يجب ايضا الاستفاده من مياه الامطار خصوصا الي بتبقي في الاوديه زي جبال البحر الاحمر و سيناء يجب عمل سدود تجمع مياه الانهار و مستوطنات سكنيه لنقل السكان للمناطق دي و تنميتها كمان عندك امطار علي ساحل البحر الابيض المتوسط يجب استغلالها
متفق ,, مصر محتاجة كل بوق ميه حرفيا ,, و الحكومة بنت كتير من سدود السيول و التجمعات المطرية ,, امطار وادي العلاقي جنوب شرق مصر اضافت الى بحيرة ناصر حوالي 150 مليون متر مكعب هذا غير مخرات السيول المنتهية في النيل او الترع الكبيرة ,, لكن تبقى كمية المياه اقل مما هو مأمول.
ما طرحته في مساهمتي يحتاج الى مزيد من التوضيح ,, بمعنى ان 60% من الموارد المائية المصرية موجهة الى الزراعة من 30 - 35 مليار متر ,, هذه الكمية من الممكن استعادتها عن طريق المعالجة ,, نحن نتحدث عن كمية مياه تكفي لزراعة 9 مليون فدان او بالاحرى مضاعفة المساحة الزراعية المصرية.
مصر لازم تشتغل في مهمات محطات المعالجة ,, لازم تكون براند عالمي ,, مصر مش داخلة مجال معالجة المياه رفاهية ده ضرورة حتمية ,, احنا عايزين نشتغل و عايزين نوصل ل 100% مش اقل من كده ,, نريد ان تطور مصر خبراتها في مجال معالجة مياه الصرف و كل ما يخصها من مباني و كيماويات و اغشية ,, ال فل ليست يا فندم ,, الشغل ده لوحده ممكن يرفع اشغال الشركات المصرية و هيكون له مردود اقتصادي.
* في مساهمتي الاولى ,, كنت عايز اذكر ان اسرائيل بتعمل معالجة مياه الصرف بنسبة 80%.
