بـوابة مصـر الأقتصادية

[madodedo]

قلت الكلام ده من اكتر من سنة ونصف يارب تكون حقيقة عقلية اقتصادية فذة ورجل صناعة من الطراز الفريد مشاهدة المرفق 564966

البس يا شعب انا بقولها اهو رشيد الى دمر صناعة الملابس فى مصر لصالح الصين وهيدمر صناعات تانية كتير

 

[EGY FTW]

البس يا شعب انا بقولها اهو رشيد الى دمر صناعة الملابس فى مصر لصالح الصين وهيدمر صناعات تانية كتير

يبقي انت متعرفش رشيد خالص

انا مش عوز اقولك ان المصانع عندنا هترقص لو الراجل دة دخل الوزارة

 

[madodedo]

#رويترز: انخفاض صافي الأصول الأجنبية في مصر لسالب 704 مليار جنيه
#مزيدمشاهدة المرفق 565633

رقم منطقي نظرا لشكل أزمة توفير الدولار للتجار معنى كده ان فى مجاعة فى البنوك وبيأكد عدم قدرتهم على توفير دولارات

 

[madodedo]

يبقي انت متعرفش رشيد خالص

انا مش عوز اقولك ان المصانع عندنا هترقص لو الراجل دة دخل الوزارة

انا عارف رشيد كويس وسبق وشرحت لك ان البيزنس بتعنا كان ضحيه ليه لكن من أكبر مشاكله هيا عدم حماية الصناعات المصرية يعنى ضحي بصناعة الملابس والمنسوجات وسمح بالاغراق الصيني للأسواق وبسبب ده مصانع من جدود الجدود كلها أعلنت إفلاسها لما فتح السوق للمنتج الصينى فى عز موسم البيع بعد ما كان إنتاج المصانع المصرية نزل للأسواق ورجع لهم كل البضاعة والخسائر كانت بالملايين على كل مصنع وانتهت بافلاسهم كلهم لأن الصين كانت تعتبر نزلت بضاعتها ببلاش وأول لما ضمنو إنهم سيطرو على السوق رفعو الأسعار لأرقام فلكية كان وقتها المصنع المصري اجدعها قطعة ملابس كان بيبيعها جمله ب كلام فاضي وصلت لأرقام خياليه لما الصين سيطرت على السوق وفتورة استيراد خياليه بالدولار وحتى بعد لما المصنعين المصريين رجعت للسوق تانى بس كان فات الأوان لأن أغلب مصانع النسيج الكبيره الى كانت تعتبر محققة اكتفاء ذاتي للأسواق وقتها فلست وقفلت وحاليا جزء كبير من الاقمشة الى بتصنعها بتجيلك من الصين بأسعار خيالية بالتالى أنت غصب عنك بتنصاع للتسعيرة الصيني على سوقك

 

[EGY FTW]

انا عارف رشيد كويس وسبق وشرحت لك ان البيزنس بتعنا كان ضحيه ليه لكن من أكبر مشاكله هيا عدم حماية الصناعات المصرية يعنى ضحي بصناعة الملابس والمنسوجات وسمح بالاغراق الصيني للأسواق وبسبب ده مصانع من جدود الجدود كلها أعلنت إفلاسها لما فتح السوق للمنتج الصينى فى عز موسم البيع بعد ما كان إنتاج المصانع المصرية نزل للأسواق ورجع لهم كل البضاعة والخسائر كانت بالملايين على كل مصنع وانتهت بافلاسهم كلهم لأن الصين كانت تعتبر نزلت بضاعتها ببلاش وأول لما ضمنو إنهم سيطرو على السوق رفعو الأسعار لأرقام فلكية كان وقتها المصنع المصري اجدعها قطعة ملابس كان بيبيعها جمله ب كلام فاضي وصلت لأرقام خياليه لما الصين سيطرت على السوق وفتورة استيراد خياليه بالدولار وحتى بعد لما المصنعين المصريين رجعت للسوق تانى بس كان فات الأوان لأن أغلب مصانع النسيج الكبيره الى كانت تعتبر محققة اكتفاء ذاتي للأسواق وقتها فلست وقفلت وحاليا جزء كبير من الاقمشة الى بتصنعها بتجيلك من الصين بأسعار خيالية بالتالى أنت غصب عنك بتنصاع للتسعيرة الصيني على سوقك

المشكلة كانت في الجمارك و سعر الدولار اللي كان مدعوم و التهريب كمان و المناطق الحرة و....

انما المصانع نفسها فالرجل في عهدة. دخل شركات احنبية للتصنيع في مصر و حصل نهضة جبارة لصناعات عديدة

يعيبة انه لم يحيل مشاكل فعلا كانت موجودة و لا حل مشكلة استراتيجية صناعة السيارات و حاجات تانية، لكن هو افضل بكثير من اي وزير حالي

 

[EGY FTW]

 

[madodedo]

المشكلة كانت في الجمارك و سعر الدولار اللي كان مدعوم و التهريب كمان و المناطق الحرة و....

انما المصانع نفسها فالرجل في عهدة. دخل شركات احنبية للتصنيع في مصر و حصل نهضة جبارة لصناعات عديدة

يعيبة انه لم يحيل مشاكل فعلا كانت موجودة و لا حل مشكلة استراتيجية صناعة السيارات و حاجات تانية، لكن هو افضل بكثير من اي وزير حالي

عموما هيا خلاص بتجيب ضرفها خليه يدخل ويجرب مجتش عليه

 

[EGY FTW]

عموما هيا خلاص بتجيب ضرفها خليه يدخل ويجرب مجتش عليه

هو بس يفتح السوق و الخصخصة و يجيب كام واحد بيفهموا بدل الفريق السئ دة، و يظبط شوية قوانين تهلك البيروقراطية، و اتفرج علي الاقتصاد

لعلمك لما فتح موضوع الرخصة الذهبية شركات كتير قدمت فيها، لان كان اسوأ حاجة للإستثمار في مصر كان البيروقراطية القذرة بتاعتهم دي

احنا دولقتي بلد لديها طاقة و بنية تحتية محترمة و عمالة رخيصة و موقع جغرافي ممتاز، ينقصنا فقص الاستثمار المباشر

الصين شغالة دولقتي عمل مصانع زي الفل في مصر

 

[madodedo]

هو بس يفتح السوق و الخصخصة و يجيب كام واحد بيفهموا بدل الفريق السئ دة، و يظبط شوية قوانين تهلك البيروقراطية، و اتفرج علي الاقتصاد

لعلمك لما فتح موضوع الرخصة الذهبية شركات كتير قدمت فيها، لان كان اسوأ حاجة للإستثمار في مصر كان البيروقراطية القذرة بتاعتهم دي

احنا دولقتي بلد لديها طاقة و بنية تحتية محترمة و عمالة رخيصة و موقع جغرافي ممتاز، ينقصنا فقص الاستثمار المباشر

الصين شغالة دولقتي عمل مصانع زي الفل في مصر

المشكلة ان الحكومة صعب جدا تفهم احتيجات المستثمر والمصنع الى جيلها من الخارج بالرغم من أنها بسيطة لكن مستحيلة الى فى السوق فاهم احتياجات الناس دى ايه والله لو وفرت ليهم الطاقة وعمالة ببلاش برضو هيحجم عن انه يجيلك بالرغم من ان انت كا مصر عندك كل حاجة هوا عاوزها وهوا يتمنى انه يدخل سوقك وفى الى قلبهم جامد فى الاستثمار ودول قليلين جدا دخلو لسوقك زى الصين وغيرها لكن الشريحه الأكبر من المستثمرين ودول الى أنت محتاجهم صعب أنها تاخد نفس الخطوة

 

[EGY FTW]

المشكلة ان الحكومة صعب جدا تفهم احتيجات المستثمر والمصنع الى جيلها من الخارج بالرغم من أنها بسيطة لكن مستحيلة الى فى السوق فاهم احتياجات الناس دى ايه والله لو وفرت ليهم الطاقة وعمالة ببلاش برضو هيحجم عن انه يجيلك بالرغم من ان انت كا مصر عندك كل حاجة هوا عاوزها وهوا يتمنى انه يدخل سوقك وفى الى قلبهم جامد فى الاستثمار ودول قليلين جدا دخلو لسوقك زى الصين وغيرها لكن الشريحه الأكبر من المستثمرين ودول الى أنت محتاجهم صعب أنها تاخد نفس الخطوة

دلوقتي الموضوع لم يعد اختيار هما مجبرين و من كلام السيسي نفسة ان الصناعة هي اللي هتجيب الدولار و الصناعة عوزة مستثمر اجنبي

 

[madodedo]

دلوقتي الموضوع لم يعد اختيار هما مجبرين و من كلام السيسي نفسة ان الصناعة هي اللي هتجيب الدولار و الصناعة عوزة مستثمر اجنبي

الموضوع مش عفيجه لو كان السيسي يقدر يعملها كان عملها من 10سنين لكن اهم مقومات للاقتصاد ناجح السيسي وكل الى فى الدولة عارفينه بس زي ما بقلك مستحيل يطبقوها

 

[EGY FTW]

الموضوع مش عفيجه لو كان السيسي يقدر يعملها كان عملها من 10سنين لكن اهم مقومات للاقتصاد ناجح السيسي وكل الى فى الدولة عارفينه بس زي ما بقلك مستحيل يطبقوها

لا هو كان مركز علي مشاريع الدولة فقط و مهمل الصناعة لدي القطاع الخاص، كمان في بداية اول 5 سنوات كان لسه مشاريع الطاقة و الغاز و البنية التحتية لم تنضج

 

[madodedo]

لا هو كان مركز علي مشاريع الدولة فقط و مهمل الصناعة لدي القطاع الخاص، كمان في بداية اول 5 سنوات كان لسه مشاريع الطاقة و الغاز و البنية التحتية لم تنضج

أقسم لك أن مصر كان ولازال متوفر لها كل مقومات النجاح من أول يوم مسك فيه السيسي ولى كان على الأقل هيضمن له النجاح فى عدد من الصناعات مش كلهم لو حابب أقلك مصر ناقصها إيه هقولهولك من واقع تجربتي الشخصية والمصنعين الى حوليا كبار وصغيرين

 

[EL-3kaad]

أقسم لك أن مصر كان ولازال متوفر لها كل مقومات النجاح من أول يوم مسك فيه السيسي ولى كان على الأقل هيضمن له النجاح فى عدد من الصناعات مش كلهم لو حابب أقلك مصر ناقصها إيه هقولهولك من واقع تجربتي الشخصية والمصنعين الى حوليا كبار وصغيرين

كعكه الإستثمار العالمي بتتقسم علي دول كتير عندها مناخ استثماري واقتصادي ممتاز أفضل من مصر

مناخ الإستثمار في مصر سئ حقيقاً

لأسباب منها ضعف المؤشرات الکلية لأداء الاقتصاد المصري والمتمثلة في إنخفاض معدل النمو الاقتصادي وإرتفاع حجم الدين الخارجي وعدم إستقرار سعر الصرف ، کذلك البيروقراطيه المقيته وانخفاض کفاءة مؤسسات الأعمال الوطنية وانخفاض جودة المنتجات المصرية بوجه عام ،وضعف کفاءة عنصر العامل المصري.

وأهم مشكله بالنسبالي تتعلق بغياب نموذج محدد للاستثمار الاجنبي المباشر الذي يجب ان تسعى إليه الدوله ووضع استراتيجية جذب تدفقات الاستثمارات الأجنبية فيه

مع مشاكل أخري يطول شرحها

من الأخر مفيش مستثمرين كبار هيختارو نموذج لبلد باطنه اشتراكي فاعليته في المؤسسات العسكريه مع توخم بيروقراطي متبوع بضعف تعليمي وحركي وغياب رؤيه استراتيجيه مع ضعف مؤشر اقتصادي واضح للعيان ونظره سلبيه للمستقبل

دبي نموذج تعرف تقلده عشان تجيب استثمارات المهم البناء في الانسان مش الحجر

 

[madodedo]

كعكه الإستثمار العالمي بتتقسم علي دول كتير عندها مناخ استثماري واقتصادي ممتاز أفضل من مصر

مناخ الإستثمار في مصر سئ حقيقاً

لأسباب منها ضعف المؤشرات الکلية لأداء الاقتصاد المصري والمتمثلة في إنخفاض معدل النمو الاقتصادي وإرتفاع حجم الدين الخارجي وعدم إستقرار سعر الصرف ، کذلك البيروقراطيه المقيته وانخفاض کفاءة مؤسسات الأعمال الوطنية وانخفاض جودة المنتجات المصرية بوجه عام ،وضعف کفاءة عنصر العامل المصري.

وأهم مشكله بالنسبالي تتعلق بغياب نموذج محدد للاستثمار الاجنبي المباشر الذي يجب ان تسعى إليه الدوله ووضع استراتيجية جذب تدفقات الاستثمارات الأجنبية فيه

مع مشاكل أخري يطول شرحها

من الأخر مفيش مستثمرين كبار هيختارو نموذج لبلد باطنه اشتراكي فاعليته في المؤسسات العسكريه مع توخم بيروقراطي متبوع بضعف تعليمي وحركي وغياب رؤيه استراتيجيه مع ضعف مؤشر اقتصادي واضح للعيان ونظره سلبيه للمستقبل

دبي نموذج تعرف تقلده عشان تجيب استثمارات المهم البناء في الانسان مش الحجر

هرد عليه لكن هكتب كتيير قوى

 

[madodedo]

لا هو كان مركز علي مشاريع الدولة فقط و مهمل الصناعة لدي القطاع الخاص، كمان في بداية اول 5 سنوات كان لسه مشاريع الطاقة و الغاز و البنية التحتية لم تنضج

دا انت هتقرا لما هتورم دنا بقالى ساعة بكتب بس انت الى جبته لنفسك وأنا اليومين دول ما بصدق حد ينكشني

 

[madodedo]

لا هو كان مركز علي مشاريع الدولة فقط و مهمل الصناعة لدي القطاع الخاص، كمان في بداية اول 5 سنوات كان لسه مشاريع الطاقة و الغاز و البنية التحتية لم تنضج

بص يمعلم أول شئ انا لا أعتبر نفسي شخص بيفهم فى الاقتصاد يعنى لم أدرسه بالشكل الى يخليني أقول إنى ما بعدى حد لكن أعتبر نفسي شخص دخل فى تجارب كتير اديتني خبرات شخصية وهحاول أشاركها معاك ويتاخد بيها يا ترفضها يعنى تقدر تقول أني اتعلمت من سوقي او زى ما بنقول عليها أبن سوق ومعظم الوقت متواجد فى منطقة صناعية فيها أفراد ومصانع مهمين فا هحاول انقلك مشاكلهم الى ملهاش حلول مع النظام الحالى بطريقة تفكيرهم المعتادة
طيب خلينا نفصص كده ما هيا مقومات الاقتصاد الناجح من وجهة نظر المصنع الى هيدخلك ونقول الحلو والوحش لكن هتكلم أكتر على المصانع الصغيرة لأنها عصب اى اقتصاد وده الى الحكومة غير قادرة على فهمه وأغلب المستثمرين الأجانب الى هيجولك بيكونو عاوزين يدخلو فيها عن طريق الاستثمار المباشر او حتى الشراكه

أول شئ الكويس فى اقتصادك
عندك مساحات صناعية كويسة من مصانع للاراضي
عندك عمالة اجورهم قليلة ولو ان دى مش مهمه قوى للمصنع لكنها شئ إيجابي وأغلب العمالة لديها الحد الأدنى من التدريب ومتوفرة وكتير وكل لما تدى راتب أكبر كل ما مستوي تدريبهم وخبراتهم هيكون أفضل وتقدر تضيف على تدريبهم عندك فى مصنعك

أسعار طاقة رخيصة ودى بتفرق فى بعض الصناعات مش كلها فى مصانع مبقتش تعتمد على الدولة فى توفير الطاقة بيركب محطات شمسية ويشتغل

موقع كويس جدا واتفاقيات تجارية كويسة جدا بتعطيك أولوية لفتح أسواق مستحيلة على دول كتير فتحها وتنوع فى جغرافيا دولتك

مواد خام متنوعة تخليك تقدر تنافس فى اكتر من مجال

والأهم عندك طاقة بشرية كبيرة هتكون سوق جيد للاستهلاك منتجاتك

طيب ده الكويس ايه السئ والى ليل نهار لما أقعد مع صاحب مصنع سواء كبير او صغير يبقي بيشق هدومه منه بالرغم من انه بيكون بيعرض قبلها فى التلفزيون بيوم لكن ركز على صغار المصنعين لأنهم بيكونو أساس الى بيعتمد عليه معظم المصانع الكبيرة لأن بيكون عندهم مرونه اكبر المصنع الكبير بيفتقدها يعنى المصنع الكبير بتلاقي عنده 4ولا5منتجات بيتم انتاجهم من الباطن فى مصانع اصغر لاعتبرات كتير مفيش داعى لذكرها

المساحات الصناعية الى عندك هيا كتير لكن مفيش سهولة في الحصول عليه غير بنظام الإيجار ا بمعنى المنطقة الصناعية من دول بتخلص بيتم بيعها بالفساد لأشخاص ملهمش فى الصناعة فا بيقوم موضب المصنع سواء دور او 3 ويقفله ويعملو كأنه مكتب له
ويقلك انا لو مأجرتوش بمبلغ كويس قفلته أحسن ولما يأجر اخره يكتبلك سنه سنتين بالكتير فا كان لحد من سنتين كان المصانع تكلفتها بسيطة مع زيادة الأسعار معظم أصحاب المصانع فضلو يقفلوها ويطلبو مبالغ خيالية فا بتكون النتيجة مستثمرين صغار يجو من بره وميعرفوش يخدو مكان مناسب لنشاطهم لانهم مش هيعرفو يبنو بالرغم من آلاف المصانع المغلقة أنا نفسي بعض الأحيان بواجه المشكلة دى لكن لحسن الحظ عندك علاقات كويسة بتساعد الواحد أحنا هنا بنتكلم عن مشكلة مش المفروض انها تكون موجودة من الأساس المصانع دي فى كل العالم أسهل شئ ممكن تحصل عليه فى بعض الدول بيحولو هناجر مصانع السلاح القديمة من وقت الحرب لمصانع مدنية وتقريبا بتكون ببلاش او مبالغ رمزية من كتر ما سعرها رخيص انت هنا بتقوم موقف فيها اربع عساكر ودبابتين وكام مدرعة وبقت منطقة عسكرية تقرف بيها الى جابو الناس سكان المنطقة لمجرد انك مش عاوز تفرط فى الأرض والجيش بيسقعها ودى نقطة لازم تهتم بيها لأن ده نوع المستثمرين الى هيجيلك كا مصر الى هوا بيكون راهن او بايع العقار بتاعه فى بلده أو بيستغل فارق العملة ويشغل القرشين الى تحت البلاطة واستثمار العمر وجالك يشغل فلوسه وبيعمل مغامرة معاك وده بالمناسبة المسثمر القديم بتاعك من عصر الملكية كانو يجو من أوروبا يعملو مصانع صغيرة وينقلو لها خبراتهم ومعظمها تم تأميمة فيما بعد وهما نواه القطاع العام فا الدولة بتبحث فى المكان الغلط لما بتستهدف مستثمرين كبار فا أنت هنا الف باء يعرفك ان الى بيدير الملف مش فاهم حاجة

القدرة الشرائية طيب انا كا مصنع محتاج البلد الى هفتح فيها يكون شعبها بيتمتع بقدرات شرائية محترمة علشان أعرف أوصل للإنتاج الكمى مفضلش طول حياتي بلعب فى مستوى طن ولاحتى10 فى دورة إنتاجي علشان الشعب معهوش ثمن منتجي علشان فى 10%فى مصر محتكرة كل الثروات لنفسها ومجموعة من المصنعين القليلة فى كل المجالات هيا الى بتخدم عليهم الإعتماد على صناعة بتستهدف طبقة واحدة من المجتمع ده نموذج فاشل وخصوصا أن النوع ده بيكون ملول جدا وبيغير طول الوقت يعنى الهدف حاليا رفع الأجور لأكبر فئة من الشعب لرفعهم لطبقات أعلى لتحفيز القدرة الشرائية لسوق أكثر جاذبية للمصنعين وده عكس الى بيحصل فى مصر

طيب سبق وقلت لك أننا فى مصر عندنا عمالة جيدة فى مصر ومدربة لكن المواطن المصري عنده إليه دفاعية فى مواجهة الأنظمة القمعية والظلم الاجتماعي بأسلوب مختلف عن شعوب كتير وهوا الترهل العملى والإداري يعنى فى مصر لما يجي حاكم دكتاتور العامل المصري بيواجه عن طريق إهمال عمله لأنه بيشعر بالظلم وده أسلوب مكافحته الوحيد فيما معناه مش هنجحك

طيب تقلي يا مادو أنت كا مصنع متستهدفش السوق المحلى واستهدف التصدير وسيبك من قرف الداخل ده للأسف مصر فقدت الميزه التصديرية ليه انت كا مصنع عاوز تحط رؤية الى مننا بيسافر دول عربية حولينا ويفتح هناك بيكون عنده استقرار اقتصادي على الأقل من5الى10سنوات أنا ليا شريك عنده بيزنس فى الخليج وتقدر تقول شغال معانا شفقة لما بيجي هنا ويشوف الى أحنا فيه بيبقا بيلطم علينا وعلى حالنا أبسط الأشياء وهوا ثبات سعر العملة انت فشلت كا دولة فى تحقيقه طيب ماذا يهم ثبات العملة فى الصناعة ثبات العملة يعنى ثبات الجودة انا مقدرش أحافظ على جودة منتجي فى مصر لفترة طويلة طول الوقت بعمل تغيرات فى الخامات وأسلوب الإنتاج علشان تتماشي مع وضع السوق الموضوع عبارة عن جنان مستمر ثبات توريد الخامات مهم نظرا لأن 60%من خاماتك مستوردة لأن البديل المحلى أما مخفى والتجار مخبياه او بيتم المضاربة بيه والتلاعب بسعره من تجار معندهمش بربع جنيه رقابة يعنى فى مصر فى كلمه
دارجه بين المصنعين بنقول أحنا فى الهوا فا حتى أفضل ميزة تصديرية لك انت فقدتها يمكن أفضل نشاط فى مصر تقدر تصدر منه حاليا هوا الزراعة لكن توفر له سماد محلي بسعر معقول ومياه وأراضي

طيب يا مادو خليك فى السوق المحلى هرجعك لنفس النقطة عدم ثبات العملة وأسعار الخامات والله دى مشكلة بيعانى منها مصانع كبيرة جدا لو قلتلك على اسمها هتتخض ناس في السوق بقالها سنين ضوئية بيقولو عمرنا ما عدا علينا وضع زى ده السوق المحلى معظمنا بيشتغل بالأجل بتنزل بضاعتك وتحصل فلوسك على دفعات
وعندك من الفلوس الى على الأقل يشغلك3دورات إنتاج بمعني بترمي للسوق10طن لازم يكون عندك فى جيبك ثمن10طن فى مخزنك10طن على خط الإنتاج 10طن اى أخلال لدورة الإنتاج المال بتعتك بتترجم لخسارة كبيرة لرأس المال
لما بيحصل تحريك مستمر لسعر الصرف بيكون فى حدود30% ده بيترجم عندك بخسارة 30%من ربحك و سوقك طيب حاجة زى كده تتحملها مره كل10سنين أما انى فى السنه بيتعمل عليا3تعويمات او اكتر مين مجنون يغامر بفلوسه غير الى خلاص رجله غرست وملوش بديل وخسارة الانسحاب هتكون أكبر من خسارة إنك تكمل طيب هتتحمل الخسارة وتبيع بالرخيص وممكن منافسينك يدخلو يشيلو بضاعتك ويبعوها أغلي
هتغلى بضاعتك هيحصلها ركود فى السوق لانخفاض القدرة الشرائية بص موضوع معقد وكل كام أسبوع بتصرف مجهود ووقت وفلوس علشان تعمل أعادة تسعير وتحسب كل حاجة من أول وجديد وده مش وضع طبيعي لا يتحمله غير أشخاص مجانين زينا كل منا له أسبابه فى عدم الخروج من مصر الأجنبي عمره ما هيحط نفسه فى وجع القلب ده كله ويشوف رأس ماله بيتأكل كل سنه اكتر من الى قبلها بالرغم من إنه بيعمل مجهود أكبر

بعد كل ده هل وصلنا للمهم الإجابة لا لسه

المستثمرين بيحبو يشتغلو في بيئة بتكافح الفساد طول الوقت من أول اصغر موظف لحد رئيس الوزراء محاربة الرشوة والبروقراطية يعنى مبقاش قاعد فى أمان الله والاقى موظف من هيئة كذا دخل وشيلني غرامة ب200الف جنيه علشان مبفتحش الدرج وأخرجه من مصنعي شايل ومحمل كل مره بيقرر يزورني فيها هوا ولجنه التفتيش الى معاه لازم تعتبره شريك معاك فى رأس المال علشان يتبسط منك انا بكفر علشان أخلص ورقة او إجراء وبتعوم فى بحور من القوانين والمفروض إنك تكون موسوعة علشان الغلطة بفورة فا كون إنك تعمل رخصة ذهبية لفئة محدودة ده مش هيساعد زى ما هما متخيلين يعنى ليه ميبقاش كل الرخص فى مصر ذهبية ويبقا نظام مطبق على الجميع ولا احنا خلاص مبقيناش نعرف نعمل حاجة سالكه لازم كل حاجة يطلع لها موظف الباش كاتب الحكومي

من أهم الأشياء للمستثمر هوا عدم وجود مراكز قوة فى الاقتصاد الى بيشتغل فيه يعنى ميحبش أبدا يدخل دولة عارف انه ممكن فى اى لحظة يروح فى داهية فيها لو منافسة علاقاته الأمنية أقوى منه وفى دقايق ممكن يقفل له مصنعه ودى حاجة بتحصل كتيييييير جدا 80%من المستثمرين الأجانب بيرفضو فكرة الدخول فى بلد بيحكمها شخص عسكري سواء ظالم او عادل هوا الفكرة أصلا رافضها من البداية وبيقلهالك بشكل واضح مبدخلش فى اقتصاد يقوده شخص عسكري لكن عمره ما بيقولها للوزير الى بيقعد يقنعه يستثمر فى مصر واقد ايه مصر حلوه
بمعني اصح بسبب السياسات الغلط انت مضيع على نفسك سوق كبير جدا ومستهدف فئة محدودة الى عندها القدرة على المغامرة زى الصين وغيرها

النهاية الاقتصاد ده عامل زى المركب الى هتعبر المحيط لو قلتلك المركب هيسوقها قبطان هتطمن ولا لما أقلك المركب هيسوقها واحد شغال أمن فى عمارة سكنية وبيلخد كل قراراته منفرد مع احترمنا لبتوع الأمن هتكون مطمن مع مين أكتر؟

 

[🅢︎🅤︎🅗︎🅐︎🅘︎🅛︎]

الضرائب تهيمن على نحو 80% من إيرادات مصر خلال 7 أشهر​

الضرائب تهيمن على نحو 80% من إيرادات مصر خلال 7 أشهر (جراف) - جريدة المال

اقتنصت المتحصلات الضريبية نحو 80% من إيرادات الموازنة المصرية خلال الأشهر السبعة الأولى من العام المالي الحالي، فيما ساهمت غير الضريبية بالـ20% المتبقية.

almalnews.com

 

[EL-3kaad]

لا تعليق

 

[T 90 m]

كعكه الإستثمار العالمي بتتقسم علي دول كتير عندها مناخ استثماري واقتصادي ممتاز أفضل من مصر

مناخ الإستثمار في مصر سئ حقيقاً

لأسباب منها ضعف المؤشرات الکلية لأداء الاقتصاد المصري والمتمثلة في إنخفاض معدل النمو الاقتصادي وإرتفاع حجم الدين الخارجي وعدم إستقرار سعر الصرف ، کذلك البيروقراطيه المقيته وانخفاض کفاءة مؤسسات الأعمال الوطنية وانخفاض جودة المنتجات المصرية بوجه عام ،وضعف کفاءة عنصر العامل المصري.

وأهم مشكله بالنسبالي تتعلق بغياب نموذج محدد للاستثمار الاجنبي المباشر الذي يجب ان تسعى إليه الدوله ووضع استراتيجية جذب تدفقات الاستثمارات الأجنبية فيه

مع مشاكل أخري يطول شرحها

من الأخر مفيش مستثمرين كبار هيختارو نموذج لبلد باطنه اشتراكي فاعليته في المؤسسات العسكريه مع توخم بيروقراطي متبوع بضعف تعليمي وحركي وغياب رؤيه استراتيجيه مع ضعف مؤشر اقتصادي واضح للعيان ونظره سلبيه للمستقبل

دبي نموذج تعرف تقلده عشان تجيب استثمارات المهم البناء في الانسان مش الحجر

وتجربة الرئيس البل.. حة ضيعت أي فرص حقيقة لتحقيق اي إنتاج او فرص حقيقية للإستثمار وذلك مقصود لتركيع البلد اقتصاديا
إنما الدنيا قروض بمئات المليارات أنفقت في اشياء لا تدر عائد مقابل وكله بالسلف والدين عشان المنظر والفشخرة وإدانه البلاد وذل العباد وبس