افتتاح مقر القيادة الاستراتيجية المصرية قريبًا بالعاصمة الإدارية

[batteryneon]

استني هابعتلك حاجة خاص بس اوعي تنزلها عشان تعرف ان احنا جامدين اوي

عايز يوديني في داهية
انا في السليم يا محسن بيه
انصرف انصرف
الحمد الله التشات مفيهوش لينك رفع صور

متبعتليش حاجة .. انا حتفاجئ بيها زي ما باراجواي حتتفاجئ بفرنسا دلوقتي

 

[klash]

بالنسبه لي هو اكبر مبنى في العالم

و لكن المصيبه 70% من الجيش شغال في خدمات مدينه كمصانع و شركات تنظيف

مصانع السلاح في مصر تعتبر الاسوا في المنطقه

عندي احسساس حتى هالمبنى سوف يتم تاجير بعض اقسامه

منذ فترة طويل كنا اعتدنا في المنتدي ان الحديث يكون بمصادر موثقة مؤكدة او حذف التعليقات او المواضيع اما الأن للأسف الكل بقي بيحكم ويصدر معلومات
مجهولة نابع من نوابع وتحيزات فكرية متواجدة اصلاً ويبدء يتحدث بالمشاعر والأحاديث والوقوع علي المتردية والنطيحه
ام الأن المعلومات بقت بالأحساي المره بالفهلوة والهبد واللا منطق
فممكن مصادر عما ذكرته خصوصاً ان 70 بالمائة من الجيش يعملون اعمال مدنية !؟ يعني تعداد الجيش المصري المعلن في حدود 500 ألف بشكل تقريبقي نسبة 70 بالمائة يعني الجيش كله المتبقي 150 الف مقاتل بكل افرعه فبالله عليك هل دا يعقل في دولة لها قوات ضخمة كعدد وعتاد علي كل مستوي الأفرع
يعني القوات المقاتلة المصرية 150 الف مقاتل !؟ يعملون في القوات البرية والبحرية والجوية والدفاع الجوي ومنظومات الدعم اللوجيستي وفرق الصيانة ومىات المطارات والقواعد العسكرية المنتشرة في طول البلاد وعرضها
اعدادهم 150 الف فقط !؟
معلش عدت منك المرة دي ممكن ترشق معاك المرة الجاية

اما ان المصانع العسكرية هي الأسوء في العالم بردوا كلام مافيش عليه اي مصادر لكن العكس خلال 10 سنوات الفاىتة حصلت طفرة علي مستوي التجميع والتصنيع ونقل بعض التقنيات والتطوير في خطوط الإنتاج ومصانع للزخائر وغيرها كثير واخرها المدفع الكوري
وكذلك الأرصفة البحرية وشركات الدعم اللوجيستي البحري والترسانات العسكرية اذا كانت هي الأسوء بالعالم ما كان تم المشاركات في تصنيح كورفيت كالجونيد الفرينسي او فرقاطة ميكو الألمانية وغيرها
وما كنا نري هذه النماذج المتطورة من المدرعات التي دخلت الخدمات بالمئات وهي مدرعات حديثة ومتطورة
ممكن اتفق معاك انه مش علي القدر المأمول اه اتفق وان المفترض نكون في مرحلة وتطور اكثر من كدا بمراحل ممكن اتفق ان المصانع ليست بها احدث التقنيات العالمية في العالم لخطوط التصنيع والمعدات اه اتفق
لكن تصنيفك انها اسوء مصانع في العالم بردوا فلتت منك المرة دي بردوا
لأن الواقع والصفقات الحديثة والأسلحة المتطورة والماكينات المتطورة وامكانيات تصنيع ودرفلة الصلب والأفران وغيرها تجعل خطوط التصنيع او التجميع والصيانة والعمرات واعتماد مراكز للصيانة في المنطقة وغيرها الكثير تفرض عليك بتطوير بنيتك الصناعية العسكرية لتواكب المتغيرات التقنية التي تقتنيها وتنفق عليها وعلي اطقمها المليارات فدون هذه المصانع التي تخدم علي السلاح والدعم اللوجيستي الجبار لم تكن مصر تستوعب كل هذا الكم العددي والنوعي من السلاح والتقنيات المتطورة وطولل السنة في تدريبات داخلية وخارجية ومشاريع حرب ورماية بالزخيرة الحية فوجود استعداد ورفع الكفائة
من اهم سماته قاعدة صناعية جيدة وفي طور النمو والتقدم
قأتمني تحدثنا بالعقل والمصادر المعتمدة

 

[Forget Them All]

استني هابعتلك حاجة خاص بس اوعي تنزلها عشان تعرف ان احنا جامدين اوي

يسطا ارسلهالي خاص ولا تترك انطباع لدي باقي الأعضاء عن ان اهالي المنصورة زي القرع بيمدّوا لبره

 

[Marwan2001]

يسطا ارسلهالي خاص ولا تترك انطباع لدي باقي الأعضاء عن ان اهالي المنصورة زي القرع بيمدّوا لبره

هو نصحني نصيحه حلوة ، بلاش صور عشان متعملش مشكلة للي صورها

بس عشان ارضي فضولك ، حاجه صيني حجمها كبير كانت طايرة وممكن متكنش مصريه الله اعلم

 

[DENERO]

الفكرة ممتازة وعصرية
بس بصراحة اللي معجبنيش البدلة العسكرية فيها حاجة مش حلوة ومش متناسقة مع قوام الريس .. وفيها عيب في الكتافات الشمال مش مضبوطة خالص و مايلة لقدام كدة مفروض اللبيس بتاعة او الترزي كان ياخد بالة منها ...الحاجات دي مفروض تبقى على الشعرة ومضبوطة بميزان . دي بدلة عسكرية

 

[Egyptian Army Hell March]

@batteryneon

تحب اثيرلك الجدل وانزلك صور متسربة من الافتتاح لمعدة جديدة كانت فوق الاوكتاجون بس التلفزيون تعمد مايظهرهاش ولا ممكن يحصل مشكلة

معدة من انهى نوع ؟ يعني جو ولا بر ولا دفاع جوى ؟

 

[Marwan2001]

معدة من انهى نوع ؟ يعني جو ولا بر ولا دفاع جوى ؟

مكتوب فوق الاوكتاجون

 

[Marwan2001]

@Saudi silent ينفع تمسح التعليق بتاعي شكلي هاتحبس بسببه

 

[Egyptian Army Hell March]

مكتوب فوق الاوكتاجون

هيا حاجة ترفع الروح المعنوية ؟

 

[Marwan2001]

هيا حاجة ترفع الروح المعنوية ؟

لا مش اوي حاول تغلوش ع الموضوع عندي عيلين عاوز اربيهم

 

[Egyptian Army Hell March]

لا مش اوي حاول تغلوش ع الموضوع عندي عيلين عاوز اربيهم

يتربوا في عزك ياباشا . والله العظيم كلنا منقصدش ان حضرتك توحشنا . بس بنسألك لجل روحنا المعنوية ما تعلى .

 

[•Introvert•]

هو نصحني نصيحه حلوة ، بلاش صور عشان متعملش مشكلة للي صورها

بس عشان ارضي فضولك ، حاجه صيني حجمها كبير كانت طايرة وممكن متكنش مصريه الله اعلم

?Y-20

 

[Marwan2001]

?Y-20

٩٠%

 

[•Introvert•]

٩٠%

مش عايز احلف بس أنا فاجر️

 

[Saudi silent Saudi silent عضو موثق.]

@Saudi silent ينفع تمسح التعليق بتاعي شكلي هاتحبس بسببه

انا مستغرب اساساً انك مازلت عايش معانا وبتشارك .. حبيب اخوك يامروان

 

[Marwan2001]

انا مستغرب اساساً انك مازلت عايش معانا وبتشارك .. حبيب اخوك يامروان

مؤقتا

 

[Saudi silent Saudi silent عضو موثق.]

مؤقتا

الله يحفظك ، انتبه من بعض المشاركات اللي مالها داعي
بالنهاية نحن في منتدى نشارك للتسليه وليس اكثر من ذلك

 

[rorschach]

خلال السنوات القليلة الماضية حدثت تطورات كبيرة في فنون الحرب و انواع جديدة من الحروب السيبرانية و حروب الدرونات و الاسلحة الذكية بل حروب الاتصالات و الاقمار الصناعية مثل اختراق ايران و لبنان ،، كان لابد من تأمين مقر مناسب لمثل هذه الحروب بكل تجهيزاته المناسبة معماريا و هندسيا و البنية التحتية الخاصة به عموما ،، تكلفة كبيرة نعم لكنها ضرورية بلا شك ،، اقمار للاتصالات فرنسي و اخرى للمراقبة روسي ،، ده غير تطورات الاسلحة الكبير الحاصل في البحرية و الجوية و البرية و التصنيع الحربي.*

النهارده بنشوف احد معالم مصر (الجديدة) لتضاف الى الصورة الاكبر للمشروع المصري مع اخواتها ،، الدلتا الجديدة و توشكى ،، شبكة نقل طرق سيارة و سككية تغطي كامل الاراضي ،، التحول في مصادر الطاقة لصالح الطاقات المتجددة و النظيفة و دخول العصر النووي ،، موانيء بحرية لتحقيق استفادة قصوى من عبقرية الموقع الجغرافي ،، مدن جديدة ،، السياحة و المتحف ,, كل مشروع بمثابة جزء من صورة اكبر لمستقبل هذا الوطن.

* لا اعرف كيف كان يفكر المصريون في التدخل الخارجي في اي مكان حولهم ،، دون وجود مقر مثل هذا ؟!.

الف مليون مبروك لام الدنيا الكنانة الغالية ربنا يحفظها و يبارك فيها و يحميها و كل بلاد العربية و الاسلام ،، و صل اللهم و سلم و بارك على سيدنا محمد و على اله و صحبه و سلم تسليما كثيرا و سلام على المرسلين و الحمد لله رب العالمين.

 

[Forget Them All]

انا مستغرب اساساً انك مازلت عايش معانا وبتشارك .. حبيب اخوك يامروان

ده واحد ياما قرر انه يقطّع بطاقته ويهب حياته فداءاً للمنتدى
ياما ليه واسطة في المنتدى مجمدة قلبه واغلب الظن هيكون معاليه
@سمير فرج
عشان كده مش مالي عينه حد

 

[Marwan2001]

ده واحد ياما قرر انه يقطّع بطاقته ويهب حياته فداءاً للمنتدى
ياما ليه واسطة في المنتدى مجمدة قلبه واغلب الظن هيكون معاليه
@سمير فرج
عشان كده مش مالي عينه حد

الاستاذ العظيم سيادة اللوز @سمير فرج

او حتي حسابه الاصلي @Hegesias

تتلمذت ع ايديهم من الصغر