للأسف هذا اللي مخليكم دايم تتصادمون مع العالم العربي في المواقع ووسايل التواصل الاجتماعي لانكم تعتقدون ان الكل حاسدكم وان الكل متآمر عليكم لكن الحقيقة ان تحركات الامارات الاخيرة دفعت كثيرين للصدام معها سواء بمبرر او بدون مبرر الامارات المفروض ما تدخل نفسها في الصراعات العربية وتنعزل بنفسها وتكون نموذج اقتصادي وتجاري مثل ما هي الحين مثل سويسرا وسنغافورة تركز على الاعمال والتجارة وكل درهم من الناتج القومي يرجع للاستثمار داخل الدولة
اما الدخول في السياسة والتدخل هنا وهناك ومحاولة لعب دور الشرطي او المتحكم واخذ ادوار اكبر من حجم الدولة هذا ما راح يفيد الامارات بشي قد ما بيجيب لها صراعات اكثر ويعطل مشاريعها في الداخل والخارج
انت تعرف يا عيناوي اني مع الامارات في موقفها ضد الاخوان المسلمين ودائما ارفض التعريض فيها من بعض الاعضاء لان هالاسلوب غير سوي الامارات مشت على خط السعودية في محاربة الاخوان وتحجيم دور تركيا لكن الامارات اخذت منحنى مختلف خلاها تتورط في صراعات بعيدة عنها وهي في غنى عنها ومحاربة الاخوان في كل مكان مو منطقي لانهم غالبا يعبون فراغات ولو اختفوا من اقليم او دولة بتدخل قوى اخطر واشد ضرر على امننا العربي والاسلامي وعلى مصالحنا المشتركة
جماعة الاخوان تأسست قبل قيام الامارات بسنوات طويلة والصراع السعودي مع الشيوعية والافكار العابرة للحدود ساهم في انتشارهم في الدول العربية ووصلوا لمناصب عليا في اغلب الدول العربية وساهموا في سحق الاشتراكية والشيوعية لكنهم مثل اي قوة سياسية في العالم يبغون يكون لهم نصيب من الحكم في العالم العربي والاسلامي وعشان كذا انتشروا بشكل كبير ووصلوا لكل دولة اسلامية واسسوا لهم مقرات في اغلب دول العالم وهالجماعة عندها ارتباطات قوية بالاستخبارات الغربية خصوصا البريطانية والصدام معهم بدون عقل وتروي بيرجع علينا كلنا بالمشاكل والمصايب لان الاخواني والشيعي دايم يلقى دعم غربي لابقائه
اكثر شي يضايقني من تصرفات الامارات هو الاشياء اللي تسويها وتخالف شريعتنا الاسلامية ما اتكلم عن المحرمات مثل الخمر والزنا وبيع المحرمات والتجارة المحرمة هذي بينكم وبين ربكم لكن انا مسلم وفي دولة مسلمة وعلى ارض شبه الجزيرة العربية مهبط الوحي ومنارة الرسالة الاسلامية اروح ابني معبد يهودي ومعبد هندوسي هذا شي ما له داعي اساسا خصوصا من شعوب حاقدة علينا من مئات السنين وتحاول تنتقم منا لاننا احنا اللي نشرنا هذا الدين ووصل لهم ودمر ممالكهم واسقطهم وخلا المسلمين يزاحمونهم في كل مكان وزمان
و الله المستعان
