة اللى تحته
ومبارك كان لازم يوافق لان الجيش طلب المعده دى مشهايروح يقولهم لا ده شئ طبيعي ده واجب عليه اساسا

- ابو غزالة عمره ما كان ليه طموح فى السلطة نهائيا الراجل كان ليه طموح انه يخلى الجيش من اقوى الجيوش واحدثها عالميا بتوطين صناعات و نقل خبرات وشراء ما يخدمنى ده كان طموحة
اللى اتهد بعد ما مبارك مشاه ولفق له فضيحة لوسي ارتين ..
مبارك شال ابوغزالة عشان اتقالة يشيله وكان لازم ينفذ
مبارك ابقى على كلب من كلاب امريكا فى الجيش سامى عنان وسايبة موجود ومفيش اى تقدم ولا جديد فى الجيش
ياعم الحج موضوع ابو غوالة كانتشوية فى تشوية حتى لا يتم احراج مبارك والامر كله تم بالتعاون مع امريكا فلازم تلاقى صدى للموضوع فى امريكا
طب خلينا نقول ان ابو غزالة بتاع نسوان ماشي ..طب ماكانش بيلم وزارؤة اللى ليهم فضايح فى كل حته سواء بقى نسوان او خلافة
خلينا ان مبارك لازم زمته حديد وقال ما ينفعش يكون عندى وزير غير اخلاقى
ليه الجيش بقى على حالة المهترئ ده ؟ ايه السبب

- لا مش سلاحنا بس اللى امريكي فى دول كتير بس امريكا بتديهم السلاح بقدرات عالية مش زينا ... يبقى ليه استنى امريكا تعطف علينا اساسا بهبل من اللى بيدوه
ياعم انت لو قعدت مع طيار اف 16 وقولتلة ايه رايك فى الاف 16 بتاعتنا واى واحدة تانية مش مصرية طرت عليها هايسب ويلن فى اللى جابها وورطنا فيها

-اه اوفر فلوس عشان يكون عندى احتياطى حرب ده فى حال لو الجيش لدية ما يكفية من معدات محترمة تقدر تدخل حرب موسعة مش احوش واقول احتياطى بسلاح عاوز الحرق
ياعم انا منت بخدم فى الجيش كنت مستلم بندقية انتاج 56 كلاش ..تخيل بقى

- اه كل السئ كان بسبب مبارك لانه هو اللى جاب اللى حوالية والقادة اللى بتشتغل ايوه هو السبب لان لولا القيادة المترهلة اللى كانت موجوده ماكانش حال الجيش هايبقى فى الحضيض
اصل مش اى حد اللى بيعين القيادات وبيقف على كفائتهم خاصة الجيش الا الرئيس وخاصة ان كان راجل عسكرى فهو السبب
هو انا لما اشغل عندى واحد حرامى يسرق فى الناس تحت عينى وتيجي الناس تقوللى انت مشغلة ليه اقولهم مش انا السبب والله ده هوه ..طب ماتسرحة ..
انا مش بقول ان الغواصات سيئة او وحشة انا بقول اننا لما حبينا ندخل غواصات روحنا جرينا على امريكا والنبي عاوزين غواصات ديزل من المعونة قالولنا احنا مش بنصنع بس هانتصرف ليكم قعدوا يمالطلوا سنين طويلة من بداية التسعينات
وفى الاخر اشترينا بعد عناء طويل لمجرد طأطأة راسنا لامريكا

موضوع التسليح الحالى واسلوب التعامل فى البلد اقتصاديا مش حلو اساس بالعكس ده سئ جدا ... لان الاقتصاد الداخلى هباب فى هباب حاليا السيسي ليه حسنات وليه غلطات وللاسف الغلطات كبيرة وبتوق زى اللى حاصل النهاردة

ليه المشاريع اللى كانت بتتعمل معظمها مش بيكتمل ؟ ده نسمية ايه اساسا ؟
EIFV , SIFV , تطوير التى 62 ..................ألخ ليه ماكملش والقادة الحلوين دول ما طوروش
عندك المصانع الحربية فى اخر 15 سنة حالتهم زفت وهباب ومفيش اى جديد
مفيش اى منتج جديد خرجتة المصانع فى الفتره دى الا القليل جدا وكله انتاجات قديمة الا القليل ايضا
انا ليه احوش فلوش ميزانية الجيش زى ما اتقال من السيسي لما كان ممكن اطور بمعدات حديثة
ليه اترمى فى حضن امريكا وماجبش سلاح غير من عندها هو اللى خلق امريكا ما خلقش غيرها مجرد انى اعتمد على اسلحة منقوصة بالشكل ده خيانة فى حق الجيش
والله القيادة الحالية طلبت من امريكا ورفضت فروحنا لغيرهم وجبنا الافضل ... مش زى ما بتقول ان لو السيسي جاب من امريكا هاقول مبارك بيه وعليه .لا ياحج السيسي امريكا مش هاتديلة لكن القيادة قدرت تجيب وتوفر احتياجاتنا من غيرهم


مبارك كانت السبب الرئيسي بمعاونة قادتة
لانه هو اللى كان سايبهم شغالين رغم التقصير والاهمال اللى كان بيتعمل
والسيسى له دور لكن لايتعدى كونة سياسيا


وصباح الفل يا دكتور وجعت ايدى من كتر الكتابة يا بلد بكسر الباء