أسمح لي كلامك كله عاطفي ومأخذك على الوزير شخصي وليس له علاقة بواقع الحال هو برأيي ورأي الكثيريين أفضل بمراحل من شويش الضويحي وعمله في القطاع الخاص أعطاه خبرة في طرق توفير التمويل لمشاريع ضخمة على رأسها برنامج الإدخار السكني عكس سلفه اللي كان كل همه ترتيب طوابير الإنتظار في قاعدة بيانات المستفيدين!
السعودية ما فتحت التملك للخارج عشان نربط سوقنا بالطلب الخارجي ويرتفع العقار ويتعذر تملك المواطن كلامك خارج النص وهذا تسطيح للموضوع ... المملكة لديها 1.5 مليون وحدة سكنية أستعانت بشركات أجنبية لتنفيذها وفي النهاية زيادة عرض الوحدات بيقلل الطلب وتنزل الأسعار ! ولديها مشاريع أيضا لتسليم الأراضي الخام لمطورين عقاريين لتسريع وتيرة تطوير الأراضي ,,,
كلامك عن المماطلة في الإيجار غير صحيح ,, الوزارة أطلقت برنامج ( تأجير ) لتنظيم عملية الأيجار وربط عقود التأجير بالسجل الإئتماني للعميل ,, يعني من الأخر المستأجر مبزوط وعليه تراكمات بيطلع في السيستم ولا راح أحد يأجره وفي الأخير الناس تتأدب وتبدأ تنتظم في السداد ... وصلت ؟
نرجع لطرحك وأسمح لي كله فلسفة ,, أجل مشكلة الإسكان سهلة ؟! أصلا قطاع الإسكان كان مهمل وبدون تنضيمات وقوانين ويخضع لسيطرة شريطية العقار والهوامير لأكثر من 60 سنة وبسببها تخلف السوق الإسكاني وتراكمت مشاكلة حتى أصبحت مشاكل مركبة لإنعدام التنضيم في ال60 سنة الماضية خاصة لتوزيع مسؤولياته على أكثر من وزراة على رأسها وزارة الشؤون البلدية اللي كانت مسؤولة عن تخطيط المدن وتوزيع المنح وترتيبها السيء راكم المشاكل ! بإختصار سوق العقار كان متروك لضعاف العقول والجشعين ولم يخضع لأي عملية تنضيمية وأنت تلخص الحل في 5 سطور ! شوية منطق يا أخ أكسيس !
الإتفاقيات اللي وقعتها وزراة الإسكان ممتازة ,,, السوق العقاري يحتاج لدخول مطورين محليين ودوليين لتنشيط المشاريع وتفعيل المسار السريع للإستثمار العقاري من سنتين ل60 يوم سيجذب الكثير من المطورين العقاريين سواء داخليين أو دوليين وتبدأ مشاريع القطاع الخاص ويخف العبء على الوزارة ونشهد مشاريع ضخمة منظمة بشكل مشابه للدول المتطورة بعيد عن المهزلة الحاصلة حاليا بسبب الجهود الفردية !
بجوار تشجيع الإستثمار وتحفيز المطورين العقاريين نحتاج لتطوير سوق التمويل العقاري اللي في السابق كان مربوط بتمويلات شخصية من البنوك أو تقسيط سيارات لا تكفي حتى لشراء معدات السباكة والكهرباء !
هذا جزء بسيط من الحلول اللي قاعدة الوزارة تشتغل عليها .. الخلاصة مشكلة الإسكان مثل تفاقمت على مدى السنين الطوال لازم نصبر على فترة التصحيح حكاية إقالة وزير عشان تصريحه ما أعجبني هذا شغل أطفال مع إحترامي له 4 سنوات يشتغل إذا ما جاب نتيجة الحكومة بتقشه لا تقلق .
الحكومه قشت غيره في شهور لاكن هو له صداقه قرته.!
هذا الرزبده والهرج اللي عليه الكلام وزير متناقض بطرحه وفكره فلسفته كلها ابداء امر وسحب الامر وتسريب امر اخر الناس تقراء وتسمع وتشاهد
ياخي كيف تبيني احترم وزير يقول مابيه ينزل قيمته العقار وهو مرتفع ومبالغ فيه وخيالي
كي احترم وزير يقول ازمه فكر ويحطها بالمواطنين
كيف تبيني احترم وزير يقول ازمه فكر وباقي يحطها بالزياده التعداديه
اما قضيه تراكمات سابقه ياحبيبي كل دول العالم اللي طلعت كان عندها تراكمات وش معنى احنا تبقى التراكمات وتترسب في فكر مسؤلينا ..!
!
اكثر من عشر سنوات للحين باقيه هالتراكمات
؟!
يا ناس راحمونا كلام تسطيحي فعلا لان كل الاحصائيات والنسب تدين الدوله قبل الوزير في موضوع السكن؟!
وسالفه الايجار يا رجال انا ساكن بشقه على كلامك
وادفع ايجار واللي يدير كل الحلال هندي..!
وللاسف كفيله عسكري وهالعسكري ياخذ فلوس ومتلايط شغال بالبحريه ولا له كلمه
الهندي هذا يدير اكثر من ست عمائر..!
ويتاجر الاجانب بالسكن شي اشوفه
الحوالات البنكيه وصلت انه مايرضى تتحول للسعودي لانه يراه
يوم اشترطت عليه جاب حساب سعودي من منطقه ثانيه.!
قلت يمكن صاحب الحلال واتفاجىء ان اللي بالمنطقه الثانيه صديق للرقيب بالبحريه..!
افا وش هالعلوم ؟! غسيل اموال ماهو سكن وشقق
يا رجال ضحك على الدقون كلامك كله
ازمه فكر..!
قرض خمس ميه الف في زمن الارض فيه قيمتها اربع ميه الف
مدري اضحك والا ابكي المتر بالف وميه في المناطق الجديده
الوزير قدامه امرين اماطل لاجل ابقى اسعار العقار اللي انا تاجر فيه واصرف اللي عندي..!
والا اضرب السوق وينزل العقار واخسر..! ماراح
يسوي الخيار الثاني لان الاليه تغيرت مرتين..! حق رسوم العقار
صحيفة الاقتصاديةحساب موثّق@aleqtisadiah
اقتصاد 24/7@eqtsd_24_7
