انا كفلسطيني لما بعاتبك كمصري ما تيجي و تسألني أنت بتعاتبني ليه؟
ليه ما تعاتب بقية العرب ؟
كيف بدي أفهمك و أقلك انك كمصري اقرب حدا لاهل غزة ولقلوبهم ولذكرياتهم ولشاشتهم ولهتفاتهم من أي حدا تاني.
كيف بدي أفهمك اني أهلاوية أكتر منك وزوجي زملكاوي عنك وأطفالي بشجعوا منتخب مصر عأنغام فدائي فدائي..
كيف بدي أفهمك إنه الشجاعية شبّه الصعيد وانه الرمال زي المهندسين وانه القلعة بخان يونس واصلة قلعة المصريين.
و كل ما كبر العتب بكون من كبر عشمي فيك
و العتب و العشم معناه انا كفلىسطينيه من غزة شايلك كمصري معزة خاصة جواتي و بعاتبك بحجم الجرح الي جواتي.
لازم تتحمل عتابي و كلماتي
انا لو كان لدي عزيز غيرك كنت عاتبته
