مخلوقات فضائية !!
- بادئ الموضوع ARX160
- تاريخ البدء
- إنضم
- 21 ديسمبر 2018
- المشاركات
- 9,494
- التفاعل
- الدولة
- إنضم
- 19 أكتوبر 2018
- المشاركات
- 5,159
- التفاعل
- الدولة
مرحبا اخي،
هناك فرق بين الحقيقة والرأي وإدعاء لم يختبر
-الحقيقة: بيان عن العالم الحقيقي مدعوم بأدلة متقاربه ومتسقه مع بعضها ( هل معك دليل تجريبي أو تحليلي أو حتى تقييمي على ادعائك؟ أنك رأيت احد هذة الشخصيات الفضائية)
-الرأي: تقرير ذاتي او بيان عن المواقف، ولا حاجة هنا للاحتجاج ضد الآراء لو اعترف بها كتقارير ذاتية بدلا من اعتبارها ادعاءات عن العالم الحقيقي
- مزاعم لم تختبر: مزعم غامض غير مكتمل او حتى مزعم علمي لا يتوفر بشأنه دليل حتى الآن (كحال موضوع الUFO)
لا اقصد الاستخفاف بتجربتك وانت طفل، على العكس، لدى فضول ان تشاركنى التفاصيل ان احببت؛ فقط وددت وضعها في مكانها وتسميتها المناسبة.
بالمناسبة, هذا الحديث ذكرني بصديق لي طبيب امراض نفسية وعقلية، حكى لي عن صراعه الخفى بين الطبيب والمؤمن بداخله، وكيف ان كل ما نؤمن به من مرويات خارقة للطبيعه ونقدسها بطبيعة الحال، هي تقريبا اعراض لامراض عقلية، حكايات يسمعها كل يوم من مرضاه، لكنه مجبر على النظر لها كعرض لمرض عقلي ما،وان راويها مريض مستحق للعلاج، بينما الروايات المقدسة، يؤمن بها وبقائلها ايمان قطعي.
- إنضم
- 21 ديسمبر 2018
- المشاركات
- 9,494
- التفاعل
- الدولة
شوف انا ببساطة كنت اقول انها خرافة وانها لا شيء ومحض خيال ولكن بعد البحث وقراءة قصص كثيرة واحداث فعلية وحادثة روزويل وماحدث بعدها غيرت رايي وايضا ماحدث مع فيليب شنايدر يجعلك تصدق لا محالة والكلام الذي ذكره اقرب للواقع
OTE]
بتصدق في وجود الفضائيين؟
طبعا دا كلام عيال يعني وخيال علمي وافلام امريكية هابطة يعني، مفيش حاجة اسمها فضائيين يا معلم،
طب ركز في اللي جي.
سنة ١٩٦١م في يوم جميل كدة، كان فيه اتنين متجوزين "بارني هيل ومراته بيتي هيل" في نيوهامبشاير، وكانوا معروفين كونه افرو اميريكان وهي بيضاء والانظار عليهم، بس عادي يعني في النهاية هي معاهت درجة الماجستير في العمل الاجتماعي ومشرفة في وزارة نيوهامبشير للرعاية الاجتماعية ، وبارني، حاكم لجنة الحقوق المدنية في نيو هامبشاير، عيلة عادية جدا مفيهاش اطفال وهادية وزي الفل.
المهم انهم السنة دي طلعوا رحلة استجمام لطيفة كدة بالعربية لكندا كام يوم زاروا فيها شلالات نياجرا ومونتريال والدنيا جميلة، خلصوا اجازتهم هناك وخدوا العربية وقرروا يرجعوا بيتهم بها، الكلام ده يوم ١٩ سبتمبر سنة ١٩٦١م.
المهم، الساعة ١٠ بالليل كان بارني ومراته سايقين ععلي الطريق السريع اللي بيودي علي نيوهامبشاير في امريكا ومركز والدنيا حلوة والجو لطيف، ومشغلين اغاني والحياة حلوة، وهما قريبين في الطريق من مدينة لانكستير بعد ساعتين من ركوبه الطريق، بيتي لمحت جسم غريب منوّر طاير فوق
[/QUهم، فا شاورت عليه لبارني وقالتله "شايف اللي انا شايفاه" ؟
بارني بص كدة، قالها تلاقيها طيارة ولا حاجة، متقلقيش يا حبي، المهم الجسم اختفى للحظة كدة، وفجأة ظهر بقوة فوقهم بالظبط والنور بتاع الجسم ده ضرب في وشهم، فا بارني اتخض والعربية خيّشت منه، فا فرمل عاليمين بسرعة، وبدأ يحس ان فيه حاجة غلط، ملقاش قدامه عشان يحمي مراته ويطمنها الا انه يخرّج المسدس بتاعه من التابلوه، واخد النضارة المكبرة بتاعته، وخرج من العربية يشوف فيه ايه.
بص بارني كدة، لقاه قرص معدني بيطلع نور الوان كدة مشعّة، وواقف في الهوا ثابت علي بُعد بتاع ٣٠ متر منهم، وشبه الاطباق الطايرة اللي في افلام الخيال العلمي، لا ده طبق طاير بجد فعلا، حتي انه بص في النضارة المكبرة وشاف التفاصيل لقاها فعلا زي ما وصف بعد كدة، طبق فيه شبابيك صغيرة، ومن الشباك لمح كام واحد كدة واقفين ورا الازاز في الطبق، كانوا شبة البشر بس مش بشر فيهم حاجة غلط.
قلب بارني اتخطف، وبص علي مراته، وقبل ما يبعد، سمع صوت جوا ودانه "كأنه صوت جي من جواه ملوش ترددات يعني" بيقوله اقف مكانك وراقبنا، بهمس كدة، وفي نفس الوقت لقى ضوء احمر ظهر من جوا الطبق وخارج منه جسم اسطواني زي ما يكون دراع، بيخرج من الضوء بالراحة كدة واحدة واحدة ناحيته، فا بارني اترعب وقلبه اتخطف وقرر يجري علي عربيته، وادى بيتي بالرجل دخلها جوا العربية ودورها بسرعة وعلي اخر بنزينه جري،
لسة بياخد نفسه، سمع صوت دوشة كدة زي طنين جي من وراه، وبدأ الصوت يعلي لدرجة ان العربية كانت بتتهز، وكان هيغم عليهم من قوة الصوت، لا دا بيغم عليهم بجد، وحس هو ومراته زي نغزة خفيفة في جسمهم بتنتشر في الجسم كله، احساس التنميل ده بس بوجع، ولسة بيصرخوا، فجأة لقوا الدنيا بقت هادية خالص، وكأن مكنش فيه اي حاجة.
نعم؟ امال فيه ايه؟ طب انتي كويسة يا بيتي؟ اه يا حب عمري، بدأ يفتش نفسه كدة ويتأكد ليكون فيه جرح ولا حاجة، مفيش، المهم انه اخد نفسه وهدي كدة وقال تلاقيه كان بيتخيل، نكمل طريقنا بقا،
بيبص بارني علي ساعته، لقاها ١٢ وشوية، نعم؟؟ دي لسة من ثانية كانت ١٠ بالليل، ايه ده فيه ايه؟ بيبص جنبه علي اليافطة بتاعت الارشادات اللي عالطريق، لقى انه بعيد عن الحتة اللي كان فيها ب٣٥ ميل كاملين!! طب ازاي؟ انا نمت؟ فيه ساعتين اختفوا من عمره فجأك كدة وهوا صاحي، طب راحوا فين؟ وايه اللي جابوا هنا؟
المهم يعني مش هيقضوها استغراب، نروح البيت وبعدين نشوف الدنيا فيها ايه، وكملوا الطريق عادي،
بعد ما وصلوا البيت، بيتي وهيا بتغير هدومها، لاحظت ان البطانة بتاعت الفستان كانت مقطوعة، ولاحظت ان فيه بقع لونها Pink زي ما يكون فيه مسحوق مرشوش عليها، اما بارني فا لاحظ ان الحزام الجلد بتاعت منظاره مقطوع، وولما دخل الحمام حس من جواه زي ما يكون عايز يتطمن علي سلامه اعضاءه التناسلية كأن حد كان بيفحصها قبليه،
المهم عدت علي خير، وبارني نصح مراته انها تكتّم عالقصة عشان هما مش ناقصين تريقة وكفاية علاقتهم ببعض، مش عايزين الناس تتريق علينا يعني اعتبريها محصلتش، قالتله حاضر، بس مقدرتش تقاوم فا حكت لاختها جانيت، اللي نصحتها بدورها انها تتصل بقاعدة عسكرية جوية قريبة منها تبلغ وتسأل يمكن يفيدوها، فا بيتي اتصلت، ولكم ان تتوقعوا التهزيق بقا، اقفلي يا مدام مش ناقصة بانجو عالصبح، فضائيين ايه حضرتك احنا قاعدة محترمة، تلاقيكي شفتي كوكب المشترى ولا حاجة، الي اخر القصة دي.
خلصت القصة، وبيتي انشغلت بقا في شغلها وبتاع، وعدى عالحادثة اسبوع، لكن حصلت حاجة غريبة لبيتي، جالها اضطراب نفسي غريب خلاها كل يوم تحلم نفس الكابوس، انها مخطوفة جوا سفينة فضاء وكائنات غريبة بتفحصها، كل يوم نفس الكابوس، والمصيبة انها حكت لبارني قالها انه بيحلم نفس الحلم ده، غريبة.
مقدرتش بيتي انها تستحمل الكوابيس والارق والاضطراب النفسي، خصوصا انها كانت كوابيس واضحة جدا لدرجة انها بتفضل فاكراها وهيا صاحية بالنهار، فا راحت دورت علي ارقام بعض المهتمين بالاطباق الطائرة او الUFO وكلمتهم وحكتلهم كل حاجة،
سمعوا منها القصة وعملولها لجنة كدة، وطلبوا منها تحكي كل تفصيلة صغيرة او كبيرة عن اليوم ده، حتي لو كانت تافهة تحكيها، وكمان تحكي الكوابيس بكل تفاصيلها، طبعا حكت كل التفاصيل والساعتين اللي طاروا منهم اليوم ده، والكوابيس، الا ان اللجنة في النهاية مخرجتش بحاجة مفيدة بخصوص الساعتين اللي طاروا منهم،
الموضوع موصلش لنتيجة، حتي ان بيتي كلمت مختصين كتير بالظواهر الخارقة ومجال الفضاء ومحدش فادها بحاجة، واستمرت الكوابيس، سنتين كاملين لحد ١٩٦٣م والكوابيس بتجيلها كل يوم، لحد ما قل تركيزها وظهر ده عليها في الشغل، فا لما مديرها في الشغل اخد باله وسألها، حكتله، فا مديرها قالها ان احلامك دي ممكن تكون جزء من الحقيقة او اللي شفتيه في الساعتين.
عامة، قررت بيتي في النهاية انها تلجأ لدكتور نفسي اسمه بنجامين سايمون، وبدأوا يحكوله اللي حصل، والكوابيس اللي كانت ناقصة تفاصيل كتير، فا الدكتور سايمون اهتم، وقرر انه يخضعهم للعلاج بالتنويم المغناطيسي بحيث امه يفصلهم ويخليهم يحكوا كل اللي في عقلهم الباطن، وده اللي حصل فعلا واتحكى الكابوس.
ايه بقا كان كابوس بيتي؟
بيتي بتشوف نفسها ماشية في غابة مع اتنين من المخلوقات دي، شبة البشر جدا بس دماغهم شبه الكمثري في شكلها يعني طالعة لفوق شوية، لابسين زي موحد وخوذة وقصيرين "٥ اقدام" ، شافت نفسها ماشية معاهم ناحية السفينة الفضائية دي، وبعيد عنها شوية جوزها بارني بس لما ندت عليه كان زي الفاقد للادراك مردش عليها كأنه نايم، ومعاه اتنين بردو، ودخلوا الطبق الطاير ده.
بعد ما دخلوا لقت ان فيه كائنات منهم كتير جوا، كلهم لابسين نفس الزي والخوذة، وبعدين جه واحد منهم "سمته القائد" فصلهم عن بعض كل واحد في اوضة، فا لما اعترضت قالها ان الفحص هياخد وقت طويل ولازم تتفصلوا شوية، ووصفت بيتي انه كان بيتكلم بلكنة انجليزية ركيكة، بعد كدة اخدها علي اوضة الفحص،
في الاوضة دي، كان فيه واحد تاني بيتكلم بشكل الطف علي حد قولها، قالها متخافيش وان الفحص ده عشان بس يعرفوا الفرق بينهم وبين البشر، سمته بيتي "الخبير" لانه هوا اللي فحصهم.
قعدها الخبير علي كرسي زي بتاع للاسنان كدة وركز الضوء عليها، واخد شعراية منها في البداية، بعد كدة بدأ يفحص ودانها وعنيها وسنانها وبقها وايديها، واخد عينة من ضوافرها وجلدها، بعد كدة طلب منها تقلع ملط وقالها تمدد علي ترابيزة كانت موجودة هناك عشان يفحص جهازها العصبي، وراح جاب جهاز مرره فوق جسمها، بعد كدة قالها هنعمل اختبار حمل، وجاب ابرة معدن طويلة وغرزها في سرتها، فا حست بألم فظيع ولسة هتصرخ، الكائن ده حط ايديه علي جبهتها فالوجع راح خالص، وخلص الكائن ده وقالها كدة الفحص خلص وهنرجعكوا العربية تاني مع جوزك،
لكن دقيقة عدت، وجه كائن تاني وبدأ يتكلم مع الخبير ده بلغتهم الغير مفهومة، واخده وخرج، دقيقة عدت ورجع الخبير تاني وطلب منها تفتح بقها، وبدأ يفحص اسنانها تاني، وبعدين جرب يشدها لبرة عشان يخرجها، فا سألت بيتي ايه ده؟ قالها ان جوزك سنانه بتخرج برة خالص انما انتي لا، ليه؟
فا ضحكت بيتي وقالتله دا طقم سنان عشان جوزي كبر في السن، فا استغرب الكائن، ومكنش فاهم يعني ايه كبر ويعني ايه سن، فا شرحتله في البداية انها اسنان صناعية، وحاولت تشرحله معني الشيخوخة والسن والعمر، ومكنش فاهم اي حاجة من دي، عاجز تماما عن فهم كلمة الزمن و الوقت، عامة الفحص كان خلص معاها ولسة بارني بيتفحص، فا خرجت قعدت شوية معاهم برة.
وهيا برة بدأت ترغي شوية مع القائد، طلبت منه اي حاجة او علامة تدل علي صدق الحكاية انها كانت معاهم، فا القائد اداها كتاب عليه علامات غريبة كدة وقالها خدي ده، فا اخدت الكتاب وشالته معاها.
بعد كدة بدأت تتكلم معاه تاني وتسأله انتو منين؟ فا خدها من ايديها وشاورلها علي خريطة كبيرة مليانة كواكب ونجوم، وشاورلها علي رسمة معينة زي خطوط متواصلة بين الكواكب والنجوم وقالها دا طريق تجارة وسفر واستكشاف بين النجوم واحنا من هناك، من الحتة دي، وسألها، تعرفي تشاوريلي علي كوكب الارض؟فا قالت لا، فا قالها يبقا مش هعرف اقولك احنا منين بالظبط، فا بدأت تتكلم بلسان كوكب الارض كله وتثولهم ان اهل الكوكب هيفرحوا لو عرفوا بوجودكم وكدة.
المهم خلص فحص بارني حوزها وكان شكله كأنه مشوّش وخايف ومش فاهم هوا فين، لسة الادراك عنده بعافية شوية، وقالهم القائد انه هينزلهم لحد عربيتهم وشكرهم علي التعاون، لكن قبل ما ينزلوا، ولسة بيتي كانت بتشيل الكتاب معاها لقت كائن تاني بيتكلم مع القائد، وبدأوا يتكلموا شوية، لحد ما في النهاية رجع القائد وسحب منها الكتاب تاني وقالها من الافضل انه ميكونش معاكم دليل مادي علي وجودنا، وانه مش رافض ده بشكل شخصي لكن زمايلي شايفين ان كدة احسن،
بس، وودعهم القائد ونزلهم لحد عربيتهم، واختفوا زي ما ظهروا، اما بارني فا اول ما نزل راح مدور العربية زي الانسان الآلي ومشي بيها، ولما فاقوا في لحظة معينة كانوا ناسيين كل حاجة، دا الكابوس بأختصار.
طبعا الدكتور بنجامين سايمون استغرب الكلام ده، خصوصا ان بارني جوزها كان فاكر الطبق الطاير لكن مش فاكر انه دخل واتفحص، حتي انه فضل شهور بعدها ياخد مراته والعربية للحتة اللي كانوا فيها يمكن يلاقوا اي دليل ملاقوش، واقتنع دكتور سايمون انهم اتعرضوا لحادثة فعلا اثرت علي ذاكرتهم وده اللي خلاه يلجأ للتنويم.
بارني مكنش فاكر اي حاجة، لكن مع الوقت والجلسات افتكر انه بعد الطنين اللي سمعه واهتزاز العربية، لقي ٦ كائنات جايين عليه، و٣ منهم جم ناحيته في العربية وامروه انه يخرج ويغمض عينيه، وبعدها حس انه مسلوب الارادة وانه مبيعملش حاجة بأرادته وان الكائنات دي عندها عيون كبيرة مكنش شايف غيرهم، لكن كان نفس وصف بارني للكائنات هوا هوا وصف بيتي بأختلاف انه قال ان عيونهم كبيرة وانهم متكلموش معاه غير بالتخاطر.
زاد علي القصة ان بارني قال انهم فحصوه وحطوا زي كباية بتضيق علي عضوه الذكري واخدوا عينة من السائل المنوي منه، وبعدين ودوه العربية ومسحوا ذاكرتهم بعنيهم حاجة شبة التنويم المغناطيسي كدة، ومفقش غير وهوا بعيد عنهم ب٣٥ ميل زي ما شفنا في الاول.
لحد هنا القصة مكررة، زيها زي اي قصة من الناس اللي ادعوا ان كائنات خطفتهم وعملت عليهم تجارب وكدة، دا حتي في مصر طلع اكتر من واحد حكى حاجات شبيهة بدي، مش قصتنا،
اللي يحير بقا هوا اللي جي ده.
في جلسات التنويم المغناطيسي، قدر دكتور سايمون انه يخلي بيتي ترسم الكائنات الفضائية والسفينة وكدة، والاهم انها ترسم جزء من الخريطة اللي شافتها للنجوم اللي هيا طريق الاستكشاف والتجارة للكائنات دي واللي شافتها عالسفينة، ووصلت الخطوط ببعض زي ما شافتهم بالظبط وولا هي ولا غيرها عارفين فين النجوم دي اصلا، الكلام ده سنة ١٩٦٣م، واتنشر في كتاب اتشهر في الوقت ده بيحكي قصة المخطوفين دول.
سنة ١٩٦٩م بقا، مدرسة من هواة علم الفلك اسمها مارجوري فيش، قدرت انها تثبت مواقع النجوم دي عالورق، ووصلت لاستنتاج ان المكان ده هو نظام ثنائي الشموس اسمه Zeta Reticuli علي بعد ٣٩ ونص سنة ضوئية من مجرتنا، قريب يعني مش بعيد، وطبقا للعلم بقا فا نظام زيتا اقدم من نظامنا ب٦ - ٨ مليار سنة، موجودين قبلينا يعني، وظروفهم شبه ظروف الشمس فا لو حواليهم كواكب مناسبة، فا ليه ميكونش هناك حياة؟
القصة ان النجمين دول مش جداد ومش بعيد، عادي لو الدنيا ضلمة اوي ممكن تلمحهم في السما بعينيك وموجودين في السجلات من القرن ال١٨، لكن لما تجبلي واحدة وواحد مدرسوش فضاء، يرسمولك خريطة بالدقة دي تطلع متطابقة بنسبة ١٠٠٪ مع اكتشاف مارجوري فيش والخريطة الدقيقة اللي اثبتتها واللي مكنش حد يعرف عنها حاجة، من غير تليسكوب ولا غيره، فا انتا هنا بتتكلم عن معجزة حقيقية، عرفوا منين؟؟
طب دول ناس متعلمين، محتاجين يسوأوا سمعتهم مثلا؟ طب ازاي رسمتها بالدقة دي؟ خاصة انها تقريبا اقرب للحقيقة وانها موجودة فعلا،
عامة، القصة دي مشهورة وملهاش تفسير، غير ان فيه كتير من العلماء رفضوها طبعا وليها اسباب، اشهر الاسباب دي ان لحد دلوقتي محدش اكتشف كواكب في الحتة دي الا كوكب كانوا اكتشفوه لكن سنة ١٩٩٦م سحبوا الكشف وقالك مفيش وكان كشف خاطئ، غير تشكيك بعض العلماء في نظام التنويم المغناطيسي نفسه يكون الدكتور اشتغلهم مثلا ودخل الفكرة في عقلهم؟ جايز.
لكننا قدام اثبات مادي، الا وهي الخريطة المرسومة واثباتها فلكيا، واللي لسة محيرة الناس لحد دلوقتي، عيلة Hill ماتت طبعا لكن قصتهم لسة موجودة لحد النهاردة، تفتكروا قابلوا فضائيين فعلا؟
رسمة اقرب للكائنات اللي وصفتها
رسمة الطبق اللي رسمتها بيتي
رسمة الطبق الطاير وشرحها
بيتي وبارني متصورين بالخبر بتاعهم
دي رسمة بيتي لخريطة النجوم
دي الخريطة الحقيقية
بيتي ومنحوتة الفضائي
شكل الوش والعين
بيتي وبارني ماسكين كتابهم
رسمة اقرب للكائنات اللي وصفتها
ماعلاقة الآيات بالموضوع
- إنضم
- 20 يناير 2014
- المشاركات
- 9,490
- التفاعل
سؤال غريب منك !
الموضوع يخلط بين سؤال هل هي موجودة نضريا
و بين نضريات المؤامرة
- إنضم
- 21 ديسمبر 2018
- المشاركات
- 9,494
- التفاعل
- الدولة
مرحبا ياعزيزي
انا قصدت اني فالاول كنت فاكر اننا عايشين لوحدنا ومفيش مخلوقات غير فالارض وكنت بنكر وجود الجن والعفاريت والخ
لكن الحادثة حصلت كالاتي
كنت في 3 ابتدائي وفي محافظة سوهاج
اعيش انا ووالدتي وجدي وعائلتي بيت عائلة كبير
وورا البيت ده كان فيه جنينة كبيرة وفيها نخيل كتير والباقي كله زرع لو وقفت فوق البيت عينك مش هتجيب االمعمار اصلا لان كل الي ورا البيت عبارة عن زرع x زرع
المهم مرة كان يوم اجازة من المدرسة وكنا بنلعب انا وابن عمي واختي كنت انا اكبرهم
المهم حصل حاجة كدا واختي مشيت للبيت وبقيت انا وابن عمي بنلعب وابن عمي بعدها بشوية قالي رايح الحمام وراجع وسابني ومشي
وانا كنت بلعب لوحدي
فجأة وانا بلعب بصيت جنبي لقيت حد ماشي علي بعد حوالي 30 متر وسط النخل وقتها مقدرتش احدد شكله ولا حاجة
فندهت عليه وقلتله ازيك يا فلان (افتكرته جارنا)
المهم مردش ولقيته جاي عليا لكن لما قرب عليا لقيته عبارة عن ابيض فابيض زي ما يكون لابس كفن وجديد لانج
وانا واقف بسلم بحسن نية
لكن لقيته فجأة بيجري عليا انا ساعتها صرخت بصوت عالي ولما قرب مني راح ضاربني بطوبة علي رجلي واختفي لحظتها بعد ما ضربني
رجلي قعدت وجعاني طول اليوم مش قادر امشي عليها جم شالوني ودخلو البيت ولقيو مفيش حاجة فرجلي
ووقتها مرضيتش اقول لحد غير لأمي وساعتها امي مدتنيش انتباه تقريبا او تجاهلتني
عدت الايام وسبنا البيت لكن مسيبناش المنطقة
ومن حوالي سنتين لقيت واحد جارنا اول ما شوفته رحت افتكرت الموقف وحكيتله من اول طأطأ لحد السلامو عليكو
قالي الكلام ده ورا بيتكم !
قلتله بالظبط
قالي الحتة دي مات فيها اكتر من واحد وفيها جن بيطلع وطلعله بس مش مؤذي
مع العلم برضو فنفس السنة دي وانا صغير حصلت حادثة حريق من غير ما حد يعرف ازاي وحصلت ورا البيت وكانت مصيبة وقتها وربنا نجانا
دي قصة حصلت من كذا قصة حصلت معايا لحد الان منسهاش برغم مرور اكثر من 15 سنة
- إنضم
- 12 يوليو 2018
- المشاركات
- 5,909
- التفاعل
- الدولة
@BIG BOSSV شاف وحده ?- إنضم
- 31 يوليو 2019
- المشاركات
- 5,211
- التفاعل
- الدولة
نزل خبر في الاهرام المصريه سنة 1999 أن في سفينة فضاء نزلت سيناء شاهدها الأهالي وخرج كائنات تشبه البشر تحولوا حول الصحن لدقائق واختفو ولكنهم اقصر من البشر علي ما اعتقد
- إنضم
- 19 أكتوبر 2018
- المشاركات
- 5,159
- التفاعل
- الدولة
الحقيقة الاستدلالية الوحيده هنا ان عمرك الان 23 سنه (8+15) : )
اسمع كثير عن تجارب مماثله لتجربتك، ودايما انظر لبعضها انها روايات حقيقية اي ان راويها صادق لا يكذب، لكنى اختلف معهم في التوصيف والتسميه. ماذا لو كان الشحص هذا لص حاول خطفك مثلا؟ ماذا لو كانت مجرد خيالات طفل؟
كلها احتمالات نسب حدوثها اكبر واوقع من رواية الجن والعفاريت
- إنضم
- 21 ديسمبر 2018
- المشاركات
- 9,494
- التفاعل
- الدولة
طيب تمام
انا حاولت اختصر فالموضوع
لكن ما رأيك وانا لما اكون رايح فالنوم بشوف خيالات فالبيت !!!
وبشوف عيال بتجري فالطرقة !!
برغم من ان انوار البيت كلها مقفله معادا نور الطرقة
وانا بعادتي مش بنام بدري غير للشغل
إنما ايام الدراسة ممكن اسهر للصبح
وكذا مرة اشوف خيال عيال صغيرة بتجري وتلعب فالطرقة !!
طب أي رأيك ان والدتي كمان شافتهم ؟؟
طب أي رأيك ان أختي الصغيرة حوالي 4 سنين لما بكون فالصالة و بطلب منها كوباية مياة من المطبخ بترفض وتقولي خايفة ولازم اقفلها وافتح انوار البيت كله !! ؟؟؟
واستحالة تنام لوحدها والنور مقفول
لازم الاوضة تكون مفتوحة والنور يكون مفتوح
وكذا مرة لما اكون قاعد فالصالة بتشاور علي الطرقة وتقول خايفة
هل كل دي خيالات طفل!!
اقصد خيالات طفلة وخيالي انا وخيال والدتي !!
طب وبنسبة للراجل الي فالبلد ده !!
طب خد الكبيرة بقا
في بلد ما فالجيزة فالارياف
ليا زمايل فالشغل ساكنين هناك
بيحكولي ان فيه طريق هناك من بعد المغرب استحالة تعرف تعدي من عليه
طب اي السبب !!
الطريق ده مات فيه اكتر من 70 واحدة وواحد بسبب التار وقضايا الشرف زمان والخ
طب أي رأيك بقا إن فيه واحد صاحبي ابوه فمرة كان راجع من الجيش
فوصل قريته قبل المغرب ب5 دقايق كدا بس كان لازم يمشي عالطريق ده
وهوا ماشي شاف جاموسة ماشية لوحدها لكن لما ركز عليها لاقاها رقبتها لسه مقطوعة والدم بينزل من رقبتها
اول ما شافتها اترعب راح جري للطريق العمومي لعل وعسي حد ينجده
والجاموسة بتجري وراه بكل قوتها لحد ما وصل الطريق العمومي وفرش ونام لحد الصبح وحلف بعدها ما يدخل القرية بليل تاني
وزميل فالشغل برضو من نفس القرية عالعشا كدا راح يجيب طلبات من برة وهوا ماشي لوحده فطريق فاضي مفيهوش حد
فجأة الطوب بيتحدف عليه من جميع الجهات من ورا جنينة صغيرة ومهجورة اصلا من زمان
اتعور وقتها ورجع البيت جسمه متكسر حرفيا
- إنضم
- 21 ديسمبر 2018
- المشاركات
- 9,494
- التفاعل
- الدولة
مقرأتش الخبر صراحة
- إنضم
- 7 يوليو 2013
- المشاركات
- 2,853
- التفاعل
- الدولة
اؤمن انهم موجودون في هذا الكون الكبير ..
لكن لم يرهم احد الى الآن .. سالفة طبق طائر وتمت مشاهدتهم وسكان جوف الأرض ومن هالكلام لا أظنه صحيح ..
لكن لم يرهم احد الى الآن .. سالفة طبق طائر وتمت مشاهدتهم وسكان جوف الأرض ومن هالكلام لا أظنه صحيح ..
- إنضم
- 31 يوليو 2019
- المشاركات
- 5,211
- التفاعل
- الدولة
حد
كان خبر في ركن صغير انا نتذكره لاني مهتم بالحاجات دي وكمان واحد صاحبي قرء الخبر وقالي فمصدقتوش لحد ما شوفته كنت مستغرب أن الاهرام ممكن تكتب عن موضوع زي ده عليه علامات استفهام كتير
- إنضم
- 23 أكتوبر 2017
- المشاركات
- 3,680
- التفاعل
- الدولة
تمنيت لو كان المنشور بالفصحى كان أفضل
ههه
سوى ذلك
أعتقد إحصائيا احتمال أننا وحدنا هو مستحيل
تريليونات النجوم و كل نجم له كواكب تدور في فلكه فلابد من وجود أشكال حياة أخرى
المشكلة تبقى المسافة المهولة فربما ببساطة لا يمكن الوصول و التواصل مع غيرها
أو أنهم ببساطة متقدمون الى درجة تتنفي معها الرغبة في التواصل
يعني البشر يرى النمل مثلا، شكل حياة منظم و له بنية مجتمعية الى حد ما و لكن لا ترانا نريد التواصل معهم
فقط نكتفي بدراستهم و قس على ذلك
بالمناسبة و لو أنه خارج الموضوع الى حد ما و لكن من معاني لفظ الجن في العربية هو ما إستتر و إختفى بشكل عام
فmaybe who knows
ههه
سوى ذلك
أعتقد إحصائيا احتمال أننا وحدنا هو مستحيل
تريليونات النجوم و كل نجم له كواكب تدور في فلكه فلابد من وجود أشكال حياة أخرى
المشكلة تبقى المسافة المهولة فربما ببساطة لا يمكن الوصول و التواصل مع غيرها
أو أنهم ببساطة متقدمون الى درجة تتنفي معها الرغبة في التواصل
يعني البشر يرى النمل مثلا، شكل حياة منظم و له بنية مجتمعية الى حد ما و لكن لا ترانا نريد التواصل معهم
فقط نكتفي بدراستهم و قس على ذلك
بالمناسبة و لو أنه خارج الموضوع الى حد ما و لكن من معاني لفظ الجن في العربية هو ما إستتر و إختفى بشكل عام
فmaybe who knows
- إنضم
- 21 ديسمبر 2018
- المشاركات
- 9,494
- التفاعل
- الدولة
اعذرني علي عدم كونه بالفصحي
فأنا افضل العامية والكتاب المصريين كذالك يفضلو بالعامية
واما بنسبة لوجودهم فأقرب مكان يعتقد انه يوجد به كائنات فضائية اخري
علي بعض حوالي من 5-7 سنوات ضوئية من كوكب الارض
هل يوجد مركبة او صاروخ في كوكب الارض يسير بسرعة الضوء !! لأ ولا حتي بثمن السرعة
بنسبة لي الحمد لله إن المخلوقات الفضائية لا تعيرنا اهتمام
لو اديتلنا شوية اهتمام
لكان علاقتنا بهم
مثل علاقة دكتور التشريح بالحيوانات
مجرد حقل تجارب لهم لا اكثر ولا اقل
- إنضم
- 23 أكتوبر 2017
- المشاركات
- 3,680
- التفاعل
- الدولة
لا عليك عزيزي أنا لا ألومك
صاحب المنشور أساسا منشوره موجه لأهلنا المصريين
فقط من المستحسن أن يكون بالفصحى ليصل الى عدد أكبر لا غير
هو مجرد قوس فتح و أغلق لا غير
بالنسبة لسرعة الضوء
لا يمكن لأي مركبة بشرية أو غيره أن تبلغه لأن ذلك ببساطة يخالف قوانين الفيزياء كما نفهمها
لتصل الى ذلك يجب أن تحول كل كتلتك الى طاقة و كلما تسارعت كلما تطلب الأمر طاقة أكثر و بالنهاية تجد أن المطلوب حرفيا طاقة لا نهائية
الجسم الوحيد الذي يتحرك بسرعة الضوء هو الفوتون الذي لا كتلة له أساسا
سرعة الضوء هو الlimit الكوني
لذلك تجد بعض العلماء يقترحون مسألة أخرى للإلتفاف على ذلك و هو خلق ثقوب دودية تقوم بطي الزمكان مثلما تطوى الورقة
صاحب المنشور أساسا منشوره موجه لأهلنا المصريين
فقط من المستحسن أن يكون بالفصحى ليصل الى عدد أكبر لا غير
هو مجرد قوس فتح و أغلق لا غير
بالنسبة لسرعة الضوء
لا يمكن لأي مركبة بشرية أو غيره أن تبلغه لأن ذلك ببساطة يخالف قوانين الفيزياء كما نفهمها
لتصل الى ذلك يجب أن تحول كل كتلتك الى طاقة و كلما تسارعت كلما تطلب الأمر طاقة أكثر و بالنهاية تجد أن المطلوب حرفيا طاقة لا نهائية
الجسم الوحيد الذي يتحرك بسرعة الضوء هو الفوتون الذي لا كتلة له أساسا
سرعة الضوء هو الlimit الكوني
لذلك تجد بعض العلماء يقترحون مسألة أخرى للإلتفاف على ذلك و هو خلق ثقوب دودية تقوم بطي الزمكان مثلما تطوى الورقة
- إنضم
- 6 يناير 2015
- المشاركات
- 59,728
- التفاعل
- الدولة
تمنيت لو كان المنشور بالفصحى كان أفضل
ههه
سوى ذلك
أعتقد إحصائيا احتمال أننا وحدنا هو مستحيل
تريليونات النجوم و كل نجم له كواكب تدور في فلكه فلابد من وجود أشكال حياة أخرى
المشكلة تبقى المسافة المهولة فربما ببساطة لا يمكن الوصول و التواصل مع غيرها
أو أنهم ببساطة متقدمون الى درجة تتنفي معها الرغبة في التواصل
يعني البشر يرى النمل مثلا، شكل حياة منظم و له بنية مجتمعية الى حد ما و لكن لا ترانا نريد التواصل معهم
فقط نكتفي بدراستهم و قس على ذلك
بالمناسبة و لو أنه خارج الموضوع الى حد ما و لكن من معاني لفظ الجن في العربية هو ما إستتر و إختفى بشكل عام
فmaybe who knows
النجوم زينة السماء الدنيا
كل هذي المليارات ومسافاتها بالمليارات الضوئية ايضا هي سماء دنيا بقي عدة سماوات فيها اشياء ايضا لا نراها ولا نعلمها ولا نعرف كيف شكلها حتى الان
وَسَخَّرَ لَكُمْ مَا فِي السَّمَاوَاتِ وَمَا فِي الْأَرْضِ جَمِيعًا مِنْهُ ۚ إِنَّ فِي ذَٰلِكَ لَآيَاتٍ لِقَوْمٍ يَتَفَكَّرُونَ
عدة اشياء مسخرة لنا بعدة سماوات
انا اعتقد بوجود شي لكن لا اراه
كالجن تماما ممكن نسمعه وممكن يؤذينا ..الخ
لكن لا نراه ولا نلمسه لكن نؤمن بوجوده لان الله ذكره بكتابه
حتى في ارضنا اللي نعيش فيها
يوجد ملايين من البشر لكن لا نراهم
المواضيع المشابهة
- مغلق
