رفع اسعار البنزين في السعودية

[أبو ع ـنآد]

كنت مستثمر بانتاج الحلويات

عساك تخارجت منه ب خساره هينه
إذا متوفر عندك راس مال ، حوّل مخابز آلية
قريب من مشروع الحلويات تستفيد من تجربتك فيه

و إموّفق خير​

 

[Omega]

 

[access1]

عساك تخارجت منه ب خساره هينه
إذا متوفر عندك راس مال ، حوّل مخابز آلية
قريب من مشروع الحلويات تستفيد من تجربتك فيه

و إموّفق خير​

ههههههههه بح والله لدرجة قفلت المحليين واقول للراع الايجار رد فلوسي قال شف لك مؤجر
الاجهزه صرفتها بمستودع ههههه وكنت مسوي ديكور واخسر ميه وعشرين الف قبل الخساره الكليه
وارجع اليع المعدات وكل شي بقريب الاربعين
ويطلع خسار تجر خساره وانا اتفرج وادع الله ينتقم من اللي تسبب بي

 

[3raqi]

إلي معارضين الموضوع هذا والاصلاحات هم من الفئه الي تريد ان يجيها كل شي لحد عند بابها من باب ان بلدي ثري وعنده نفط فانا لازم يجيني كل شهر راتب وكل الخدمات تكون بسعر الرمل !!!

اقول اصحو فهكذا لن تبنو اقتصاد قائم على الانتاج والتصدير بل ستبنون اقتصاد كما هو سابقا مبني على سعر النفط اذا نزل تدمر اموركم

اقول اصحو ونضرو لمن حولكم من الدول الكبرى الصناعيه هل هناك دوله وزعت نفطها على الشعب وجلست بلا مشاريع او تنميه تنتضر ان يأتي بديل للنفط كي يموت الشعب جوع؟

الضريبه المضافه تروح لخزينة الدوله لإنشاء مشاريع و و و...

واعلم جيدا ان الضريبه المضافه بعد سنه واحده ستكون مستقطعة من التاجر وستعود الأسعار كسابق عهدها

الجهله بل اقتصاد اتمنى انهم يتعلمون قليلا بدل الاتكاليه الي عايشين فيها

 

[العزيزي]

استغرب من اللي مسوي نفسه ذكي ويقول الدعم يستفيد منه الاجنبي والثري والحل بسيط بطاقة تموينية للمواطن في محطات الوقود يستخدمها ليشتري الوقود بالسعر المدعوم والاجنبي يعبي بالسعر العادي اعتقد الموضوع ماهو صعب تخصص طرمبتين للمدعوم وماتفتح العداد الا بكرت الدعم وكذا انحرم منها الاجنبي وماتضرر المواطن

 

[access1]

معوض خير أن شاء الله وليست نهاية الطريق, بالنسبة لموضوع الضرائب, هذا أمر لابد منه وعلينا التكيف مع هذا القرار بسلبياته وأيجابيته وأن قلت

تتكلم عن ضرايب بنزين كهرب ماء
غاز كل شي فووووق حلق فووووق ميعادنا دايم القمه

 

[access1]

التاجر اللي هذا تفكيره
إيهّش ذبّان .. و تاليها يطلع من السوق​

كلااام
التاجر بيصبر سنتين لان السيوله عنده وبيسحب البشاط من كل صغير وبيحرمه كل شي
وبعدها لا تنافسيه عادله ولا غيره

 

[ابو عبدالله.]

القيمه المضافه 5 % لكن فيه بعض المحلات ياخذ اكثر

مثل قهوة دانكن كانت بـ 7 ريال حجم وسط صارت بـ 8 ريال الزياده 8.7 %

ماني فاهم هي 5 % ولا كم

الضريبة سترفع الاسعار كلها

تذكر ان كافة التكاليف ترتفع كهرباء ووقود وغيره وكلها على ظهر المستهلك الاخير

 

[tgv casa]

دول عربية كثيرة رفعت سعر الوقود المغرب من شهر 11 و تونس مصر الجزائر الخ

 

[أبو ع ـنآد]

واقع القطاع الخاص مؤلم
السعوديين أقل من ٢٥٪‏ !!!

و اللي ألعن إن أرقامهم مضروبه ف الرواتب

​

 

[ابو عبدالله.]

متفهم غضبكم كلها يومين ثلاثة وتتنسون الزيادة,منظومة الدعم لا تميز بين الفقير والغني والمواطن والاجنبي اصحاب السيارات 8 سلندر يحصلون على دعم اكثر

المشكلة ليست في رفع الدعم المشكلة في انخفاض دخل المواطن وعدم توفر حلول بديلة

ماعندي مشكلة لتر البنزين يصير ب 10 بس عطني راتب مثل مواطن الدولة الي البنزين فيها ب 10

النقل العام والقطارات التي يتم تنفيذها حاليا لاتغطي 50% من الرياض اساساً

الرياض مدينة التطوير العمراني فيها بشكل افقي وهذا يصعب مشاريع النقل العام ويجعلها غير فعالة

والاخوان الي يقول المشي صحة ولا سيكل خل نشوفك في الصيف وش تسوي

 

[Bader99]

مصدق ان السبب احتياج للطاقه النوويه فقط؟!
عندك مقدره لانتاج الطاقه السلميه قبل النوويه ولم يفعل هالشي الا بعد. جباية المواطن

ممكن توضح اكثر

 

[ابو عبدالله.]

و

دول عربية كثيرة رفعت سعر الوقود المغرب من شهر 11 و تونس مصر الجزائر الخ

وهل مصر وتونس دول تصدر النفط هل مصر وتونس دول اتقدم المساعدات للدول الاخرى ام تتلقى المساعدات

لكل بلد ضروفه وخصوصيته السعودية كبلد يقدم المساعدات لدول اخرى ويحرم مواطنينه من الدعم ؟؟ عجبي

 

[access1]

ممكن توضح اكثر

واضحه جداً
وش مصادر الطاقه غير البترول ؟!!

مجرد ان تعرفها تعلم ان بامكاننا استغلالها سابقا وحاليا لانتاج الطاقه في اوقات قياسيه لاكن لارغبه فعليه

 

[ابو عبدالله.]

جايكم الكهرب
الي استهلاكه 2000 كيلو بالشهر وكان يدفع 100 بيصير يدفع 378 مع الضريبة
:غاضب جدا:

وين الكذاب الي يقول المواطن البسيط لن يتاثر برفع الدعم

 

[GSN]

الحكومة سانتا والجزيرة الطفل اللي استلم هدية

راح يستغلون القرارات احسن استغلال

 

[♫فتيني☻]

لا حول ولا قوة الا بالله وحسبنا الله ونعم الوكيل

 

[أنظر من بعد]

استغرب من اللي مسوي نفسه ذكي ويقول الدعم يستفيد منه الاجنبي والثري والحل بسيط بطاقة تموينية للمواطن في محطات الوقود يستخدمها ليشتري الوقود بالسعر المدعوم والاجنبي يعبي بالسعر العادي اعتقد الموضوع ماهو صعب تخصص طرمبتين للمدعوم وماتفتح العداد الا بكرت الدعم وكذا انحرم منها الاجنبي وماتضرر المواطن

هذه البرامج مدخل للفساد والسوق السوداء والتلاعب ..

ما يحصل الآن هو القرار الصحيح .. والقرارت لا تستهدف الأجانب فقط بل تستهدف المواطن والمجتمع لتغيير نمط الحياة والدفع بالمجتمع نحو الإنتاجية وان يكون المواطن هو المحرك للدورة الإقتصادية​

 

[♫فتيني☻]

هذه البرامج مدخل للفساد والسوق السوداء والتلاعب ..

ما يحصل الآن هو القرار الصحيح .. والقرارت لا تستهدف الأجانب فقط بل تستهدف المواطن والمجتمع لتغيير نمط الحياة والدفع بالمجتمع نحو الإنتاجية وان يكون المواطن هو المحرك للدورة الإقتصادية​

عبر جعله مطفر ؟

 

[أنظر من بعد]

الحكومة سانتا والجزيرة الطفل اللي استلم هدية

راح يستغلون القرارات احسن استغلال

يجب أن تواجه مخاوفك .. الهروب منها لن يفيد مهما كان السبب​