اكتشاف اكبر حقل غاز في العالم في مصر ( حقل نور)

[الجنرال الذهبى]

لما بيبقى خير بلدك مش بيجيلك وبيروح لناس معينه لازم لما تشوف خبر زى ده متفرحش

 

[Game Theory]

والله انا مش عارف اعبر عن شعوري وسعادتى ... الف مليون مبروك عليكي يامصر

 

[Game Theory]

المهم مين هيستحوذ علي حصص منه روسنفت ولا قطر ولا دبى ... طمنى علشان انبسط اكتر

 

[MEGY]

كلامك غلط
الكلام كان عن إصلاح إقتصادى
رفع الدعم و توصيله إلى مستحقيه
كمان ما تنساش إنه قال أزمة الدولار هتتحل لما وصل لسبعه جنيه

و كان المقرر رفع الدعم عن المحروقات و الطاقه من 2014 إلى 2019

تعال نشوف إيه اللى حصل
بعد تعويم الجنيه طبعآ الأسعار تضاعفت
حتى لو الحكومه رفعت الدعم لغاية 2019 يكون كأنها ما عملتش حاجه
فلذلك تم مد الفتره إلى 2022 و السبب تعويم الجنيه و فقد قيمته
لأن البشاوات كانو بيطبعو عمله لتغطية مصاريف المشاريع القوميه و ده على لسان محافظ البنك المركزى مع عمرو أديب
و اى طالب تجاره عارف إن قيمة العمله هتقل لو طبعت أكتر من إحتياطى الدهب و العملات الصعبه المدعومه بالدهب

كمان ما تنساش إن بعد التعويم
الغنى إزداد غنى
لأنه عنده بدل العربيه اتنين و تلاته غير العقارات و الأراضى و حسابات البنوك بالدولار و اليورو و ده كله حصل له تضاعف فى القيمه

اللى شال الليله كلها
معدوم الدخل و محدود الدخل اللى ماشى شهر بشهر
حتى لو كان معاه 100 ألف جنيه فى شهاده بنكيه أو حساب قيمتهم قلت
حتى من استثمر فى شهادات قناة السويس
غير كده الدعم بيترفع من عليه و الأسعار بتزيد

فى 2018 حاليآ بعض أسعار المحروقات إرتفعت إلى 600%
و لسه يعنى على 2022 ممكن النسبه توصل 1000%
السؤال هل البيه قال كده ؟
علشان تيجى تقول ما هو قايل و محدد الميعاد

اللى أعرفوه قبل الاصلاح و تحميل الفقراء أصلآ ضريبة هذا الاصلاح
إنك تقضى على الفساد فى الشركات الحكوميه من موظفين ما لهموشى لازمه غير المستشارين و ترشيد الانفاق
لكن ما حدث إن الفساد أكثر من ذى قبل
و هيئات حكوميه زادت ميزانيتها بسبب زيادة الأجور بمراحل
كالجيش و الشرطه و القضاء و الهيئات الدبلوماسيه و أعضاء المجالس النيابيه و خلافه

إصلاح يكون على الكل يا باشا
مش كل واحد يمسك البلد يهتم بأهله و عشيرته و يدوس ع الغلابه

تعويم الجنية كان ليه اسبابه
علشان الضغط علي العمله الاجنبية الي كان حاصل في هذا الوقت
وقلتها نتيجة النفسنة السياسية وقتها ومحاولة الضغط علي العمله الاجنبية واحراج نظام الحكم
في عدم قدرته علي السيطرة علي البلاد ومنها الاقتصاد والاحتيطادي وكلنا شوفنا الفيديوهات التي تحث المصريين
في الخارج عدم تحويل العمله للداخل وانهم حيشتروها منهم باسعار اعلي .
وجود سوق سوداء للعملة وبالتالي وجود سعرين للعمله الاجنبية في البلاد وبتالي الناس بتلجأ للسعر الاعلي علشان تبيع .
شغل المضاربات علي الدولار الي كان كل يوم في الطالع والناس بتحب المكسب السهل .
الاستيراد الجنوني ده كل حاجة بنستوردها بدل من عمل صناعة محليه وندعمها علشان انها ارخص .
كل ده اثر علي الاحتياطي النقدي !! وبالتالي كان الحل انه يتم تعويم الجنية وده اسرع حل
علي فكره ايضا تعويم الجنية ليه مخاطر كبير في الارتفاع السريع ومنا عدم الاستقرار
استقرار الجنية عند هذا الحد مؤشر كويس وانت بشطرتك تقدر تقوي عملتك مرة اخري وتوصل بها 13 او9 جنية
حتقولي كان هناك حلول اخري .
اقولك السوق المصري غير منظم ولا توجد قواعد بيانات صحيحة او دقيقه ولن تستطيع السيطرة علي السوق المصري
طيب حتقولي كنا عملنا تخفيض جزئي حقولك الناس كانت حتشتغل علي الضغط علي العملة والي من اسبابها ذكرنها فوق
ده مش بعيد كان وصل فوق20 جنية وبرضوا حيكون في سوق سوداء ولن تستطيع السيطرة عليه !!
بالنسبة للسيسي او غيره مش حيكون فرحان او مبسوط انه يعوم العملة وهو عارف الاعباء التي حتنتج علي هذا الموضوع
هناك المغرب قام بتعويم جزئي للعملة علي الرغم من استقراره
وهناك ايضا ايران التي وصلت عملتها 80 او 70 الف مقابل واحد دولار والي عندها سوق سوداء
وهناك الاردن الي مثبت العملة ولو قام بتعويمة هناك كارثة سوف تحدث
بالنسبة للسيسي هو قالها في احد البرامج قبل الانتخابات انه حيشيل الدعم يعني ليس وليد الحظة او مفاجئه
تخيل لو انه سعر الصرف قبل التعويم كان كما في وقتنا الحالي 8 جنية ؟

اعتقد انه ما كان وصل سعر المحروقات والكهرباء والمياه الي هذه الارقام اعتقد نصف الثمن الحالي يعني2.75 للسولار

مش بقولك شغل نفسنة ومكايدة سياسيه
علشان في الاخير يقولك ما نحن قلنا لكم كذا وكذا وفي الاخير ما صدقتونا
بالنسبة للفساد فحدث ولا حرج نحن كل شغلنا بقي فساد سواء من المواطن او الحكومة
والكل منا يلوم الاخر الي ان وصل حالنا كدة
انا عن نفسي اتمني وجود (بنك للطاقة) في مصر ويدعمني ببناء محطة فوق السطح علشان ام الكهرباء
تحياتي لك .....

 

[palastine_falcon]

غصة في القلب تحدث عندما ارى كل هذه الخيرات وأعلم انها لن تصل لاهلنا في مصر بسبب الفاسدين

 

[Muslim For Life]

والله انا مش عارف اعبر عن شعوري وسعادتى ... الف مليون مبروك عليكي يامصر

مش عارف ليه بتفكرني بمارشال

 

[ahmed2015]

كلامك غلط

لا حضرتك بق الى مكنتش متابع .. انا فاكر فى فترة ما قبل ترشح السيسى للانتخابات جميع الاقتصادين لما كانوا بيطلعوا على السوشيال ميديا بيقولو بالنص لازم رئيس ليه شعبيه يقوم بقرارات قاسية ويتحملها الشعب والسيسى نفسو قال الكلام ده قبل الترشح ان فى اصلاح اقتصادى قاسى ولا سبيل غيره

 

[صقور مصر]

الغضب له مبرر و الزيادة ليها مبرر.

الزيادة كان مفروض خطوه خطوه مش كله مره واحده علي شعب متوسط المرتبات 1500 جنيه, سواقين الميكروباصات حرامية و مفيش رقابة من المرور عليهم و قبلها زيادة المترو و زيادة الكهربا و الميه الخ... ده كويس ان اشعب منفجرش.

في حين الطبقة العليا شبه متأثرتش.. كل التأثير كان علي الطبقة المتوسطة و الفقيرة و تقريبا الطبقة المتوسطة بقت فقيرة برضو .. لا و يجي يبعتلك نواب مجلس الشعب لروسيا عشان يشجعو المنتخب و المهازل اللي بتحصل . ده يرضي مين؟

الجيش نسف ام البلد من ساسها لراسها من 1952 و لسه فيه ناس بتطبل... انا مرتاح او شبه ميهمنيش الزيادة في السعر و سبق و نوهنا و قولنا ***** ده كله هيطبق فوق راسنا, طلع اللي يقول ده اخواااااااان بلغو عنه و اطردوه من المنتدي و مرسي مش راجع و مرسي مش عارف ايه .. ده يدل علي ثقافة شعب الجهل بقي هو منهجه في الحياه و لسه الاخ اللي مقتبس ردي بيقول اه شكي زاد فيك إخوان يا وييييييييحش.

و يجو يزعلو لما نقول احسن فيكو زيادة الاسعار ... معلش لو هما متسامحين مع نفسهم مكنش ده هيحصل.

والله كلامك ميختلفش عليه اتنين وانا واحد من الناس اللي كنت برفض قرض صندوق النقد لكن لا حياة لمن تنادي والشعب خلاص مش عارف يتنفس

 

[صقور مصر]

اى تاثير فى مستوى حياة اى مواطن من اى دولة فى العالم ستؤدى الى حالة غضب ودا طبيعى

مدى التاثر بقى ورد الفعل بيتحدد ويختلف طبقا لعوامل كتير اوى

المشكلة ان اللى معترض ودا طبعا كل من تأثر حتى اللى بيدافع عن اقتناع مثلا رغم ان ناس كتير مستكترة على اى حد يكون مقتنع انه ماشى صح

الا ان الغريب فعلا ان كل الناس مضايقة من حاجة الراجل قايل انه حيعملها من اول يوم لا ولسة وبياكد انه حيكمل للاخر

الموضوع لا هو مفاجاة ولا جه غفلة زى ما الناس بتقول انه انعمل على غفلة وفى العيد وبتاع . دا مصر كلها عارفة ان البنزين حيزيد من شهر 2 ..

ودا اللى بياكد ان رد الفعل حيكون على السوشيال ميديا وبس

اللى ملاحظه بقى ان الاخوان بغبائهم اى قرار بيحصل ضد الناس بيخشوا يشمتوا بطريقة مستفزة تخلى اى يشتمهم حتى لو كانوا بيقولوا كلام صح وبيعرضوا نفسهم البديل المثالى رغم فشلهم وبيسودوا المستقبل فى عين الناس لما يعرفوا انهم البديل

المصريين دائما بيتحطوا فى خيارين احلاهما زفت

انا شخصيا زهقت ودماغى جاله شلل

اقسم بالله جبت الخلاصه المصريين دايما يتحطه في خيارين احلاهما مر
انا عن نفسي زهجت من العسكر ومن الاخوان ياريت دم جديد فئة جديدة تفرض نفسها واتمني يكون رجل اقتصاد وعلوم سياسية

 

[صقور مصر]

بص انت بتتككلم فى تفاصيل رؤية رئيس وانا بتكلم فى الرؤية عامة
الراجل من اول يوم شايف اننا شعب مدلع
كونه بقى انه لعبها سياسة ودخل بالحنية وشعب لم يجد من يحنوا عليه انا ليه اللى بيحصل على الارض
من ساعة ما قال اننا شعب رغاى وعايز يعمل ضريبه على اللى بيتصل واللى بيستقبل وانه لازم نضحى بجيل او جيلين والرؤية بانت

الراجل شايف ان السادات حاول يعمل اصلاحات قبل كدة بطريقة بسيطة وزود قرشين الناس قلبت الدنيا

استخدم طريقة الصدمة واستغلال الظروف كما يجب

فى ظل دولة ينخرها الفساد وترهل حكومى يبقى طلب مقاومة الفساد والدولة العميقة فى ظل اصلاح اقتصادى مطلب صعب والا مكانش قال ليه هو اتكل على الجيش فى كل حاجة لانه مش لاقى جاهز حكومى يسعفه

اصلاحات رفع الاسعار والضرايب دى موجودة ومعروضة فى برنامج الصندوق من ايام الاخوان ومواعيدها مقررة ومعروفة من ايام المفاوضات مش التوقيع كمان

ومفيش تاريخ 2022 دا اخر رفع الدعم بشكل كام عن كل السلع هو 2019

بالنسبة لتعويم الجنيه دا كان اجراء طبيعى وضرورى والقيمة الحالية هى القيمة الفعلية لاقتصادك

من الاخر الراجل ماشى فى خطته وحيكمل فيها طبقا لكلامه الناس هتتهرس فى النص وهو عارف وكلنا عارفين ومفيش عنده بديل اصله لو زود مرتبات طبقا لزيادة الاسعار يبقى معملش حاجة

هو معجب بتجربة دول جنوب شرق اسيا زى الصين وفكر المناطق الاقتصادية الدافعة للاقتصاد بتتلخص ان انت حتعمل مناطق ومدن اقتصادية تدعم وترفع الاقتصاد ولما دا يبقى يحصل يبقى يصرف على تنمية المدن والمعدمة

السؤال هو لحد ما المدن تقام وتنموا وتكسب الباقى حيحصلوا ايه ... السؤال دا اجابتة فى فترة حكم ما تسى تونج وما وخلفه فى الصين

تحياتى

طيب انت رايك ايه بكل صراحة بصرف النظر عن معاناة الشعب هل سيثمر الاصلاح الاقتصادي وهل سيكتفي الرئيس بالفترة الثانية ام اننا سنري فترة ثالثة

 

[صقور مصر]

المهم مين هيستحوذ علي حصص منه روسنفت ولا قطر ولا دبى ... طمنى علشان انبسط اكتر

حاليا ايني الايطالية والله اعلم بعدين ممكن تبيع حصص زي معملت في حقل ظهر

 

[أركــــــان حــــــــــرب]

طيب انت رايك ايه بكل صراحة بصرف النظر عن معاناة الشعب هل سيثمر الاصلاح الاقتصادي وهل سيكتفي الرئيس بالفترة الثانية ام اننا سنري فترة ثالثة

بالنسبة للاصلاح حيثمر ولا لا ... الله اعلم





اما بقى بالنسبة للرئيس حيستكفى ولا لا ..... فالله اعلم

انت تفتكر حتفرق والنبى ما تفرق

سيبها على الله
والمكتوب مكتوب ممنوش هروب يا حرفوش

 

[Game Theory]

بالنسبة للاصلاح حيثمر ولا لا ... الله اعلم





اما بقى بالنسبة للرئيس حيستكفى ولا لا ..... فالله اعلم

انت تفتكر حتفرق والنبى ما تفرق

سيبها على الله
والمكتوب مكتوب ممنوش هروب يا حرفوش

لسه فيه صبة كمان ...

 

[lacom]

ترليون مبروك ما تكفي

 

[صقور مصر]

بالنسبة للاصلاح حيثمر ولا لا ... الله اعلم





اما بقى بالنسبة للرئيس حيستكفى ولا لا ..... فالله اعلم

انت تفتكر حتفرق والنبى ما تفرق

سيبها على الله
والمكتوب مكتوب ممنوش هروب يا حرفوش

ههههههههههههههههههه وانا اللي فكرت عندك رؤية
سا الخير يا اهل #مصر

 

[SR-71 Blackbird]

مصر تنهض

 

[فادي الشام]

أعلنت وزارة البترول المصرية اكتشاف حقل جديد في البحر المتوسط قرب حقل "ظهر"
أطلق عليه "نور" في منطقة شروق التابعة لامتياز شركة "إيني" الإيطالية

وبهذا الاكتشاف تستطيع مصر تصدير الغاز لدول أوروبا خلال فترة زمنية قريبة
بالإضافة إلى أنه سيجعل مصر تتصدر دول العالم في إنتاج واحتياطات الغاز الطبيعي

​

 

[صنديد 91]

والله مبروك لاخواننا المصاروه يستاهلون كل خير ي رب تكون سنه حلوه على مصر والمصريين

صحيح احيانا اتجادل مع المصريين واعترف بذالك لكن اعتبرني اتجادل مع اخوي الشقيق

 

[الله المستعان]

والله مبروك لاخواننا المصاروه يستاهلون كل خير ي رب تكون سنه حلوه على مصر والمصريين

صحيح احيانا اتجادل مع المصريين واعترف بذالك لكن اعتبرني اتجادل مع اخوي الشقيق

 

[basem]

مسؤول: إيني تحفر أول بئر استكشافية بحقل "نور" البحري في مصر خلال شهرين

القاهرة (رويترز) - قال المتحدث باسم وزارة البترول المصرية حمدي عبد العزيز لرويترز يوم الخميس إن شركة إيني الإيطالية وثروة المصرية ستحفران أول بئر استكشافية بحقل ”نور“ البحري في شمال سيناء خلال شهرين.
كان مجلس الوزراء المصري وافق في مارس آذار على اتفاقية لأعمال الاستكشاف والبحث عن البترول والغاز في منطقة شمال سيناء البحرية ”نور“ بالبحر المتوسط.
وبموجب الاتفاقية، تنفق إيني وثروة 105 ملايين دولار على مرحلتين لمدة ست سنوات بما يشمل حفر بئر في المرحلة الأولى وأخرى في الثانية.
وقال عبد العزيز في اتصال هاتفي ”عقب حصول الشركتين علي الموافقة من مجلس النواب المصري، ستبدأ أعمال حفر البئر الاستكشافية بالمنطقة لتحديد حجم الاحتياطيات المتوقعة بالحقل“.
وفتح اكتشاف إيني الإيطالية لحقل ظُهر في 2015، والذي يحوى احتياطات تقدر بثلاثين تريليون قدم مكعبة من الغاز، شهية المصريين لطرح مزايدات جديدة في سعيها لتحقيق الاكتفاء الذاتي من الغاز خلال هذا العام.
وقامت مصر خلال الأعوام القليلة الماضية بترسيم حدودها البحرية مع بعض الدول في محاولة للبحث والتنقيب عن الغاز والنفط داخل حدودها دون نزاع مع أي من تلك الدول.