اتفاق ملزم بين بنك الأهلي وسامبا يؤسس ثالث أكبر بنوك الخليج بأصول 223 مليار دولار

[سعودي والعز طبعي]

لن يضاهي قوة اندماج الاهلي وسامبا

الا اندماج الراجحي والرياض

 

[A R A B I A]

سلبية البنوك الوحيدة عدم تقديم دعم للمجتمع نهائياً بعكس البنوك بأغلب دول العالم

لكن يشفع لهم ان اغلب موظفيها مواطنين

 

[DESERTFIGHTER]

الاتصالات عليها ضغوط من القطاع المصرفي انها ما تدخل المجال

طبعاً عذرهم ان لها مجال الاتصالات وتملك Infrastructure راح تعطيها افضليه على البنوك

دخول الاتصالات السعودية يعني نقل قطاع المصارف الى الرقميه اكثر من الوضع التقليدي

بالاضافة ان الاتصالات تملك سيوله ماليه ضخمه

بتنزل غصب
انا عن نفسي اتوقع اول ما ينزل بيكون ثاني أكبر بنك بعد الراجحي وبياكل السوق خصوصا بالقروض و الائتمان

 

[newo]

بتنزل غصب
انا عن نفسي اتوقع اول ما ينزل بيكون ثاني أكبر بنك بعد الراجحي وبياكل السوق خصوصا بالقروض و الائتمان

والله ياغالي ما اتوقع

لان عملاء الاتصالات يتجاوزون 15 مليون عميل وفيه خطط لاغراءت كبيره

مثل خصم السداد من فواتير الاتصالات هذا غير المبالغ المسترده وخصومات خاصه يكفيك قطاف وفائدتها

ما عمرك لاحظت نقطه معينه بالبنوك ان خدماتهم قريبه من بعض لانهم متفقين على احتكار السوق لهم

بصراحه اتمنى دخول الاتصالات للقطاع المصرفية الرقميه لان واضح ان القطاع المتخلف بالبلد حتى الان هي البنوك

 

[A R A B I A]

لن يضاهي قوة اندماج الاهلي وسامبا

الا اندماج الراجحي والرياض

استبعد اندماج الراجحي مع بنك آخر
قد يفضل رفع رأس المال أو الإستحواذ على الإندماج

الغريب البنوك الأخرى ما فكروا في اندماج او استحواذ أو حتى مواكبة التحول الرقمي القادم
وكأنهم ضامنين حجم المنافسة للبنوك الأجنبية ما تتجاوز المدن الرئيسية

فيه كلام متداول حالياً عن احتمالية اندماج البنك العربي و البنك السعودي الفرنسي

 

[صقر القاتل]

Stc بس متى يفتحون بنكهم

صراحة stcpay مريحة و مطلع بطاقة فيز من عندهم بدون رسوم و استرداد اول اول مايجي راتبي احول مصروفي من البنك على stcpay و تستخدم بطاقتهم من apple pay

اتوقع لو دخلوا بيضربوا سوق اللى قبلهم

 

[Tornado.sa]

البنوك عبارة عن شركة تربح وتخسر .. وجميعهم بلا استثناء لديهم مبادرات اجتماعية. هي ماهيب شركة ابوك عشان تصرف على الناس.
انا موظف بنكي سابق ومطلع على اسهامات الاجتماعية للبنوك

انت تبي قرض؟ انا اعطيك قرض وبفايدة .. اعطيك خدمة بخدمة بمقابل. تبيني اتنازل عن كل فوايد القروض عشان حضرة جنابك يرضى عنا ذي خلها لنفسك؟

والله يابعض الناس يحسب البنوك جيب ابوه لازم ينصرف عليه منه.

انا لا اقصد تصرف على المواطنين ما اقصده مبادرات اجتماعيه مثل دعم اسر شهداء الواجب اعفاء قروض المصابين او جزء منها الم يبذل هؤلاء انفسهم وعضو من جسده لأجل امن الوطن واقتصاده لو لا الله ثم هم لا خسرو الملايين

 

[DESERTFIGHTER]

والله ياغالي ما اتوقع

لان عملاء الاتصالات يتجاوزون 15 مليون عميل وفيه خطط لاغراءت كبيره

مثل خصم السداد من فواتير الاتصالات هذا غير المبالغ المسترده وخصومات خاصه يكفيك قطاف وفائدتها

ما عمرك لاحظت نقطه معينه بالبنوك ان خدماتهم قريبه من بعض لانهم متفقين على احتكار السوق لهم

بصراحه اتمنى دخول الاتصالات للقطاع المصرفية الرقميه لان واضح ان القطاع المتخلف بالبلد حتى الان هي البنوك

عشان كذا اقولك بتكسب السوق ومتوقع انها بتنزل لاني قد قريت انه لهم مده ياخذون ويشيلون مع سما عشان يحصلون التصريح

 

[Tornado.sa]

سامبا هم اكثر المتضررين من فقاعة الاسهم السعودية في 2004 حيث كانوا يعطون قروض اسهم لاي مستثمر او مضارب.. وثم الازمة المالية في 2008 انشخلوا مع المنشخلين من نصبة مجموعة سعد حقت معن الصانع اللي اخذ قروض بأسم شركات ابناء القصيبي.

اندماج الاهلي مع سامبا مكسب للجميع، ولكن ارى انه مكسب افضل لسامبا بسبب تخبطاتهم الادارية في محافظ التمويل.

هذا وانت موظف بنكي سابق وكل ذي الحميه اللي فيك كيف لو كنت موظف حالي وش بتقول

 

[GREEN]

حسب ماسمعت أن البنوك في الولايات المتحدة الامريكية يبنون مستشفيات و يبنون طرق و حدائق خدمة منهم للمجتمع

عندنا للاسف لم أرى بنك واحد يبني جدار للمجتمع

 

[FA-117]

انا لا اقصد تصرف على المواطنين ما اقصده مبادرات اجتماعيه مثل دعم اسر شهداء الواجب اعفاء قروض المصابين او جزء منها الم يبذل هؤلاء انفسهم وعضو من جسده لأجل امن الوطن واقتصاده لو لا الله ثم هم لا خسرو الملايين

انت لو سلفت شخص وحصلت له ظروف فراح تراعيه اما تسقط عليه شوي من الارباح او انك تأجل الاقساط عليه لبعدين.

البنوك عملت هالشيء ولكن في عاصفة الحزم والمرابطين في الحد الجنوبي اجلوا عنهم الاقساط. مسألة اعفاء الورثة عن سداد القروض عند الوفاة لاسمح الله موجودة في اكثر البنوك (عدا الراجحي حسب ذاكرتي).

البنوك موضوعهم حساس جداً، لانهم لو عملوا مبادرات زي (اسقاط الارباح و و و و ألخ) راح بيهبون عليهم العملاء وبتخسر البنوك زيادة.
تخيل انك شفت بزران الحارة في العيد وعطيت كل واحد فيهم ٥٠ ريال عيدية .. صدقني كل بيت في الحارة بيطلع بزر من هالبيوت عليك عشان ياخذون منك عيديه وبتخلص فلوسك وانت ماعطيتهم كلهم.

هذا بالضبط راح بيصير لو البنوك صارت سردحة.

هذا وانت موظف بنكي سابق وكل ذي الحميه اللي فيك كيف لو كنت موظف حالي وش بتقول

انا قاعد اوضح وش راح بيحصل للقطاع البنكي لو مااندمجت البنوك السعودية فيما بينها .. وش دخل الحمية في الموضوع؟

مع ان اسوء تجربتي الوظيفية كانت في البنوك، إلا أني أستفدت منها كثير، وعرفت أن شعبك من دون استثناء همج مايعرف لا ادخار ولا استثمار ولاهم يحزنون... قبل لاينام ياخذ قرض، وقبل لايقضي حاجته ياخذ قرض، واذا راح يشتري خبز بريال راح قدم على قرض.

واذا انتصف الشهر وخلص راتبه يمد بوزه شبرين من زين هالبوز في الاستراحة عند اخوياه ويقترح ليش البنوك ماتسوي مبادرات اجتماعية وهو حتى قطة الاستراحة بالشحذة مادفعها.

 

[القائـد في الظل]

صحيح أن دمج البنوك الوطنية يعطي قوة ومناعة للإقتصاد الوطني ولكنه أيضا يؤدي الي تخفيض النفقات عن طريق إغلاق بعض الفروع وتسريح الموظفين وهذا حدث في دولة الإمارات بعد عمليتين للدمج .

بعض المصارف صار لها فروع ذكيه
وممكن يمتد الى البنوك مستقبلاً
الفروع الذكيه اغلب شغلك تخلصه من الصرافه
بمعنى انه راح يستغنى عن بعض الموظفين

 

[FA-117]

بعض المصارف صار لها فروع ذكيه
وممكن يمتد الى البنوك مستقبلاً
الفروع الذكيه اغلب شغلك تخلصه من الصرافه
بمعنى انه راح يستغنى عن بعض الموظفين

قد مرة اخذت دورة في الصيرفة الاسلامية .. وذكر لنا اللي عمل الدورة ان اخر دراسة مشتركة عملتها البنوك تقول ان زيارة العميل للفرع يكلف البنك 12 ريال!

هذا الكلام في 2008 .. الان التكاليف التشغيلية على البنوك في تناقص مستمر وهذا امر جيد خصوصاً مع تطور التكنولوجيا والهواتف الذكية.

من المواقف الطريفة قبل المصرفية الالكترونية .. قد جانا عميل قعد يسفل فينا ليش بطاقة الصراف ماتشتغل، يوم قلنا له عطنا صرافتك عطانا صرافته ولقيناه مغلفها تغليف حراري ههههههههههههه

هذا شلون تفهمه.

 

[القائـد في الظل]

انت لو سلفت شخص وحصلت له ظروف فراح تراعيه اما تسقط عليه شوي من الارباح او انك تأجل الاقساط عليه لبعدين.

البنوك عملت هالشيء ولكن في عاصفة الحزم والمرابطين في الحد الجنوبي اجلوا عنهم الاقساط. مسألة اعفاء الورثة عن سداد القروض عند الوفاة لاسمح الله موجودة في اكثر البنوك (عدا الراجحي حسب ذاكرتي).

البنوك موضوعهم حساس جداً، لانهم لو عملوا مبادرات زي (اسقاط الارباح و و و و ألخ) راح بيهبون عليهم العملاء وبتخسر البنوك زيادة.
تخيل انك شفت بزران الحارة في العيد وعطيت كل واحد فيهم ٥٠ ريال عيدية .. صدقني كل بيت في الحارة بيطلع بزر من هالبيوت عليك عشان ياخذون منك عيديه وبتخلص فلوسك وانت ماعطيتهم كلهم.

هذا بالضبط راح بيصير لو البنوك صارت سردحة.



انا قاعد اوضح وش راح بيحصل للقطاع البنكي لو مااندمجت البنوك السعودية فيما بينها .. وش دخل الحمية في الموضوع؟

مع ان اسوء تجربتي الوظيفية كانت في البنوك، إلا أني أستفدت منها كثير، وعرفت أن شعبك من دون استثناء همج مايعرف لا ادخار ولا استثمار ولاهم يحزنون... قبل لاينام ياخذ قرض، وقبل لايقضي حاجته ياخذ قرض، واذا راح يشتري خبز بريال راح قدم على قرض.

واذا انتصف الشهر وخلص راتبه يمد بوزه شبرين من زين هالبوز في الاستراحة عند اخوياه ويقترح ليش البنوك ماتسوي مبادرات اجتماعية وهو حتى قطة الاستراحة بالشحذة مادفعها.

انا معك بخصوص القروض
لكن القروض العقاريه
شي لابد منه ولا انا من وين لي مليون الى مليون وخمس
الا بقرض عقاري
الا اذا كنت ولد تاجر او من هذه العينات

ولا القرض الشخصي اتكلم عن تجربتي
اخذت لي قرض وماكملت ثلاث سنين
وعقب سددت باقي المدوينيه
شي جميل لما راتبك كامل مكمل ينزل
ولا احد له منه عليك تحس براحه نفسيه
وعسانا ماننحد عليها
والناس مو كلهم واحد البعض يحتد عليه
والله اعلم بالظروف

 

[القائـد في الظل]

قد مرة اخذت دورة في الصيرفة الاسلامية .. وذكر لنا اللي عمل الدورة ان اخر دراسة مشتركة عملتها البنوك تقول ان زيارة العميل للفرع يكلف البنك 12 ريال!

هذا الكلام في 2008 .. الان التكاليف التشغيلية على البنوك في تناقص مستمر وهذا امر جيد خصوصاً مع تطور التكنولوجيا والهواتف الذكية.

من المواقف الطريفة قبل المصرفية الالكترونية .. قد جانا عميل قعد يسفل فينا ليش بطاقة الصراف ماتشتغل، يوم قلنا له عطنا صرافتك عطانا صرافته ولقيناه مغلفها تغليف حراري ههههههههههههه

هذا شلون تفهمه.

اما تغليف حراري
اخر مره غلفت حراري كان دفتره العائله حق الوالد
القديم تذكره

 

[تاكوڤيتش]

البنوك السعوديه لأسف دورها في المجتمع صفر ماغير دبغ الناس بالقروض حتى قرض الإسكان تم اجبارهم للتقديم المبادره

البنوك ماهي شغالة لله والوطن..

ذكرتني بالي يقولون المفروض البنوك يلغون اقساط ومدري وش يسوون
تقول ان البنك منظمة خيرية ماهي شركة وفيها مساهمين وناس دافعه فلوس..


هذا نفس الي يقول ان بعض المطاعم(او الخدمات) غالية عشانهم لاقين ناس ويبون يربحون(جشع)
واذا حاولت تفهمه ان الرجال وراه تكاليف(خاصة السلاسل) ويقدم جودة ممتازة وماهي بوفية اي كلام زعل..
(طبعا ما اتكلم عن الهبات او الي داخل ولا في راسه اي شي)


مع الاسف الكلام الصحيح عندنا مايعجب احد

 

[FA-117]

انا معك بخصوص القروض
لكن القروض العقاريه
شي لابد منه ولا انا من وين لي مليون الى مليون وخمس
الا بقرض عقاري
الا اذا كنت ولد تاجر او من هذه العينات

ولا القرض الشخصي اتكلم عن تجربتي
اخذت لي قرض وماكملت ثلاث سنين
وعقب سددت باقي المدوينيه
شي جميل لما راتبك كامل مكمل ينزل
ولا احد له منه عليك تحس براحه نفسيه
وعسانا ماننحد عليها
والناس مو كلهم واحد البعض يحتد عليه
والله اعلم بالظروف

اغلب البنوك ( عدا الراجحي ) تعمل تأمين على كل قرض ( هذه معلومة بتصدمك ).

يعني لو اخذت قرض شخصي نسبة الربح فيه مثلا 2%. فالبنك تتفق مع شركة تأمين انها تعطيها 0.5% من الربح، وتضمن للبنك ان لو العميل توفى لاسمح الله تقوم شركة التأمين وتدفع باقي المديونية نيابة عن الورثة. (ضروري جداً عند اي قرض تقرأ الشروط وتسأل البنك هل في حالة الوفاة يعفى الورثة من السداد او لا)

في التمويل العقاري اعتقد ان فيه اشكالية في الامر، لان بحكم طول مدة القرض العقاري فأحتمالية وفاة العميل قبل الانتهاء من سداد مديونيته واردة جداً. لذلك فيه قرضين التمويل العقاري من البنوك المحلية + قرض دعم صندوق العقاري:

1- اللي يتم اسقاطه هو تمويل صندوق العقاري (500 الف ريال) في حالة الوفاة لاسمح الله .. تعبي نموذج طلب اسقاط ترسله لوزارة الاسكان عشان يسقطونه لك.
2- اما قرض البنك .. ضروري انك قبل لاتقدم عليهم تسألهم هالاسئلة:

* هل التمويل العقاري حقكم انت يالبنك الاهلي مثلاً مؤمن تأمين شامل في حالة الوفاة ؟


البنك الراجحي في عقد التمويل الشخصي والعقاري حقهم مذكور ان القرض يعفى في حالة الوفاة .. لكن في الحقيقة غير مؤمن ودايم يطلبون الورثة بسداد اللي عليهم. ( حسب علمي لان حجتهم لان التأمين على القروض حرام عندهم).

اذا فعلاً مؤكد ان البنك مؤمن القرض العقاري لشركة تأمين فسم بالله ورح قدم عليهم

 

[Pre-Med]

البنوك ماهي شغالة لله والوطن..

ذكرتني بالي يقولون المفروض البنوك يلغون اقساط ومدري وش يسوون
تقول ان البنك منظمة خيرية ماهي شركة وفيها مساهمين وناس دافعه فلوس..


هذا نفس الي يقول ان بعض المطاعم(او الخدمات) غالية عشانهم لاقين ناس ويبون يربحون(جشع)
واذا حاولت تفهمه ان الرجال وراه تكاليف(خاصة السلاسل) ويقدم جودة ممتازة وماهي بوفية اي كلام زعل..
(طبعا ما اتكلم عن الهبات او الي داخل ولا في راسه اي شي)


مع الاسف الكلام الصحيح عندنا مايعجب احد

نفس مشكلة التوظيف فالقطاع الخاص ورفع الرواتب

يعني الواحد يسوي مؤسسه او شركه عشان يوظف ويدفع رواتب ويجلس مرابط ٢٤ ساعه بلوشي

 

[تاكوڤيتش]

نفس مشكلة التوظيف فالقطاع الخاص ورفع الرواتب

يعني الواحد يسوي مؤسسه او شركه عشان يوظف ويدفع رواتب ويجلس مرابط ٢٤ ساعه بلوشي

مخي شغال على 3% اليوم
اشرح مافهمت

 

[Pre-Med]

مخي شغال على 3% اليوم
اشرح مافهمت

هو سيم سيم كلام انته

يعني الشركات المؤسسات والبنوك وراهم تكاليف مصاريف