لما بكون فى القاهرة او المحفظات الى على خط النيل المياه الى بنشربها بتكون من النيل لكن فى المدن الساحلية زي دهب والاسكندرية وغيرها مثلا عندها خطين خط نيل وخط مياه محلاه ونفس الموضوع فى الإسكندرية طعمها مختلف تماما مش هيفهم كده غير الى أتعود على مياه الأنهار حتى لما بيشرب مياه معدنية معبأه وبالرغم من أنها بتكون نقيه جدا لكن طعمها مختلف تماما عن مياه النهر أنا لما بشرب مياه زى النستله او مياه الآبار مثلا مبيعجبنيش طعمها وبعرف اميزها بين النيل او الآبار او المحلاه بالرغم من ان الحكومة عندنا بتخلى معظم مكونات المياه والاملاح والمعادن بنفس نسب النيل علشان منحسش بالفرق لكن بيبان بردو طعم مياه الأنهار الأساسي بيكون جى من الطمى يعنى لما بنحط مياه فى قله او زير فخار طعمها بيكون شبه النيل وبتكون بارده وبتروى صعب تفسر الموضوع ده لحد متعود على طعم معين يعنى أقلك ان حتى عبوات المياه المعدنية بنعرف نفرق بينهم لان كل واحدة ليها طعم لانها من بير مختلف كل الى بيسافر لدول الخليج عنده مشكلة مع طعم المياه هناك بيخدو مدد كبيرة جدا على ما يتعودو عليها انا نفسي اخدت وقت كبير على ما تعودت على طعم المياه المحلاه لما عشت فى احد المحفظات المطلة على البحر الأحمر
