تسمحوا لي أن اتكلم بره الموضوع لو تكرمتم.
من الأخر كده إحنا كلنا جزء من أمة عربية واحدة كلنا عندنا نفس المخاطر هي هي. والعلاقة بين مصر ودول الخليج بصفة خاصة طول عمرها كانت علاقة مترابطة ومتشابكة جداً وبالأخص في التعاون الأمني أو الاقتصادي ودول بعتبرهم أهم ملفين. لكن للأسف، في ناس بتحاول تكبر الموضوع وتخلي الخلافات دي تبقى أكبر من اللازم، سواء نكاية في مصر أو في السعودية أو أي دولة خليجية تانية.
الاحداث إللي حصلت من ساعة كذبة باول الشهيرة التي أدت إلي احتلال دولة عربية بالكامل وهي العراق و تمزيقه وأصبح شبه دولة ونعاني جميعاً من تأثيراتها حتي يومنا هذا.
بعد كده هل علينا الربيع العربي 2011 و حتي الان اليمن منقسم وليبيا منقسمة و سوريا دمرت واسرائيل وتركيا تزيد نفوذها وتواجدها هناك وحرب السودان المستمرة الي الان واكيد ما تعرضت له مصر خلال سنوات الفوضي اوصلنا لوضعنا الحالي بالرغم من الدعم الخليجي والذي لولاه لكان الوضع كارثي ودي حقيقة.
وما حدث يوم ٧ اكتوبر المشؤوم وما ترتب عليه من نتائج كارثية علي المنطقة كلها
وعدونا يركز علي هدفه و مستمر فيه
ما يقلقني أن عدونا الان يستعد ويخطط لمرحلة جديدة وهم بارعين وأساتذة في التخطيط وللاسف نحن الأدوات والضحية .
لذلك أتمنى من اخواتي الخلايجة واخواتي المصريين أننا نكون واعيين جداً وإننا نكون إيد واحدة وهدفنا واحد برضوا زيهم ونركز علي هدفنا .
علشان كده ياريت نبعد عن السفاهة والتقليل من الأخر سواء فرد أو دولة إحنا أكبر واعقل من إننا نقع في فخ الكلام الفارغ ده. وياريت كمان نحافظ على الاحترام المتبادل بينا ، لأن المحترم هو اللي بيُحترم. وفي الآخر، أتمنى إننا نكون فطنين جداً وما ننجرش ورا اللي عايز يفرقنا لأن مصيرنا واحد وعدونا واحد وهدفنا واحد وإحنا أقوى لما نكون مع بعض.
كلامك جميل جداً بس ناقصة حاجة بسيطة ... خريطة
الوحدة مش خطبة ولا بتتاسس على شعور دافي بعد وجبة فول الوحدة بتنبني على موقف مش على كلمة (احنا اخوات والله)