مخلوقات فضائية !!

هل تؤمن بوجود مخلوقات فضائية موجودة فالكون معنا


  • مجموع المصوتين
    135

ARX160

عضو
إنضم
21 ديسمبر 2018
المشاركات
9,494
التفاعل
28,107 51 0
الدولة
Egypt
استعد لفقدان عقلك وسحلة دماغ هتطول معاك أوي. ..

بتحب الفضائيين وقصصهم؟!عندك وقت كبير فاضي؟ كبير أوي.. أوي أوي
لو اه، يبقى جهز حاجة تسليك وتعالى اقرأ المقال المُجمع اللي كاتبهولك دا..

-----------------------------

في فضائيين بيحاولوا يتواصلوا معانا! معقولة اخيرًا!!

شرحتلك قبل كده إنه احنا عايشين وسط دوشة كبيرة جدًا جدًا.. ضوضاء بتملى الكون بأكمله، ولكنها ضوضاء من الاشارات.. كُل حاجة حوالينا في الكون، بتخرج اشارات لاسلكية او اشارات الراديو زي ما بيقولوا، في الغالب ملهاش معنى لانها عشوائية، ولكن من وقت للتاني بيوصلنا اشارات من أماكن محدده بعينها، متوجهة لكوكب الأرض نفسه، قد تكون ملهاش معنى بردو وقد تكون تحمل رسالة بس احنا مش قادرين نفك شفرتها، او معندناش العلم الكافي عشان نقدر نفهم فحواها.

مع تقدم العلم، بقينا نعرف نميز شوية بين الاشارات العشوائية، وبين الاشارات اللي بتتكرر في نمط متتابع مستمر.. يعني لو نجم بيموت ولا بيتولد، او كوكب أو أو أو حدث كوني بيحصل، فهو هيطلعلك اشارة مرة واحدة او اتنين وقُضي الأمر يا شعلان، لكن احنا كبشر من ساعة ما قدرنا نعمل انتنات او تلسكوبات ترصد ابعاد كبيرة في الفضاء الخارجي، واحنا قدرنا نرصد حوالي 13 نبضة راديو متوجه لكوكب الأرض من الفضاء الخارجي، مدة كل واحدة منهم حوالي نص ثانية او حتى مللي من الثانية، من الـ13 نبضة دول، واحده فقط اللي متكررة، بمعنى انه مصدرها عمال يبعتها مرة واتنين وتلاتة واربعة وماتوقفش من ساعتها.

كونها بتتبعت باستمرار، فده معناه انها اشارة او رسالة او خارجة عن عمد وليست واحدة من العشوائية وسط الضوضاء الكونية دي.. المهم بقى انه من فترة، احد تليسكوبات كندا العملاقة، طلعت صرحت انهم استقبلوا نمط تاني من الرسائل او نبضات الراديو المتكررة، ولكن المرة دي، الاشارة قوية جدا والاشارة عمالة تتكرر ومصدرها يبعد عن الأرض حوالي مليار ونص سنة ضوئية.

خلينا صريحيين بردو مع بعض، هو وارد تكون اشارة من نجم ما بيموت، او نجمين في طور الاندماج سوا، او حتى ثقب ما اسود، وبنفس الاحتمالات دي وارد انها تكون من جنس ما اخر من الحياة موجود في الفضاء وبيحاول يتواصل معانا.

المشكلة انهم بعيدين عننا حوالي مليار ونص سنة ضوئية، والسنة الضوئية هي المسافة اللي بيقطعها الضوء في السنة، يعني هما بعيدين عننا حوالي مليار سنة ونص، يعني هما اول لما بعتوها، كانوا باعتينها من مليار سنة ونص، بس من مليار سنة ونص، مكنتش الحياة تطورت عالارض بالشكل اللي احنا نعرفه دا، كان كلها لسه بحجم مجهري وفي اعماق الارض وغيره، طب لو هما اعتين الاشارة دي فعلًا للأرض، فأكيد هما كانوا شايفين وقتها في حد او حضارة او كائنات ما عاقلة تقدر تفهم موجودة عندنا عالكوكب هنا! قد تكون مجرد نداء استغاثة موجه بشكل عشوائي لأماكن مختلفة في الكون، قد يكون رد على اشارات استلموها من عندنا من هنا من عالأرض من مليار سنة ونص..

يعني لو كانت في كائنات ما عاقلة وتقدر تفهم موجودة عالكوكب دا من مليار سنة ونص، فده معناه انه الحياة ما بدأتش عالأرض، ولكن تم جلبها للأرض هنا..

وفي احتمال تاني انهم فعلًا بيبعدوا عننا مسافة واحد ونص مليار سنة، بس بيملكوا تكنولوجيا حديثة كفيلة انها ترسل الاشارة بتاعهم اسرع من الضوء، ويكونوا باعتينها فعلًا عشان يتواصلوا معانا احنا البشر الموجودين دلوقت..

الموضوع كله بقى مثير جدًا للعقل وجذب انتباه علماء كتير لاننا كنا فاكرين الرسائل المتكررة دي عشوائية ونادرة الحدوث، بس اتكررت تاني اهو وبشكل اوضح، هل هتطلع عشوائية ولا فعلًا رسائل ليها معنى من حضارات تانية بره! هنقدر نترجمها فعلًا ولا هنترجمها بعد فوات الاوان! رسالة استغاثة ولا ترحيب ولا نجدة! هل اللي بعتوها دول لسه عايشين ولا ماتوا خلاص!.. استفهامات كتير جدًا اتمنى العلم يقدر يجاوبنا عليها قريبًا.

-------------------------------------------------
-------------------------------------------------

لكلام اللي هاقولهولك دا، مش قايله واحد عنده برانويا وبيألف نظريات مؤامرة، ولا قايله مصادر مشبوهة وصحف صفراء، لا دا طالع رسمي من وزارة الدفاع الأمريكية اللي هي البنتاغون الأمريكي، ومزودة الخبر بتسجيلات صوتية كمان وتقارير مكتوبة لأي حد يتطلع عليها..

الموضوع كله بدأ في ليلة 25 أكتوبر 2017 لما ظهر على أجهزة رادار ادارة الطيران الفيدرالية في كاليفورنيا، إنه في مجموعة من الأجسام الغريبة بتحلق بسرعة مهولة جدًا جدًا فوق الجانب الشمالي من الولاية، وطبعًا من ساعة احداث سبتمبر بتاع البرجين، الرقابة عالطيران بقت توب التوب.. المهم إنه المركز حاول يتواصل مع اجهزة الإتصال في الطائرات او المركبات الغريبة دي، بس للأسف مكنش في اشارة أصلًا على وجود أجهزة استقبال او ارسال عالمركبات، وعلى الفور تتم ارسال اشارة سريعة لسلاح تالطيران وفي دقايق كان في أكتر من 10 طيارات في السما من ضمنهم مقاتلات الـ f16 الشهيرة.

في نفس الوقت اللي الطيارات كانت طالعة تشوف إيه اللي طاير دا، وصل لمركز الإتصالات وابراج مراقبة الطيران، من مجموعة من الطيارين الميدانيين وجولات الاستطلاع، انهم كمان شايفين مجموعة من الأجسام بتتحرك بسرعة كبيرة جدا قدامهم عالرادار، وخايفين ليحصل اصطدام معاهم في السما ولا حاجة، وطالبوا مركز المراقبة انه يطلعهم على خط سيرهم او يغيره، بس مركز المراقبة قالهم إنه مفيش خالص، ولا حتى في جولات تدريب عسكرية سرية ولا اي حاجة من دي.

تشاء الظروف بقى إنه في نفس اليوم دا قبلها، أبلغ عدد كبير من سكان مقاطعة أوريجون انه ابتداء من الساعة 4 ونص العصر تقريبًا، بدأوا يلاحظوا مركبات غير مححدة الملامح، بتطير في السماء بسرعات غير ممكنة رايحة جاية في وضح النهار كده، وعدد منهم صورها بالفعل وبلغوا الشرطة ووكالات انباء باللي حصل، وبالفعل اكتر من وكالة اخبار منهم البي بي سي بعتت مراسلين للموقع..

كل اللي كانوا واقفين، فكروا انها ممكن تكون طائرات حربية ولا تدريب او اي كان، بس طيارين ميدانين حواليهم بدأوا يطلعوا بطيارتهم يبصوا او يحاولوا يتواصلوا، ولكن مفيش اشارة اصلا انه الجسم التاني عنده اي وسيلة اتصال او استقبال..

معظم الطيارين ووكالات الانباء حاولت تتواصل مع سلاح الطيران الامريكي او ادارة الطيران، عشان يسألوهم ايه دا وبيحصل ليه وازاي، وانهم حاولوا يلاحقوا الطيارات وفشلوا، ولكن المركز بلغهم إنه مفيش اي حاجة على رداراته ومراكز مراقبته.. لغاية بالليل بقى لما حصل اللي قولتلك عليه فوق دا وبعتوا الـ f16.

وجود وكالات انباء سجلت الامر وتابعته بنفسها، وعدد كبير من الطيارين ابلغوا عن الامر، حتّم على مركز ادارة ومراقبة الطيران انه يشارك مع العامة المعلومات اللي حصل عليها واللي كان بيحصل تحت بند حرية مشاركة المعلومات، وبالفعل قام البنتاجون الامريكي باخراج تسجيلات وتقارير رسمية للصحف والناس فيها الاتصالات اللي حصلت بين الطيارين ومركز القيادة وكذلك بين الطيارين وبعض وشرحهم للي بيحصل وللي شافوه قدامهم وحتى وهما بيطاردوا الاجسام ومش عارفين يلحقوها لغاية ماختفت فجأه في السما في غمضة عين..

التسجيلات والكلام بينهم مخيف فعلًا، ودا يخليها من اكثر الأحداث اللي اتكلمت عنها الحكومة الامريكية بكل وضوح، انه بالفعل تم رؤية او استطلاع اجسام مجهولة المصدر من الفضء الخارجي بقدرات غير ارضية.. وعشان ماتقولش الكلام دا هري او مش صحيح او من بنات افكاري، فانا هحطلك في الككومنتات تحت لينكات للاخبار والصحف اللي كانت في الموقع وفيها جوه تسجيلات للي حصل اسمعها بنفسك واتفرج عالفيديوهات.. وعلى مدار 5 ايام، اتكرر نفس الموقف والناس سجلته في فيديوهات ومفيش اي تفسير من ووزارة الدفاع الامريكية عن ماهيتها.

--------------------------------------------------
-----------------------------------------------------

نركن على جمب دلوقت إنه كُل الحضارات القديمة اللي عاشت عالكوكب دا من كبيرها لصغيرها، اتكلمت عن ناس اسمهم شعوب السماء.. اللي كانوا بينزلوا من السماء من فقاعات او اطباق طائرة وجايبنلهم معاهم ثروات وخيرات كتير جدا وسجلولنا دا في نقوش لسه موجودة لحد دلوقت.. ونركن على جمب بردو كل النقوش الموجودة في كهوف حوالين العالم من اكتر من 10.000 سنة بتحكي عن شعوب غريبة بتنزل من السماء. (هنعملهم بوستات لوحدهم)

أنا وأنت ممكن نقعد 50 ساعة نتكلم ونتناقش في وجود كائنات ما أخرى ذكية عايشة معانا عالكوكب، وفي النهاية كلامنا كله ماهو الا محض نظريات ودردشة بس. حتى لو في 50000 واحد أقسموا إنهم شافوا فضائين، مش هنصدقهم لإنهم من العامة زينا.. طب لما الكلام دا بقى يجي من أهل العلم والخبراء نفسهم! لما علماء الفضاء ومهندسين طيران وطيارين أفضل الطائرات في العالم ورواد فضاء يتكلموا إنه وهما فوق شافوا دا بعنيهم.. هيبقى ساعتها الكلام على إيه؟!.. تعالى احكيلك كام تجربة حصلت مع كام رائد فضاء وقرر انت.

- حكيتلك قبل عن رائد الفضاء والطيار الأمريكي Gordon Cooper اللي يعتبر اخر امريكي لف لوحده في رحلة في مدار الارض لمدة 22 يوم.. في 15 مايو 1963 كان في المركبة الفضائية في المدار عادي وفجأة شاف جسم بيشع ضوء أخضر قوي بيقرب عليه بسرعة كبيرة من بعيد، شك يكون مجرد تهيؤات او اي حجر بيعكس ضوء، فراح للردار بتاع المركبة وبالفعل وجده موجود وضخم جدا وبيقترب منه بسرعه كبيرة.. وقتها كان الاعلام متابع معاه من فوق في بث مباشر واتسمع جوردن وهو بيتواصل مع ناسا يقولهم باللي هو شايفه وبالفعل ناسا كانت لقطاه لكن قطعت البث.
جوردن واقف قدام النافذة وبيتفرج عالجسم وهو بيقترب منه، وفجأه اول ما قرب قام مغير مساره الناحية التانية واختفى في لمح البصر.. جوردن حاول أكتر من مرة يتكلم عن الموضوع دا لما الاعلام طارده بعد كده بسبب قطع البث والكلام اللي قاله، قالهم إنه ناسا أمرته بعدم الكلام واي حاجة هيقولهم هتبقى افشاء لأسرار عسكرية.

مرة تانية اثناء قيام جوردن بتدريبات دورية فوق ألمانيا بطائرته النفاسة F-86، شاف بعينه على فترات دورية مجموعة مختلفة من الطائرات اللي بتشبه الأطباق بتلف في السماء بسرعات فائقة جدا جدا، ولما ابلغ القيادة والجيش بمشاهدته، اتطلب منه التعتيم وعدم الكلام.. في احد الانترفيوهات ليه عالانترنت، قالك اثناء عمله كمهندس طيران وطيار تبع ناسا، كانت الوكالة بالفعل بأقمارها الخاصة بتلقط عدد كبير من الأجسام المعدنية في سماء مناطق مختلفة من الأرض مجهولة الهوية وأشكالها مختلفة ومتميزة، لكن بيتم التعتيم عشان لإنه لو البشر عرفوا وجود كائنات ما غيرنا في الكون، هتنتشر فوضى صعب السيطرة عليها ومفهوم الدين مش هيجمع الناس تاني.

- الطيار Deke Slayton كان واحد من اكفأ الطيارين في الحرب العالمية التانية ومعاه دكتوراه في هندسة الطيران وكان بارع لدرجة إنه ناسا اختارته أول رئيس امكتب رواد الفضاء في الوكالة.. يعني راجل مش قليل ولا بسيط ولا بيخرف، دا كان مركز وأكاديمي..
طلع في أحد الأنترفيوهات الشهيرة في الخمسينات وحكى إنه كان بيختبر الطائرة المقاتلة الشهيرة P-51 على ارتفاع حوالي 4 كم عن سطح الأرض في يوم مشم وجميل، وفجأة من العدم وجد جمبه شيء شبه الطائرة الورق من بعيد، وبعدين لما شاف ارتفاعه، تأكد انه استحالة طيارة توصل للإرتفاع دا. ففكر إنه قد يكون بالون أرصاد جوية لكن لونه كان فضي وأخضر ودا غريب عليه، فقرر إنه يقترب منه بالطائرة عشان يشوف ماهيته، وبمجرد ماقترب وجد إنه طائرة ماتشبهش اي حاجة شافها في حياته وشكلها دون محركات او مراوح حتى.. كانت دائريه ومبططة زي الطبق، ولما اقترب منه خالص، فجأه انحرفت السفينة او الطبق الطائر دا 45 درجة لأعلى وأنطلق بسرعة رهيبة.. سلايتون طلع وراه بالطائرة بسرعه 550 كم في الساعه تقريبًا، ومع ذلك مقدرش حتى يحصله.. كان اختفى.

- الجنرال الطيار Robert Michael White كان منصب كبير في سلاح الطيران الأمريكي وشغال مهندس كهرباء وطيار اختبار لوكالة ناسا.. في الستينات كانت صحيفة التايم الشهيرة بتعمل معاه مقابلة صحفية، أخبرها عن مشاهدته لسفن فضاء غريبة في السما اثناء رحلات تدريبه بالنفاثة X-15.. الفاثة دي بتوصل سرعتها ل7000 كم في الساعة، ومكنش بيلحق حتى الاطباق دي وهي طايرة.
كان في مقابلة على الراديو، فقال للناس تأكدوا 100% انه في كائنات تانية عايشة حوالينا.. تأكدوا انهم موجودين وبعضنا شافهم."

- الفيزيائي الشهير Joseph A. Walker اللي قاد أول رحلتين فضائيتين في التاريخ، وكان سابع شخص يطلع في الفضاء.. في 11 مايو 1962 طلع في لقاء صحفي وقال إنه كان علاوة على كونه نفذ اول مهمتين فضائيتين في التاريخ، فناسا كانت بتديله مهمة جانبية فائقة السرية وهي انه يطلع بالنفاثة X-15 في أماكن معينة يطير بيها، اثناء تسجيل الكاميرات لوجود "جنس فضائي" أو "مركبات فضائية طائرة".. لا مش بهزر، هو بيقولك ناسا كانت بتقوله بالنص احنا رصدنا وجودهم في المنطقة الفلانية، اطلع بالطيارة مشط المكان كله والكام بتسجل.
جوزيف كان فيزيائي وبالتالي بيدي محاضرات في انحاء امريكا عن الاستفادة من الابحاث واستكشاف الفضاء.. في احد المرات بيسألوه عن وجود كائنات أخرى في الكون، قالهم انا مش محتاج اخمن واعتقد زيكم، كل اللي انا عارفه ومتأكد منه، هو عشرات الكائنات والأطباق الطائرة اللي رصدتهم بنفسي في رحلات تمشيطي السماء لوكالة ناسا.. قالهم انا شوفت بعد كده الصور والفيديوهات بنفسي، وطبعا مفيش جنس مخلوق يعرف عنهم تاني.

- رائد الفضاء والمهندس الطيار الأمريكي Eugene Cernan اللي كان قائد بعثة أبولو 17 وأخر شخص يحط رجله على سطح القمر، في السبعينات كان بيجري جوار مع مجلة التايمز، ولما سألوه عن الاجسام الغريبة في الفضاء، قالهم أنا لما شوفتهم، فكرتهم كائنات تانية او حضارة غيرنا موجودة.. ولما حاولوا يستفهموا منه أكتر، مرضاش يعلق.

- عندك كمان يا سيدي رائد الفضاء والطيار Ed White اللي هو اأول شخص يمشي في الفضاء في التاريخ، كان راجع في مشروع جيمناي الفضائي مع زميله الطيار ورائد الفضاء James McDivitt فشافوا جسم معدني دائري ضخم طالع منه حاجة اشبه بالاذرع بتتحرك حواليه في كل مكان، فطلع كامرته الخاصة وألتقط بعض الصور وأخد احداثيات المكان وبلغ ناسا لما وصل.. ناسا تفظت عالصور وكل التقارير ومنعته من الكلام تماما ومحدش شاف الصور من يوميها.

- في سنة 1965، رائدين الفضاء James Lovell وFrank Borman كانوا في الكبسولة بتاع المكوك في الفضاء في رحلتهم حوالين مدار الارض لمدة 14 يوم، وفي اثناء وجودهم فوق، بعتوا لقيادة ناسا تحت إنهم شايفين مجموعة من الاجسام مجهولة المصدر والشكل حواليهم، فالمركز بعتلهم إنه دا جزء المكوك المتبقي الناتج من عملية الفصل، فرد عليه جيمس وفرانك انه بالفعل دا اه باقي المكوك، لكن في اجسام تانية حواليه كمان مش عارفينها.. وبعدين انقطع الاتصال. (الحوار موجود بالنص عاليوتيوب)

- فوكك من كل اللي فوق دول بقى..
الكلام المرة دي على لسان أول اتنين على سطح القمر، نيل ارمسترونج وباز ألدرين..
نيل ارمسترونج قال بلسانه إنهم لما هبطوا على القمر، كان في بالفعل قواعد موجودة هناك وساكنها كائنات تانية طلبت منه هو وألدرين انهم يتركوا القمر ويرحلوا حالا.. مش بس كده، دا بعد هبوطهم عالقمر في 11 يوليو 69، بعتوا للقيادة انهم شايفين مراكب فضائية كتير حواليهم وهما طالعين وهما نازلين عالقمر وانهم مش لوحدهم

عشان تصدق بنفسك، الكلام اللي اتقال بالنص بين ننيل ارمسترونج والقيادة وهو بيحكيله انه شايف كائنات تانية مستخبية وراء الفوهات عالقمر بتتفرج إحنا بنعمل ايه
NASA: Whats there?
Mission Control calling Apollo 11...

Apollo11: These "Babies" are huge, Sir! Enormous!
OH MY GOD! You wouldn't believe it!
I'm telling you there are other spacecraft out there,
Lined up on the far side of the crater edge!
They're on the Moon watching us!

الارسال دا التقطه مجموعة من الناس تشابك ارسالهم مع محطة الفضاء ناسا وقتها، لكنه كان محجوب عن العامة.

ودا كلام ارمسترونج مع احد علماء الفضاء عن مشاهداته فوق وبيأكدله مقابلته ليهم.
Professor: What REALLY happened out there with Apollo 11?

Armstrong: It was incredible, of course we had always known
there was a possibility, the fact is, we were
warned off! (by the Aliens). There was never any
question then of a space station or a moon city.

Professor: How do you mean "warned off"?

Armstrong: I can't go into details, except to say that their
ships were far superior to ours both in size and
technology - Boy, were they big! and menacing!
No, there is no question of a space station.

Professor: But NASA had other missions after Apollo 11?

Armstrong: Naturally - NASA was committed at that time, and
couldn't risk panic on Earth. But it really was a
quick scoop and back again.

لما الناس اللي سمعت الارسال دا طلعت وقالت للعامة، ناسا كدبت بردو.. فتخيل انه Maurice Chatelain رئيس جهاز الاتصال نفسه في ناسا طلع في حوار صحفي وأكد كل كلمة في الارسال وانه ارمسترونج قال كده فعلا وشاف كائنات وسفن طائرة تانية.. وقال إنه رواد الفضاء اللي طلعوا كلهم بلا استثناء اخبروا انهم شافوا كائنات تانية فوق ولما ناسا طلبت منهم السرية، بدأوا يستخدموا لقب سانتا كلوز لما يشوفوا حد منهم قريب منهم، وفي اكتر من تسجيل للرواد عالقمر، هتلاقي رائد الفضاء بيقولوا انتبهوا سانتا كلوز وصل.

رائد الفضاء Scott Carpenter واحد ال7 طيارين اللي طلعوا في مهمة ميركوري، اول حاجة قالها لما رجع من المهمة "مفيش ثانية واحدة كنا فيها في الفضاء، ومكناش متراقبين من كائنات تانية موجودة حوالينا."

وغيرهم وغيرهم وغيرهم من رواد الفضاء تبع ناسا اللي قالوا كده وأكتر.. دا غير الروس والألمان اللي عندهم اضعاف دا، وطبعا بالرغم من انه ناسا مشروع مدني، الا انه تابع للقوات المسلحة، فكل كلمة بتحصل فيه بيتم اعتبارها دلوقت سر عسكري وافشاؤه يعني خيانه وحبس.. فالتعتيم دلوقت جامد جدا، وبالرغم من انه ممكن تاخد اسم اي واحد من دول وتسرش بيه على جوجل او يتيوب وتشوفه بنفسه وهو بيحكي، الا انه مفيش اي جريده او وسيلة اعلام كبيرة تقدر تتكلم عن الموضوع بسبب ضغط الحكومات، والفقرة الجاية.

========================
وكالة الفضاء ناسا بتعمل تعتيم كامل عالمواضيع دي وتمنع الرواد من الكلام، وحاليا بيمضوا عقود بالسرية لو خالفها بيتحبس..

ليه الحكومات مابتقولش لو اتواصلوا مع كائنات تانية؟!
عشان وظيفة الحكومة هي السيطرة وفرض النظام، مجرد ماتعرف انه في كائنات تانية بره، كل ثوابت البشر حرفيًا هتدمر وعلى رأسهم الدين وهيبقى الفوضى في كل مكان، وكل دولة هتتسابق على التواصل معاهم بأي شكل وأي تكلفة، والحكومات المعادية هتبدأ تدور على طريقة تصنع بيها اسلحة عشان تقاوم او عشان تستفيد من الفضائيين ورجال الاعمال هيشقلبوا الدنيا عشان يستفيدوا وهينخربوا ورا الحكومات.. فحرفيًا مش من مصلحتهم نهائي نهائي انه الناس تعرف.. عالاقل دلوقت.

-------------------------------------------------------
-------------------------------------------------------

في 2011 تقريبًا، مجموعة بحارة ومستكشفين للكنوز أسفل البحار اسمهم ocean x كانوا في رحلة عودة في بحر البلطيق لما بالصدفة البحتة السونار بتاعهم لقط صورة لتكوين صلب غريب تحتهم في قاع البحر على بعد 85 متر تقريبًا لأسفل..

الطاقم كان فيه علماء وغواصين ونهاس فاهمة يعني لأنه شغلانتهم الاستكشاف، فعارفين إنه مفيش أي نشاط بركاني في المنطقة دي عشان يطلع شكل صخري بالتميز دا.. وشكله فعلًا مش طبيعي..

جسم دائري قطره 60 متر وحوافيه قائمة بالظبط على شكل السفينة الفضائية بتاع ستار ورز.. الموضوع غريب، ففكروا إنهم يقربوا منه عشان يصوروه بشكل أوضح، لكن المفاجأه إنه بمجرد ماقتربوا منه ب200 متر تقريبًا، اي وكل حاجة شغالة على الكهرباء، انطفئت تماما ومش عارفين السبب نهائي.

في 2012، السويدي Peter Lindberg رئيس الفريق قرر يرجع تاني ياخد صورة ثلاثية الابعاد للجسم نفسه بعد ما قعدت حوالي 5 شهور يعمل دراسات وأبحاث عن اي شيء ممكن يفهمه إيه الجسم او الاكتشاف دا..
بيتر خد معاه افضل السونارات واجهزة الاتصال، لكن كانت بتقف بردو، فاستخدم القمر الصناعي في اخد الصورة المجسمه اللي تحت دي ورجع عرضها على مختصين كتير..

في اللي قاله إنه مشروم عملاق تحت الماية وترسب عليه اتربه ومواد خلته صلب، ودا مستخيل طبعا بسبب شكله وحجمه العملاق.. في اللي قاله إنه شذوذ في التكوين الصخري في المكان دا، لكن عمره ما شوفنا شذوذ بالشكل والحجم دا..

كان في اراء بتقول إنه أحد الاختراعات النازية في الحرب العالمية التانية وهتلر وضعها هنا للتجسس او لاصطياد الغواصات والسفن او حتى لقطع الاتصالات.

بيتر أخر مازهق، قام عارض الصور واللي توصله من بيانات ومعلومات معاه، على الصحافة وكسرت الدنيا فعلا والحكومة تواصلت معاه عشان تعرف المكان بالظبط عشان تتأكد، وبعدها بفترة قالوله ممكن يكون من مخلفات الحرب لكنه اكيد حاجة مش ذات قيمة.

بعدها بفترة الجيش الامريكي بالتعاون مع الجيش الروسي أعلنوا انهم بيعملوا ابحاث في المنطقة دي من بحر البلطيق وممنوع دخول العامة ليها بأي شكل وطلبوا من بيتر التكتم على الموقع بشكل سري لأسباب عسكرية، ولغاية النهاردة داخلين على 2019 أهو، مفيش جنس مخلوق فسره ااو قال ايه هو والحكومة والامريكية والروسية ردها الوحيد على الموضوع "لا تعليق"

بس يا ترى ايه دا بجد!وليه التكتم! فضائيين فعلا! الجسم بيوحي انه في مكانه من آلاف السنين.

افتح جوجل او اليوتيوب وابحث عن Baltic Sea anomaly وهتشوف آلاف الفيديوهات وكلام الخبراء عنه ورد الحكومات.(هحطلك صور في الكومنتات للمركبة)

------------------------------------------------
------------------------------------------------

عالم الفيزياء الفلكية المشهور Neil deGrasse Tyson، كان في أحد المؤتمرات وواحد من إللي قاعدين قدامه، قاله فيما معناه إنه متضايق جدًا إنه هيموت قبل مانقدر نوصل للتكنولوجيا الكافية اللي تخلينا نتواصل مع الفضائيين، فنيل رد عليه رد عجبني جدًا وفي نفس الوقت خلى دماغي تلف وتدور وأنا قاعد مكاني.. تعالى نشوفه قاله إيه :"|

قاله تمام.. انت عايز نتواصل مع كيان ما آخر في مكان تاني في الكون، يبقى هنستخدم حاجة بتسافر بسرعة الضوء أولًا عشان تقدر توصل لأماكن وكواكب بعيده عننا فيها كائنات تانية، وليكن هنستخدم موجات الراديو لإنها قادرة تسافر في الفضاء.

دلوقت بعتلهم خلاص الرسالة، عشان توصلهم بقى، لازم يكون عندهم حاجتين (الذكاء والتكنولوجيا).. تخيل أنت مثلًا لو حضارة تانية في الكون، كانت بعتتلنا رسالة تواصل من 200 سنة.. في الوقت دا كنا احنا من ضمن الكائنات الذكية في الكون فعلًا، بس في نفس الوقت ماكناش نمتلك التكنولوجيا الازمة عشان نعرف أصلًا إنه في رسالة جاتلنا لأنه مكناش إخترعنا أو اكتشفنا موجات الراديو لسه.. فده معناه إنه لما تختار حضارة تتواصل معاها في الكون، لازم كمان تختار الوقت المناسب إللي يكونوا هما فيه عندهم التكنولوجيا المناسبة لإنهم يفهموا إنه في حد ما من الخارج بيحاول يتواصل معاهم..
يعني إنك تبعت رسائل هائمة في الفضاء لأي كوكب أو خارج المجرة، مش معناها إن هما هيعرفوا يلقطوها أو هيعرفوا إنه في حد أصلًا بيحاول يتواصل.. قد يكونوا أذكياء بالفعل ومتقدمين، بس معندهمش التكنولوجيا الكافية إنهم يتقبلوا إشارات الفضاء، فقد يكون في كائنات تانية دلوقت بتحاول تتواصل معانا كبشر، بس إحنا معندناش التكنولوجيا المناسبة لسه عشان نفهم تواصلهم دا عامل إزاي!

تعالى بقى نتكلم عالتكنولوجيا نفسها، من المحتمل جدًا ومن الأثار الموجودة عالأرض، إنه التكنولوجيا نفسها كمان مؤقتة.. بمعنى إنه الحضارة بتفضل تتقدم لغاية ما توصل لدرجة معينة من التكنولوجيا والتقدم فتنقلب ضدهم وتتسبب في فناء الحضارة دي كلها على بكرة أبيها زي ما مثلًا عندنا العلماء خايفين من اختراع الروبوتات ذات الذكاء الصناعي لتنقلب على البشر وتقتلهم أو تستعبدهم زي مابتشوف في الأفلام.. يعني دلوقت بالإضافة لأنه انت لازم تتواصل مع كائنات عندها تكنولوجيا مناسبة، فلازم كمان تتواصل معاهم في زمن معين وهيكون ضيق جدًا وهو الوقت مابين وصولهم للتكنولوجيا المناسبة وبين إنقلابها عليهم وفنائهم.. بس طول مانت بتسافر بسرعة الضوء، فانت ماتقدرش تتغلب على عامل الزمن، هتحتاج ثقوب تنقلك عبر الفضاء نفسه ودا مش موضوعنا هنا..

سيبك بقى من كل دا، وركز معايا في إللي جاي..

دلوقت حتى لو تواصلنا معاهم وجم الأرض بسفنهم الفضائية يزورونا، وليكن نزلوا لأكتر دولة متقدمة في الفضاء وهي أمريكا.. الماكسمام بتاع قدرة أمريكا هو بعث مكوكات فضائية ببشر لمدار الأرض وشوف بياخد منهم كام سنة :"| والمفروض الفضائيين جايين من أعماق أعماق الكون..
لو هما إللي وصلولنا، يبقى احنا خلاص إتفقنا إن هما أذكى مننا، وفي الحالة دي في أكتر من إحتمالية للي هيحصل:

- إنهم لما قارنوا ذكائهم وتقدمهم بذكاء الأرضيين وتقدمهم، وجدوه قليل جدًا وبسيط لدرجة إننا مانستحقش إهتمامهم زي إنك تكون ماشي في الشارع وشوفت دوده ولا طائر ولا حيوان ما ماشي جمبك عالأرض، إنت شايف وعارف إنه معندوش الذكاء الكافي للتواصل معاك ولا هيعرف، فمش مهتم أكيد تروح تكلم العصفورة في الشارع ولا تحاول تعرف هي بتفكر في إيه، فهما كمان هيعاملونا زي مابنعامل الدودة دي ومش هيهتموا.

- إنهم يكونوا أذكياء كفاية لدرجة إنه إحنا مش مدركين وجودهم أصلًا..
لو عايز تدرك قد إيه إحنا كبشر لسه في بداية ذكائنا، تعالى لأقرب كائن لينا من حيث الذكاء، اللي هو قبلنا على طول في سلم الذكاء وهو الشامبنزي..
الإختلاف الجيني بين البشر وبين الشمبانزي، هو 2% فقط.. مُدرك إنه حمض النووي للبشر مختلف عن الحمض النووي ليهم بـ2% بس وهما اخرهم يرتبوا شوية صناديق على بعض ويسمع كلام لما ينادي، وانت بتعرف تتكلم وتفكر وعملت حضارة وفنون وشعر وأدب.. متخيل إنت فرق 2% بس في الحمض النووي، عمل طفرة كبيرة في الذكاء لدرجة إيه! كائن أخره يسقف ويضحك وكائن عمل تليسكوب هابل لإستكشاف الفضاء.

تخيل بقى إنه بالنسبة للمعاير الكونية اللي الفضائيين دول يعرفوها، نسبة الذكاء بتاعنا دي قليلة جدًا.. يعني 2% دي نسبة صغيرة جدًا، وفرقت بين البشر وبين الشمبانزي، أما بالنسبة لباقي الحضارات في الكون، فالذكاء بتاعنا دا فعلًا قليل وبسيط كنسبة 2% بس..
إللي انت شايفة كبير فشخ وفرحان انه 2% فاصل بينك وبين تفكير الشمبانزي، فهو بالنسبة ليهم بسيط جدًا جدًا جدًا لدرجة إنه انت بالنسبالهم زي الشمبانزي بالظبط، فتخيل مقدار ذكائهم هما قد إيه!..

---
**حاول تعيد قراءه الفقرة دي تاني واستوعب**
تعالى أوصلهالك بشكل أبسط..
تخيل طفل في اولى حضانة وواحد تاني في تانية حضانة.. اللي في تانية حضانة عشان اكبر من التاني بسنة، ففرحان وشايف نفسه أذكى حد في الدنيا عشان فرق السنة دا.. قارن بقى الإتنين دول بدكتور متخصص في كل العلوم وعنده 1000 سنة مثلًا :"|.. السنة إللي هو شايف إنها خلته اذكى من بتاع أولى، بالنسبة للدكتور هي ولا حاجة والاتنين في نفس المكانة، قليليين جدا جدا جدا جدا لدرجة إنهم مش مدركين ذكاء الدكتور نفسه.
---

تخيل بقى لو الفضائيين اللي جايين دول، مختلفين عننا بردو بنسبة 2% بس..
إذا كان 2% ليك عن الشمبانزي، خلاك تطلع القمر وتسافر لاخر كوكب في المجموعة الشمسية، فحط ذكائك دا كنقطة الصفر وشوف الـ2% اللي اختلفهم الفضائين دول بقى، هتخلي مقدار ذكائهم وتفوقهم كبير لدرجة إيه!

الفضائيين دول هيكونوا متقدمين لدرجة إنهم هيجيبوا اكتر واحد ذكي في البشر في فيزياء الفضاء والفلك مثلًا وليكن دكتور Stephen Hawking إللي بيقدر يعمل حسابات فلكية ومعدلات فيزيائية في دماغه :"|، وهيطلع أصغر طفل طبيعي ومستوى ذكائه عادي في عالمهم، بيعرف يعمل ويحسب معادلات وحسابات أعقد بمئات المرات منه في دماغه.. أما بالنسبالهم، فهما شايفين انه نسبة الإختلاف بين دكتور ستيفن وبيني انا وانت، هو تقريبًا زيرو من كتر ماهو ذكائنا قليل بالنسبة ليهم..
تخيل أذكى شخص على كوكبنا، مستوى تفكيره وقدراته العقلية أقل من طفل عادي عندهم، مش خارق حتى :"|

خد بالك إنه دا في حالة هما كان الاختلاف بينا وبينهم 2% فقط.. طب لو أكبر! طب لو حمض نووي غيرنا خالص بصفات تانية خالص!..

دكتور نيل صعق كل الموجودين لما قالهم إنه هيكون عندهم القدرة على إستعباد الجنس البشري بأكمله والأرض بمواردها وإحنا حتى مش هنبقى عارفين بدا.. متخيل ذكائهم!
قد يكون دا حصل بالفعل وهما مستعبدنا بشكل ما واحنا أغبى من مجرد إدراكنا لدا! وأنا وانت عايشين حياتنا عادي وكأننا بنمارس حرية اختيارنا اللي ضمنهالك كونك بشري، في حين إنك بالنسبالهم لست إلا خلية نحل هو مربيها في خلفية بيته أو حوض سمك على التربيزة بره ماتعرفش اي حاجة نهائي عن اللي حواليك.. مجرد شيء تافه غير جدير حتى بإنه يهتم بتفاصيلك زي مابتعمل في حوض السمك ولا الدودة المرمية عالأرض وماشيه بتدور على أكل.

مُتخيل!.. متخيل حتى أقل فجوة بينا وبينهم عظيمة لدرجة إيه!

-----------------------------------------
------------------------------------

الاسكتلاندي Gary McKinnon شخص بسيط عنده نوع من أنواع التوحد خلته صاحب أكبر عملية قرصنة حاسوبية في التاريخ (هاكر).. جاري في 2002 نفذ أكبر عملية تهكير على حواسيب الجيش الأمريكي في تاريخها كُله ماحصلتش ولا هتحصل تاني.

جاري في خلال 13 شهر ومن منزل خالته في لندن، قدر يخترق أكتر من 65.000 جهاز كمبيوتر فائق السرية تابع للجيش االأمريكي ووكالة الفضاء الامريكية ناسا..

في ظرف 24 ساعة بس، كان عطل أكتر 2000 جهاز تابعين للجيش الأمريكي وعليها أكبر بيانات فائقة السرية.. وصل بيه الفُجر إنه دخل على اكتر برمجه سرية في العالم وهي قواعد إطلاق الاسلحة النووية الامريكية وعطلهم رموز الإطلاق، وبعدها دخل على حواسيب البحرية الامريكية وعطل كل حواسيب إطلاق الاسطول الأطلنطي بالكامل.

جاري نسخ وسرق معلومات سرية من الجيش الأمريكي ووكالة ناسا، عُمر ماعرفها بشري خارج نظام الحكم.. الحكومة الامريكية دفعت اكتر من 700.000 دولار عشان تقدر تتعقبه بس وتعرف مين اللي عمل كده من كتر خوفهم على المعلومات اللي خدها..

أمريكا حتى وقتنا الحالي طالبة القبض عليه وعليه احكام بأكثر من 70 سنة، لكن مفيش معاهدة تسليم مع بريطانيا، وبريطانيا اكتر من مرة رفضت تسلمه لأمريكا..

سيبك من دا كله بقى، اللي جاي أقولهولك، إنه جاري بيُقسم إنه شاف مئات الملفات السرية في أجهزة ناسا والجيش الأمريكي عن حدوث تواصل بين ناسا وبين نوع أخر من الحياة خارج الكوكب، وفي مشاهدات حقيقية هنا عالارض وتواصل ومركبات موجودة، وشاف كمان محاولات التستر عليها من الجيش الامريكي.
جاري بعد اللي حصل دا، حول ديانته من المسيحية، للسينتولوجي (العِلمولوجيا)

---------------------------------------
----------------------------------------

النُقطة الدقيقة جدًا إللي بتكون أي كلمة من اللي مكتوبين قدامك على الشاشة دول، بتشغل بُعد واحد بس لأنه ملهاش طول ولا ارتفاع بارز، على عكس لو رسمت مثلًا مستطيل ولا اي شكل على ورقة عالأرض، ليه عرض وطول، بس ملوش ارتفاع بارز وعشان كده اسمه ثُنائي الأبعاد.. أما مثلًا الكرسي اللي انت قاعد عليه ولا حتى التليفون اللي في ايدك او انت نفسك، لينا طول وعرض وارتفاع عن الأرض وعشان كده احنا ثلاثين الأبعاد، بمعنى بنشغل مساحة في الأبعاد الثلاثة.. في بُعد رابع وخامس، بس لأننا ماشوفناش حاجة لسه في حياتنا كلها في البُعد دا، عقلك نفسه وخيالك مايقدروش يتخيلوا شكلهم لأنك ماشوفتش او ماتعرفش اي حاجة اعلى من ثُلاثية الأبعاد.

دلوقت اتفقنا انه انت مُمكن تُدرك كويس جدًا أي شيء في الأبعاد الأقل منك، لكن صعب جدًا انك تُدرك اللي في أبعاد أكبر منك، هتشوفها مش مفهومة او هتشوف منها الجزء اللي في البُعد بتاعك بس، بمعنى..
تعالوا نتخيل نفسنا كمُستطيل مرسوم على ورقة فاضية وجبنا على نفس الورقة نُقطة مرسومة.. انت كمستطيل ليك طول وعرض، بس بدون ارتفاع، فلما تحاول تبُص عالنقطة اللي جمبك، هتشوفها عبارة عن نُقطة فعلًا زي ما هي بدون طول او عرض.. مجرد نقطة، لكن لما هي تبُص عليك بقى كمستطيل، هتشوفك خط واحد بس.. هتشوف منك بُعد واحد بس وهو اللي نحيتها وتقدر تدركه بالرغم من انه ليك عرض كمان، لكن هي مش مستوعبة اصلًا انه في حاجة اسمها عرض، فماتعرفش تشوفه او تفهمه، حتى لو انتقلت في مكانها من جمبك، لفوقك على نفس مستوى الورقة، هتشوف عرضك بس وإللي هو بالنسبالها خط بردو بالرغم من انه ليك طول.

تعالى انت بقى كشخص ثُلاثي الابعاد، اقف جمب الأتنين. بالطبع ليك ارتفاع بارز عن سطح الورقة، فشايف النقطة اللي في بُعد واحد وشايف المُستطيل بأبعاده الأتنين عادي.. طب النُقطة شايفة ايه!.. شايفة مجرد المستوى منك اللي مُلامس الورقة. وكأنك خدت اول شريحة من جسمك مُلامسه للورقة بمعنى انها شايفة المللي من جلدك او الجذمة اللي انت لابسها في رجلك عالورقة، وشايفاها مجرد خط بالطول بردو بس ومش عارفه تُدرك ارتفاعك اصلًا.. شيفاك بُعد واحد بس زيها، كذلك الأمر بالنسبة للمُستطيل لما يشوفك بردو ومش هيدرك ارتفاعك نفسه عن مستوى الورقة.

كده أنا حاولت افهمك انت ازاي شايف المستويين الاقل منك عادي، وهما كمستويات اقل منك، مابيقدروش يشوفوك كلك، مجرد بيشوفوا جزء منك اللي واقع في المستوى بتاعهم بس.. كذلك انت لو في كائنات حوالينا من مستوى رابع، فانت مش هتعرف تشوف منهم غير جزء واحد بس وهو اللي واقع في البُعد الثالث بتاعنا وماتحاولش تتخيل الرابع عشان انت ماشوفتش ومععندكش فكرة عن شكله فمش هتقدر تتخيله..
كنا درسنا في الهندسة في اعدادي، انه ممكن تعمل اسقاط لأي جسم ثُلاثي على سطح مستوي، فيديك شكل ثُنائي البُعد من طول وعرض بدون ارتفاع.. زي احنا مثلًا كبشر، لما تسقط صورتنا عالأرض، بيديك الظل اللي بتشوفه في الشمس دا.. حاجة ليها طول وعرض بس.

اهو العُلماء بقى عندهم فكرة كده من سيناريوهات وجودنا، وهو اننا اسقاط لكائنات موجودة في البُعد الرابع.. بمعنى انه عارف الظل اللي هو اسقاط لجسمك الثُلاثي في البعد الثاني؟! اهو انا وانت بقى، اسقاط لكائنات في بُعد رابع، على بعدنا الثالث.. احنا ظل ثلاثي، لكائنات في مستوى رابع.
وزي مالضل بيمشي وراك عالأرض في كل حته ويتحرك زيك بالظبط ولما تفتح بؤك بيفتحه عالأرض، بس لأنه ثنائي البُعد فملوش ارتفاع، بعض العلماء معتقدين انه في كائنات بردو ربعاية الأبعاد في الكون بتاعنا وحوالينا بتتعامل وتتكلم وتتحرك وتعمل كل حاجة، واحنا الضل بتاعها اللي بيقلدها دا، بس شكل البُعد الرابع وما بعده مجهول بالنسبالنا لدرجة اننا مش عارفين مدى تعقيده أصلًا، وهل الأفكار اللي في دماغنا دي حقيقية، ولا مجرد الكائن الرباعي الابعاد اللي انا الضل بتاعه، بيفكر فيها فأنا غصب عني مجبر افكر فيها!!.. يا ترى زي مانا بقوم الصبح اطلع اجري 50 كم وضلي مُجبر يجريهم معايا كُلهم، أنا بردو بعمل الحاجات اللي بعملها يوميًا دي بدون إدراك مني لأنه الكائن الرباعي بتاعي بيعملها وانا بتبعه وبقلده بالظبط زي ضلي في الثُنائي!

يعني كُل حاجة.. كُل حاجة من حركة وتفكير وكلام وأفكار بتصدر مني ومنك، ماهي اللا مُجرد ضل او تقليد او تتبع للي بيعمله الكائنات رباعية الابعاد اللي احنا ظلال ليها!.. طب يا ترى شكلها عامل إزاي! طب لما بنموت، دا معناه انه هو بردو مات ولا ايه!
عارف الموضوع هيطلع مؤلم جدًا جدًا لينا، زي اكنك جبت روبوت شبه البشر بالظبط جدًا وعيشته من طفولته وسط عيله بشرية عادية، ولما كبر، واجهته بالحقيقة انه مجرد انسان آلي ومش بشر ولا عنده شخصية وكُل حاجة تخصه وبيعملها كان احنا البشر اللي بنتحكم فيها.. متخيل الصدمة اللي هيكون فيها!.. متخيل صدمتنا احنا كبشر لو عرفنا في النهاية ان احنا مجرد ظلال وملناش وجود!!!

متهيألي دي أكتر نظرية ممكن تسحلك في التفكير!.. يا ترى الكائن اللي انا ضله، بيُخبر او بيتكلم عن نفس الموضوع دا بردو عنده، فانا كنت مجبر لا اردايًا اني اكتب دا بردو هنا!.. هو بيفكر في دا دلوقت!.. هل هو بردو ظلال لكائن خماسي الابعاد!!
----
**ملحوظة: أنا مش بكلمك على البعد الرابع اللي هو الزمن.. انا بكلمك بقى عاللي عايشين في البعد الرابع.. يعني ايه واحد عنده طول وعرض وارتفاع وزمن كبُعد متغير!.. غير انه موضوع الظل مجرد مثال، الكلمة الصحيحة هي اسقاط بس للأسف مش هتفهم معناها غير لو كنت دارس رياضة او هندسة.

#MTM_Spread_Science
 
يوجد موضوع اخر أشد اثارة منه وحقيقي وبالمصادر
لكن منتظر. رد الاخير. لكي يسمح لي بالنشر
 
استعد لفقدان عقلك وسحلة دماغ هتطول معاك أوي. ..

بتحب الفضائيين وقصصهم؟!عندك وقت كبير فاضي؟ كبير أوي.. أوي أوي
لو اه، يبقى جهز حاجة تسليك وتعالى اقرأ المقال المُجمع اللي كاتبهولك دا..

-----------------------------

في فضائيين بيحاولوا يتواصلوا معانا! معقولة اخيرًا!!

شرحتلك قبل كده إنه احنا عايشين وسط دوشة كبيرة جدًا جدًا.. ضوضاء بتملى الكون بأكمله، ولكنها ضوضاء من الاشارات.. كُل حاجة حوالينا في الكون، بتخرج اشارات لاسلكية او اشارات الراديو زي ما بيقولوا، في الغالب ملهاش معنى لانها عشوائية، ولكن من وقت للتاني بيوصلنا اشارات من أماكن محدده بعينها، متوجهة لكوكب الأرض نفسه، قد تكون ملهاش معنى بردو وقد تكون تحمل رسالة بس احنا مش قادرين نفك شفرتها، او معندناش العلم الكافي عشان نقدر نفهم فحواها.

مع تقدم العلم، بقينا نعرف نميز شوية بين الاشارات العشوائية، وبين الاشارات اللي بتتكرر في نمط متتابع مستمر.. يعني لو نجم بيموت ولا بيتولد، او كوكب أو أو أو حدث كوني بيحصل، فهو هيطلعلك اشارة مرة واحدة او اتنين وقُضي الأمر يا شعلان، لكن احنا كبشر من ساعة ما قدرنا نعمل انتنات او تلسكوبات ترصد ابعاد كبيرة في الفضاء الخارجي، واحنا قدرنا نرصد حوالي 13 نبضة راديو متوجه لكوكب الأرض من الفضاء الخارجي، مدة كل واحدة منهم حوالي نص ثانية او حتى مللي من الثانية، من الـ13 نبضة دول، واحده فقط اللي متكررة، بمعنى انه مصدرها عمال يبعتها مرة واتنين وتلاتة واربعة وماتوقفش من ساعتها.

كونها بتتبعت باستمرار، فده معناه انها اشارة او رسالة او خارجة عن عمد وليست واحدة من العشوائية وسط الضوضاء الكونية دي.. المهم بقى انه من فترة، احد تليسكوبات كندا العملاقة، طلعت صرحت انهم استقبلوا نمط تاني من الرسائل او نبضات الراديو المتكررة، ولكن المرة دي، الاشارة قوية جدا والاشارة عمالة تتكرر ومصدرها يبعد عن الأرض حوالي مليار ونص سنة ضوئية.

خلينا صريحيين بردو مع بعض، هو وارد تكون اشارة من نجم ما بيموت، او نجمين في طور الاندماج سوا، او حتى ثقب ما اسود، وبنفس الاحتمالات دي وارد انها تكون من جنس ما اخر من الحياة موجود في الفضاء وبيحاول يتواصل معانا.

المشكلة انهم بعيدين عننا حوالي مليار ونص سنة ضوئية، والسنة الضوئية هي المسافة اللي بيقطعها الضوء في السنة، يعني هما بعيدين عننا حوالي مليار سنة ونص، يعني هما اول لما بعتوها، كانوا باعتينها من مليار سنة ونص، بس من مليار سنة ونص، مكنتش الحياة تطورت عالارض بالشكل اللي احنا نعرفه دا، كان كلها لسه بحجم مجهري وفي اعماق الارض وغيره، طب لو هما اعتين الاشارة دي فعلًا للأرض، فأكيد هما كانوا شايفين وقتها في حد او حضارة او كائنات ما عاقلة تقدر تفهم موجودة عندنا عالكوكب هنا! قد تكون مجرد نداء استغاثة موجه بشكل عشوائي لأماكن مختلفة في الكون، قد يكون رد على اشارات استلموها من عندنا من هنا من عالأرض من مليار سنة ونص..

يعني لو كانت في كائنات ما عاقلة وتقدر تفهم موجودة عالكوكب دا من مليار سنة ونص، فده معناه انه الحياة ما بدأتش عالأرض، ولكن تم جلبها للأرض هنا..

وفي احتمال تاني انهم فعلًا بيبعدوا عننا مسافة واحد ونص مليار سنة، بس بيملكوا تكنولوجيا حديثة كفيلة انها ترسل الاشارة بتاعهم اسرع من الضوء، ويكونوا باعتينها فعلًا عشان يتواصلوا معانا احنا البشر الموجودين دلوقت..

الموضوع كله بقى مثير جدًا للعقل وجذب انتباه علماء كتير لاننا كنا فاكرين الرسائل المتكررة دي عشوائية ونادرة الحدوث، بس اتكررت تاني اهو وبشكل اوضح، هل هتطلع عشوائية ولا فعلًا رسائل ليها معنى من حضارات تانية بره! هنقدر نترجمها فعلًا ولا هنترجمها بعد فوات الاوان! رسالة استغاثة ولا ترحيب ولا نجدة! هل اللي بعتوها دول لسه عايشين ولا ماتوا خلاص!.. استفهامات كتير جدًا اتمنى العلم يقدر يجاوبنا عليها قريبًا.

-------------------------------------------------
-------------------------------------------------

لكلام اللي هاقولهولك دا، مش قايله واحد عنده برانويا وبيألف نظريات مؤامرة، ولا قايله مصادر مشبوهة وصحف صفراء، لا دا طالع رسمي من وزارة الدفاع الأمريكية اللي هي البنتاغون الأمريكي، ومزودة الخبر بتسجيلات صوتية كمان وتقارير مكتوبة لأي حد يتطلع عليها..

الموضوع كله بدأ في ليلة 25 أكتوبر 2017 لما ظهر على أجهزة رادار ادارة الطيران الفيدرالية في كاليفورنيا، إنه في مجموعة من الأجسام الغريبة بتحلق بسرعة مهولة جدًا جدًا فوق الجانب الشمالي من الولاية، وطبعًا من ساعة احداث سبتمبر بتاع البرجين، الرقابة عالطيران بقت توب التوب.. المهم إنه المركز حاول يتواصل مع اجهزة الإتصال في الطائرات او المركبات الغريبة دي، بس للأسف مكنش في اشارة أصلًا على وجود أجهزة استقبال او ارسال عالمركبات، وعلى الفور تتم ارسال اشارة سريعة لسلاح تالطيران وفي دقايق كان في أكتر من 10 طيارات في السما من ضمنهم مقاتلات الـ f16 الشهيرة.

في نفس الوقت اللي الطيارات كانت طالعة تشوف إيه اللي طاير دا، وصل لمركز الإتصالات وابراج مراقبة الطيران، من مجموعة من الطيارين الميدانيين وجولات الاستطلاع، انهم كمان شايفين مجموعة من الأجسام بتتحرك بسرعة كبيرة جدا قدامهم عالرادار، وخايفين ليحصل اصطدام معاهم في السما ولا حاجة، وطالبوا مركز المراقبة انه يطلعهم على خط سيرهم او يغيره، بس مركز المراقبة قالهم إنه مفيش خالص، ولا حتى في جولات تدريب عسكرية سرية ولا اي حاجة من دي.

تشاء الظروف بقى إنه في نفس اليوم دا قبلها، أبلغ عدد كبير من سكان مقاطعة أوريجون انه ابتداء من الساعة 4 ونص العصر تقريبًا، بدأوا يلاحظوا مركبات غير مححدة الملامح، بتطير في السماء بسرعات غير ممكنة رايحة جاية في وضح النهار كده، وعدد منهم صورها بالفعل وبلغوا الشرطة ووكالات انباء باللي حصل، وبالفعل اكتر من وكالة اخبار منهم البي بي سي بعتت مراسلين للموقع..

كل اللي كانوا واقفين، فكروا انها ممكن تكون طائرات حربية ولا تدريب او اي كان، بس طيارين ميدانين حواليهم بدأوا يطلعوا بطيارتهم يبصوا او يحاولوا يتواصلوا، ولكن مفيش اشارة اصلا انه الجسم التاني عنده اي وسيلة اتصال او استقبال..

معظم الطيارين ووكالات الانباء حاولت تتواصل مع سلاح الطيران الامريكي او ادارة الطيران، عشان يسألوهم ايه دا وبيحصل ليه وازاي، وانهم حاولوا يلاحقوا الطيارات وفشلوا، ولكن المركز بلغهم إنه مفيش اي حاجة على رداراته ومراكز مراقبته.. لغاية بالليل بقى لما حصل اللي قولتلك عليه فوق دا وبعتوا الـ f16.

وجود وكالات انباء سجلت الامر وتابعته بنفسها، وعدد كبير من الطيارين ابلغوا عن الامر، حتّم على مركز ادارة ومراقبة الطيران انه يشارك مع العامة المعلومات اللي حصل عليها واللي كان بيحصل تحت بند حرية مشاركة المعلومات، وبالفعل قام البنتاجون الامريكي باخراج تسجيلات وتقارير رسمية للصحف والناس فيها الاتصالات اللي حصلت بين الطيارين ومركز القيادة وكذلك بين الطيارين وبعض وشرحهم للي بيحصل وللي شافوه قدامهم وحتى وهما بيطاردوا الاجسام ومش عارفين يلحقوها لغاية ماختفت فجأه في السما في غمضة عين..

التسجيلات والكلام بينهم مخيف فعلًا، ودا يخليها من اكثر الأحداث اللي اتكلمت عنها الحكومة الامريكية بكل وضوح، انه بالفعل تم رؤية او استطلاع اجسام مجهولة المصدر من الفضء الخارجي بقدرات غير ارضية.. وعشان ماتقولش الكلام دا هري او مش صحيح او من بنات افكاري، فانا هحطلك في الككومنتات تحت لينكات للاخبار والصحف اللي كانت في الموقع وفيها جوه تسجيلات للي حصل اسمعها بنفسك واتفرج عالفيديوهات.. وعلى مدار 5 ايام، اتكرر نفس الموقف والناس سجلته في فيديوهات ومفيش اي تفسير من ووزارة الدفاع الامريكية عن ماهيتها.

--------------------------------------------------
-----------------------------------------------------

نركن على جمب دلوقت إنه كُل الحضارات القديمة اللي عاشت عالكوكب دا من كبيرها لصغيرها، اتكلمت عن ناس اسمهم شعوب السماء.. اللي كانوا بينزلوا من السماء من فقاعات او اطباق طائرة وجايبنلهم معاهم ثروات وخيرات كتير جدا وسجلولنا دا في نقوش لسه موجودة لحد دلوقت.. ونركن على جمب بردو كل النقوش الموجودة في كهوف حوالين العالم من اكتر من 10.000 سنة بتحكي عن شعوب غريبة بتنزل من السماء. (هنعملهم بوستات لوحدهم)

أنا وأنت ممكن نقعد 50 ساعة نتكلم ونتناقش في وجود كائنات ما أخرى ذكية عايشة معانا عالكوكب، وفي النهاية كلامنا كله ماهو الا محض نظريات ودردشة بس. حتى لو في 50000 واحد أقسموا إنهم شافوا فضائين، مش هنصدقهم لإنهم من العامة زينا.. طب لما الكلام دا بقى يجي من أهل العلم والخبراء نفسهم! لما علماء الفضاء ومهندسين طيران وطيارين أفضل الطائرات في العالم ورواد فضاء يتكلموا إنه وهما فوق شافوا دا بعنيهم.. هيبقى ساعتها الكلام على إيه؟!.. تعالى احكيلك كام تجربة حصلت مع كام رائد فضاء وقرر انت.

- حكيتلك قبل عن رائد الفضاء والطيار الأمريكي Gordon Cooper اللي يعتبر اخر امريكي لف لوحده في رحلة في مدار الارض لمدة 22 يوم.. في 15 مايو 1963 كان في المركبة الفضائية في المدار عادي وفجأة شاف جسم بيشع ضوء أخضر قوي بيقرب عليه بسرعة كبيرة من بعيد، شك يكون مجرد تهيؤات او اي حجر بيعكس ضوء، فراح للردار بتاع المركبة وبالفعل وجده موجود وضخم جدا وبيقترب منه بسرعه كبيرة.. وقتها كان الاعلام متابع معاه من فوق في بث مباشر واتسمع جوردن وهو بيتواصل مع ناسا يقولهم باللي هو شايفه وبالفعل ناسا كانت لقطاه لكن قطعت البث.
جوردن واقف قدام النافذة وبيتفرج عالجسم وهو بيقترب منه، وفجأه اول ما قرب قام مغير مساره الناحية التانية واختفى في لمح البصر.. جوردن حاول أكتر من مرة يتكلم عن الموضوع دا لما الاعلام طارده بعد كده بسبب قطع البث والكلام اللي قاله، قالهم إنه ناسا أمرته بعدم الكلام واي حاجة هيقولهم هتبقى افشاء لأسرار عسكرية.

مرة تانية اثناء قيام جوردن بتدريبات دورية فوق ألمانيا بطائرته النفاسة F-86، شاف بعينه على فترات دورية مجموعة مختلفة من الطائرات اللي بتشبه الأطباق بتلف في السماء بسرعات فائقة جدا جدا، ولما ابلغ القيادة والجيش بمشاهدته، اتطلب منه التعتيم وعدم الكلام.. في احد الانترفيوهات ليه عالانترنت، قالك اثناء عمله كمهندس طيران وطيار تبع ناسا، كانت الوكالة بالفعل بأقمارها الخاصة بتلقط عدد كبير من الأجسام المعدنية في سماء مناطق مختلفة من الأرض مجهولة الهوية وأشكالها مختلفة ومتميزة، لكن بيتم التعتيم عشان لإنه لو البشر عرفوا وجود كائنات ما غيرنا في الكون، هتنتشر فوضى صعب السيطرة عليها ومفهوم الدين مش هيجمع الناس تاني.

- الطيار Deke Slayton كان واحد من اكفأ الطيارين في الحرب العالمية التانية ومعاه دكتوراه في هندسة الطيران وكان بارع لدرجة إنه ناسا اختارته أول رئيس امكتب رواد الفضاء في الوكالة.. يعني راجل مش قليل ولا بسيط ولا بيخرف، دا كان مركز وأكاديمي..
طلع في أحد الأنترفيوهات الشهيرة في الخمسينات وحكى إنه كان بيختبر الطائرة المقاتلة الشهيرة P-51 على ارتفاع حوالي 4 كم عن سطح الأرض في يوم مشم وجميل، وفجأة من العدم وجد جمبه شيء شبه الطائرة الورق من بعيد، وبعدين لما شاف ارتفاعه، تأكد انه استحالة طيارة توصل للإرتفاع دا. ففكر إنه قد يكون بالون أرصاد جوية لكن لونه كان فضي وأخضر ودا غريب عليه، فقرر إنه يقترب منه بالطائرة عشان يشوف ماهيته، وبمجرد ماقترب وجد إنه طائرة ماتشبهش اي حاجة شافها في حياته وشكلها دون محركات او مراوح حتى.. كانت دائريه ومبططة زي الطبق، ولما اقترب منه خالص، فجأه انحرفت السفينة او الطبق الطائر دا 45 درجة لأعلى وأنطلق بسرعة رهيبة.. سلايتون طلع وراه بالطائرة بسرعه 550 كم في الساعه تقريبًا، ومع ذلك مقدرش حتى يحصله.. كان اختفى.

- الجنرال الطيار Robert Michael White كان منصب كبير في سلاح الطيران الأمريكي وشغال مهندس كهرباء وطيار اختبار لوكالة ناسا.. في الستينات كانت صحيفة التايم الشهيرة بتعمل معاه مقابلة صحفية، أخبرها عن مشاهدته لسفن فضاء غريبة في السما اثناء رحلات تدريبه بالنفاثة X-15.. الفاثة دي بتوصل سرعتها ل7000 كم في الساعة، ومكنش بيلحق حتى الاطباق دي وهي طايرة.
كان في مقابلة على الراديو، فقال للناس تأكدوا 100% انه في كائنات تانية عايشة حوالينا.. تأكدوا انهم موجودين وبعضنا شافهم."

- الفيزيائي الشهير Joseph A. Walker اللي قاد أول رحلتين فضائيتين في التاريخ، وكان سابع شخص يطلع في الفضاء.. في 11 مايو 1962 طلع في لقاء صحفي وقال إنه كان علاوة على كونه نفذ اول مهمتين فضائيتين في التاريخ، فناسا كانت بتديله مهمة جانبية فائقة السرية وهي انه يطلع بالنفاثة X-15 في أماكن معينة يطير بيها، اثناء تسجيل الكاميرات لوجود "جنس فضائي" أو "مركبات فضائية طائرة".. لا مش بهزر، هو بيقولك ناسا كانت بتقوله بالنص احنا رصدنا وجودهم في المنطقة الفلانية، اطلع بالطيارة مشط المكان كله والكام بتسجل.
جوزيف كان فيزيائي وبالتالي بيدي محاضرات في انحاء امريكا عن الاستفادة من الابحاث واستكشاف الفضاء.. في احد المرات بيسألوه عن وجود كائنات أخرى في الكون، قالهم انا مش محتاج اخمن واعتقد زيكم، كل اللي انا عارفه ومتأكد منه، هو عشرات الكائنات والأطباق الطائرة اللي رصدتهم بنفسي في رحلات تمشيطي السماء لوكالة ناسا.. قالهم انا شوفت بعد كده الصور والفيديوهات بنفسي، وطبعا مفيش جنس مخلوق يعرف عنهم تاني.

- رائد الفضاء والمهندس الطيار الأمريكي Eugene Cernan اللي كان قائد بعثة أبولو 17 وأخر شخص يحط رجله على سطح القمر، في السبعينات كان بيجري جوار مع مجلة التايمز، ولما سألوه عن الاجسام الغريبة في الفضاء، قالهم أنا لما شوفتهم، فكرتهم كائنات تانية او حضارة غيرنا موجودة.. ولما حاولوا يستفهموا منه أكتر، مرضاش يعلق.

- عندك كمان يا سيدي رائد الفضاء والطيار Ed White اللي هو اأول شخص يمشي في الفضاء في التاريخ، كان راجع في مشروع جيمناي الفضائي مع زميله الطيار ورائد الفضاء James McDivitt فشافوا جسم معدني دائري ضخم طالع منه حاجة اشبه بالاذرع بتتحرك حواليه في كل مكان، فطلع كامرته الخاصة وألتقط بعض الصور وأخد احداثيات المكان وبلغ ناسا لما وصل.. ناسا تفظت عالصور وكل التقارير ومنعته من الكلام تماما ومحدش شاف الصور من يوميها.

- في سنة 1965، رائدين الفضاء James Lovell وFrank Borman كانوا في الكبسولة بتاع المكوك في الفضاء في رحلتهم حوالين مدار الارض لمدة 14 يوم، وفي اثناء وجودهم فوق، بعتوا لقيادة ناسا تحت إنهم شايفين مجموعة من الاجسام مجهولة المصدر والشكل حواليهم، فالمركز بعتلهم إنه دا جزء المكوك المتبقي الناتج من عملية الفصل، فرد عليه جيمس وفرانك انه بالفعل دا اه باقي المكوك، لكن في اجسام تانية حواليه كمان مش عارفينها.. وبعدين انقطع الاتصال. (الحوار موجود بالنص عاليوتيوب)

- فوكك من كل اللي فوق دول بقى..
الكلام المرة دي على لسان أول اتنين على سطح القمر، نيل ارمسترونج وباز ألدرين..
نيل ارمسترونج قال بلسانه إنهم لما هبطوا على القمر، كان في بالفعل قواعد موجودة هناك وساكنها كائنات تانية طلبت منه هو وألدرين انهم يتركوا القمر ويرحلوا حالا.. مش بس كده، دا بعد هبوطهم عالقمر في 11 يوليو 69، بعتوا للقيادة انهم شايفين مراكب فضائية كتير حواليهم وهما طالعين وهما نازلين عالقمر وانهم مش لوحدهم

عشان تصدق بنفسك، الكلام اللي اتقال بالنص بين ننيل ارمسترونج والقيادة وهو بيحكيله انه شايف كائنات تانية مستخبية وراء الفوهات عالقمر بتتفرج إحنا بنعمل ايه
NASA: Whats there?
Mission Control calling Apollo 11...

Apollo11: These "Babies" are huge, Sir! Enormous!
OH MY GOD! You wouldn't believe it!
I'm telling you there are other spacecraft out there,
Lined up on the far side of the crater edge!
They're on the Moon watching us!

الارسال دا التقطه مجموعة من الناس تشابك ارسالهم مع محطة الفضاء ناسا وقتها، لكنه كان محجوب عن العامة.

ودا كلام ارمسترونج مع احد علماء الفضاء عن مشاهداته فوق وبيأكدله مقابلته ليهم.
Professor: What REALLY happened out there with Apollo 11?

Armstrong: It was incredible, of course we had always known
there was a possibility, the fact is, we were
warned off! (by the Aliens). There was never any
question then of a space station or a moon city.

Professor: How do you mean "warned off"?

Armstrong: I can't go into details, except to say that their
ships were far superior to ours both in size and
technology - Boy, were they big! and menacing!
No, there is no question of a space station.

Professor: But NASA had other missions after Apollo 11?

Armstrong: Naturally - NASA was committed at that time, and
couldn't risk panic on Earth. But it really was a
quick scoop and back again.

لما الناس اللي سمعت الارسال دا طلعت وقالت للعامة، ناسا كدبت بردو.. فتخيل انه Maurice Chatelain رئيس جهاز الاتصال نفسه في ناسا طلع في حوار صحفي وأكد كل كلمة في الارسال وانه ارمسترونج قال كده فعلا وشاف كائنات وسفن طائرة تانية.. وقال إنه رواد الفضاء اللي طلعوا كلهم بلا استثناء اخبروا انهم شافوا كائنات تانية فوق ولما ناسا طلبت منهم السرية، بدأوا يستخدموا لقب سانتا كلوز لما يشوفوا حد منهم قريب منهم، وفي اكتر من تسجيل للرواد عالقمر، هتلاقي رائد الفضاء بيقولوا انتبهوا سانتا كلوز وصل.

رائد الفضاء Scott Carpenter واحد ال7 طيارين اللي طلعوا في مهمة ميركوري، اول حاجة قالها لما رجع من المهمة "مفيش ثانية واحدة كنا فيها في الفضاء، ومكناش متراقبين من كائنات تانية موجودة حوالينا."

وغيرهم وغيرهم وغيرهم من رواد الفضاء تبع ناسا اللي قالوا كده وأكتر.. دا غير الروس والألمان اللي عندهم اضعاف دا، وطبعا بالرغم من انه ناسا مشروع مدني، الا انه تابع للقوات المسلحة، فكل كلمة بتحصل فيه بيتم اعتبارها دلوقت سر عسكري وافشاؤه يعني خيانه وحبس.. فالتعتيم دلوقت جامد جدا، وبالرغم من انه ممكن تاخد اسم اي واحد من دول وتسرش بيه على جوجل او يتيوب وتشوفه بنفسه وهو بيحكي، الا انه مفيش اي جريده او وسيلة اعلام كبيرة تقدر تتكلم عن الموضوع بسبب ضغط الحكومات، والفقرة الجاية.

========================
وكالة الفضاء ناسا بتعمل تعتيم كامل عالمواضيع دي وتمنع الرواد من الكلام، وحاليا بيمضوا عقود بالسرية لو خالفها بيتحبس..

ليه الحكومات مابتقولش لو اتواصلوا مع كائنات تانية؟!
عشان وظيفة الحكومة هي السيطرة وفرض النظام، مجرد ماتعرف انه في كائنات تانية بره، كل ثوابت البشر حرفيًا هتدمر وعلى رأسهم الدين وهيبقى الفوضى في كل مكان، وكل دولة هتتسابق على التواصل معاهم بأي شكل وأي تكلفة، والحكومات المعادية هتبدأ تدور على طريقة تصنع بيها اسلحة عشان تقاوم او عشان تستفيد من الفضائيين ورجال الاعمال هيشقلبوا الدنيا عشان يستفيدوا وهينخربوا ورا الحكومات.. فحرفيًا مش من مصلحتهم نهائي نهائي انه الناس تعرف.. عالاقل دلوقت.

-------------------------------------------------------
-------------------------------------------------------

في 2011 تقريبًا، مجموعة بحارة ومستكشفين للكنوز أسفل البحار اسمهم ocean x كانوا في رحلة عودة في بحر البلطيق لما بالصدفة البحتة السونار بتاعهم لقط صورة لتكوين صلب غريب تحتهم في قاع البحر على بعد 85 متر تقريبًا لأسفل..

الطاقم كان فيه علماء وغواصين ونهاس فاهمة يعني لأنه شغلانتهم الاستكشاف، فعارفين إنه مفيش أي نشاط بركاني في المنطقة دي عشان يطلع شكل صخري بالتميز دا.. وشكله فعلًا مش طبيعي..

جسم دائري قطره 60 متر وحوافيه قائمة بالظبط على شكل السفينة الفضائية بتاع ستار ورز.. الموضوع غريب، ففكروا إنهم يقربوا منه عشان يصوروه بشكل أوضح، لكن المفاجأه إنه بمجرد ماقتربوا منه ب200 متر تقريبًا، اي وكل حاجة شغالة على الكهرباء، انطفئت تماما ومش عارفين السبب نهائي.

في 2012، السويدي Peter Lindberg رئيس الفريق قرر يرجع تاني ياخد صورة ثلاثية الابعاد للجسم نفسه بعد ما قعدت حوالي 5 شهور يعمل دراسات وأبحاث عن اي شيء ممكن يفهمه إيه الجسم او الاكتشاف دا..
بيتر خد معاه افضل السونارات واجهزة الاتصال، لكن كانت بتقف بردو، فاستخدم القمر الصناعي في اخد الصورة المجسمه اللي تحت دي ورجع عرضها على مختصين كتير..

في اللي قاله إنه مشروم عملاق تحت الماية وترسب عليه اتربه ومواد خلته صلب، ودا مستخيل طبعا بسبب شكله وحجمه العملاق.. في اللي قاله إنه شذوذ في التكوين الصخري في المكان دا، لكن عمره ما شوفنا شذوذ بالشكل والحجم دا..

كان في اراء بتقول إنه أحد الاختراعات النازية في الحرب العالمية التانية وهتلر وضعها هنا للتجسس او لاصطياد الغواصات والسفن او حتى لقطع الاتصالات.

بيتر أخر مازهق، قام عارض الصور واللي توصله من بيانات ومعلومات معاه، على الصحافة وكسرت الدنيا فعلا والحكومة تواصلت معاه عشان تعرف المكان بالظبط عشان تتأكد، وبعدها بفترة قالوله ممكن يكون من مخلفات الحرب لكنه اكيد حاجة مش ذات قيمة.

بعدها بفترة الجيش الامريكي بالتعاون مع الجيش الروسي أعلنوا انهم بيعملوا ابحاث في المنطقة دي من بحر البلطيق وممنوع دخول العامة ليها بأي شكل وطلبوا من بيتر التكتم على الموقع بشكل سري لأسباب عسكرية، ولغاية النهاردة داخلين على 2019 أهو، مفيش جنس مخلوق فسره ااو قال ايه هو والحكومة والامريكية والروسية ردها الوحيد على الموضوع "لا تعليق"

بس يا ترى ايه دا بجد!وليه التكتم! فضائيين فعلا! الجسم بيوحي انه في مكانه من آلاف السنين.

افتح جوجل او اليوتيوب وابحث عن Baltic Sea anomaly وهتشوف آلاف الفيديوهات وكلام الخبراء عنه ورد الحكومات.(هحطلك صور في الكومنتات للمركبة)

------------------------------------------------
------------------------------------------------

عالم الفيزياء الفلكية المشهور Neil deGrasse Tyson، كان في أحد المؤتمرات وواحد من إللي قاعدين قدامه، قاله فيما معناه إنه متضايق جدًا إنه هيموت قبل مانقدر نوصل للتكنولوجيا الكافية اللي تخلينا نتواصل مع الفضائيين، فنيل رد عليه رد عجبني جدًا وفي نفس الوقت خلى دماغي تلف وتدور وأنا قاعد مكاني.. تعالى نشوفه قاله إيه :"|

قاله تمام.. انت عايز نتواصل مع كيان ما آخر في مكان تاني في الكون، يبقى هنستخدم حاجة بتسافر بسرعة الضوء أولًا عشان تقدر توصل لأماكن وكواكب بعيده عننا فيها كائنات تانية، وليكن هنستخدم موجات الراديو لإنها قادرة تسافر في الفضاء.

دلوقت بعتلهم خلاص الرسالة، عشان توصلهم بقى، لازم يكون عندهم حاجتين (الذكاء والتكنولوجيا).. تخيل أنت مثلًا لو حضارة تانية في الكون، كانت بعتتلنا رسالة تواصل من 200 سنة.. في الوقت دا كنا احنا من ضمن الكائنات الذكية في الكون فعلًا، بس في نفس الوقت ماكناش نمتلك التكنولوجيا الازمة عشان نعرف أصلًا إنه في رسالة جاتلنا لأنه مكناش إخترعنا أو اكتشفنا موجات الراديو لسه.. فده معناه إنه لما تختار حضارة تتواصل معاها في الكون، لازم كمان تختار الوقت المناسب إللي يكونوا هما فيه عندهم التكنولوجيا المناسبة لإنهم يفهموا إنه في حد ما من الخارج بيحاول يتواصل معاهم..
يعني إنك تبعت رسائل هائمة في الفضاء لأي كوكب أو خارج المجرة، مش معناها إن هما هيعرفوا يلقطوها أو هيعرفوا إنه في حد أصلًا بيحاول يتواصل.. قد يكونوا أذكياء بالفعل ومتقدمين، بس معندهمش التكنولوجيا الكافية إنهم يتقبلوا إشارات الفضاء، فقد يكون في كائنات تانية دلوقت بتحاول تتواصل معانا كبشر، بس إحنا معندناش التكنولوجيا المناسبة لسه عشان نفهم تواصلهم دا عامل إزاي!

تعالى بقى نتكلم عالتكنولوجيا نفسها، من المحتمل جدًا ومن الأثار الموجودة عالأرض، إنه التكنولوجيا نفسها كمان مؤقتة.. بمعنى إنه الحضارة بتفضل تتقدم لغاية ما توصل لدرجة معينة من التكنولوجيا والتقدم فتنقلب ضدهم وتتسبب في فناء الحضارة دي كلها على بكرة أبيها زي ما مثلًا عندنا العلماء خايفين من اختراع الروبوتات ذات الذكاء الصناعي لتنقلب على البشر وتقتلهم أو تستعبدهم زي مابتشوف في الأفلام.. يعني دلوقت بالإضافة لأنه انت لازم تتواصل مع كائنات عندها تكنولوجيا مناسبة، فلازم كمان تتواصل معاهم في زمن معين وهيكون ضيق جدًا وهو الوقت مابين وصولهم للتكنولوجيا المناسبة وبين إنقلابها عليهم وفنائهم.. بس طول مانت بتسافر بسرعة الضوء، فانت ماتقدرش تتغلب على عامل الزمن، هتحتاج ثقوب تنقلك عبر الفضاء نفسه ودا مش موضوعنا هنا..

سيبك بقى من كل دا، وركز معايا في إللي جاي..

دلوقت حتى لو تواصلنا معاهم وجم الأرض بسفنهم الفضائية يزورونا، وليكن نزلوا لأكتر دولة متقدمة في الفضاء وهي أمريكا.. الماكسمام بتاع قدرة أمريكا هو بعث مكوكات فضائية ببشر لمدار الأرض وشوف بياخد منهم كام سنة :"| والمفروض الفضائيين جايين من أعماق أعماق الكون..
لو هما إللي وصلولنا، يبقى احنا خلاص إتفقنا إن هما أذكى مننا، وفي الحالة دي في أكتر من إحتمالية للي هيحصل:

- إنهم لما قارنوا ذكائهم وتقدمهم بذكاء الأرضيين وتقدمهم، وجدوه قليل جدًا وبسيط لدرجة إننا مانستحقش إهتمامهم زي إنك تكون ماشي في الشارع وشوفت دوده ولا طائر ولا حيوان ما ماشي جمبك عالأرض، إنت شايف وعارف إنه معندوش الذكاء الكافي للتواصل معاك ولا هيعرف، فمش مهتم أكيد تروح تكلم العصفورة في الشارع ولا تحاول تعرف هي بتفكر في إيه، فهما كمان هيعاملونا زي مابنعامل الدودة دي ومش هيهتموا.

- إنهم يكونوا أذكياء كفاية لدرجة إنه إحنا مش مدركين وجودهم أصلًا..
لو عايز تدرك قد إيه إحنا كبشر لسه في بداية ذكائنا، تعالى لأقرب كائن لينا من حيث الذكاء، اللي هو قبلنا على طول في سلم الذكاء وهو الشامبنزي..
الإختلاف الجيني بين البشر وبين الشمبانزي، هو 2% فقط.. مُدرك إنه حمض النووي للبشر مختلف عن الحمض النووي ليهم بـ2% بس وهما اخرهم يرتبوا شوية صناديق على بعض ويسمع كلام لما ينادي، وانت بتعرف تتكلم وتفكر وعملت حضارة وفنون وشعر وأدب.. متخيل إنت فرق 2% بس في الحمض النووي، عمل طفرة كبيرة في الذكاء لدرجة إيه! كائن أخره يسقف ويضحك وكائن عمل تليسكوب هابل لإستكشاف الفضاء.

تخيل بقى إنه بالنسبة للمعاير الكونية اللي الفضائيين دول يعرفوها، نسبة الذكاء بتاعنا دي قليلة جدًا.. يعني 2% دي نسبة صغيرة جدًا، وفرقت بين البشر وبين الشمبانزي، أما بالنسبة لباقي الحضارات في الكون، فالذكاء بتاعنا دا فعلًا قليل وبسيط كنسبة 2% بس..
إللي انت شايفة كبير فشخ وفرحان انه 2% فاصل بينك وبين تفكير الشمبانزي، فهو بالنسبة ليهم بسيط جدًا جدًا جدًا لدرجة إنه انت بالنسبالهم زي الشمبانزي بالظبط، فتخيل مقدار ذكائهم هما قد إيه!..

---
**حاول تعيد قراءه الفقرة دي تاني واستوعب**
تعالى أوصلهالك بشكل أبسط..
تخيل طفل في اولى حضانة وواحد تاني في تانية حضانة.. اللي في تانية حضانة عشان اكبر من التاني بسنة، ففرحان وشايف نفسه أذكى حد في الدنيا عشان فرق السنة دا.. قارن بقى الإتنين دول بدكتور متخصص في كل العلوم وعنده 1000 سنة مثلًا :"|.. السنة إللي هو شايف إنها خلته اذكى من بتاع أولى، بالنسبة للدكتور هي ولا حاجة والاتنين في نفس المكانة، قليليين جدا جدا جدا جدا لدرجة إنهم مش مدركين ذكاء الدكتور نفسه.
---

تخيل بقى لو الفضائيين اللي جايين دول، مختلفين عننا بردو بنسبة 2% بس..
إذا كان 2% ليك عن الشمبانزي، خلاك تطلع القمر وتسافر لاخر كوكب في المجموعة الشمسية، فحط ذكائك دا كنقطة الصفر وشوف الـ2% اللي اختلفهم الفضائين دول بقى، هتخلي مقدار ذكائهم وتفوقهم كبير لدرجة إيه!

الفضائيين دول هيكونوا متقدمين لدرجة إنهم هيجيبوا اكتر واحد ذكي في البشر في فيزياء الفضاء والفلك مثلًا وليكن دكتور Stephen Hawking إللي بيقدر يعمل حسابات فلكية ومعدلات فيزيائية في دماغه :"|، وهيطلع أصغر طفل طبيعي ومستوى ذكائه عادي في عالمهم، بيعرف يعمل ويحسب معادلات وحسابات أعقد بمئات المرات منه في دماغه.. أما بالنسبالهم، فهما شايفين انه نسبة الإختلاف بين دكتور ستيفن وبيني انا وانت، هو تقريبًا زيرو من كتر ماهو ذكائنا قليل بالنسبة ليهم..
تخيل أذكى شخص على كوكبنا، مستوى تفكيره وقدراته العقلية أقل من طفل عادي عندهم، مش خارق حتى :"|

خد بالك إنه دا في حالة هما كان الاختلاف بينا وبينهم 2% فقط.. طب لو أكبر! طب لو حمض نووي غيرنا خالص بصفات تانية خالص!..

دكتور نيل صعق كل الموجودين لما قالهم إنه هيكون عندهم القدرة على إستعباد الجنس البشري بأكمله والأرض بمواردها وإحنا حتى مش هنبقى عارفين بدا.. متخيل ذكائهم!
قد يكون دا حصل بالفعل وهما مستعبدنا بشكل ما واحنا أغبى من مجرد إدراكنا لدا! وأنا وانت عايشين حياتنا عادي وكأننا بنمارس حرية اختيارنا اللي ضمنهالك كونك بشري، في حين إنك بالنسبالهم لست إلا خلية نحل هو مربيها في خلفية بيته أو حوض سمك على التربيزة بره ماتعرفش اي حاجة نهائي عن اللي حواليك.. مجرد شيء تافه غير جدير حتى بإنه يهتم بتفاصيلك زي مابتعمل في حوض السمك ولا الدودة المرمية عالأرض وماشيه بتدور على أكل.

مُتخيل!.. متخيل حتى أقل فجوة بينا وبينهم عظيمة لدرجة إيه!

-----------------------------------------
------------------------------------

الاسكتلاندي Gary McKinnon شخص بسيط عنده نوع من أنواع التوحد خلته صاحب أكبر عملية قرصنة حاسوبية في التاريخ (هاكر).. جاري في 2002 نفذ أكبر عملية تهكير على حواسيب الجيش الأمريكي في تاريخها كُله ماحصلتش ولا هتحصل تاني.

جاري في خلال 13 شهر ومن منزل خالته في لندن، قدر يخترق أكتر من 65.000 جهاز كمبيوتر فائق السرية تابع للجيش االأمريكي ووكالة الفضاء الامريكية ناسا..

في ظرف 24 ساعة بس، كان عطل أكتر 2000 جهاز تابعين للجيش الأمريكي وعليها أكبر بيانات فائقة السرية.. وصل بيه الفُجر إنه دخل على اكتر برمجه سرية في العالم وهي قواعد إطلاق الاسلحة النووية الامريكية وعطلهم رموز الإطلاق، وبعدها دخل على حواسيب البحرية الامريكية وعطل كل حواسيب إطلاق الاسطول الأطلنطي بالكامل.

جاري نسخ وسرق معلومات سرية من الجيش الأمريكي ووكالة ناسا، عُمر ماعرفها بشري خارج نظام الحكم.. الحكومة الامريكية دفعت اكتر من 700.000 دولار عشان تقدر تتعقبه بس وتعرف مين اللي عمل كده من كتر خوفهم على المعلومات اللي خدها..

أمريكا حتى وقتنا الحالي طالبة القبض عليه وعليه احكام بأكثر من 70 سنة، لكن مفيش معاهدة تسليم مع بريطانيا، وبريطانيا اكتر من مرة رفضت تسلمه لأمريكا..

سيبك من دا كله بقى، اللي جاي أقولهولك، إنه جاري بيُقسم إنه شاف مئات الملفات السرية في أجهزة ناسا والجيش الأمريكي عن حدوث تواصل بين ناسا وبين نوع أخر من الحياة خارج الكوكب، وفي مشاهدات حقيقية هنا عالارض وتواصل ومركبات موجودة، وشاف كمان محاولات التستر عليها من الجيش الامريكي.
جاري بعد اللي حصل دا، حول ديانته من المسيحية، للسينتولوجي (العِلمولوجيا)

---------------------------------------
----------------------------------------

النُقطة الدقيقة جدًا إللي بتكون أي كلمة من اللي مكتوبين قدامك على الشاشة دول، بتشغل بُعد واحد بس لأنه ملهاش طول ولا ارتفاع بارز، على عكس لو رسمت مثلًا مستطيل ولا اي شكل على ورقة عالأرض، ليه عرض وطول، بس ملوش ارتفاع بارز وعشان كده اسمه ثُنائي الأبعاد.. أما مثلًا الكرسي اللي انت قاعد عليه ولا حتى التليفون اللي في ايدك او انت نفسك، لينا طول وعرض وارتفاع عن الأرض وعشان كده احنا ثلاثين الأبعاد، بمعنى بنشغل مساحة في الأبعاد الثلاثة.. في بُعد رابع وخامس، بس لأننا ماشوفناش حاجة لسه في حياتنا كلها في البُعد دا، عقلك نفسه وخيالك مايقدروش يتخيلوا شكلهم لأنك ماشوفتش او ماتعرفش اي حاجة اعلى من ثُلاثية الأبعاد.

دلوقت اتفقنا انه انت مُمكن تُدرك كويس جدًا أي شيء في الأبعاد الأقل منك، لكن صعب جدًا انك تُدرك اللي في أبعاد أكبر منك، هتشوفها مش مفهومة او هتشوف منها الجزء اللي في البُعد بتاعك بس، بمعنى..
تعالوا نتخيل نفسنا كمُستطيل مرسوم على ورقة فاضية وجبنا على نفس الورقة نُقطة مرسومة.. انت كمستطيل ليك طول وعرض، بس بدون ارتفاع، فلما تحاول تبُص عالنقطة اللي جمبك، هتشوفها عبارة عن نُقطة فعلًا زي ما هي بدون طول او عرض.. مجرد نقطة، لكن لما هي تبُص عليك بقى كمستطيل، هتشوفك خط واحد بس.. هتشوف منك بُعد واحد بس وهو اللي نحيتها وتقدر تدركه بالرغم من انه ليك عرض كمان، لكن هي مش مستوعبة اصلًا انه في حاجة اسمها عرض، فماتعرفش تشوفه او تفهمه، حتى لو انتقلت في مكانها من جمبك، لفوقك على نفس مستوى الورقة، هتشوف عرضك بس وإللي هو بالنسبالها خط بردو بالرغم من انه ليك طول.

تعالى انت بقى كشخص ثُلاثي الابعاد، اقف جمب الأتنين. بالطبع ليك ارتفاع بارز عن سطح الورقة، فشايف النقطة اللي في بُعد واحد وشايف المُستطيل بأبعاده الأتنين عادي.. طب النُقطة شايفة ايه!.. شايفة مجرد المستوى منك اللي مُلامس الورقة. وكأنك خدت اول شريحة من جسمك مُلامسه للورقة بمعنى انها شايفة المللي من جلدك او الجذمة اللي انت لابسها في رجلك عالورقة، وشايفاها مجرد خط بالطول بردو بس ومش عارفه تُدرك ارتفاعك اصلًا.. شيفاك بُعد واحد بس زيها، كذلك الأمر بالنسبة للمُستطيل لما يشوفك بردو ومش هيدرك ارتفاعك نفسه عن مستوى الورقة.

كده أنا حاولت افهمك انت ازاي شايف المستويين الاقل منك عادي، وهما كمستويات اقل منك، مابيقدروش يشوفوك كلك، مجرد بيشوفوا جزء منك اللي واقع في المستوى بتاعهم بس.. كذلك انت لو في كائنات حوالينا من مستوى رابع، فانت مش هتعرف تشوف منهم غير جزء واحد بس وهو اللي واقع في البُعد الثالث بتاعنا وماتحاولش تتخيل الرابع عشان انت ماشوفتش ومععندكش فكرة عن شكله فمش هتقدر تتخيله..
كنا درسنا في الهندسة في اعدادي، انه ممكن تعمل اسقاط لأي جسم ثُلاثي على سطح مستوي، فيديك شكل ثُنائي البُعد من طول وعرض بدون ارتفاع.. زي احنا مثلًا كبشر، لما تسقط صورتنا عالأرض، بيديك الظل اللي بتشوفه في الشمس دا.. حاجة ليها طول وعرض بس.

اهو العُلماء بقى عندهم فكرة كده من سيناريوهات وجودنا، وهو اننا اسقاط لكائنات موجودة في البُعد الرابع.. بمعنى انه عارف الظل اللي هو اسقاط لجسمك الثُلاثي في البعد الثاني؟! اهو انا وانت بقى، اسقاط لكائنات في بُعد رابع، على بعدنا الثالث.. احنا ظل ثلاثي، لكائنات في مستوى رابع.
وزي مالضل بيمشي وراك عالأرض في كل حته ويتحرك زيك بالظبط ولما تفتح بؤك بيفتحه عالأرض، بس لأنه ثنائي البُعد فملوش ارتفاع، بعض العلماء معتقدين انه في كائنات بردو ربعاية الأبعاد في الكون بتاعنا وحوالينا بتتعامل وتتكلم وتتحرك وتعمل كل حاجة، واحنا الضل بتاعها اللي بيقلدها دا، بس شكل البُعد الرابع وما بعده مجهول بالنسبالنا لدرجة اننا مش عارفين مدى تعقيده أصلًا، وهل الأفكار اللي في دماغنا دي حقيقية، ولا مجرد الكائن الرباعي الابعاد اللي انا الضل بتاعه، بيفكر فيها فأنا غصب عني مجبر افكر فيها!!.. يا ترى زي مانا بقوم الصبح اطلع اجري 50 كم وضلي مُجبر يجريهم معايا كُلهم، أنا بردو بعمل الحاجات اللي بعملها يوميًا دي بدون إدراك مني لأنه الكائن الرباعي بتاعي بيعملها وانا بتبعه وبقلده بالظبط زي ضلي في الثُنائي!

يعني كُل حاجة.. كُل حاجة من حركة وتفكير وكلام وأفكار بتصدر مني ومنك، ماهي اللا مُجرد ضل او تقليد او تتبع للي بيعمله الكائنات رباعية الابعاد اللي احنا ظلال ليها!.. طب يا ترى شكلها عامل إزاي! طب لما بنموت، دا معناه انه هو بردو مات ولا ايه!
عارف الموضوع هيطلع مؤلم جدًا جدًا لينا، زي اكنك جبت روبوت شبه البشر بالظبط جدًا وعيشته من طفولته وسط عيله بشرية عادية، ولما كبر، واجهته بالحقيقة انه مجرد انسان آلي ومش بشر ولا عنده شخصية وكُل حاجة تخصه وبيعملها كان احنا البشر اللي بنتحكم فيها.. متخيل الصدمة اللي هيكون فيها!.. متخيل صدمتنا احنا كبشر لو عرفنا في النهاية ان احنا مجرد ظلال وملناش وجود!!!

متهيألي دي أكتر نظرية ممكن تسحلك في التفكير!.. يا ترى الكائن اللي انا ضله، بيُخبر او بيتكلم عن نفس الموضوع دا بردو عنده، فانا كنت مجبر لا اردايًا اني اكتب دا بردو هنا!.. هو بيفكر في دا دلوقت!.. هل هو بردو ظلال لكائن خماسي الابعاد!!
----
**ملحوظة: أنا مش بكلمك على البعد الرابع اللي هو الزمن.. انا بكلمك بقى عاللي عايشين في البعد الرابع.. يعني ايه واحد عنده طول وعرض وارتفاع وزمن كبُعد متغير!.. غير انه موضوع الظل مجرد مثال، الكلمة الصحيحة هي اسقاط بس للأسف مش هتفهم معناها غير لو كنت دارس رياضة او هندسة.

#MTM_Spread_Science
انا مهتم في هذي الامور لذلك عجبني موضوعك
 
انا مهتم في هذي الامور لذلك عجبني موضوعك
بالحقيقة هوا ليس موضوعي
لكن برضو اثار دهشتي وخاصة ع كذا موضوع ايضا.
عشان كدا قولت مبدهاش بقا وانشرها فالمنتدي هنا
بس الواضح انه مش عاجب حد ?
 
من لم يصدق الموضوع او لديه شكوك حول هذا الامر فل يقرأ موضوع المهندس الجيولوجي فيليب شنايدر وكيف مات ولماذا وليقرأ ايضا عن انفاق دولسي ?

ARX160 ARX160
 
سؤال حيرني دائما
لمادا هؤلاء الفضائيين المزعوميين وصحونهم الطائرة يظهرون فقط في امريكا او استراليا لمادا لا نشاهدهم في البلدان الاخري
 
سؤال حيرني دائما
لمادا هؤلاء الفضائيين المزعوميين وصحونهم الطائرة يظهرون فقط في امريكا او استراليا لمادا لا نشاهدهم في البلدان الاخري
شوهد في مصر وروسيا ايضا
في مصر ارتبطت دائما سيرته بالحضارات القديمة وخاصة الفراعنة
اقرب حضارة موجودة حتي الان للمخلوقات الفضائية
 
بأختصار لان الموضوع مصدره صفحة في الفيس بوك
 


Ozone Ozone

ليسو فضائيين يسمون سكان جوف الارض او الرماديين ?
 
من لم يصدق الموضوع او لديه شكوك حول هذا الامر فل يقرأ موضوع المهندس الجيولوجي فيليب شنايدر وكيف مات ولماذا وليقرأ ايضا عن انفاق دولسي ?

ARX160 ARX160
انتظر لحد الساعة ٦ كدا مثلا
فيه موضوع اشد وافتك من هذا ولكنه حدث مع شخصيات أمريكية في كندا والقصو مشهورة جدا
عموما الموضوع موجود وبالمصادر لكن ينقص فقط الموافقة علي النقل للمنتدي
 
انتظر لحد الساعة ٦ كدا مثلا
فيه موضوع اشد وافتك من هذا ولكنه حدث مع شخصيات أمريكية في كندا والقصو مشهورة جدا
عموما الموضوع موجود وبالمصادر لكن ينقص فقط الموافقة علي النقل للمنتدي
شوف انا ببساطة كنت اقول انها خرافة وانها لا شيء ومحض خيال ولكن بعد البحث وقراءة قصص كثيرة واحداث فعلية وحادثة روزويل وماحدث بعدها غيرت رايي وايضا ماحدث مع فيليب شنايدر يجعلك تصدق لا محالة والكلام الذي ذكره اقرب للواقع
 
شوف انا ببساطة كنت اقول انها خرافة وانها لا شيء ومحض خيال ولكن بعد البحث وقراءة قصص كثيرة واحداث فعلية وحادثة روزويل وماحدث بعدها غيرت رايي وايضا ماحدث مع فيليب شنايدر يجعلك تصدق لا محالة والكلام الذي ذكره اقرب للواقع
كان فيه كتاب بيتكلم عن الظواهر الخفية وهلافه كان كبير وصفحاته كثيرة
لحد ما والدتي اكتشفت الموضوع وحرقت الكتاب اعتقادا منها انه سبب مشاكل كثيرة ومضيعة للوقت وخلافه
الكتاب كان لانيس منصور
واسمه اشباح وارواح
فالاول مكنتش مصدقه
لكن بحثت عن كذا قصة علي الانترنت ووقتها عرفت ان الحاجات دي حقيقية
والي زاد تأكيدي
اني قابلت احد هذه الشخصيات انا صغير بعمر ال٨ سنوات
لذالك من نظري هيا حقيقة ١٠٠%
 
كان فيه كتاب بيتكلم عن الظواهر الخفية وهلافه كان كبير وصفحاته كثيرة
لحد ما والدتي اكتشفت الموضوع وحرقت الكتاب اعتقادا منها انه سبب مشاكل كثيرة ومضيعة للوقت وخلافه
الكتاب كان لانيس منصور
واسمه اشباح وارواح
فالاول مكنتش مصدقه
لكن بحثت عن كذا قصة علي الانترنت ووقتها عرفت ان الحاجات دي حقيقية
والي زاد تأكيدي
اني قابلت احد هذه الشخصيات انا صغير بعمر ال٨ سنوات
لذالك من نظري هيا حقيقة ١٠٠%
انا اتفق معك ولكن يكون التأكد 100% لدي حينما اراهم بالعين ولكن انا مؤمن بوجودهم لا شك والله يحفظ لك والدتك
 
اولا اشكرك على نقل الموضوع هذا كلام منطقي وجميل وبالمصادر

بالنسبة لي انا لا احب الغوص بالتكنيكالتيز لموضوع الفضائيين انا اؤمن بالجانب الديني والعلمي والمنطقي الديني مثلا
قوله تعالى اعوذ بالله من الشيطان الرجيم ( ويخلق ما لا تعلمون ) والجانب العلمي الي يصور على ان الكون واحد فنحن لدينا باجسمانا فسفور ونيتروجين وغيره مثل مكونات الكون والارض ( سبحان الله ) وكيف ان الكون في كل مكان متشابه فنستطيع ان نطبق المعايير الي عندنا على مناطق اخرى بالكون والجانب المنطقي ايضا فمنطقيا كون شاسع مثل هذا وترليونات الكواكب معقولة ليس هناك خلق اخر !؟؟؟

الله اعلم ان قدر الله عز وجل للانسان ان يكتشف ذلك او لا
 
ربما تخلفنا التقني و تطور التقنية لديهم

يجعلهم لايهتمون بنا

( ويخلق الله ما لا تعلمون )

( وما أوتيتم من العلم إلا قليلا )

هذي الأيات نزلت على أمة محمد سكان الارض

وفيها الله سبحانه يخلق اشياء لا نعلم عنها

وفي الاية الثانية

الله يخبرنا اننا لن نحصل الا على علم قليل

مع التطور الحالي و الهائل الان الا انه ( قليل )

فماهوا العلم الكثير ؟

قارن وتعرف

الكون يحتوي على مئات المجرات وكل مجرة تملك مليارات الكواكب

هل تعتقد أن جميها خالية ؟

ربما هناك مخلوقات اخرى تستطيع السفر من مجرة إلى مجرة في ربع ثانية وعلى تطور تقنياتنا الا انها لاتستطيع رصد هذي المخلوقات وهي تسير بسرعة تفوق سرعة الضوء 100 مرة



الكون الفسيح مدرسة و تقنياتنا قديمة
 
عودة
أعلى