بوابة المــــغـــــرب الأقتصـادية

[desert falcon]

شكون فنظرك يستاهل يصوتو عليه المغاربة

منين غيجيب هاد الفلوس واش من جيب امو

اقطاعي غا تسناه يطلع يعطيك بالسوط برنامج انتخابي وهمي شعبوي بعيد على الواقع الكدوب دالاحزاب مبغاش يتقطع

 

[Damnful]

منين غيجيب هاد الفلوس واش من جيب امو

اقطاعي غا تسناه يطلع يعطيك بالسوط برنامج انتخابي وهمي شعبوي بعيد على الواقع الكدوب دالاحزاب مبغاش يتقطع

اش عطاونا الباجدة لي ماشي اقطاعين غير انهم حسنو الحالة المادية ديالهم و هاهما كا يصفيو صندوق تقاعد البرلمانيين وبغاو ياكلو مساهمة الدولة هادشي كولو برٱسة نضيف اليد السيد الوقور بوانو تا علامن كا تكدبو

 

[Lorenzo Von Matterhorn]

شكون فنظرك يستاهل يصوتو عليه المغاربة

مكينش فالساحة لي يستاهل كنت كنفضل حكومة تكنوقراط ساعة جا دستور 2011 سد ديك الباب

 

[Khaf16]

بالله عليك ان لم يصوت المواطن عليه هو على من سيصوت

أي شئ من غير pjd هو جيد

 

[Damnful]

أي شئ من غير pjd هو جيد

اليجيدي صدعونا بنضافة اليد نهار شدو مراكش وهي لور لور... اخرها راه لقاوهم شافرين مزانية كوب22 كاليك مكايسرقوش

 

[المغربي الملكي]

ستكون حكومة قوية بقيادة تلاثي الاحرار-البام- بقيادة حزب الاستقلال وضع نزار البركة ليس من فراغ
العشرية القادمة ستكون روعة وملحمة تاريخية في عهد الملك محمد السادس حفضه الله

 

[morocco-empire]

واخا نرجعو دولة اشتراكية مستحيل نخلقو مليون فرصة شغل شهاد الضحك على الدقون

من الممكن جدا
200.000 فرصة عمل في السنة خلال فترة الخمس سنوات , هدف واقعي للغاية.

 

[المغربي الملكي]

الندالة والتعمية إلى مزبلة التاريخ وسيتم طحنه وتفكيكه حزب تمررت على ضهره الويلات وأكل السحت وأغلبهم من مخلفات الحرب الباردة ضد الجامعة ولهم ماضي جنائي ووجودهم أصبح يهدد الاستقرار وتشمئز له النفوس

 

[Lorenzo Von Matterhorn]

اش عطاونا الباجدة لي ماشي اقطاعين غير انهم حسنو الحالة المادية ديالهم و هاهما كا يصفيو صندوق تقاعد البرلمانيين وبغاو ياكلو مساهمة الدولة هادشي كولو برٱسة نضيف اليد السيد الوقور بوانو تا علامن كا تكدبو

واش شفتيني كندافع على البواجدة لي غيعطيونا الباطرونا هو يحميو شركاتهم ويزيدو القوانين لي كتمنع التنافس شوف بداية من الدقيقة 12.30 لفوق شنو قال الملك ليهوم

 

[موحى اوحمو الزياني]

مشكل اخنوش هو انه مرفوض شعبيا

 

[موحى اوحمو الزياني]

الندالة والتعمية إلى مزبلة التاريخ وسيتم طحنه وتفكيكه حزب تمررت على ضهره الويلات وأكل السحت وأغلبهم من مخلفات الحرب الباردة ضد الجامعة ولهم ماضي جنائي ووجودهم أصبح يهدد الاستقرار وتشمئز له النفوس

خاصك تشوفهم فالجامعات اشنو تايدرو

 

[المغربي الملكي]

مشكل اخنوش هو انه مرفوض شعبيا

لكن اذا أدى ما بذمته ومن المقدر أن تنزل في حقه وشركات المحروقات 9% المتواطئة ولا تنسى أنه من الاذرع الاقتصادية للمملكة في إفريقيا خاصة استتمارته الاخيرة أضن انه متعاون رغم كل ذلك

والله 100 أخنوش ولا بنكيران وعتماني وبوانو... واحد أن كرهتهم بشكل لا يعقل خاصة في الانبطاح الواضح أمام رؤساء الدول

 

[المغربي الملكي]

خاصك تشوفهم فالجامعات اشنو تايدرو

يا أخى جرائم وفوضى وأناس ليس بينهم والعلم إلا الخير والإحسان والافضع بينهم المجرمين والقتلى ولهم تمويل واضح ويلعبون بالسنوات وينتضرون التعينات على المقاس في التعليم والصحة

 

[Anougmar]

لا كاين شي درس ممكن نتعلموه من التاريخ هو نوضو نخدمو على راسنا، باراكا من العقلية ديال " نحن وعلينا ونتقدم ونزرع ونحصد "… يلا كاين شي حاجة ايها اليساري تتعلمها من الثورة العقلية الفرنسية التي تتبجح بها راه هي الإنتقال من عقلية القطيع نحو الفرد، ويلا كاين شي درس تتعلمو من الحياة راه هو هدا، لذلك باش تصوڤي المجتمع هادا عار الله لا ما غا صوڤي راسك بعدا، وعاد آجي نهضرو على المجمتع، ولهلا يهضرك فيه اصلا، إلا كول واحد داها فراسو وداها فسوقو راه غانطفروه كأفراد، الوطن والجماعة والقومية وتقدم الشعوب خطاب يمكن ليك تكتبو في رسالة ورقية وتدورها مزيان وتلوحها في الرابيش .

العالم بني على الافراد وليس على الجماعات، وحتى الله راك كايتحاسب معانا كأفراد سواء كنتي ملحد او مؤمن، الفردانية هي الحل آ عمو، والفردانية هي الحل آ عمتي

ولذلك ومن هاد المنبر فراه خاصك تفكر تصوڤي راسك، الحكومات بدات الرأسمالية كتجتاحها وكلها تتجه نحو الخصخصة المطلقة، وتيق فيا الاستثمار فالحكومة (مثلا تخدم فيها او تخدم معاها) راه استثمار فاشل، العالم يريد المزيد من الحرية، والرأسمال لا يرحم، لذلك اول حاجة تديرها في تفكيرك لسنة 2030 راه هي هادي، ماتعولش على الحكومة او شي حاجة مشابهة، الدرهم تحرر، والآيفون قريب يسوى 2 مليون، حيت غالبا الدرهم غايهبط مقابل الدولار والأورو، لذلك فراه تكفسات عندك الوضعية يلا راك مزال عوال على الدولة تزيدك 500 درهم ..

 

[موحى اوحمو الزياني]

الاخوان واش بصح حزب الاستقلال في اتجاه تفعيل المادة الاسقاط الحكومة الحالية

 

[moroccan4ever]

تفاصيل ؟؟

قريب

 

[المغربي الملكي]

الاخوان واش بصح حزب الاستقلال في اتجاه تفعيل المادة الاسقاط الحكومة الحالية

ملتمس الرقابة والدعوة لإسقاط الحكومة ليس ضروري فقط لتحريك المياه الراكدة لا أضن أن الملك سيسمح بفعل هاته الأمور

 

[SuperNova]

كيفاش غادي يدير ليها

خصوصا مليون فرصة شغل

 

[Damnful]

واش شفتيني كندافع على البواجدة لي غيعطيونا الباطرونا هو يحميو شركاتهم ويزيدو القوانين لي كتمنع التنافس شوف بداية من الدقيقة 12.30 لفوق شنو قال الملك ليهوم

العاطي الله انا عن نفسي كنٱمن بالمبادرة الفردية و كنطبقها على راسي وخدام بخير محسيت لا بازمة كورونا لا عبو ريح.

 

[Damnful]

مشكل اخنوش هو انه مرفوض شعبيا

اخنوش مرفوض عن اللجان الالكترونية ديال للعدالة و التعمية لتبقاوش تبيعو الوهم لناس