بـوابة مصـر الأقتصادية

OSORIS · 24 سبتمبر 2021

قطاع المغرة الزراعي يعاد تاهيله من جديد
بعد ضمها لمشروع المليون ونصف فدان

بيان صادر عن شركة تنمية الريف المصرى الجديد:

بدء تركيب أول برج إتصالات داخل أراضى مشروع ال ١.٥ مليون فدان بمنطقة المغرة

إنهاء التركيبات لعدد ٣ أبراج ربط بمنطقة العلمين.. تمهيداً لبدء التجريب التنفيذى للشبكة خلال الأسابيع القليلة القادمة

أعلنت شركة تنمية الريف المصرى الجديد، المسئولة عن تنفيذ وإدارة المشروع القومى المليون ونصف المليون فدان، عن بدء تركيب أول برج إتصالات داخل أراضى المشروع القومى "المليون ونصف المليون فدان" بمنطقة المغرة جنوب العلمين، وذلك فى إطار الخطة الموضوعة مؤخراً من جانب الشركة، برئاسة اللواء عمرو عبد الوهاب - رئيس مجلس الإدارة والعضو المنتدب لشركة تنمية الريف المصرى الجديد - من أجل سرعة مد وتجهيز شبكة الإتصالات وتركيب أبراج إرسال المحمول داخل أراضى المشروع القومى ال ١.٥ مليون فدان فى منطقة المغرة.

تشمل أعمال تجهيز شبكة الإتصالات إنشاء وتركيب عدد ٤ أبراج إرسال داخل أراضى المشروع فى منطقة المغرة، فى حين تم بالفعل إنهاء التركيبات لعدد ٣ أبراج ربط أخرى تقع عند منطقة العلمين، من المقرر أن تقوم بتقوية الإرسال وربط شبكة الإتصالات داخل أراضى المليون ونصف المليون فدان فى المغرة بالشبكة الرئيسية.

هذا، وأضافت شركة تنمية الريف المصرى الجديد، فى بيانها الصادر اليوم، أنها تعكف حالياً على سرعة الانتهاء من جميع الأعمال والتجهيزات اللازمة لتركيب الأبراج ومد الشبكات، وكذا التواصل بشكلٍ يومى مع كافة الأجهزة والجهات المختصة، المعنية بإنهاء وتشغيل شبكة الإتصالات فى المغرة، وذلك استعداداً لبدء التجريب التنفيذى للشبكة خلال الأسابيع القليلة القادمة، وتوفير أفضل خدمة إتصالات ممكنة لصالح المنتفعين بأراضى مشروع ال ١.٥ مليون فدان.

OSORIS · 24 سبتمبر 2021

رياض ناصر قال:
أرجو ان ينتبة اخي العزيز اوزوريس انه اذا كان هناك الكثير من المغرضين، فهناك ايضا الكثير من المحبين للرئيس ولبلدهم ولا يحركهم عند النقد الا هذا الحب وهذه الرغبة في ان تصبح بلدنا العزيزة في مصاف العالم المتقدم.

صديقي الاستاذ رياض انا لست ضد الوطنيبن اصحاب الحلول والاستفهامات التي تهم الشان العام والوصول الى اعلى مستوى ممكن من التميز هولاء يملؤون الموضوع باراؤهم و يثرونه و يضعون الحلول من قبيل الرغبة العارمة في الاصلاح وانا احب النقاش معهم

لكن هناك اراء اخرى معروفه من اين تستقى ومن هم اصحابها و ما هي دوافعهم زي الكابتن الذي انتفض عندما ذكرت الاسلامجية والبساريين ومدى ضحالة فكرهم و خلل منطقهم واعتراضهم لمجرد الاعتراض وجر البلد دايما لمربع الازمات ليتمكنوا طوال الوقت من الارتزاق بها

بالطبع هو استفز من تعليقي لانه متاثر بفكر الاسلامجية او اليساريين ليس الا ..فلم بستفز غيره احد من تعليقي بالرغم من وجود كثير من اصحاب الرؤى المغايرة هنا في الموضوع

تحياتي لك يا محترم

عبد الباقى · 24 سبتمبر 2021

المنتصر · 24 سبتمبر 2021

OSORIS قال:
قطاع المغرة الزراعي يعاد تاهيله من جديد
بعد ضمها لمشروع المليون ونصف فدان

بيان صادر عن شركة تنمية الريف المصرى الجديد:

بدء تركيب أول برج إتصالات داخل أراضى مشروع ال ١.٥ مليون فدان بمنطقة المغرة

إنهاء التركيبات لعدد ٣ أبراج ربط بمنطقة العلمين.. تمهيداً لبدء التجريب التنفيذى للشبكة خلال الأسابيع القليلة القادمة

أعلنت شركة تنمية الريف المصرى الجديد، المسئولة عن تنفيذ وإدارة المشروع القومى المليون ونصف المليون فدان، عن بدء تركيب أول برج إتصالات داخل أراضى المشروع القومى "المليون ونصف المليون فدان" بمنطقة المغرة جنوب العلمين، وذلك فى إطار الخطة الموضوعة مؤخراً من جانب الشركة، برئاسة اللواء عمرو عبد الوهاب - رئيس مجلس الإدارة والعضو المنتدب لشركة تنمية الريف المصرى الجديد - من أجل سرعة مد وتجهيز شبكة الإتصالات وتركيب أبراج إرسال المحمول داخل أراضى المشروع القومى ال ١.٥ مليون فدان فى منطقة المغرة.

تشمل أعمال تجهيز شبكة الإتصالات إنشاء وتركيب عدد ٤ أبراج إرسال داخل أراضى المشروع فى منطقة المغرة، فى حين تم بالفعل إنهاء التركيبات لعدد ٣ أبراج ربط أخرى تقع عند منطقة العلمين، من المقرر أن تقوم بتقوية الإرسال وربط شبكة الإتصالات داخل أراضى المليون ونصف المليون فدان فى المغرة بالشبكة الرئيسية.

هذا، وأضافت شركة تنمية الريف المصرى الجديد، فى بيانها الصادر اليوم، أنها تعكف حالياً على سرعة الانتهاء من جميع الأعمال والتجهيزات اللازمة لتركيب الأبراج ومد الشبكات، وكذا التواصل بشكلٍ يومى مع كافة الأجهزة والجهات المختصة، المعنية بإنهاء وتشغيل شبكة الإتصالات فى المغرة، وذلك استعداداً لبدء التجريب التنفيذى للشبكة خلال الأسابيع القليلة القادمة، وتوفير أفضل خدمة إتصالات ممكنة لصالح المنتفعين بأراضى مشروع ال ١.٥ مليون فدان.

اصلا استصلاح الاراضي الزراعية في مصر ماشي بنفس سرعة ايام مبارك خلال 7 سنوات فقط تم اضافة نصف مليون فدان
يمكن اما تكتمل مشاريع الري زي معالجة مياه مصرف بحر البقر وتبطين الترع وغيرها من مشروعات الري تتوفر المياه للتوسع الزراعي والسنين القادمة تكون افضل

المنتصر · 24 سبتمبر 2021

لماذا تحفر مصر أنفاقا عملاقة أسفل قناة السويس؟

افتتح الرئيس المصري عبد الفتاح السيسي منذ يومين نفق الشهيد أحمد حمدي 2 بمدينة السويس، والذي يقع أسفل قناة السويس ضمن مجموعة من الأنفاق افتتحتها مصر مؤخرا.

arabic.rt.com

انا شايف ان في المستقبل هيكون فيه حاجة ل3 مترو انفاق في بورسعيد والسويس والاسماعيلية عشان العمال والموظفين والمواطنين نتقلوا بشكل اسرع وارخص بين الضفة الشرقية والغربية للقناة مع طبعا الانفاق اللي اتعملت لمرور السلع
ولو هنعمل مشروع الشام الكبير يبقى محتاجين قطار يوصل ما بين مصر والعراق يبقى محتاجين نفق في القناة ونفق يربطنا بالاردن

خبير استراتيجي في اى حرب · 24 سبتمبر 2021

أحْمَدَ قال:
اسمحلى ارد عليك وخدها بصدر رحب

طريقة حضرتك متفرقش حاجة عن طريقته

اذا كان هو بيخون اى حد معترض فانت بتوصف متبعى طريقته بالمطبلين وعبيد نظام

بصراحة الطريقتين يقرفوا وبيعمقوا فرقة الفكر وعدم تقبل الراى الاخر دا غير زيادة نبرة الحزبية والتصنيف الغير منصف لناس كتيرة فى البلد ودا بينتج عنه فى رايى احجام كثير من العاقلين و المتعلمين والمثقفين والخبراء عن تقييم واعطاء الاراء وطرح بدائل للمناقشة واستحسان الافضل فى القضايا المطروحة ودا مش حيبقى مجتمع صحى

الطريف فى الموضوع ان اختلافكوا دا سواء مؤيد عميانى او متطرف معارضة لا يفرق شيئ مع الحكومة المصرية ( مش النظام زى ما بيتفرض علينا هذا اللفظ من جهات قذرة لاهداف معروفة ) وبتنفذ مخططاتها واهدافها الاستراتيجية بناء على رويتها بدون اى التفات لافعالكوا لا المؤيدة ولا المعارضة يعنى فى الاخر المحصلة صفر

وبصراحة كل لومى على الجماعة المتخلفة اللى اسمها الاخوان منهم لله لا هم عارضوا ولا عرفوا يحكموا ولا عرفوا يعارضوا من الخارج والاوسخ اعطوا مبرر للحكومة المصرية للقمع لانك مبتعارضش انت بتسعى لاسقاط الحكم لا وكمان بغبائهم بينموا الفكر المتطرف يا فى التاييد الاعمى نكاية فيهم يا المعارضة العمياء برده بس كرها فى خصومهم منهم لله

وربنا يوفق بلدنا للخير وصلوا على النبى اصل الهدف واحد والنتيجة سواء خير باذن الله او شر احنا وعيالنا اللى حنشربها لاخر نقطة لاننا ملناش غيرها ونتمنى يبقى خير ان شاء الله

يا اخى والله بفرح لما الاقي لسه ناس بتفكر بعقل زي حضرتك بعيدا عن العاطفه ..
بس احب الفت انتباهك لحاجه .. خلى بالك انا مؤيد للحكومه في معظم المجال الاقتصادى والتنموى والتسليح العسكرى والتطوير الصحى والتعليمى .. لان الواقع بيقول كده . بالعكس انما انا معترض في توجهات سياسيه معينه للدوله الى اتجهنا فيها للقمع والتضيق الامنى والراى الواحد في الاعلام ومحاكمه اى معترض بحجه هدم النظام وفياد مستقبل وطن واستنساخ تحربه الحزب الوطنى وشله المنتفيعين .. بالمناسبه .. لفظ نظام الى انت معترض عليه .. موجود تهمه رسميه لاى معارض من النظام نفسه ومحاكم امن الدوله ... تهمه قلب النظام ... وهدم نظام الدوله ...

خد عندك اعلام النظام كله توجه واحد معروفه للكبير والصغير .. لغه اعلام واحده .. المعارضه ممنوعه .. تطبيل في تطبيل على طول الخط .. .. يبقى مافيش مقارنه بين المعارضه والتاييد .. ما تساويش بين معارض مقهور مرمى في السجن بحجه نشر اخبار كاذبه من وجه النظام وبين مؤيد ..
يبقى مجال تشبيهى انا معارض طوال الخط .. خطا .. انما اخونا الفاضل كل اخباره اقسم بالله حاجه تفرح عن البلد وعنده حماس وحب للبلد كبيره .. عيبه فقط الردود على اى راي مخالف للحكومه بالتخوين وان الحكومه صح مهما كاان .. انا استغربت من موضوع عن المونوريل راي هندسي معارض بالتالى الرد المفروض يكون عليه هندسي بحت .. انما رده كان غريب بيروح في سكك تانيه خالص .. بمبدا الحب والاستهجان العاطفي البحت .. كل التحيه لك والله انا سعيد لما بلاقي ناس بتؤيد وتعارض من عقلها بكل ادب واحترام للاخر زى كلامك بالضبط بعيدا عن الارهاب الفكرى والتهديد الامنى من النظام ..

egy13 · 24 سبتمبر 2021

المخابرات العامة قال:
انا مايهمنيش دقة البيانات ، قد ما يهمني كفاءة عمل البنية الاساسية للمشروع
دقة البيانات كده كده هتوصلها مع التعديل و تحديث البيانات المستمر

بالعكس جودة البيانات هي اهم حاجة انت محتاج تحسنها لان التحول الرقمي مش توفير خدمات حكومية رقمية فقط لكن للمساعدة في ادارة الدولة واتخاذ القرارات وتحقيق الانضباط والقضاء على الفساد طالما عندك جودة بيانات عالية تسمح باتخاذ قرارات سليمة فتلبيانات هي نفط المستقبل خصوصا مع مخطط الدولة استخدام الذكاء الاصطناعي في تصحيح وتحليل البيانات .. المفروض جودة البيانات تكون وصلت على الاقل ٩٥% حسب كلام اتقال في مؤتمر التحول الرقمي من سنتين

المخابرات العامة قال:
انما لو البينة الاساسية من شبكات و سيرفرات و منظومات حماية ، مش بالكفاءة المطلوبة او مش عاملة حساب المستقبل

للاسف المعلومات عن الموضوع ده قليلة جدا لاسباب مفهومة .. لكن السيسي كان اتكلم عن الموضوع ده قبل كده .. حاجه مثلا من المعروفة هو عمل شبكة داخلية من كابلات الفايبر للربط بين اكتر من ٣٣ الف جهة حكومية بعيد عن شبكة الانترنت وتصوري من اهدافها الحماية من محاولات الاختراق الخارجية بخلاف نهاية عصر السيستم واقع .. ولو لاحظت في الفيديو ده هتلاقي السيسي من سنتين كان بيتكلم ان تكلفة التحول الرقمي هتكون حوالي ٢٥ مليار جنيه .. لكن من شهر مثلا اتكلم ان تكلفة التحول الرقمي هتوصل ١٠٠ مليار .. وده معناه ان فيه تطوير واضافات كتير للمشروع تمت وستتم

أحْمَدَ · 24 سبتمبر 2021

Amrali قال:
يا اخى والله بفرح لما الاقي لسه ناس بتفكر بعقل زي حضرتك بعيدا عن العاطفه ..
بس احب الفت انتباهك لحاجه .. خلى بالك انا مؤيد للحكومه في معظم المجال الاقتصادى والتنموى والتسليح العسكرى والتطوير الصحى والتعليمى .. لان الواقع بيقول كده . بالعكس انما انا معترض في توجهات سياسيه معينه للدوله الى اتجهنا فيها للقمع والتضيق الامنى والراى الواحد في الاعلام ومحاكمه اى معترض بحجه هدم النظام وفياد مستقبل وطن واستنساخ تحربه الحزب الوطنى وشله المنتفيعين .. بالمناسبه .. لفظ نظام الى انت معترض عليه .. موجود تهمه رسميه لاى معارض من النظام نفسه ومحاكم امن الدوله ... تهمه قلب النظام ... وهدم نظام الدوله ...

خد عندك اعلام النظام كله توجه واحد معروفه للكبير والصغير .. لغه اعلام واحده .. المعارضه ممنوعه .. تطبيل في تطبيل على طول الخط .. .. يبقى مافيش مقارنه بين المعارضه والتاييد .. ما تساويش بين معارض مقهور مرمى في السجن بحجه نشر اخبار كاذبه من وجه النظام وبين مؤيد ..
يبقى مجال تشبيهى انا معارض طوال الخط .. خطا .. انما اخونا الفاضل كل اخباره اقسم بالله حاجه تفرح عن البلد وعنده حماس وحب للبلد كبيره .. عيبه فقط الردود على اى راي مخالف للحكومه بالتخوين وان الحكومه صح مهما كاان .. انا استغربت من موضوع عن المونوريل راي هندسي معارض بالتالى الرد المفروض يكون عليه هندسي بحت .. انما رده كان غريب بيروح في سكك تانيه خالص .. بمبدا الحب والاستهجان العاطفي البحت .. كل التحيه لك والله انا سعيد لما بلاقي ناس بتؤيد وتعارض من عقلها بكل ادب واحترام للاخر زى كلامك بالضبط بعيدا عن الارهاب الفكرى والتهديد الامنى من النظام ..

اولا متشكر جدا

بس احب اطمنك متقلقش احنا كتير جدا بس من اللى بنشوفه من الاسلوب السئ دا من الطرفين الواحد بينأى بنفسه عنه ودا مكمن الخطر اللى انا وضحته فى ردى السابق

واسمحلى ارد عليك فى نقط لتفنيد ردك

. كونك مؤيد او معارض متفرقش معايا انا شخصيا طالما فى اطارها الطبيعى لان دا ال Default اللى ربنا خلق بيه البشر والعكس هو الشاذ عن الطبيعة الفرق ان اختلافك يكون مفيد ومنتج مش هادم ومنفر مش معقول تبقى بتقترح على هد بيتى مثلا وتلاقى منى قبول لرايك بل ان مقاومتك واجبة خصوصا لو كنت لا متخصص ولا دارس فا يا اما بتفتى يا اما كاره لشخصى ودا مجرد مثال ممكن يكون مخل فاعذرنى

. النسبة لفكرة القمع والتحزب الاعمى فا من رايى الشخصى انه مسار اتجبر عليه الحاكم نتيجة غباء غشيم من جماعة متخلفة فعند الهجوم عليك طبيعى حتدافع وبما انك الاقوى حترد بغشم وحتحاول بكل قوتك تحييد الاخطار المستقبلية المتوقعه من نفس الخصم بل والقضاء عليه نهائيا ودا مسار متخلف ولكن للاسف هم اللى خلوها معادلة صفرية بغبائهم لا هما كانوا قد المواجهة ولا قد الاستمرار فيها ولا قدرة لهم على التراجع عنها حاجة كدة اقسم بالله لو عيال فى كيجى ما يعملوها سذاجة اطفال مش فشل سياسى ولكن انا شخصيا غير راضى عن الطريقة لكن استمرار الهجوم حيؤدى الى التمترس والدفاع ودى سنة كونية

. اما فكرة مصطلح نظام انا غير راضى عنه ومقتنع انه بيفرض على مسامعنا فرضا ليستسيغ المتلقى اللفظ بدلالاته من فصل الحكومة عن الدولة وبالتالى قبول فكرة سهولة اسقاطها حاجة قذرة كدة منهم لله هدوا دول شردوا وقتلوا ملايين نتيجة تغفيل شعوب جاهلة متواكلة وحسها على التخريب على امل اقتطاع غنيمة طايبة دون تعب من لحم وعظم دولته

. فى النهاية ارجع واقول كلا الطريقتين خطا والطرفين مقهورين على الوطن كل بطريقته والمساواة فى الظلم عدل وكل يجنى ما صنعت يداه والحياة اختيارات ولكل منا اختياره فمعارضتك فى ظل ظروف معينة مع اغفال نتيجة اختيارك او مخاطره سذاجة وتتحمل نتيجتها وعلى التوازى اختيار التأييد ايضا له مخاطره وتبعاته فى حالة الفشل على اى مستوى او زيادة الاعباء سواء الاقتصادية او الامنية الخ..

شكرا

المخابرات العامة · 24 سبتمبر 2021

egy13 قال:
بالعكس جودة البيانات هي اهم حاجة انت محتاج تحسنها لان التحول الرقمي مش توفير خدمات حكومية رقمية فقط لكن للمساعدة في ادارة الدولة واتخاذ القرارات وتحقيق الانضباط والقضاء على الفساد طالما عندك جودة بيانات عالية تسمح باتخاذ قرارات سليمة فتلبيانات هي نفط المستقبل خصوصا مع مخطط الدولة استخدام الذكاء الاصطناعي في تصحيح وتحليل البيانات .. المفروض جودة البيانات تكون وصلت على الاقل ٩٥% حسب كلام اتقال في مؤتمر التحول الرقمي من سنتين

للاسف المعلومات عن الموضوع ده قليلة جدا لاسباب مفهومة .. لكن السيسي كان اتكلم عن الموضوع ده قبل كده .. حاجه مثلا من المعروفة هو عمل شبكة داخلية من كابلات الفايبر للربط بين اكتر من ٣٣ الف جهة حكومية بعيد عن شبكة الانترنت وتصوري من اهدافها الحماية من محاولات الاختراق الخارجية بخلاف نهاية عصر السيستم واقع .. ولو لاحظت في الفيديو ده هتلاقي السيسي من سنتين كان بيتكلم ان تكلفة التحول الرقمي هتكون حوالي ٢٥ مليار جنيه .. لكن من شهر مثلا اتكلم ان تكلفة التحول الرقمي هتوصل ١٠٠ مليار .. وده معناه ان فيه تطوير واضافات كتير للمشروع تمت وستتم

انا شوفت جلسة النقاش دي ، كانت في مؤتمر الشباب الاخير او اللي قبله على ما اتذكر

كلامي عن دقة البيانات ، مش لانها مش مهمة ، بالعكس البيانات دي في الاخير هي المخرجات النهائية للمشروع
لكن كلامي الغرض منه اني اقول ، اني ممكن اقبل تدني في دقة البيانات في البداية " لاني كده كده هوصل لدقة البيانات دي مع الشغل "
لان مافيش نظام هيخلو من اخطاء ، و فيه نسبة خطأ عالمية في المنظومات اللي زي ده

اما لُب كلامي هنا ، هو البنية الاساسية او التحتية للمشروع
اعتبر البنية الاساسية دي هي المصنع بتاعي ، اللي بياخد بيانات متفرقة " كمدخلات " بتمر في المصنع ده ، عشان يطلعلي بيانات مجمعة " كمخرجات "

انا عايز المصنع ده يكون على اعلى كفاءة ممكنة
عشان لما يحصل خطأ في " المخرجات "
اكون عارف ان الخطأ في الغالب في المدخلات " اللي بتعتمد على العامل البشري " ، مش خطأ فني في المصنع
عشان كده البنية التحتية في المشروع ده ، هي الحلقة الاهم

egy13 · 24 سبتمبر 2021

بحب الحاجات دي

المنتصر · 24 سبتمبر 2021

احنا وقفنا استيراد اللحوم المجمدة من البرازيل بسبب جنون البقر ومن الهند بسبب فيروس نيباه ومع ارتفاع نولون الشحن عالميا اظن كده داخلين على ازمة لحوم مجمدة

Nile crocodiles · 24 سبتمبر 2021

egy13 قال:
بحب الحاجات دي

الحقيقة نحن نمتلك في مصر عقول تمتلك من الافكار ما يجعلنا نغير من واقعنا بسرعة كبيرة لكن البعض يحتاج الى توفير البيئة المناسبة لكي يحقق اهدافه واحلامه القابلة للتحقيق وربنا يبعد عنهم الروتين الحكومي واللي اعتقد اننا بنسير في طريق مرسوم ومحدد لكي نستغنى عنه وعن التعقيدات الحكومية وخصوصا ان الحكومة بدات تتبنى ميكنة ورقمنة الخدمات الحكومية وهذا سيقلل ان لم يكن سيمنع الفساد لان كل خدمة او ترخيص تستطيع ان تستخرجه عن طريق التحول الرقمي الذي تتبناه الدولة المصرية
تحياتي لك

OSORIS · 24 سبتمبر 2021

المنتصر قال:
اصلا استصلاح الاراضي الزراعية في مصر ماشي بنفس سرعة ايام مبارك خلال 7 سنوات فقط تم اضافة نصف مليون فدان
يمكن اما تكتمل مشاريع الري زي معالجة مياه مصرف بحر البقر وتبطين الترع وغيرها من مشروعات الري تتوفر المياه للتوسع الزراعي والسنين القادمة تكون افضل

مش هنشوف انطلاقة حقيقية في معدلات الاستصلاح في الاراضي الجديدة وخصوصا في نشروع الدلتا الجديدة الا عند اكتمال محطات المعالجة الثلاثية وعلى راسها محطة الحمام للمعالجة الثلاثية
المياه هي اساس الفيلم كله

OSORIS · 25 سبتمبر 2021

المنتصر قال:
احنا وقفنا استيراد اللحوم المجمدة من البرازيل بسبب جنون البقر ومن الهند بسبب فيروس نيباه ومع ارتفاع نولون الشحن عالميا اظن كده داخلين على ازمة لحوم مجمدة

ده صحيح ..واردتنا من البرازيل اتاثرت بشكل جامد بعد ظهور بؤر جنون اابقر عندها ...وكانت وزارة الزراعه كان لها تقرير من ايام ان حصل انخفاض ٦٠٪ في واردات الماشية الحية الى السوق المصري نظرا لمجاح مشروع البتلو اللي تبنته الوزارة من سبع سنوات ونجاح مشروع التحسين الوراثي الماشية المصرية

almalnews.com

غير كده الصين الله يحرقها بدات تسحب لحوم حية بكميات كبيرة من البرازيل بعد ما قضت على قطعان الخنازير عندها ورفعت سعر طن اللحم البرازيلي فالمستوردين عندنا احجموا عن اللحم البرازيلي

الشيء المقلق فعلا هو ان العامل الاساسي اللي هيعوق مشروع اكتفاءنا الذاتي من اللحوم البلدية هو ..اسعار الاعلاف

الجيش من فترة متولي الموضوع لانه اكن قومي وبيبني محطات تربية مواشي عملاقه في الفيوم والنوبارية و اسوان ...بجانب انه بيبني مصانع اعلاف ضخمه بالمشاركة مع القطاع الخاص في مدينه السادات عشان يبقى بمعزل عن سعر العلف اللي اصلا مستورد

OSORIS · 25 سبتمبر 2021

عودى عبدالله.. قال:
متعرفش ايه التسهيلات اللي بتقدمها الدوله لبدء مشروعك في المناطق دي؟

ايوه يا صديقي ..كراسات التقديم على الوحدات دي في فروع هيئة التنمية الصناعية في المحافظات اللي جهزت فيها المجمعات ...بتروح تسحبها من فرع الهيئة في محافظتك ده اذا كانت محافظتك دخلت من ضمن المحافظات اللي جهزت مجمعاتها

دي منصة حكومية خاصة بالمشاريع الصغير. المتوسطة بتعرفك الشروط المطلوبة واماكن الحجز المتاحة

Request Rejected

www.msme.eg

OSORIS · 25 سبتمبر 2021

كوبري عدلي منصور
ضمن اعمال تطوير وتوسعة الطريق الدائري حول القاهرة الكبري

#الهيئة_العامة_للطرق_والكبارى
#الجمهورية_الجديدة

OSORIS · 25 سبتمبر 2021

القوس الشمالي للطريق الدائري حول القاهرة الكبري وزيارة الرئيس السيسي

#الهيئة_العامة_للطرق_والكبارى
#الجمهورية_الجديدة

OSORIS · 25 سبتمبر 2021

أعمال تنفيذ مُجمع حمامات السباحة على مساحة تبلغ 41100 متر مربع بسعة 5000 آلاف متفرج ويقع داخل مدينة مصر الدولية للألعاب الأولمبية، بالعاصمة الإدارية الجديدة ويتكون من 3 حمامات سباحة مجهزة لاستضافة الألعاب الأولمبية وبطولات العالم حسب معايير الاتحاد الدولي للسباحة (FINA).

OSORIS · 25 سبتمبر 2021

لأول مرة تقوم مصر ببناء خط مترو جديد تحت الأرض من قبل شركات محلية 100٪ بآلات حفر ألمانية مملوكة للحكومة المصرية

الخط الرابع يعتبر هو أساس ربط مدينتي السادس من أكتوبر والقاهرة الجديدة بشبكة مترو أنفاق القاهرة الكبرى كما انه يقدم خدمة لنقل الركاب للمناطق ذات الكثافة السكانية العاليه في مناطق الهرم وفيصل والعمرانية والجيزة ومدينة نصر وجامعة الأزهر والقاهرة الجديدة

ومن المتوقع ان ينقل الخط حوالى 2 مليون راكب يوميا كما ستتكامل خدمة النقل مع مونوريل السادس من أكتوبر
الخط الرابع لمترو أنفاق القاهرة بطول 42 كيلومترًا وتكلفته 10 مليارات دولار ، ومن المتوقع أن تكون المرحلة الأولى جاهزة في يونيو 2025.