يعني هم مفروض يعرضوها عليك الاول ، انت متعرفش ان مصر بتبني مصانع غزل و نسيج جديدة و مصنع واحد بس كانت تكلفته مليار جنيه من اكبر الشركات الفرنسية ، متعرفش ان انتاج مصر من الاسمنت اضعف خاصة في فترة بناء المدن الحديثة
رغم الوباء اقتصادك الوحيد في المنطقة البينموا يعني انت ماشي صح وده ارقام دولية مش احمد موسي يعني
من اسباب فشل الخدمات في مصر هو الدعم فالشركات اصبحت تخسر و زاد الدعم الحكومي بسبب زيادة السكان فأصبح الوضع مأساوي في كل خدمات الدولة ، لازم الخدمات تكون مربحة لتستمر الخدمة الجيدة ،
مش المفترض ان كل خدمات او مشاريع الدولة تكون موجه للطبقة المتوسطة بعينها لان في مشاريع ربحية للدول نفسها لزيادة الدخل القومي بصفه عامة ، يعني لو تم مد قطار سريع للمدن السياحية او ربط البحر الاحمر بالمتوسط هيزيد دخل قطاع السياحة بشكل كبير و هينعكس علي الطبقة المتوسطة لان اغلبهم يعمل في السياحة حتي دون ان يستخدموا القطار السريع نفسه ، الامور لا تقاس بهذه النظرة الضيقة
كلام عام جميل وطبعا متفقين معاك
بس خاص قيمه المشروع تقريبا زى نصف ميزانيه الدوله 22 مليار دولار عشان قطار ..
لا من حق الناس تسال .. من حق الناس تستغرب .. من حق الناس تقول اولويه البلد ايه .... احنا لا المانيا ولا اليابان ولا الصين .. دول صناعيه متطوره في كل الجوانب صناعه صحه تعليم بنى تحتيه ...0
لان قيمه 22 مليار دولار تعرف لو هتعمل مشروع قومي مثلا تحليه مياه البحر ممكن الناس تتفهم بسبب الازمه الي هتحصل بسبب سد النهضه .. لو هتعمل مفاعلات نوويه الناس هتتفهم بديل للنفط في انتاج الكهرباء مثلا ... لو هتعمل زى قناه السويس الجديده مثلا ماشي ..
انما 22 مليار دولار عشان نجيب قطر سرعته 300 بدل الحالي الديزل ابو سرعه 120 يعني عشان نزود 200 كيلو سرعه فندفع 22 مليار دولار ... من حق الناس تستغرب وتسال والي بيسال مش معناه انه ضد البلد ابدا .. احنا مش في مصر الملكيه ايام الخديوي ولا ايام الملك فواد ونقول سمعا وطاعه يا مولاي .. السيسي رئيس محترم منتخب لفتره رئاسيه محدده .. بس احنا في دوله طبعا ديموقراطيه طبعا .. شايفك يا الي بتضحك هناك هههه لازم متخذ القرار على الاقل يشارك الناس يفهمم مشروع قيمته الماديه ضخمه جدا جدا والي هيدفع هو الشعب .. مش منحه من المانيا مثلا
من حق الناس تسال وتستغرب .. ومن حقك انك تدافع وتفهم الناس ان المشروع يستاهل اكتر من 22 مليار دولار .. ولازم تفهم الناس المبلغ ده بالتحديد ليييه لازم .. وتفهم انه لو زاد دولار واحد عن كده مش هينفع وتقولهم مش هينفع ليه مش معنا 22 مليار هينفع لازم تشرح للناس بالارقام مش كلام مرسل ..
بدليل مشروعات كتير تمت وفشلت باسم المشروع القومي للرئيس فلان وعلان من ايا م عبد الناصر ليه لان المطبلين للرؤساء باسم نهضه البلد كتير
وفيه مشاريع مافشلتش بس ما ححقتش الهدف منها ... وتطبيل للرئيس وعاش يا بطل وفي الاخر مصانع خسرانه ومصانع فاشله
ومشاريع كانت هتم بس التكلفه وقفته زي مترو قليوب الوزاره تحمست وطلع بعض المطبلين الله اكبر .. وبعد الدراسه لغوا الفكره بسبب التكلفه .. امثله كتييييره جدا
اخرها مثلا في نفس الموضوع القطارات الروسيه الجديده .. اسال الناس الي شغاله في السسكك الحديده .. ايه الهدف ونسبه تحقق الهدف حسب المراحل المتوقعه اتحيق الهدف .. اسالهم هيقلولك اقل من المتوقع .. روح شوف القطار الروسي وهو بيعدي على المحطات فاضي سعره غالي وهو غير مكيف واغلب الشعب مستنى الي بعده المطور والمميز مافيش فرق كبير بينهم كخدمه .. مش مثلا ده عربيه لادا والروسي اكنه طياره .. ولا الهوا .. وفرق في السعر ... قطر كلف الدوله وكل رحله لها تكلفه تشغيليه واغلب كراسيه فاضيه .. طبعا مش كل الرحلات .. بس مجملا اقل من المتوقع .. وده وارد جدا في علم الاداره مش كل حاجه خططتها لها هتتحق وهكذا .. بدليل كثير من المشاريع في العالم بتتعثر وخسائر وافلاس الخ الخ الخ
وانت ضامن مليون في الميه ان المشروع حيقق التكلفه بتاعته 22 مليار دولار وكمان يكسب بالعمله الصعبه مليارات لازم تقول للناس انت ضامن منين وازاي مليون في الميه انه ناجح وهيحقق مليارات الدولارات . لازم تقول للناس لو استثمرت 22 مليار في مصانع كذا وكذا احسن ولا قطار ابو 300 كيلو بدل 120 كيلو
انا رايي الشخصي ..المشروع ممتاز جدا ونفسي وحلم عمري اشوف سكك حديد مصر كلها قطارات فائقه السرعه كمان
بس انا عندي مشكله في خبر النهارده وهو رقم التكلفه .. وليه عندى مشكله لانه ببساطه ماحدش شرح ليه وازاي الرقم ده ...
ومن هنا بضم صوتي للعضو المحترم الي قال فقه الاولويات .. لا ممكن يتاجل عادي ومصر مش هتقع ونهتم كم سنه كمان بالاوليات في البلد دي .. واولويات البلد مش قصدى تقديم خدمات سكر وسرير في مستشفى لا اولويات صناعه وتشغيل .. وقطر ابو 300 يتاجل عادي لانه رقم التكلفه رهيب ولو مهم تعمل قطر عادي ..قطر الديزل شغال ما فرقتش اوي من 120 كيلو ل 300 كيلو .. فرقت اوي يعني عشان ادفع نصف ميزانيه الدوله 22 مليار دولار في قطار .. ولو على السياحه .. السايح بيفضل الطائرات في التنقل وعندك السفن السياحيه .. انا بجد مستغرب جدا من الرقم الضخم ده فيه حاجه مش مفهومه ...
