رد: هل سيتم الاتحــــاد الخليجـــــي ؟؟؟
الوزارات الي ادائها ضعيف وزراة الصحه وين ما اتجهت تلاقي لها وعود ما انجزت
من الموقع مستشفى حائل التخصصي من حوالي الثمان سنوات معتمتد ولسى العمل جاري فيه
فيه مشاريع مماثله من خارج الموقع المتابع للمشاريع
انا اسميه الموقع الراقد يذكرني بحارس بوابه وحاط القبوع على وجهه ويشخر
من المنطقه الي ساكن فيها بعطي مثالين كان يفترض ان يتم تشغيلها بداية العام على اخر وعد
مستشفى بلجرشي العام برضه له حوالي الثمان سنوات من يوم اعتمد وانجز العام الماضي وللحين ما تشغل ولى في المبنى القديم
المستشفى القديم
فيه مستشفى ولاده على نفس نظامه القديم والاثنين يخدمون قرابة 75 الف نسمه ويفترض ان متسجل وعود انشاء مستشفى الامراض النفسيه ومستشفى بلجرشي التخصصي فوينها جميع عن التغطيه من الموقع
المستشفى الجديد لسى ما تم افتتاحه
برج الباحه الطبي
برضه كان يفترض ان يتم تشغيله في بدايه السنه وشفت انوار له من كم اسبوع
هذي امثله من مشروعات تابعه لوزارة الصحه
يفترض ان عندك 13 منطقه لها 13 اماره ويتبع لهم 128 محافظه بعض المحافظات ما يتبع لها الا قرى وهجر او مراكز صغيره وتعدادها قليل زي الخرخير في حدود 5 الاف نسمه فيكون لها مستشفى زي ماهو وارد في الخبر
وبعض المحافظات يكون تابع لها مراكز وقرى وهجر وعدد سكانها يتجاوز 3 مليون نسمه زي محافظة جده التابعه لامارة منطقة مكه المكرمه
ويكون لها مجموعة مشاريع داخل المحافظه او في المراكز الي تتبع لها ويكون لها كثافه سكانيه وبعيده عن اقرب مستشفى بحيث يخدمها ويخدم القرى التابعه والمستفيده من المستشفى
المقصود بمركز يتبع محافظه تتبع اماره يتبع وزارة الداخليه يعني مراكز اداريه
وفي الصحه مسمى مراكز صحيه تخدم بعض المراكز القرويه او حتى القرى الي يكون فيها كثافه سكانيه وفيه مشاريع كثيره متعثره ومشاريع انجزت واشتغلت
هذا مركز صحي يبعد عن مستشفى بلجرشي الجديد بين 500 متر الى الكيلو ويخدم القريه او القرى على جانب الطريق
تلاقيها بين مسافه والثانيه بحسب التجمع السكاني وعندك قرابة 16 الف تجمع سكاني مابين مدن وقرى وهجر بعضها يتوفر لها والبعض تتجه لمراكز القرى المجاوره او حتى الاحياء في المدن بحسب الكثافه السكانيه لو بيتابع شغلات زي كذا يبغاله فريق يتابع ويغطي مابين مراكز ومستشفيات بحسب عدد الاسره الي ترتفع من حدود 20 الى 800 سرير وما بين مدن طبيه تكون في المدن الكبيره
بعدها او الاسوء بالاصح هو رعاية الشباب ومتع ناظرك
فلما يكون مصدرك غير متابع للمشاريع لا مشاريع مياه ولا كهرب ولا طرق ولاحظ حتى المتابعه للطرق ماهو عارف وش علاقة مشاريع الطرق بالمصافي او مصانع الاسمنت او الشركات الي تمسك المشاريع والمصاعب الي تواجهها في منطقة جبليه تتعرض لانهيايات او ارتفاع تكاليف او في منطقة سيول او ايش بالضبط وماهو عارف وين مصدر المشكله بالضبط ثم وين تغطيته لمشاريع باقي الوزارات الي تنزل بشكل يومي
على سبيل المثال المشاريع الخاصه بالرياض كلفتها قرابة 264 مليار ريال تتناسب مع عدد سكان الرياض من اصل 1440 مليار موزعه في مناطق المملكه بحسب عدد السكان يعني في قريتي على سبيل المثال نكون مشتركين مع المركز القروي بمستشفى سعة 50 سرير احنا ومركز قروي ثاني يفترض ان المستشفى القديم الي يخدم المركزين والقرى التابعه حوالي 270 قريه
يفترض ان المستشفى الجديد صار شغال على الوعود الي قاعده تصير والي اخرها
يفترض ان المخصص لقريتي من الخطه قرابة 24 مليون تشمل المركز الصحي الي محجوزه ارضه من 30 سنه وتقادم المركز القديم واحنا قاعدين ننتظر وعود وزارة الصحه لاجل تسوي المركز والي راح ياخذ قرابة 3 مليون من الحصه
برضه منتظرين معلب الكوره والصاله الرياضيه يفترض ان كلفتها محدوده دون المليون قياس على عدد السكان فعدد بيوت القريه قرابة 150 بيت وطبيعي اذا صارت الاحصائيه ما بيتم احصاء الا السكان المتواجديد ايام الدراسه
برضه ننتظر اكمال مشروع المنتزه المطل على القريه والي تم العمل فيه طرق و 4 مظلات وعدونا في زيادة العدد وماحولك احد بالاضافه لانارته
لسى ننتظر الارصفه لان مجرد ازفلت للطرق واناره لبعض الطرق زي الدايري مضاء بالاضافه للطرق الاساسيه اما البقيه فمافيه الا اضافه على الاعمده الرئيسيه
ولسى متنظرين تحلية المياه فالمشروع القديم اندثر والي كان عباره عن خزان وشبكه مياه ثم بعد انتقال الناس من بيوت الحجر لبيوت البلك ماصارت مفيده وتم حفر ابار جديده لكن تم تحويل المشروع لمشروع سقيا للمنازل احيان تجي في الشهر مرتين واحيان بالشهور ما يجي شي فمنتظرين تحلية المياه والي كان يفترض ان تم تمديد شبكات المياه وعمل العدادات زي ماهو معمول في قرى الباحه
صوره لخزانات المياه وعلى اخر خبر بعد وصول الضخ للمرحله الثانيه من محطة الشقيق الى ابها يفترض ان الضخ في الخزانات على نهاية العام
وهذي اشياب التوزيع للوايتات اذا بيكون نظام اشياب بيكون التوزيع بالكروت تقريبا معدل كرتين مجانا للشهر
وإذا بنظام الشبكه بيكون المتر المكعب على 10 هللات
بجواره مدرسه تابعه لقرى ثانيه وبلديه لباشوت
وهنا طريق الطائف ابها يفترض ان يتسجل من ضمن المشاريع المتعثر بسبب تأخر العمل فيه والصوره من قرية شقيق
هنا حديقه في مركز البشائر لاحظ ان ندرة المياه تتسبب في عطش الاشجار والانجيله
يعني اذا عندك نقص مياه فطبيعي ان يتأخر المشروع وهذي حديقه ثانيه نفس الشي تعاني من قلة مصادر المياه ومن الصعب عليهم تشجيرها وعمل انجيله من دون توفر مصدر مياه يعوض المستهلكين
معدل الاستهلاك اليومي للفرد بحدود 350 لتر في اليوم وتوجه الاحتياطيات الحاليه للتشجير وزيادة المسطحات الخضراء خصوصا ان المركز فيه حوالي 11 منتزه جديد معمول لها ارصفه واناره ومظلات او تنتظر الارصفه والتشجير والاناره
على امتداد الطريق مسافة 4 كيلو يفترض ان معمول ارصفه ومسطحات خضراء واناره وفيه اماكن اصغر مساحه منه واكبر بعض اجزاء المنتزه الواحد تاخذ مسافة كيلو والبعض الى 5 كيلو مجزء الى ثلاث اجزاء سد ومطل ومنتزه عوائل ومنتزه عزاب
صوره علويه للمنتزه والي يحتاج لمسطحات خضراء في حال تم توجيه مياه السقيا للتشجير وزراعة المسطحات الخضراء لكن نصيب المركز من الصعب انه يعطي مساحة مسطحات خضراء لاكثر من 385 الف متر مربع الا في حال تم الاعتماد على كميات اضافيه من السدود والاتجاه لمعالجة مياه الصرف الصحي والي تم اعتماد مشروعه في السنه الحاليه
مركز قروي على الطريق
عندنا طريق موصل للقريه يفترض انه مزدوج لكنه تم العمل فيه وتوقف من حوالي السنتين بسبب اعتراض منازل واملاك خاصه وقفت اجزاء من الطريق
المدرستين القديمه للاولاد والبنات تم تحديثهم لمدرستين جديده والقرى المجاوره تم تحديث كل مدارسها
نموذج للمدارس
الشاهد ان من مافيه متابعه من الموقع للمشاريع وهذي مثال من مركزين من اصل 6 مراكز تابعه لمحافظة من اصل 128 محافظه يتبعون لـ 13 امانه ولو بعرض امثله من مشاريع القرى المجاوره لنا راح تستوعب فعلا ان الموقع ما يغطي ولا 1 من 10000 ومستبعد تماما قدرته على تغطيته خصوصا ان الي راح يتم هنا راح يتم هناك فعندنا زي ما عند جده مشاريع تصريف مياه ودرا اخطار للسيول في المراكز والقرى التابعه لها ولو انعمل مراكز حضاريه في المدن والاحياء بتلاقي ان نفس الشي ينعلم عندنا يا مشتركه مع المراكز او خاصه بحسب عدد السكان والي يعمل عندنا راح يتم الاتجاه للمدن وينعمل زيه لكن بمبالغ اكبر تتناسب مع تعداد السكان المستفيدين او باعداد اكثر بحسب توزيع عدد السكان
خدمات كهرب وهاتف وانترنت موجوده لكن عندنا في القريه دي اسل واتصالي 4 ميقا ويفترض ان السرعه الاعلى 20 ميقا لكن على كلامهم حدها 16 ميقا وفي المركز الي نتبع له اتصالهم اسقاط وماعندهم الا انترنت عادي
فانت تشتكي من خدمه تلاقيها في مكان ثاني شغاله وبتجيك او عندك خدمه يفتقر لها غيرك وبتجيه لكنها مرتبطه بمشاريع ثانيه زي التشجير والانجيله تحتاج مصادر مياه وزي الاناره للطرق تحتاج لمحطات كهرب ومحطات الكهرب والتحليه تحتاج لمصافي ومشاريع البناء تحتاج لقدرة مصانع الحديد والاسمنت على اقل تقدير انها تلبي الطلب فتلاقي تداخل في المشاريع تتأثر بصيانه او توقف او طلب عالي او حتى شركات يكون عليها ضغط او انتضار خريجين جدد او ايادي عامله تشغل المشروع الجديد وهكذا فتحتاج لمتابعه اخبار حتى تعرف المشاكل الي تواجه المشاريع اي كانت والله اعلم
![:walw[1]:](/vb/data/assets/smilies/c39c84e393dbca960a05b9f45e20e07203df7b3c.gif "-- :walw[1]:")
