بـوابة مصـر الأقتصادية

[amraay2009]

نتيجة أرتفاع سعر الدولار مع زيادة الجمارك و أثره على الأسعار و المرتبات.

 

[Mo'men Esmat]

خبر ايجابي جديد عن الاقتصاد المصري بتنقله لينا كالعادة بلومبرج اكبر مؤسسة بحثية واعلامية فى الاقتصاد والتمويل والاستثمار فى العالم من نيويورك... وتطورات ما بعد تحرير سعر الصرف فى مصر

بعنوان :
Egypt’s Upside-Down Bond Market Vindicates Shock Devaluation
او : منحنى العائد المقلوب يثبت صحة قرار التعويم
.

ايه هو المنحني وايه علاقته وايه دلالاته وليه المنحني المقلوب مؤشر ايجابي ؟؟

- التفاصيل كالتالي فى شكل نقاط سريعة علي لسان بلومبرج :

1 - الجنيه المصري بعد التحرير يعتبر اكثر عملة فى العالم خسرت قيمتها اخر سنتين

2 - لكن من ساعة ما بدأنا مراقبة السوق المصري من 2006 لاول مرة بنشوف الفايدة/العائد علي السندات طويلة الاجل اقل من الفايدة/العائد علي السندات قصيرة الاجل

3 - دة ملوش غير معني واحد : المستثمرين الدوليين شايفين ان الاقتصاد المصري فى سبيله للتحسن والتضخم وكذلك اسعار الفايدة مصيرهم الانخفاض بعد ارتفاع مؤقت يستمر لشهور

4 - المستثمرين بيراهنوا علي ان الجنيه هيستعيد قوته بعد ما تتلاشي صدمة تحرير سعر الصرف

5 - الحكومة المصرية باعت سندات طويلة الاجل ب16.7% عائد/فايدة
والقصيرة الاجل ب18.2% (بص فى المنحني المرفق بالبوست , ركز علي الدايرة الخضرا وشوف المنحنيات اللى اتعكست لاول مرة )

** الفايدة دى زي اي حاجة فى اي سوق حر , بيتحدد سعرها بظروف السوق والعرض والطلب والاحداث السياسية والاقتصادية وظروف التضخم والانتاج والتشغيل ومدي ثقة الناس فيك وتفائلهم او تشائمهم والقوانين اللى بتصدر والاجراءات والاصلاحات من عدمه

** السوق لو شايف ان الرقم العادل للفايدة مثلا 20% , مينفعش الحكومة تخليه 17% لان محدش هيشتري اصلا , لكن الارقام اللى قولتها فوق (16.7 و18.2%) دى حصل عليها تداول والسوق تقبلها يعني ارقام واقعية

6 - السوق مقتنع بشكل كامل ان الجنيه المصري هيستعيد قوته فى المستقبل
7 - طبيعي جدا بعد التحرير ان الاصول المصرية ومنها الجنيه تكون ضعيفة لكن بعد كدة بييجي المستثمرين يدخلوا السوق عشان يعيدوه لقيمته العادلة

.

- الشرح :

ليه لو الاقتصاد رايح فى سكة وحشة لازم عوائد السندات طويلة الاجل تكون مرتفعه ؟
سندات دى يعني قرض , تخيل انك عندك شركة بتخسر وروحت طلبت من البنك قرضين

القرض الاول هتاخده النهاردة والمفروض تسدده خلال 1 شهر الي سنة(قصير الاجل)
والقرض التاني هتاخده النهاردة بردو بس المفروض تسدده خلال 5 ل 10 سنين (طويل الاجل)

انت فعلا شركة كبيرة وعندك اصول وضمانات وامكانيات ضخمة لكن انت بتخسر النهاردة والوضع سيء ... لكن السؤال هل انت عندك خطة حقيقية وعلمية وعملية وجادة للخروج من الخسارة والوضع السيء دة ؟؟

البنك ممكن يديك القرضين فعلا لان عنده ضمانات , لكن هيفرض عليك فايدة كام % ؟
.

1 - السيناريو الاول للفايدة

لو انت فعلا عندك خطة جيدة ومتماسكة وقابلة للتنفيذ
والبنك مقتنع انك ماشي صح ومقتنع بخطتك الاصلاحية للشركة ولما استشار مؤسسات اخري اتاكد انك ماشي صح

هيفرض فايدة عالية علي القرض القصير الاجل لان المرحلة دى بتبقة مليانة مخاطر عالية ومجازفة ومقاومة زي مثلا تخفيض رواتب العاملين , ترشيد الانفاق واجراءات تقشفية فى الشركة وفصل بعض الموظفين وزيادة عدد ساعات العمل وتقليل فترات الراحة وايام الاجازة وانتاجية اكبر وجهد اكبر من المعتاد ...الخ ودة ممكن يتسبب فى انزعاج العاملين وغضبهم واشياء سلبية تانية كتير ممكن تعرقل الاصلاح دة فى مرحلته الاولي

بس هيفرض فايدة قليلة علي القرض طويل الاجل لانك لما تعدي من المرحلة الاولي فهتكون قادر تماما علي السداد لان شركتك هتبقة ماشية صح ساعتها لان المخاطر فى المستقبل هتبقة اقل بكتير من الحاضر والايجابيات هتبقة اكبر من السلبيات والوضع هيتحسن اكتر
.

2 - السيناريو التاني للفايدة

لومعندكش اي خطة او خطتك سيئة
والبنك مش مقتنع بمستقبل شركتك ولا طريقة ادارتك

ف هيحصل العكس , لان البنك هيبقة شايف انك حاليا فى وضع سيء اه لكن مستقبلا هتبقة فى وضع اسوا وبالتالي الفايدة علي القرض قصير الاجل هتبقة قليلة والفايدة علي القرض طويل الاجل هتبقة عالية لان المخاطر فى المستقبل اعلي بكتير من الحاضر والسلبيات هتبقة اكبر من الايجابيات والوضع هيتدهور اكتر
.

* مالاخر كدة , بلومبرج بتقولنا انه من ساعة ما بدانا نراقب سوق السندات المصري وطروحاته المحلية والدولية , لاول مرة من 2006 العالم بيشوف ان مستقبل اقتصادنا ايجابي جدا وفى طريقه الصحيح للتعافي واستغلال لامكانياته الحقيقية

(ليه بلومبرج مكنتش شايفة ايام مبارك ان المستقبل الاقتصادي جيد رغم الاستقرار والسياحة والاحتياطي الدولاري وكل حاجة كانت تمام !!! دة سؤال مهم وهجاوب عليه فى بوست لاحق)
.

* كذلك بلومبرج وكل المؤسسات متفقين ايضا فى تقييمهم لينا انه علي الرغم من وجود بعض المخاطر السياسية والاجتماعية

اهمهما مشاكل الحريات والحياة السياسية وكذلك الاضطرابات الاجتماعية المحتملة بسبب الاصلاحات اللى بيرافقها ارتفاع الاسعار وكذلك الفساد والبيروقراطية المعطلة وبعض القوانين السيئة زي قانون الاستثمار الحالي او الناقصة اصلا والضروري وجودها زي قانون الافلاس والتصفية وغيره كتير

* لكن فى نفس الوقت اللى فيه مخاطر كتير فيه فرص وايجابيات كبيرة جدا اهمها وجود ارادة سياسية لاول مرة علي الاصلاح الجذري لمشاكل الاقتصاد المصري الهيكلية

* وقبل كل دة السوق المصري من حيث الحجم سوق ضخم وفى قائمة اكبر 30 سوق استهلاكي فى العالم (ال24) وموارد بشرية ضخمة وعوائد استثمارية عالية جدا ورغبة حكومية جادة فى تسهيل الاستثمار
ورفع مستوي تنافسية السوق فى المنطقة
.

الكلام منسوب ل3 جهات :
- Bloomberg
- Brown Brothers Harriman
- BNP Paribas Investment Partners
.
- فى النهاية البوست دة بيجاوب علي سؤال مهم جدا :
- هو المؤسسات الدولية اللى بتقول اننا ماشيين صح , بيضحكو علينا عشان نغرق مثلا ؟
- منحني العائد المقلوب بينسف الفكرة دى من اساسها , السوق شايفنا ماشيين صح والسوق هو اللى له الكلمة الفصل
.

- ازاي ماشيين صح وبيحصل ازمات سكر ورز وادوية ...الخ ؟؟

- ماشيين صح المقصود منها , الاستراتيجية العامة او السياسة الاقتصادية
مشاكل السكر والرز والدوا مؤقتة , التضخم مشكلة مؤقتة , اسعار الفايدة العالية مشكلة مؤقتة

كل دة ملوش اي علاقة بالاستراتيجية العامة , اللى بتستهدف بداية تعافي الاقتصاد وامتصاص صدمة تحرير العملة خلال سنة ... مش خلال يومين ولا شهرين
.

التقرير :

ليس لديك تصريح لمشاهدة الرابط، فضلا قم ب تسجيل الدخول او تسجيل

 

[Mo'men Esmat]

 

[Mo'men Esmat]

 

[مراقب دقيق]

"هروب الدولار".. هبوط جديد للجنيه المصري وتحويلات الدولار للخارج تزداد.. تعرّف على أسباب خوف المستثمرين

شهد الجنيه هبوطاً حاداً مقابل الدولار في بنوك مصر اليوم (الأربعاء) 14 ديسمبر/كانون الأول 2016 مع اشتداد الطلب على العملة الصعبة من الشركات لتحويل أرباحها إلى الخارج ومن المستوردين؛ تحسباً لموجة تضخمية جديدة في الأسعار.

وغيّر بنك مصر والبنك الأهلي المصري أسعار شراء الدولار في ثانية واحدة بمنتصف معاملات ما بين البنوك اليوم من 18.10 جنيه إلى 18.40 جنيه دفعة واحدة. واقتفت البنوك الأخرى أثر البنكين في رفع أسعار الشراء إلى أن وصل السعر بحلول الساعة 01.37 بتوقيت غرينتش إلى 18.92 جنيه للدولار في بعض البنوك.

ويبيع بنك مصر والبنك الأهلي الدولار بسعر 18.75 جنيه وهما أكبر بنكين عاملين في السوق المصرية ويلعبان دور صانع السوق في العملة منذ الثالث من نوفمبر/ تشرين الثاني الماضي عندما تخلت مصر عن ربط الجنيه بالدولار الأميركي، في إجراء يهدف إلى جذب تدفقات رأسمالية والقضاء على السوق السوداء التي كادت تحل محل البنوك.

وبلغت أسعار بيع الدولار في بعض عدد من البنوك العاملة بمصر اليوم 18.99 جنيه بحلول الساعة 01.37 بتوقيت غرينتش.

وقال هاني جنينة من "بلتون" المالية: "هناك متأخرات لشركات النفط الأجنبية لا بد من سدادها، بجانب متأخرات تحويل أرباح الشركات الأجنبية للخارج، وأيضاً ضغوط المستوردين على العملة الآن تحسباً لموجة تضخم أخرى في يناير/كانون الثاني المقبل".

وأبلغ طارق الملا وزير البترول المصري "رويترز"، في أكتوبر/ شرين الأول، أن مستحقات شركات النفط الأجنبية لدى الحكومة المصرية ارتفعت إلى 3.58 مليار دولار بنهاية سبتمبر/أيلول من 3.4 مليار دولار بنهاية يونيو/ حزيران.

وأظهرت بيانات نشرها البنك المركزي الأسبوع الماضي، أن التضخم الأساسي في مصر ارتفع إلى أعلى مستوى خلال 8 سنوات في نوفمبر عند 20.73 في المائة مقارنة مع 15.72 في المائة الشهر السابق.

وعزا مسؤول في أحد البنوك الخاصة لـ"رويترز" أسباب الانخفاض الحاد للعملة المصرية على مدار الأيام القليلة الماضية إلى "رفع البنوك الحكومية مستويات شراء الدولار، في مسعى منها لزيادة حصيلتها الدولارية وهو ما اضطر البنوك الخاصة إلى تتبعها في رفع الأسعار".

لكن مسؤولاً آخر في بنك حكومي أبلغ "رويترز" اليوم، أن سبب ارتفاع أسعار شراء الدولار يرجع إلى "الطلب الكبير على العملة في الوقت الحالي".

وعاشت مصر في السنوات القليلة الماضية حالة تدهور اقتصادي وسط تفاقم عجز الموازنة، وارتفاع التضخم، وتراجع إنتاج الشركات والمصانع، وشح شديد في العملة الصعبة، في ظل غياب السائحين والمستثمرين الأجانب وتراجع إيرادات قناة السويس.

ومن شأن تحرير العملة، تشجيع الاستثمارات الأجنبية، وقد يعزز الصادرات، ويتيح للشركات الحصول على الدولار من البنوك بأسعار السوق بما يعيدها للإنتاج الكامل من جديد بعد خفض العمليات الإنتاجية خلال الفترة الماضية بسبب عدم توافر الدولار اللازم لشراء المواد الخام.

وتكهن جنينة بأن الضغط على الدولار "سيستمر حتى يناير المقبل وقد يحدث استقرار في العملة في فبراير/شباط ومارس/آذار من 2017".

وقال مصرفي آخر لـ"رويترز": "لا أحد يستطيع توقع سعر الدولار غداً في الأسواق... الجميع في انتظار مستويات جديدة".

ليس لديك تصريح لمشاهدة الرابط، فضلا قم ب تسجيل الدخول او تسجيل

 

[amraay2009]

ارتفع سعر الدولار عصر اليوم الثلاثاء في السوق السوداء ليسجل 18.85 جنيه للشراء و19.5 جنيه للبيع ، وسط توقعات باستمرار ارتفاعه خلال الساعات القليلة المقبلة بعد ندرة المعروض داخل البنوك من الورقة الخضراء .
ورفع بنك " اتش اس بي سي" سعر الدولار عصر اليوم الثلاثاء، ليسجل 19 جنيها للبيع و18.55 جنيه للشراء ، ليقود باقي البنوك لرفع أسعار الشراء للتراوح بين 18.20 إلى 18.55 جنيه .
وقال مصدر مسؤول باحدى شركات الصرافة رفض ذكر اسمه، إن ارتفاع سعر الدولار في البنوك العاملة في السوق المحلي ما جعل متعاملى السوق السوداء يقوم بزيادة السعر لجذب أكبر شريحة من المواطنين الراغبين في تغير الأموال .
وأضاف لـ "مصر العربية" أن الإجراءات الروتينية من جانب البنوك تجاه المستوردين والتجار الراغبين في فتح اعتمادات مالية جديدة جعلتهم يهجرون البنوك والإتجاه إلى المصدر البديل ما أدى لارتفاع الأسعار داخل السوق السوداء.

وأكد محمود المرسي، مقيم في الخارج ، إن الإجراءات الروتينية من جانب البنوك في تحويل الأموال تجعلنا نلجأ إلي الطرق البديلة وهي التحويل " المانيوال" عبر أشخاص أو تجار الشنطة .

وأضاف في حديثه لـ "مصر العربية" أن البنوك المصرية والأجنبية العاملة في مصر ترفض تسليم الحولات بالعملات الأجنبية وتريد إعطاء المحول له النقود بالعملة المصرية "الجنيه " ما جعل العديد من المقيم في الخارج تلجأ للشركات كـ "مينى جرام" بدلا من البنوك.

ليس لديك تصريح لمشاهدة الرابط، فضلا قم ب تسجيل الدخول او تسجيل

 

[amraay2009]

تراجع سعر صرف الدولار الأمريكي مقابل الجنيه المصري بنهاية تعاملات البنوك، اليوم الأربعاء 14-12-2016، وذلك بنحو 5 قروش، مسجلا 18.95 جنيه للبيع بعد أن سجل نحو 19 جنيها خلال تعاملات اليوم.

وفيما يلي سعر الدولار في أغلب البنوك:

البنك الأهلى اليونانى بمصر
١٨٫٥٥ جنيه للشراء
١٨٫٩٥ جنيه للبيع

البنك المصري لتنمية الصادرات
١٨٫٥٥ جنيه للشراء
١٨٫٩٢ جنيه للبيع

بنك البركة
١٨٫٥٤ جنيه للشراء
١٨٫٨٩ جنيه للبيع

بنك فيصل
١٨٫٥ جنيه للشراء
١٨٫٩٥ جنيه للبيع

بنك HSBC
١٨٫٥ جنيه للشراء
١٨٫٩ جنيه للبيع

بنك الشركة المصرفية العربية الدولية SAIB
١٨٫٥ جنيه للشراء
١٨٫٨ جنيه للبيع

بنك بلوم مصر
١٨٫٥ جنيه للشراء
١٨٫٧٥ جنيه للبيع

بنك التعمير و الاسكان
١٨٫٥ جنيه للشراء
١٨٫٩٥ جنيه للبيع

بنك بيريوس
١٨٫٤٥ جنيه للشراء
١٨٫٩٥ جنيه للبيع

تحت 19 بشلن لازم عين حمرا تبص قووووووووووووووووووى

ليس لديك تصريح لمشاهدة الرابط، فضلا قم ب تسجيل الدخول او تسجيل

 

[عمرو حسين]

تراجع سعر صرف الدولار الأمريكي مقابل الجنيه المصري بنهاية تعاملات البنوك، اليوم الأربعاء 14-12-2016، وذلك بنحو 5 قروش، مسجلا 18.95 جنيه للبيع بعد أن سجل نحو 19 جنيها خلال تعاملات اليوم.

وفيما يلي سعر الدولار في أغلب البنوك:

البنك الأهلى اليونانى بمصر
١٨٫٥٥ جنيه للشراء
١٨٫٩٥ جنيه للبيع

البنك المصري لتنمية الصادرات
١٨٫٥٥ جنيه للشراء
١٨٫٩٢ جنيه للبيع

بنك البركة
١٨٫٥٤ جنيه للشراء
١٨٫٨٩ جنيه للبيع

بنك فيصل
١٨٫٥ جنيه للشراء
١٨٫٩٥ جنيه للبيع

بنك HSBC
١٨٫٥ جنيه للشراء
١٨٫٩ جنيه للبيع

بنك الشركة المصرفية العربية الدولية SAIB
١٨٫٥ جنيه للشراء
١٨٫٨ جنيه للبيع

بنك بلوم مصر
١٨٫٥ جنيه للشراء
١٨٫٧٥ جنيه للبيع

بنك التعمير و الاسكان
١٨٫٥ جنيه للشراء
١٨٫٩٥ جنيه للبيع

بنك بيريوس
١٨٫٤٥ جنيه للشراء
١٨٫٩٥ جنيه للبيع

تحت 19 بشلن لازم عين حمرا تبص قووووووووووووووووووى

ليس لديك تصريح لمشاهدة الرابط، فضلا قم ب تسجيل الدخول او تسجيل

الاسعار غليت تانى امبارح كروت الشحن و السجاير و بعض السلع الغذائية

 

[Mo'men Esmat]

 

[amraay2009]

الاسعار غليت تانى امبارح كروت الشحن و السجاير و بعض السلع الغذائية

كروت الشحن بكم

 

[عمرو حسين]

كروت الشحن بكم

العشرة عليها 2 جنيه زيادة

 

[Kill_Zone]

العشرة عليها 2 جنيه زيادة

رسمى ؟ ولا جشع تجار ؟!

 

[عمرو حسين]

رسمى ؟ ولا جشع تجار ؟!

انا سالت كذا واحد في ناس بتبيعه بي 12 و في الرخيص بقي بي 11.30 و السجاير غليت 2 جنيه علي السجاير المستوردة كلها الميريت بقت بي 35 جنيه

 

[Kill_Zone]

انا سالت كذا واحد في ناس بتبيعه بي 12 و في الرخيص بقي بي 11.30 و السجاير غليت 2 جنيه علي السجاير المستوردة كلها الميريت بقت بي 35 جنيه

السجاير مختلفناش معلن من فترة انها هتزيد تانى
اما كروت الحشن فلما اعلنوا زيادتها اعلنوا زيادة 10% فط معنى كدا ان الزيادة الجديدة مجرد جشع تجار

 

[عمرو حسين]

السجاير مختلفناش معلن من فترة انها هتزيد تانى
اما كروت الحشن فلما اعلنوا زيادتها اعلنوا زيادة 10% فط معنى كدا ان الزيادة الجديدة مجرد جشع تجار

السوق مش منضبط و كل واحد بيبيع علي كيفه و نكلمهم يقولك روح اشتكي للحكومة و نروح للحكومة الحكومة تشتكي من جشع التجار و مافيا السوق نعمل ايه احنا طيب قولي ربنا يرحمنا

 

[Kill_Zone]

السوق مش منضبط و كل واحد بيبيع علي كيفه و نكلمهم يقولك روح اشتكي للحكومة و نروح للحكومة الحكومة تشتكي من جشع التجار و مافيا السوق نعمل ايه احنا طيب قولي ربنا يرحمنا

حاجة زى كدا تشتكى فى جهاز حماية المستهلك .. وتطلع على الجهاز القومى للاتصالات .. صدقنى هيتخرب بيت اهله من شركة المحمول لان الجهاز هيحط على الشركة بالقوى

 

[عمرو حسين]

حاجة زى كدا تشتكى فى جهاز حماية المستهلك .. وتطلع على الجهاز القومى للاتصالات .. صدقنى هيتخرب بيت اهله من شركة المحمول لان الجهاز هيحط على الشركة بالقوى

ما الناس كلها بتشتكي من جشع التجار و الحكومة سيباهم علشان بيروشو و بيدفعوا للموظفين اتفرج كدا علي برامج التوك شو هتلاقي الشعب بيشتكي
الاسعار بقت نار بصراحة ديه اسوء فترة اقتصادية شافتها مصر

 

[Kill_Zone]

ما الناس كلها بتشتكي من جشع التجار و الحكومة سيباهم علشان بيروشو و بيدفعوا للموظفين اتفرج كدا علي برامج التوك شو هتلاقي الشعب بيشتكي
الاسعار بقت نار بصراحة ديه اسوء فترة اقتصادية شافتها مصر

انا بتكلم على قطاع الاتصالات حصرا
انا شخصيا غرمت TEDATA مبلغ 160 جنيه علشان النت فصل عندى اسبوع
اشتطيت ومسكتش واخدت حقى
اما بالنسبة للاسعار لو هنتكلم كلام عقلانى كان هناك حلين اما تستمر الاسعار زى ما هى او فرض ضرائيبليه ضرائب جديدة ؟ لان مبقاش فى دخل لحكومة . مشاريع واقفة سياحة واقفة حركة ركود فى التجارة العالمية فمكنش هناك اى مصدر دخل " ثابت " للحكومة الا الضرائب
علشان كدا كل يوم فى ضريبة .. المخرج منها عودة الانتاج واستقرار السوق المصرفى فى مصر ودا مش هيحصل الا باستثمارات ومشاريع استثمارية كبيرة وعلشان اعمل المشاريع دى اما تمويل خارجى وده صعب او تمويل ذاتى وده بردو مش هيجى الا بالضرايب
علشان كدا هى حلقة بندور فيها مخرجها استقرار سياسى اقتصادى لعودة تدفقات الاستثمار
اما الخيار التانى اللى هو مفيش ضرايب وريبنا يسترها كان عائدها اقراب الى اعلان افلاس البنك المركزى اى اعلان افلاس الحكومة وساعتها تقيماتنا الاقتصادية والاتمانية كانت هتبقى تحت الارض
فللاسف ضريبة التغيرات السياسية اللى حصلت فى ظرف سنتين بيدفعها المواطن الغلبان

 

[عمرو حسين]

المشكلة ان البلد ديه مفيش حاجة فيها بترخص الحاجة بتغلي بس لكن عمرى ما شوفت حاجة غليت و رجعت رخصت تاني
الاقتصاد لو استمر كدا كتير هينهار كساد و بطالة و تضخم و عجز كبير في الموازنة و ديون و مفيش استثمار و مفيش سياحة وضعنا سئ للغاية و كارثي اعتقد ان مصر لم تعش يوما فترة مثل هذه الفترة

 

[عمرو حسين]

انا بتكلم على قطاع الاتصالات حصرا
انا شخصيا غرمت TEDATA مبلغ 160 جنيه علشان النت فصل عندى اسبوع
اشتطيت ومسكتش واخدت حقى
اما بالنسبة للاسعار لو هنتكلم كلام عقلانى كان هناك حلين اما تستمر الاسعار زى ما هى او فرض ضرائيبليه ضرائب جديدة ؟ لان مبقاش فى دخل لحكومة . مشاريع واقفة سياحة واقفة حركة ركود فى التجارة العالمية فمكنش هناك اى مصدر دخل " ثابت " للحكومة الا الضرائب
علشان كدا كل يوم فى ضريبة .. المخرج منها عودة الانتاج واستقرار السوق المصرفى فى مصر ودا مش هيحصل الا باستثمارات ومشاريع استثمارية كبيرة وعلشان اعمل المشاريع دى اما تمويل خارجى وده صعب او تمويل ذاتى وده بردو مش هيجى الا بالضرايب
علشان كدا هى حلقة بندور فيها مخرجها استقرار سياسى اقتصادى لعودة تدفقات الاستثمار
اما الخيار التانى اللى هو مفيش ضرايب وريبنا يسترها كان عائدها اقراب الى اعلان افلاس البنك المركزى اى اعلان افلاس الحكومة وساعتها تقيماتنا الاقتصادية والاتمانية كانت هتبقى تحت الارض
فللاسف ضريبة التغيرات السياسية اللى حصلت فى ظرف سنتين بيدفعها المواطن الغلبان

طيب هترجع الاستثمار ازاي و السياحة ازاي و انت كل يوم بتتكلم عن المؤامرة الكونية ضدنا و العالم بيتامر علينا و الارهاب و مصر تحارب الارهاب لو في مستثمر ربع عاقل مستحيل يجيلك لن راس المال جبان هيقول ليه اروح بلد مهتزة و مش مستقرة من اروح بلد بتشجع الاستثمار احسن