بـوابة مصـر الأقتصادية

لأول مرة من يناير 2011 واخيرا تمكنت مصر من وقف نزيف التدهور ويتحسن ترتيبنا 9 مراكز دفعة واحدة فى تقرير ال Ease of Doing business الصادر عن البنك الدولي اللى تم الاعلان عنه فى احتفالية عملها لنا البنك فى مصر وتجاهل وتعتيم اعلامي شديد
.

واللى بيرصد مدي سهولة او صعوبة الاستثمار فى دول العالم ومدي توافر البنية التحتية اللازمة وقوة الجهاز المصرفي لتأمين التمويل وكذلك النظام الضريبي ودرجة سيادة القانون ونظام التقاضي
.

ولاول مرة مصر تقدر توقف نزيف التدهور فى ترتيبها من يناير 2011

.

النهاردة فى اخر تقرير وصلنا للمركز 122 يعني تقدمنا 9 مراكز دفعة واحدة
زي مامتوضح فى الجراف الاول ترتيبنا من 2010 للنهاردة
طبعا كلما انخفض الرقم كلما كان افضل

.

المثير للانتباه جدا هو التطور الهائل اللى حصل داخل مؤشرات التقرير

كمثال : ليه بنعمل مشروعات قومية فى البنية التحتية ؟ هل احنا ماشيين صح ؟

التقرير بيأكد كل جنيه اتصرف فى المشروعات دى بتقدمنا 56 مركز دفعة واحدة فى مؤشر الحصول علي الكهرباء باكتشاف البنك انخفاض عدد مرات الانقطاع واتساع التغطية

.

التقرير دة فى تقديري الشخصي تاني اخطر واهم تقرير للمستثمرين الدوليين بعد التصنيف الائتماني

.
احنا دخلنا قائمة افضل 50 دولة فى مؤشر تاسيس الشركات
هتلاقي تفاصيل اكتر فى الجراف التاني
.

وزارة الاستثمار هى اللى اعلنت الخبر لكن اللى تشاركوا فى التطوير دة وزارات مختلفة بجانب الاستثمار اهمها المالية والكهرباء واخرين

.

ايه اثر التقرير دة علي حياة الناس ؟

لما المستثمرين الدوليين والشركات والمؤسسات والاعلام وكل اصحاب المصلحة وكل مهتم بالاستثمار والاقتصاد يشوف التطور الملحوظ دة فى البنية التحتية لمصر خاصة الطرق والطاقة وسهولة تأسيس الشركات وغيرها ,

واحتلال مصر دوناً عن دول كتيرة لجزء كبير من التقرير بتحسنها تحسنات ملفتة للنظر فى قطاعات كتير , دة معناه ان دى دولة بتحاول تقوم وتتحرك لاودام وتمحي اثر 5 سنين خراب وتدمير
وبالتالي يزيد الاستثمار المحلي والاجنبي وبالتالي يزيد معدلات التوظيف والتشغيل وبالتالي الطلب والاستهلاك وبالتالي النمو والتنمية وبالتالي الدولة باكملها تتحرك لاودام ودة متوافق مع تقرير الفايننشال تايمز اللى اتكلمت عنه من ايام عن احتلال مصر المركز ال5 عالعالم فى الجرين فيلد انفستمنت


.

الدولار وصل ل16 و17 واحنا بنتكلم عن تقرير ايجابي , طب ازاي ؟؟

اولا سعر الدولار دة مش سعر حقيقي , دة سعر مؤقت و ناتج عن توتر وترقب وهلع ومضاربة
السعر الحقيقي للدولار هو 11 ل 12 ج

ازمة سعر الصرف مؤثرة بشكل مباشر علي الاستثمار الاجنبي ولازم تتحل فعلا
لكن احنا اتعرضنا لنفس الازمة فى 2003/4 وتجاوزناها
ودول كتير مرت بيها وتجاوزتها
فملوش لزمة الارتباك بدون داعي

.

الاهم من كدة اننا نعرف حقيقة الازمة ايه ؟

ان فيه ناس كانوا في موقع المسئولية عن السياسة النقدية والمالية والاقتصادية عامة

وقرروا ميخدوش الاجراءات الصحيحة والضرورية خوفا من الشعب والثورة والثوار اللى كانوا محتلين الشوارع اتنين وخميس والخروجة الكبيرة يوم الجمعة , بجانب طبعا تدهور السياحة والاستثمار ومشاكل عجز الموازنة والدين مع توقف الانتاج او تدهوره

وبالتالي كانوا بيرحلوا المشاكل للي هيمسك بعدهم

فتراكمت ... واهمها ان الجنيه مقوم بغير قيمته العادلة اصلا من 2011 + عجز الموازنة + تضخم اجور الموظفين + الاستدانة بافراط

.

اول حد اتعامل بجرأة فى الملف دة هو مجلس ادارة البنك المركزي الحالي مع الحكومة الحالية لما الامور استقرت شوية انه بدأ برنامج لتقييم العملة بقيمتها العادلة والحقيقية كجزء من برنامج الاصلاحات للقضاء علي اثار ال5 سنين اللى فاتوا

درجة الاستقرار هنا هي المتحكم الرئيسي فى اي حاجة ايجابية او سلبية

.

فى 2017 انا اتوقع وبالذات بعد حل مشكلة سعر الصرف حدوث طفرة فى ترتيب مصر ودخول تدفقات نقدية واستثمارات اضخم بكتير من المعدلات الحالية

.

التقرير كذلك رصد تراجعات طفيفة فى عدة مؤشرات لكن قال عنها البنك انه سهل تداركها السنة الجاية زي مؤشر : انفاذ العقود + التجارة عبر الحدود + سداد الضرائب + الحصول علي الائتمان

.

بمناسبة الاستثمار , هختم بكلام د.محمود محيي الدين اللى فى عهده وصلنا لافضل ترتيب لينا فى التقرير ... فى لقاءة مع لميس الحديدي امبارح قال كلمة مهمة اوي عنده حق فى كل حرف فيها خصوصا انه شخصية دولية مرموقة وبيقول اللى بيسمعه برة عن مصر

" مؤتمر الشباب كان افضل دعاية للاستثمار فى مصر , انها دولة تستمع وتتحاور وتعترف بمشاكلها وتحاول اصلاحها وتعمل علي اشراك الجميع معها , وهو المستثمر مش عايز غير كدة , مش عايز غير انه يطمن للدولة اللى هو رايحها انها مستقرة وطبيعية خاصة المستثمرين الكبار "

احنا ماشيين صح بالعلم والكتاب وباراء اكبر المؤسسات واهم التقارير الدولية اكدت ان احنا صح
بس نستكمل الاصلاح ونجتهد فى حل مشاكلنا واهمها مشكلة سعر الصرف وهنشوف طفرات حقيقية
.
 
اداء اكثر من رائع للبورصة وتسجيل اعلي قيمة تداولات من 2009
قربنا من العشرتلاف نقطة .... نقدر نوصل لل12 الف خلال 3 شهور مع دفعة الطروحات الحكومية وطروحات استثمارات محلية وأجنبية اخري بتستعد للدخول أو التوسع

.

بتوقع تحسن مؤشرين - خلال الفترة القصيرة القادمة - من أخطر المؤشرات :


1 - تقرير مؤشر مديري المشتريات التابع لبنك EDNB

ودة اهم وادق تقرير مالي بيرصد آداء القطاع الخاص المصري

ونتايج التقرير الشهرية رصدت معاناة السوق طول 2016 بسبب أزمة الدولار وانهيار السياحة ومشاكل اخري

مع مشاكل في التشغيل والاستيراد واضطرار الشركات لتأجيل اي تطوير او توسع مع حالة فقدان وظائف

كل دة اتوقع يبدأ يتوقف نزيفه ويتحول للون الأخضر

2 - تقرير التصنيف الائتماني من ال3 الكبار
فيتش موديز ستاندرد آند بورز

وبداية اتوقع تقرير فيتش هيكون اول تقرير يعلن رفع تصنيفنا
ثم أو بالتوازي مع موديز
وهتيجي متاخر ستاندرد آند بورز

مع نظرة مستقبلية إيجابية لاثنين منهم علي الاقل والتالتة نظرتها تكون مستقرة
بدلا من الوضع الحالي 2 مستقرة وواحدة سلبية
 
اخر واهم التطورات المرتبطة بالتعويم

.

- الايكونومست "اشد اعداء مصر فى الصحافة الدولية" بتثني وتشيد باللي حصل وفجأة اكتشفوا ان الثورة وتأثيراتها السلبية هى سبب كل اللى مصر وصلتلوا بعد ما كانت ادارة "السيسي" الفاشلة هى اللى اغرقت مصر فى المشاكل فى مقالها الشهير اللى صدر من حوالي شهرين

Foreign reserves have fallen by nearly half since the revolution of 2011, which scared away tourists and foreign investors, two big sources of hard currency.



.

- البورصة بتعمل اداء يومي غير مسبوق من اندلاع الثورة فى 2011


.

- الحكومة بتدرس تنفيذ زيادة فايدة سندات قناة السويس اللى بيقولو عليها بتخسر وبتغرق فيها الكراكات ومشروع فنكوش وترعة



.

- 4 بنوك حتي الان قامت برفع حدود استخدام بطاقاتها بالدولار خارج مصر بمتوسط زيادة حوالي 2 ل 4 اضعاف فى اشارة لشراءها حجم كبير من الدولار من المواطنين وبالتالي ازدياد حجم احتياطاتها من العملة الصعبة

الاهلي ومصر والمصرف المتحد والCIB

.

- اكبر تجمع سياحي بريطاني يمثل اكبر 30 شركة بتقوم بشبه ثورة جماعية نقلتها بي بي سي لاجبار حكومتهم علي تحديد موعد لاستئناف الرحلات الجوية لمصر
بسبب ضغوطات هائلة من عملائهم "المواطنين الانجليز والاوروبيين" للحجز والطيران وتقضية اجازتهم فى شرم الشيخ والغردقة وباقي المدن المصرية الشتاء القادم


.

- خلال ايام هيوصل لقناة السويس رد ال3 الخطوط الملاحية الاكبر حول العالم بخصوص الصفقة اللى عرضتها عليهم الهيئة بايداع وديعة فى البنك المركزي المصري تمثل ما قيمته سداد رسوم العبور بالقناة مقدما , كواحدة من الطرق اللى القناة بتحاول تساعد البنك المركزي بيها

دة لو دة حصل بنتوقع دخول الاحتياطي المصري مبلغ فى حدود ال 1ل3مليار$


.

- بلومبرج فى شهر اغسطس كانوا مش راضيين عن تخفيض العملة اللى تم فى مارس وان دة مش كافي لتشجيع صناديق الاستثمار الاجنبية ,

وبالتالي اتوقع ان بعد تحرير العملة بالكامل , تشهد الفترة الجاية دخول تدفقات نقدية اجنبية لمصر للاستثمار فى وديعة ال20% او سندات واذون الخزانة ودة بدوره لو حصل معناه استعادة ثقة العالم في مصر فى النوع دة من الاستثمار اللى هرب من البلد بعد يناير وكانت قيمة الهروب حوالي 10 مليار$ وبالتالي لو حصل فطبعا هيأثر ايجابيا علي احتياطنا الدولاري



.

- متوقع يحصل volatility (تقلب) كبير فى سعر الدولار الفترة دي يعني ممكن الدولار يطلع وينزل وفى الاخر هيستقر حوالين 11 ل 13 خلال شهرين تلاتة فملوش لزمة حد يتخض او يرتبك لان دة رد فعل طبيعي من السوق تجاه عملية التعويم

اهم حاجة ان كل دة بيحصل داخل الجهاز المصرفي وان مصيره الاستقرار والهدوء

ودة بيأكده هشام عز العرب رئيس بنك ال CIB


.

- هنطرح سندات دولية بقيمة 3 ل 5 مليار $ اخر الشهر وهنبدا الترويج والتسويق ليها يوم 20 الجاي
دة نفس النوع من الاستدانة اللى السعودية عملته من ايام لكن المملكة استلفت بحجم هو الاكبر فى تاريخ الدول النامية او الاسواق الناشئة وكان 17.5 مليار$ يعني حوالي 4 اضعاف سندات مصر او بما يساوي قرض النقد لمصر + السندات مع بعض



.

- بلومبرج فى تقرير بعنوان " ايه اللى مينفعش تعمله لما تعوم العملة , نصايح بنوجهها لمصر "

بيسردوا تجارب الدول فى اخر سنتين اللى عملت تعويم وان الموضوع يستحق كل الجهد والالم اللى بينتج عنه خلال سنة فقط



.

- رويترز بتمدح خطوة التعويم وبتقول نقلا عن احد المتعاملين فى الدولار " اشترينا دولارات من النظام المصرفي بأسعار تراوحت بين 14.7 و16 جنيها ومن ثم فإن الأمر ينجح بالفعل… أغلقنا الصفقة التي تتجاوز مليون دولار وحصلنا على جزء من المبلغ يوم الخميس وسنحصل على الجزء المتبقي يوم الأحد". وأضاف "آمل بأن تختفي السوق الموازية. لا يوجد سبب لاستمرارها الآن بعدما صارت البنوك تشتري بسعر التعادل".


.

- صندوق استثمار سعودي يعتزم ضخ 3 مليارات جنيه لإنتاج "الكلنكر"
حسب تصريحات أحمد عبد المغنى، العضو المنتدب لشركة بريميير للاستشارات المالية اللى متولية مسئولية الاستشارات المالية لأحد الصناديق السعودية المتخصص للاستثمار في مواد البناء


.

- قوتنا الناعمة الاستثمارية : شركة المقاولون العرب هتقوم بافتتاح مستشفى الشيخ جابر الأحمد الصباح بالكويت خلال شهر
واللى تعتبر أكبر مستشفى فى الشرق الأوسط وسادس أكبر مستشفى على مستوى العالم بتكلفة 304 مليون دينار كويتى



.
نقلا عن انتربرايز

اخر فقرة تغطية لابرز 3 تصريحات للخبراء عن التعويم وليه انا قولت ان فيه احتفالات وعيد قومي

1 - أنجوس بلير رئيس العمليات بشركة فاروس القابضة: “سيكون هناك ارتياحا في السوق ولدى الشركات بعد قرار التخفيض (قيمة الجنيه). بدأت عملية إعادة ضبط المعادلة المصرية أخيرا، ولكن ينبغي على الحكومة اتخاذ ما هو أكثر من ذلك لإصلاح الاقتصاد”، وفقا لرويترز.

2 - محمد أبو باشا محلل الاقتصاد الكلي بالمجموعة المالية هيرميس: “هذه خطوة إيجابية وشجاعة جدا على عدة مستويات، سواء بالنسبة لحجم الخطوة أو لفعاليتها الفورية. نحن نتطلع إلى نهاية الأزمة (أزمة العملة الأجنبية)، وهو أمر مرجح جدا”، وفقا لوول ستريت جورنال.

3 - جيسون تيفي المحلل الاقتصادي لدى كابيتال ايكونوميكس: “قرار البنك المركزي لتبني نظام تعويم سعر الصرف خطوة إيجابية، ويعد بمثابة خطة للحكومة نحو تأمين حصولها على قرض صندوق النقد الدولي. سيكون هناك حتما آلاما للاقتصاد على المدى القصير.. سيرتفع التضخم على نحو أكبر. ولكن، مع مرور الوقت، فإن تراجع قيمة الجنيه والإصلاحات المدعومة من صندوق النقد الدولي تضع الأسس لنمو اقتصادي أقوى.. تخفيض قيمة العملة يمكن أن تعود بفوائد كبيرة على المدى الطويل”.





.

كالعادة المستجدات كثيفة ومتنوعة ومتسارعة ... ارجوكم ابقوا معنا :)
 
بوابة الاهرام الزراعي الرسمية:

البس ايها الشعب المصري.

وزير الصناعة: زيادة مرتقبة فى أسعار نقل المنتجات الغذائية بعد ارتفاع الوقود

2016-636141459666651819-665.jpg


7 نوفمبر 2016



عقد وزير التجارة والصناعة، المهندس طارق قابيل، اجتماعا موسعا، بحضور وزير النقل الدكتور جلال سعيد، ووزير التموين والتجارة الداخلية اللواء محمد على مصيلحي، ورئيس الاتحاد العام للغرف التجارية أحمد الوكيل، بشأن دراسة موقف أسعار نقل المنتجات الغذائية خاصة بعد ارتفاع أسعار المنتجات البترولية.

وقال قابيل - في تصريح اليوم الاثنين - إن الاجتماع استهدف التعرف على حجم الزيادات التي طرأت على منظومة نقل السلع بين المحافظات بعد زيادة أسعار المحروقات، واستعراض أهم الإجراءات التي يمكن أن تتخذها الحكومة على المستويين القصير والطويل لتقليل التكلفة والحد من الزيادات غير المبررة؛ لتقليل التأثير على أسعار المنتجات على المستهلكين، حيث تم الاتفاق على قرارات محددة من شأنها السيطرة على تكاليف النقل الداخلي.

وأشار إلى أنه تم الاتفاق خلال الاجتماع على أهمية وضع منظومة متكاملة لنقل وتداول السلع سواء من خلال وزارة التموين أو من خلال شركات النقل الخاص بهدف ضمان عدم تحريك أسعار النقل إلا بضوابط محددة، لافتا إلى أنه تم الاتفاق على عقد رئيس اتحاد الغرف التجارية اجتماعا موسعا مع شعبة النقل البري بالاتحاد لتحديد نسبة الزيادة في أسعار نقل المنتجات، لتتناسب مع حجم الزيادة الفعلية في أسعار المنتجات البترولية.

ومن جانبه، أشار الدكتور جلال سعيد إلى أنه تم بالأمس عقد اجتماع موسع مع ممثلي عدد من الوزرات المعنية بالإضافة إلى ممثلين لشركات النقل الخاصة حيث تم التوصل إلى عدد من التوصيات الخاصة بضمان نقل وتداول السلع فيما بين المحافظات.

من جانبه، أوضح اللواء محمد على مصيلحى وزير التموين أن الوزارة تقوم بالتنسيق مع كافة الجهات المعنية والشركات الناقلة لضمان تأمين نقل كافة السلع التموينية ووصولها إلى كافة المحافظات ودراسة حجم الزيادة في أسعار النقل في ضوء ارتفاع أسعار الوقود.

وفي السياق ذاته، قال أحمد الوكيل رئيس الاتحاد العام للغرف التجارية، إن قطاع النقل يعد أحد أهم محاور تنافسية المنتج المصري سواء في السوق الداخلية أو الخارجية، لافتا إلى أن شعبة النقل البري أعدت دراسة حول الزيادات المقترحة بعد زيادة أسعار المحروقات وسيتم مناقشتها مع الشعبة خلال اليومين المقبلين بهدف التوصل إلى أسعار عادلة لكافة الأطراف.

 
طريق افريقيا "اسكندريه - كيب تاون"
الذى يربط بين مصر وجنوب أفريقيا من المتوقع الانتهاء منه بحلول عام 2016 و2017
أحد أهم المشاكل التى تعوق الصادرات المصرية للدول الأفريقية هى وسيلة النقل، وتتنوع ما بين نقل برى وجوى وبحرى حسب الموقع الجغرافى لكل دولة، خاصة أن هناك دولا حبيسة لا تطل على موانئ يصعب فيها عمليات وصول البضائع.
بإعلان منطقة التجارة الحرة بينها وبين التكتلات الثلاثة الكوميسا، والساداك، وشرق أفريقيا
ميناء أرقين هو نقطة الانطلاق الأولى للطريق القاري “الإسكندرية / كيب تاون”، والذي من شأنه أن يربط أكبر تكتل إفريقي من البحر المتوسط حتى المحيط الهادي، ويخدم حركة التجارة مع 15 دولة إفريقية تقع على الطريق التجاري البري لهذه الدول
ويعد تنفيذ ميناء أرقين البري، إنجازا بكل المقاييس، حيث تم تنفيذه في 26 شهرا، إذ بدأ العمل في 15 يناير 2014
ويرى متخصصون، أن افتتاح المعابر والموانئ الحدودية بين مصر والسودان، من الممكن أن يرفع حركة التجارة بين البلدين، إلى نحو 3 مليارات دولار سنويا.

*يذكر ان الصادرات المصريه الي السودان زادت بنسبه 30%
من 390 مليون دولار الي 520 مليون دولار
والواردات المصريه من السودان شهدت انخفاض من 113 مليون دولار الي 18 مليون دولار فقط لاغير *
 
علي بركه الله
شركه ابوقير للاسمده توقع اتفاق شراكه مع 7 كيانات عملاقه لانشاء مجمع ضخم لانتاج حامض الفسفوريك بمحافظه الوادي الجديد بطاقه 517 الف طن سنويا بتكلفه مليار دولار وبدايه الانتاج الفعلي عام 2020 بإذن الله
والكيانات هي ( شركه الصناعات الكيماويه & انبي & بتروجيت & شركه فوسفات مصر & بنك الاستثمار القومي & غاز الشرق & هيئه الثروه المعدنيه )
#مصر_بتتعمر
#هنبني_بلدنا_مع_السيسي
 
ارتفاع فائض ميزانيه الهيئه القوميه للبريد عن عام 2015/2016 الي 1.041 مليار جنيه مقابل 165 مليون جنيه العام السابق بزياده حوالي 640%
قال الاقتصاد بينهار قال
ولسه اللي جاي احلي بإذن الله
#مصر_بتتعمر
 
مصر تتقدم 56 مركز في التصنيف العالمي للبنك الدولي في جودة الكهرباء .... :)

مكناش لاقينها من سنتين ، دولقتي عندنا وهنصدرها .... السيسي فاشل
 
البورصه تربح 17.5 مليار جنيه وترتفع بأكثر من 5% وحجم تداولات تجاوز ال2 مليار جنيه لاول مره منذ 2010 ومؤشرها الرئيسى يرتفع فوق
مؤشر 9800 نقطه البورصه تربح 60 مليار جنيه فى 3 ايام
 
الانتهاء من حفر البئر السادس والاخير ف المرحله الاولي من حقل ظهر للغاز الطبيعي واللي هيدخل علي الانتاج المبكر بنهايه 2017 بطاقه مليار قدم 3 بإذن الله
 
مدينة الذهب المصرية!!!

_تم توقيع العقد النهائي لأرض مدينة الذهب والتعدين المصرية العالمية، وهي مدينة ستقام في منطقة قناة السويس تضم في مرحلتها الأولى 500 ورشة ومصنع مصغّر إضافة إلى مصفاة للذهب، وأكاديمية للتدريب على كافة الصناعات المتعلقة بالذهب والمعادن الأخرى، تحت إشراف الاتحاد العام للصناعات الإيطالية.
_تم التوقيع لانشاء المدينة بواسطة شركة فيلارد المصرية(شركة مساهمة) مع شركة تيدا الصينية لبناء المدينة ومن المتوقع أن ينتهي تنفيذ المشروع خلال عام ونصف الي عامين بمنطقة الاقتصادية بغرب القناة علي مساحة 130الف متر مربع وسيتم وضع حجر الأساس لمشروعات البنية التحتية خلال هذا العام2016 وسيتم العمل على إنهاءها بشكل سريع جدا ومن المقرر أن ينتهي المشروع قبل نهاية2018.
_وفي تصريحات للمتحدث باسم شركة فيلارد وائل سليمان اكد انها اول مدينة عالمية متكاملة لتصنيع الذهب والفضة وكافة الصناعات المتعلقة بهما والمعادن الاخري ، وأشار سليمان إلى أن رأس مال المشروع يقدر بـ 400 مليون جنية قابلة للزيادة وأن حجم العمالة سيصل إلى 5 آلاف فرصة عمل ما بين متخصصين وفنيين واستشاريين وعمال، سواء عمالة مباشرة أو غير مباشرة ، متابعا أنه تم التوقيع على عدد كبير من الاتفاقات النهائية تحت مظلة الخارجية المصرية مع دول الوسط الأفريقي لاستيراد المعادن والذهب.
_واضاف سليمان أن المشروع مرتبط بمشاريع تنمية محور قناة السويس، ويخضع للإدارة الاقتصادية للقناة التي تمتلك صلاحيات خاصة ومطلقة بالنسبة للأراضي بمحور تنمية القناة، لافتا أنه يتم التحضير ليكون جزءا من المشروع في محافظة البحر الأحمر بشكل سيٌخدِّم على صعيد مصر.

وأكد أنه في خلال سنوات قليلة جدا سيتم تغطية السوق المحلي وسد احتيجاته بنسبة 100%، بالإضافة إلى التصدير وتصنيع ماركات وعلامات تجارية عالمية في تلك المدينة.
 
مشروع "4"جزر الاسكندريه ال"24" بالملاحات
ويعد هذا المشروع خطوة على الطريق المستقبل، حيث يقع المشروع بمنطقة الملاحات الواقعة على جانبه الطريق الصحراوى القادم من الإسكندرية من مدخلها الغربى فى المسافة ما بين كارفور ودوان تاون وحتى التقاطع مع ترعة المحمودية بمسافة 6 كم، ويتكون من عدد 24 جزيرة كل جزيرة تقع على شكل دائرى بمساحة 500 ألف متر مربع وتتصل بشكل خدمى على جانبى الطريق الملاصق له عرض 12 مترا، ليخلق داخل الملاحات سلسلة من الكبارى، حيث إن الجزر تبعد عن الطريق الخدمى 100 متر.

و من المقرر أن يسمح بالنشاط السكنى الإدارة والفندقى للمسطحات بعد إقامة مبنى بارتفاع 100 متر بكل جزيرة واستغلال 15 ألف متر كموقف للسيارات فى كل جزيرة ويسمح لعمل مارينا خشبية عالمية لممارسة الرياضيات المائية، و من المتوقع أن يدر المشروع عائدات بقيمة 7 مليارات جنيه .
 
طرح 500000 فدان ليتملكهم الشباب الشهر المقبل .
وقيمة الفدان 40000 ويتم بدء السداد في الاقساط بعد سنتين من الاستلاام ولمدة 7 اعوام
 
#كان_حلم_واتحقق
تعرف حاجه عن مشروع تكافل وكرامة؟ تعرف انه احد اهم الانجازات الي تم عملها في ملف حماية محدودي الدخل ووصول الدعم لمستحقيه؟ تعرف انه تم اختياره من البنك الدولي ضمن اهم اربع مشاريع خيرية علي مستوي العالم ؟
حابب تعرف اكتر عنه اتفضل اللينك اهوو

 
مصر والهند والصين بيفاجئوا الاقتصاد العالمي

حسب تقرير الفايننشال تايمز للاستثمارات الاجنبية المباشرة "المعلن عنها" عن اول ٧ شهور فى ٢٠١٦

التقرير المقتبس من ال FDI Intelligence Unit
الوحدة التابعة لنفس المؤسسة "الفايننشال تايمز"
٠

مصر احتلت المركز ال٥ فى اول ٧ شهور فقط فى ٢٠١٦ ب٢٠٫٧ مليار دولار
والاول فى افريقيا
والاول فى الشرق الاوسط

مصر ال٥ بعد ماكانت ال١٥ ع العالم فى نفس ال7 شهور للسنة السابقة ٢٠١٥

الهند هى بطل التصنيف ب٣٦ مليار وبتفوقها لاول مرة فى تاريخها علي الصين
واحتلالها المركز الاول وتركت التاني للصين ثم اندونيسيا ثالثة وامريكا رابعة ومصر خامسة

تليها انجلترا وفيتنام والمكسيك والسعودية وايران
٠

الموضوع مثير للانتباه ولفت نظر كل المتابعين لان ببساطة امريكا وبريطانيا كانوا فى المراكزال٥ الاولي لاول ٧ شهور من ٢٠١٥ لكن السنة دى تراجعوا

احنا هنا بنتكلم عن الاستثمارات المعلنة مش المنفذة
اللى اسمها Greenfield FDi
ودى المقصود بيها الاستثمارات اللى تم توقيع اتفاقيات وعقود بخصوصها لكن لم يتم ضخها كلها فى نفس السنة

مش مذكرات تفاهم ولا اعلان نوايا أو خطط توسعية

اتفاقات وعقود جادة فقط ونهائية

كذلك هي محصورة فقط علي الاستثمارات اللى بتبدأ من الصفر مش بتشتري مصنع قائم ولا تستحوذ علي شركة موجودة فعليا فى السوق , لا دى استثمارات بتأسس كل شيء من الصفر
.

زي مثلا اتفاقية الاستثمارات الصينية لشركة CFLD
فى العاصمة الادارية الجديدة , تم الاتفاق ان الاستثمارات دى هيتم ضخهم علي 5 - 7 سنوات

فى سنة 2016 مثلا هيتم ضخ 2 مليار من المبلغ الاجمالي , دة اسمه استثمارات Inflows
والباقي اسمه Greenfield

وبالمناسبة الاتفاقية دى غير مضمنة فى تقرير الفايننشال تايمز لانها تمت فى سبتمبر والتقريررصد لحد يوليو
وبالتالي ملهاش اي علاقة بالرقم المكتوب (20.7مليار)
دة مجرد مثال توضيحي
٠

فى بوست سابق ليا قولت ان الاستثمارات الاجنبية المباشرة فى مصر وصلت ل6.9 مليار فى 2015

دى الاستثمارات المنفذة
اللى اسمها ال Inflows FDI

احنا فى الجرين فيلد بنرصد حجم الاقبال علي الاستثمار بدولة ما ومدي اهتمام المستثمرين الدوليين بالدولة دى

٠

تركيا اللى اتكلمت اكتر من مرة عن تدهور سمعتها الاستثمارية من قبل الانقلاب الفاشل بسبب الارهاب والعداءات الاقليمية وتدخلها فى سوريا والحرب الاهلية مع الاكراد وكل التدهور دة طبعا زاد بعد اللي حصل فى يوليو اللى فات وانخفاض حاد فى تصنيفها الائتماني ... تم الاعلان عن ضخ استثمارات فيها بقيمة 5.8 مليار دولار واحتلت المركز ال30

طبعا مركز متراجع جدا

اسرائيل 2.3 مليار دولار واحتلت احد المراكز ما بين ال45 لل50 , التقرير مذكرش مركزها ولم يرصدها من الاصل لضعف الرقم المتدفق لاقتصادها

٠

مصر استثمرت خارج اراضيها بقيمة 1.7 مليار دولار هيتم ضخهم فى 14 مشروع متنوع معظمهم فى افريقيا

٠

السؤال دلوقتى : ليه انتقلنا من المركز ال15 للمركز ال5 وازاي؟؟

دة بفضل التطور الهائل فى بنيتنا التحتية واللى لولاها مفيش اي استثمار هيزيد فى البلد وهيستمر علي معدلاته القليلة

مفيش استثمار بيدخل لبلد بنيتها التحتية رديئة متمثلة فى شبكة الطرق والطاقة

اهم عنصرين علي الاطلاق الطرق والطاقة
تليهم التسهيلات البنكية والحوافز الضريبية وتسعير الاراضي وجودة المرافق ... الخ

.

السؤال الاهم : ليه الارقام دى احنا مش حاسين بيها وبنعاني من مشاكل وازمات سكر ورز ودولار ... الخ؟؟؟

الارقام دى محتاجة وقت واستقرار واستمرارية عشان نحس بيها وباثرها الايجابي
لان ببساطة الاقتصاد منهك وتم تدميره حرفيا اخر 5 سنين
وكل مواردنا الدولارية بتعاني , باعتبار الاستثمار الاجنبي احد هذه الموارد

فهو المورد الابرز اللى بيرتفع وبيتحسن بمعدلات ملحوظة جدا
لكن تحسنه غير كافي لتغطية انخفاضات الموارد الاخري زي السياحة والعجز فى الميزان التجاري

٠

ايه دلالات المؤشر دة ؟ وليه احنا مهتمين بيه ؟؟؟

المؤشر بيأكد اننا دولة كبيرة واقتصاد يملك امكانيات ضخمة
والاستثمار فيها استثمار واعد وله عوائد وربحية عالية حسب رؤية المستثمرين الدوليين
توقيع عقود ب20.7 مليار دولار فى 7 شهور فقط معناه ايجابي وجيد جدا

ودة واحد من مؤشرات قليلة جدا مصر متفوقة فيها

٠

كان فيه ناس بتسيء لوزيرة الاستثمار من ايام قليلة
اعتقد الخبر دة افضل شهادة علي بذلها جهد جبار لتحسين صورتنا الذهنية وسمعتنا والمناخ الاستثماري قدر الامكان وقدر استطاعتها فى جو من الاحباط والفساد والروتين والتشريعات العقيمة والحرب النفسية

٠

ملحوظة مهمة : انت لو مش مشترك فى الفايننشال تايمز هتواجه صعوبة فى الاطلاع علي محتوي الخبر


.

المصادر

الفايننشال تايمز :
 
مصر والهند والصين بيفاجئوا الاقتصاد العالمي

حسب تقرير الفايننشال تايمز للاستثمارات الاجنبية المباشرة "المعلن عنها" عن اول ٧ شهور فى ٢٠١٦

التقرير المقتبس من ال FDI Intelligence Unit
الوحدة التابعة لنفس المؤسسة "الفايننشال تايمز"
٠

مصر احتلت المركز ال٥ فى اول ٧ شهور فقط فى ٢٠١٦ ب٢٠٫٧ مليار دولار
والاول فى افريقيا
والاول فى الشرق الاوسط

مصر ال٥ بعد ماكانت ال١٥ ع العالم فى نفس ال7 شهور للسنة السابقة ٢٠١٥

الهند هى بطل التصنيف ب٣٦ مليار وبتفوقها لاول مرة فى تاريخها علي الصين
واحتلالها المركز الاول وتركت التاني للصين ثم اندونيسيا ثالثة وامريكا رابعة ومصر خامسة

تليها انجلترا وفيتنام والمكسيك والسعودية وايران
٠

الموضوع مثير للانتباه ولفت نظر كل المتابعين لان ببساطة امريكا وبريطانيا كانوا فى المراكزال٥ الاولي لاول ٧ شهور من ٢٠١٥ لكن السنة دى تراجعوا

احنا هنا بنتكلم عن الاستثمارات المعلنة مش المنفذة
اللى اسمها Greenfield FDi
ودى المقصود بيها الاستثمارات اللى تم توقيع اتفاقيات وعقود بخصوصها لكن لم يتم ضخها كلها فى نفس السنة

مش مذكرات تفاهم ولا اعلان نوايا أو خطط توسعية

اتفاقات وعقود جادة فقط ونهائية

كذلك هي محصورة فقط علي الاستثمارات اللى بتبدأ من الصفر مش بتشتري مصنع قائم ولا تستحوذ علي شركة موجودة فعليا فى السوق , لا دى استثمارات بتأسس كل شيء من الصفر
.

زي مثلا اتفاقية الاستثمارات الصينية لشركة CFLD
فى العاصمة الادارية الجديدة , تم الاتفاق ان الاستثمارات دى هيتم ضخهم علي 5 - 7 سنوات

فى سنة 2016 مثلا هيتم ضخ 2 مليار من المبلغ الاجمالي , دة اسمه استثمارات Inflows
والباقي اسمه Greenfield

وبالمناسبة الاتفاقية دى غير مضمنة فى تقرير الفايننشال تايمز لانها تمت فى سبتمبر والتقريررصد لحد يوليو
وبالتالي ملهاش اي علاقة بالرقم المكتوب (20.7مليار)
دة مجرد مثال توضيحي
٠

فى بوست سابق ليا قولت ان الاستثمارات الاجنبية المباشرة فى مصر وصلت ل6.9 مليار فى 2015

دى الاستثمارات المنفذة
اللى اسمها ال Inflows FDI

احنا فى الجرين فيلد بنرصد حجم الاقبال علي الاستثمار بدولة ما ومدي اهتمام المستثمرين الدوليين بالدولة دى

٠

تركيا اللى اتكلمت اكتر من مرة عن تدهور سمعتها الاستثمارية من قبل الانقلاب الفاشل بسبب الارهاب والعداءات الاقليمية وتدخلها فى سوريا والحرب الاهلية مع الاكراد وكل التدهور دة طبعا زاد بعد اللي حصل فى يوليو اللى فات وانخفاض حاد فى تصنيفها الائتماني ... تم الاعلان عن ضخ استثمارات فيها بقيمة 5.8 مليار دولار واحتلت المركز ال30

طبعا مركز متراجع جدا

اسرائيل 2.3 مليار دولار واحتلت احد المراكز ما بين ال45 لل50 , التقرير مذكرش مركزها ولم يرصدها من الاصل لضعف الرقم المتدفق لاقتصادها

٠

مصر استثمرت خارج اراضيها بقيمة 1.7 مليار دولار هيتم ضخهم فى 14 مشروع متنوع معظمهم فى افريقيا

٠

السؤال دلوقتى : ليه انتقلنا من المركز ال15 للمركز ال5 وازاي؟؟

دة بفضل التطور الهائل فى بنيتنا التحتية واللى لولاها مفيش اي استثمار هيزيد فى البلد وهيستمر علي معدلاته القليلة

مفيش استثمار بيدخل لبلد بنيتها التحتية رديئة متمثلة فى شبكة الطرق والطاقة

اهم عنصرين علي الاطلاق الطرق والطاقة
تليهم التسهيلات البنكية والحوافز الضريبية وتسعير الاراضي وجودة المرافق ... الخ

.

السؤال الاهم : ليه الارقام دى احنا مش حاسين بيها وبنعاني من مشاكل وازمات سكر ورز ودولار ... الخ؟؟؟

الارقام دى محتاجة وقت واستقرار واستمرارية عشان نحس بيها وباثرها الايجابي
لان ببساطة الاقتصاد منهك وتم تدميره حرفيا اخر 5 سنين
وكل مواردنا الدولارية بتعاني , باعتبار الاستثمار الاجنبي احد هذه الموارد

فهو المورد الابرز اللى بيرتفع وبيتحسن بمعدلات ملحوظة جدا
لكن تحسنه غير كافي لتغطية انخفاضات الموارد الاخري زي السياحة والعجز فى الميزان التجاري

٠

ايه دلالات المؤشر دة ؟ وليه احنا مهتمين بيه ؟؟؟

المؤشر بيأكد اننا دولة كبيرة واقتصاد يملك امكانيات ضخمة
والاستثمار فيها استثمار واعد وله عوائد وربحية عالية حسب رؤية المستثمرين الدوليين
توقيع عقود ب20.7 مليار دولار فى 7 شهور فقط معناه ايجابي وجيد جدا

ودة واحد من مؤشرات قليلة جدا مصر متفوقة فيها

٠

كان فيه ناس بتسيء لوزيرة الاستثمار من ايام قليلة
اعتقد الخبر دة افضل شهادة علي بذلها جهد جبار لتحسين صورتنا الذهنية وسمعتنا والمناخ الاستثماري قدر الامكان وقدر استطاعتها فى جو من الاحباط والفساد والروتين والتشريعات العقيمة والحرب النفسية

٠

ملحوظة مهمة : انت لو مش مشترك فى الفايننشال تايمز هتواجه صعوبة فى الاطلاع علي محتوي الخبر


.

المصادر

الفايننشال تايمز :


يا ريت تتكرم و تحط لنا رابط التصنيف على ال FDI Intelligence Unit
لأنى مش لاقى حاجة علشان الانجليزى بتاعى تعب و شكله مات منى

و كمان الرابط الأخير لا يعمل

شكراً لك
 
يا ريت تتكرم و تحط لنا رابط التصنيف على ال FDI Intelligence Unit
لأنى مش لاقى حاجة علشان الانجليزى بتاعى تعب و شكله مات منى

و كمان الرابط الأخير لا يعمل

شكراً لك
لازم تكون مشترك في الفاينشال تايمز.
وده لينك صحيفة صدي البلد بيأكد الكلام ده نقلا عن فاينشال تايمز
 
يا ريت تتكرم و تحط لنا رابط التصنيف على ال FDI Intelligence Unit
لأنى مش لاقى حاجة علشان الانجليزى بتاعى تعب و شكله مات منى

و كمان الرابط الأخير لا يعمل

شكراً لك
 
الشعب المصرى عمل شهادات ادخار بـــ 14 مليار جنيه خلال 24 ساعة ، الرقم المرعب دا و تأثيره الايجابي على االاقتصاد المصري .
وذالك بعد رفع البنوك قيمة الفائدة ل 20٪
 
عودة
أعلى