السعودية والإمارات والكويت تقدم 12 مليار دولار لمصر(متابعه المؤتمر الإقتصادى بمصر )

[فهد مصر]

نسبه لنجم كان يسمى النجم القاهر ينير السماء

ببساطة كده اجابتك صح بس المفروض كانت هتتسمي ايه قبل القاهره ؟؟؟؟؟

 

[على جبر]

وحشتووووووووووووووووووووووووووووووووووووونى
شرم الشيخ تجنن يجدعاااااااااااااااااااااااااااااااااااااااااااااااااااااااااااااااااان​

 

[النبوت 1]

وحشتووووووووووووووووووووووووووووووووووووونى
شرم الشيخ تجنن يجدعاااااااااااااااااااااااااااااااااااااااااااااااااااااااااااااااااان​

هو انت كنت هناك يا علي طيب يا بختك
احكيلنا شويه علي الوضع هناك والكواليس عامله ايه ​

 

[Divisions_]

هو فعلا العاصمة الجديدة هتتسمى Cairo Capital ؟؟؟

انا كنت فاكره الاسم الكودي للمشروع !! واغلب المواقع الاجنبية بتقول انها لسة yet to be named

لو الكلام ده صح فالاسم ده زي الـ***

 

[على جبر]

بدايه بالصلاه ع النبى مليون مبروك لكل مصرى هذا النجاح الغير متوقع للمؤتمر الاقتصادى المصرى
طبعا الدنيا كلها شرفتنا وكانت شرم فى ابهى حله لها
مش محتاج اقول شكرا للخليج والمملكه العربيه السعوديه تانى لان الدعم واضح والملك سلمان كان يريد اخراس الالسنه بطريقه (عمليه)
واتمنى من الوجوه المالوفه فى منتدانا عدم اللعب على وتر العلاقات المصريه السعوديه ثانيا ....الرساله واضحه من ملككم اظن
بدايه المؤتمر حقق اهدافه الاستراتيجيه بتوضيح رؤيه مصر الاقتصاديه الاستثماريه المقبله عن طريق طرح الرؤى الاقتصاديه للحكومه امام المستثمرين الاجانب واصدار القوانين الاستثماريه التىى تتسم بالمرونه الكبيره واهمها الذى اسعدنى كثيرا هو الاعتماد على نظام الشباك الواحد....كانت لى احدى المشاركات فى فى المنتدى قبل المؤتمر تمنيت فيها صراحه هذا النظام وكان المشروعات فى مناطق حره او ما شابه
ع العموم
بدايه عايزين نفرق بين ال12 مليار ونص الجداد من الخليج وبين المؤتمر الاقتصادى الاستثمارى نفسه
بمعنى ايه ....بمعنى ان الخليج قدم الفلوس دى كدعم نقدى متمثل فى سيوله حوالى 3 مليار دلار تودع فى البنك المركزى المصرى لتقويه التعاملات المصرفيه فى السوق اكثر بما يطمئن المستثمر القادم بانه لا تجد مشكله حقيقيه للعمله الصعبه فى مصر والباقى اشياء استثماريه بسيطه على الهامش مقارنه بالاستثمارات التى ستعقدها كل دوله على حده
وللتبسيط كمثال ( تقديم السعوديه 4 مليارات دولار واستثمار شركه المراعى السعوديه لوحدها مشاريع غذائيه بقيمه 4 مليارات دولار)
( تقديم دوله الامارات الحبيبه والتى اكن لها كامل الاحترام التقدير ل4 مليارات من الدولارات وقيامها بتوقيع عقد انشاء العاصمه الاداريه الجديده مع مصر بقيمه تتعدى ال43 مليار دولار هه مشروع جاذب لاى مستثمر بالتاكيد)
بالمناسبه ....مشروع ارابتك اللى كله بيتكلم عليه هتخلص بنوده اللى كان مختلف عليه قريب ان لم تكن خلصت بالفعل
الاختلاف الاصلى كان على سعر الوحدات العالى وستوافق شركه ارابتك على شروط الحكومه التى وضعتها للبدء فى المشرع فورا)

ثانيا كنت قلت قبل كده ان المركزى المصرى اتخذ خطوات جاده ومهمه لقضاء على السوق السوداء قبل المؤتمر بصوره عاجله وصدقت توقعاتى ان هذا طمئن المستثمرين اكثر واكثر بعدم اذدواج اسعار العمله الصعبه فى مصر ووجود سوق واحد لها وهو السوق الرسمى
.
.
.
مش عايز اكتر كتير فى مساله المشروعات اللى تم توقيع عقودها والاستثمارات التى ستنفذ باكثر من 60 مليار دولار لان الاخوه اكيد اسهبوا فى الصفحات السابقه بذكر المشروعات التى تم الاتفاق عليها
بس اتكلم فى 3 نقط بس
بدايه مليون تحيه للقائمين على فكره عرض المشروعات وتنظيمها وترتيب اولوياتها
مصر عقدت يحضرات مشرعات للطاقه باكثر من 25 مليار دولا ر وهو شىء هام مليون الميه ايقنته القياده الحاليه بانه لا امل ولا تشجيع لاى مستثمر الا بوجود الطاقه التى يحتاجها فى مشروعه وتوفيرها للمواطنين فى ظل الازمه الحاليه ..فتم ضرب اكثر من عصفر بحجر

نقطه تانيه وهى العاصمه الاداريه الجديده.....طبعا انا اكتشفت من خلال رساله الماجيستير اللى بحضرها والمراجع اللى بذاكر منها ان الموضوع قديم والناس بتصوت عليه من التسعينيات وممكن قبل كده كمان
لذلك اذهلنى الاسراع فى توقيع عقد العاصمه الجديده ( التحفه) التى اثق فى تنفيذها بمقدار 100% لسبب بسيط جدا .....ان المشروع ملح بالدرجه الاولى من النواحى الاجتماعيه والاقتصاديه والخدماتيه ثانيا لانه عقد مع اكبر الشركات الامارتيه فى ذلك المجال ( هيجلز الاماراتيه ) وطبعا مشروع ضخم كهذا فرصه للقاصى والدانى بالاستثمار به خصوصا ان الموقع مناسب والتسهيلات ممتازه
اعجبتنى كلمه رئيس شركه اعمار الامارتيه انه لا يعترف بوقت محدد ..فقال نصا ..نبتدى الشغل ونكمل علطول ..بمعنى انك تبتدى فى كل قطاع للعاصمه الاداريه الجديده هتلاقى نفسك فى خلال 4-5 سنوات مخلص المشروع باذن الله شرط الجهد الوافر والعمل ليل نهار وهو ما يلح عليه السيسى فى كافه لقاءاته بما فيها هذا اللقاء وهذا العقد تحديدا
النقطه الثالثه والاخيره وهى استثمار شركه المراعى السعوديه بقيمه 4 مليار دولار فى المواد الغذائيه بمصر
طبعا حضراتكم عارفين اننا فوق ال90 مليون مواطن ودى فرصه مثاليه انتهزتها المراعى لتدخل بمشاريع غذائيه ضخمه ستدر عائد وفائده على كافه الاطراف ..ولست فى حل لذكر جوده ومكانه شركه المراعى
ربنا يسهل ويحفظ البلد ونبدا فى التنفيذ قريبا خصوصا انى سمعت ان العاصمه الاداريه الجديده تنفيذها البدر فيها خلال اسابيع

ححاول اجمع بعد شويه كافه المشروعات الاستثمارات التى عقدت وسيتم تنفيذها قريبا باذن الله
شكرا



​

 

[Divisions_]

عايزين نعمل حصر للإستثمارات لكل دولة

لإني لاحظت إنه الإمارات إستثماراتها 75+ مليار دولار في المؤتمر منها مشروعين إستراتيجيين بخصوص تخزين القمح و العاصمة الجديدة لمصر ده غير مشاريع عقارية تانية كتير في العلمين و القاهرة و مشاريع في الكهرباء من الطاقة الشمسية و الرياح و محطات توليد عادية و ده غير إستثمارات التعدين

بصراحة وجبوا معانا جامد جداً في المؤتمر دول كدة شايلين نص الليلة لوحدهم

 

[مار]

ألان ألان الدور على الشباب ولمح الرئيس عبد الفتاح السيسي على الشباب ان يشن حملة لتوعية ولرفع من الهمم بين المواطنين بين المهندسين بين الجامعات مصر هي ثقل الام العربية خصوصا السكانية ممكن الاستفادة من هذا الثقل كما استفادت الصين موفقين ان شاء الله ونحن في ليبيا نسعد اذا أصبحت مصر الجارة الكبره في اسعد حال التنافس كبير لكن الطموح اكبر

 

[على جبر]

هو انت كنت هناك يا علي طيب يا بختك
احكيلنا شويه علي الوضع هناك والكواليس عامله ايه ​

حبيب قلبى
اولا وحشتونى واحد واحد ولسا راجع النهارده الصبح
الحكايه كلها يجدعان ان الدكتور سلطان ابو على المشرف على رسالتى فى الماجيستير اتوجهلته دعوه لحضور المؤتمر وبما ان علاقتى وبعض الزملاء معاه قريبه به اقترح علينا مرافقته لشرم الشيخ ( مش هنخش القاعه لانها بال id) ..ولكن كانت فرصه لمعايشه الواقع والمؤتمر واحساس الناس والسياح فى شرم
وطبعا كانت اجازه غير مدفوعه الاجر من البنك اللى بشتغل فيه .....بس شرم ع العموم احلى
وافقنا وحجزنا فى فندق بشرم الدكتور ذهب طبعا للمؤتمر وكان اغلب اليوم مقضينيه فى االشارع على الكافيهات لرؤيه المؤتمر
مش عايز ااقلوكوا على التشديد الامنى كان عامل ازاى بس طبعا الواحد كان مقدر وبيتمنى الدنيا تمشى على خير
وكانت فرصه ذهبيه اننا نعايش الامر وشفت سعاده غير طبيعيه من العاملين فى الكافيهات هناك للرواج اللى حصل خصوصا انى شفت حركه غير اعتياديه فى الشوارع
كل المشلكه اللى حصلتلى ان الموبايل وقع منى وانا مسافر ..بس فرحه المؤتمر المشرع والبهجه اللى حصلت والتجربه نفسها نستنى كل حاجه بامانه​

 

[على جبر]

هو فعلا العاصمة الجديدة هتتسمى Cairo Capital ؟؟؟

انا كنت فاكره الاسم الكودي للمشروع !! واغلب المواقع الاجنبية بتقول انها لسة yet to be named

لو الكلام ده صح فالاسم ده زي الـ***

غالبه هتتسمى cairo برضه يكبير
يعم مش مهم ..ِشفت الماكيت اصلااااااااااااااااا
هتتنفذ علطول لانها ضروره ملحه ان شاء الله وهى جزء من النميه المستدامه وتخطيط الدوله ورؤيتها للزحف العمرانى
شفت السيسى اصلا وهو بيتكلم على توقيت تنفيذها ....كان ناقص يطبق فى زماره الراجل ....7 سنين مين و10 مين يعم الحج​

 

[Divisions_]

@على جبر

على فكرة الراجل مدير اعمار محترم جداً وواعي مرضاش يوعد السيسي ابداً بحوار الـ5 سنين علشان ميربطش نفسه بكلام ممكن جداً ميقدرش يحققه

لكن اتفق انه هيقعد معاه يشوفوا أقصى حاجة ممكن تتعمل و غالباً هتكون 6 سنين لانه الجيش هيساعدهم كتير

الإمارات كدة هتكون أكبر مستثمر في مصر بعد المؤتمر ده متنساش انه تحالف تحدي بتاع تكريك التفريعة الجديدة للقناة هم برضه اللي شايلينه

أنا بالمنظر ده خايف اصحى بكرة ألاقيهم باعوا شقتي لمستثمر اماراتي

 

[على جبر]

@على جبر

على فكرة الراجل مدير اعمار محترم جداً وواعي مرضاش يوعد السيسي ابداً بحوار الـ5 سنين علشان ميربطش نفسه بكلام ممكن جداً ميقدرش يحققه

لكن اتفق انه هيقعد معاه يشوفوا أقصى حاجة ممكن تتعمل و غالباً هتكون 6 سنين لانه الجيش هيساعدهم كتير

الإمارات كدة هتكون أكبر مستثمر في مصر بعد المؤتمر ده متنساش انه تحالف تحدي بتاع تكريك التفريعة الجديدة للقناة هم برضه اللي شايلينه

أنا بالمنظر ده خايف اصحى بكرة ألاقيهم باعوا شقتي لمستثمر اماراتي

بالمناسبه يكبير كنت عايز افكرك بانه هيتم تطبيق نظام الشباك الواحد ولو تفتكر حديثنا انا وانت فى الامر ده ومدى البيروقراطيه اللى بتعانى منها البلد وتطفش اى مستثمر
يعنى الامر مرن لحد كبير
بالنسبه للعاصمه الجديده .....نبتدى الشغل وكله على الله وانا بتفق معاك انها مكن تكون فى حدود 6 سنين
السيسى بس حب يوضحلهم ضروره الاسراع بالتنفيذ واعتقد انه هيشرف على الامر شخصيا بزيارات زى قناه السويس وزى مشروع جبل الجلاله وغيرها من المشروعات اللى بيتابعها بنفسه
بالنسبه لجزئيه الامارات ...دوله فى الاصل تستحق الاحترام وتعجب بنموذجها التنموى والادارى وتقعد كمان تتعلم منه
اثق تماما فى جديتهم خصوصا مع كم المشاريع التى يشاركوا بها فى الاصل بمصر الان
بالمناسبه تانى ....فى قانون الاستثمار الجديد .....كل المناطق الحدوديه خاضعه للدوله والاستثمار بها بامر من الجهه السياديه
اما باقى الاراضى التى سيتم الاستثمار فها بحق انتفاع 50 سنه وليس تمليك بتاتا( مافيش حاجه اسمها تمليك)
ادعوا ربنا يجدعان يصب الخير ع البلد
والله والله ارى فى تلك الانطلاقه النمور الاسيويه فى بداياتها واقسم بالله خصوصا جعل القوانين اكثر مرونه
يارب سهل​

 

[Divisions_]

أنا فعلاً سمعت صبور امبارح كان بيتكلم عن موضوع الشباك الواحد

صبور بالذات كان طالع **** بسبب موضوع التراخيص ده

 

[happy10]

عايزين اقتراحات لاسم العاصمه الجديده.....لو ممكن الحكومه تعمل زى ما عملت شيبسى و طعم الجمبرى و يكون الشعب هو اللى اختار اسم عاصمته

 

[على جبر]

بالمناسبه
الرئيس قال نصا انه اجتمع مع رئيس شركه اداره سيمنس الالمانيه اللى اعلنت عن استثمارها 10 مليار دولار خلال المؤتمر الاقتصادى
قالهم فى كم عام يكن تنفيذ ال 3 محطات كهرباء الجديده المزمع انشاؤها؟؟؟
قالوا 3 سنوات
طالبهم بعام ونصف ....ووافقوا بعد ان وعدوا بالعمل بكد
بالتاكيد رئيس شركه من اكبر شركات العالم فى الطاقه كسيمنس الالمانيه لن يجامل ....رسال لذوى الالباب من متبعى الخنزيره التى تتندر على مطالبات الرئيس دوما بتقليص مده المشروعات مع انهم ل راو المجرى الملاحى الجديد بحجمه وعمقه الذى تم فى ظل عام واحد سيعرفوا انه ليس هناك شىء عصى على العقل البشرى

بالمناسبه برضه ....ِشكرا قناه سكاى نيوز على التغطيه المثاليه البعيده عن التندر او المكايده والتى تتكلم الاوراق والمعلومات والارقام​

 

[Divisions_]

@على جبر

سكاي نيوز عربية قناة موالية للإمارات سياسياً
زي ما العربية مثلاً تابعة لوزارة الاعلام السعودية مباشرة
او الجزيرة تابعة لقطر

كله حسب الكاشير بتاعه

 

[على جبر]

@على جبر

سكاي نيوز عربية قناة موالية للإمارات سياسياً
زي ما العربية مثلاً تابعة لوزارة الاعلام السعودية مباشرة
او الجزيرة تابعة لقطر

كله حسب الكاشير بتاعه

بس يصاحبى من خلال متابعتى ورؤيتى ليهم بيتكلموا دايما بالارقام ...يعنى مش بيكايدوا
بمعنى ان الجزيره فى تغطيتها ذكرت اسواء الارقام للاقتصاد المصرى وقامت بالتنظير مقارنه بعام 2013 وحقبه الى ما يتسمى
فى حين ان سكاى نيوز قامت بذكر كافه المواقف الاقتصاديه من تعثرها لفرص الانطلاق بتغطيه اقتصاديه مثاليه
تحياتى لحضرتك​

 

[y.m.a.i]

@على جبر

سكاي نيوز عربية قناة موالية للإمارات سياسياً
زي ما العربية مثلاً تابعة لوزارة الاعلام السعودية مباشرة
او الجزيرة تابعة لقطر

كله حسب الكاشير بتاعه

قناة اماراتيه تبث من الامارات

 

[على جبر]

ربنا يكرم و المشروع ده ميلاقيش له مستثمر ولا أرض و ميشوفش النور ابدا ليوم الدين

حسيت فيك انك زملكاوى اصيل يكبير
شوف ياسيسى ....الاهلى ما يعتبش المؤتمر وما فيش استادات بالصلاه ع النبى
انا بحذرك ياسيسى ....لو استاد الاهلى اتعمل هيكون فيه عربيات مفخخه وقنابل بالريموت كنترول واستشهاديين وانتوا مش قد الكلام ده كله :mad::mad::mad:​

 

[AL RAGH]

حسيت فيك انك زملكاوى اصيل يكبير
شوف ياسيسى ....الاهلى ما يعتبش المؤتمر وما فيش استادات بالصلاه ع النبى
انا بحذرك ياسيسى ....لو استاد الاهلى اتعمل هيكون فيه عربيات مفخخه وقنابل بالريموت كنترول واستشهاديين وانتوا مش قد الكلام ده كله :mad::mad::mad:​

و بعد كده تطلع تعتذر و تقول انا مش قصدي اقول الكلام ده خالص و انا مش اخوان اسف قصدي انا مش زملكاوي​

 

[على جبر]

و بعد كده تطلع تعتذر و تقول انا مش قصدي اقول الكلام ده خالص و انا مش اخوان اسف قصدي انا مش زملكاوي​

زملكاوى وافتخر
قادمووووون :mad::mad:​