السيسي: روح نصر أكتوبر ستظل راسخة في الوجدان المصري

[Forget Them All]

دايما اسمع الكلمه دى من الناس اللى بتتبنى وجهه نظر الصهاينه فى الحرب وأنهم كانوا على بعد 80 كيلو من القاهره
ايه يعنى 80 كيلو من القاهره ؟ ياعم 20 كيلو مش 80 وبعدين ... هيعملوا ايه بقى عند القاهره
ياحبيبى الصهاينه دخلوا السويس عندنا واللى هى لا تساوى مساحه شبرا على سبيل المثال وايه كانت النتيجه ... كمين معتبر طلعوا فيه يتسحبوا من المدينه بالليل من غير معظم دباباتهم اللى لحد اللحظه معروضه فى السويس كنصب تذكارى وفضلوا ساعتها التمركز خارج المدينه اللى كانت اساسا هاجر معظم أهلها قبل الحرب
عايزهم يدخلوا القاهره يهببوا فيها ايه بلواء مدرع ... الصهاينه انسحبوا بعد اتفاقيه فض الاشتباك للبر الثانى لأن وضع قوتهم فى الضفه الغربيه لقناه السويس كان لا يمكن الدفاع عنه لفتره طويله وخصوصا ان خط امدادهم من سيناء كان شريط ضيق جنوب الاسماعيليه لو اتقفل كما كان مخطط ليه اصلا فى خطه تصفيه الثغره كانت القوه دى اللى كانت بتحاصر لجيش الثالث فى السويس اصبحت ذات نفسها محاصره

يارجل كفاك سرد وتبرير، هوه عارف بس بيستعبط
فيه مثل بيقول
قالّه عرفت منين انها كذبه قالّوا من كبرها
هوه من امته كانت المسافة ما بين إسماعيلية والقاهرة ٨٠ كيلو

 

[مطلق]

 

[Think Tanks]

الشهيد رائد طيار عاطف السادات
كبير معلمى قاذفات السوخوى ٧
استشهد بالطلعه الجويه الاولى رغم عدم سبق ادراجه بها
وبسبب الحاحه على قائده العميد فاروق عليش
تم إدراجه ضمن قائمة طيارى الضربه المركزه
تم استشهاده بعد ضربه لمطار المليز بوسط سيناء
وتدمير منظومات هوك الصاروخيه الامريكيه حول المطار
تم استهدافه اثناء دورانه للمره الثانيه حول المطار بصاروخ محمول كتفا من أحد الصهاينه فارتقى شهيدا باذن الله

 

[الرحال المصري]

كل عام وانتم بخير جميعا بمناسبة تحطيم مصر لانف الصهيوني في حرب 73 وحديثا في افشال مخطط التهجير

اه صحيح
ولا عزاء للعضو الهجاص بتاع السحلب
اللي كان قاعد كل يوم يبشرنا بالتهجير

 

[مطلق]

هوه من امته كانت المسافة ما بين إسماعيلية والقاهرة ٨٠ كيلو

الفريق سعد الدين الشاذلي المخطط الحربي لحرب اكتوبر يشرح اين كانوا جنود الكيان واين وصلوا
يبدا الشرح في الدقيقة 1:44

 

[Think Tanks]

-البطل محمد عبد العاطي " صائد الدبابات "-
هو اشهر من حصل على نجمة سيناء من الطبقة الثانية دمر خلال حرب أكتوبر 23 دبابة بمفرده :
مهنــــدس زراعي اسمه مسجل في الموسوعات الحربية بأسم صائد الدبابات ! مقاتل عنيد بدأ مع سلاح الصاعقة ثم انتقل الى سلاح المدفعية وتخصص في الصواريخ المضادة للدبابات ، كان أول فرد من مجموعته يتسلق خط برليف والساتر الترابي على ضفة القناة الشرقية .
دمر يوم 8 اكتوبر 1973م 13 دبابة من اصل 13 صاروخ دون خطأ واحد ، في يوم 9 أكتوبر 1973م كان له موعد آخر مع المجد حيث استطاع تدمير 7 دبابات اسرائيلية خلال ساعات قليلة وفرق تجمعها تماما ، ثم يأتي يوم 10 اكتوبر 1973م ليدمر 3 دبابات أخرى ، ولم يكتفي صائد الدبابات بهذا وان ينتظر الدبابات ليدمرها بل ذهب إليها بقدميه !
تسلل يوم 15 اكتوبر ويوم 18 اكتوبر الى خطوط العدو ليدمر دبابتين وعربة مجنزرة ليصبح رصيده 23 دبابة و 3 مجنزرات .
وفي الثامن عشر من فبراير عام 1974م تم تكريم البطل محمد عبد العاطي ضمن الأبطال المكرمين في الجلسة التاريخية لمجلس الشعب بحضور الرئيس السادات والرئيس الليبي معمر القذافي والرئيس الزائيري موبوتو سيسكو .
إنه البطل الأسطوري الفذ الرقيب أول مجند ( محمد عبد العاطي عطية شرف ) رحمه الله ، توفي عام 2001 م ، رحم الله البطل الشهيد الاسطورة حقا .

 

[Think Tanks]

يقول الرئيس السادات فى كتاب البحث عن الذات
اتضح لى أن القمر الصناعى الأمريكى الذى كان يوصل المعلومات لإسرائيل ساعة بعد ساعة ،
أخبرهم بنقل الفرقة المدرعة ٢١ من الضفة الغربية للقناة إلى الضفة الشرقية لمحاولة تخفيف الضغط على سوريا كما طلب و ألح الرئيس السورى حافظ الأسد
و أقر هنا للتاريخ ان الاتحاد السوفيتى الذى يدعى وقوفه مع الحق العربى
لم يبلغنا بشىء بواسطة اقمارهم الصناعية التى تتابع المعركة لحظة بلحظة
ثم حدث تطور خطير بدأت أشعر به ،
و انا أتابع الحرب من غرفة العمليات
لقد استخدم الجسر الجوى الأمريكى لنجدة إسرائيل مطار العريش لنزول الطائرات الأمريكية العملاقة التى تحمل الدبابات و كل الأسلحة الحديثة
و العريش تقع خلف الجبهه
و بدات الاحظ تطورا خطيرا فى معارك الدبابات التى اعترف الإسرائيليون أنفسهم بشراستها و كفاءة المصريين فى إدارتها
كنت كلما أصبت لإسرائيل ١٠ دبابات أرى مزيدا من الدبابات
لقد دخلت أمريكا الحرب لإنقاذ إسرائيل بعد النداء المشهور ـ إنقذوا إسرائيل ـ فى اليوم الرابع من المعركة
و هى تستخدم بكل صراحة مطار العريش المصرى الذى يقع خلف الجبهة بكل وضوح لكى تحول الهزيمة الإسرائيلية إلى انتصار
و تذكرت فى تلك اللحظات ما فعلته أمريكا على جبهة ألمانيا فى الحرب العالمية الثانية ثم على الجبهة اليابانية
أما التطور الثالث و الخطير ،
فهو أن أطلق صاروخان على بطاريتين مصريتين للصواريخ فعطلا البطاريتين تعطيلا كاملا .
و عرفت بعد ذلك أنه صاروخ امريكى جديد يسمى القنبلة التلفزيونية
و أنه كان لا يزال تحت الاختبار فى أمريكا ، فــ أرسلته لنجدة إسرائيل
لقد دخلت أمريكا بشكل مباشر الحرب لإنقاذ إسرائيل حتى بالأسلحة تحت الإختبار
و قنبلة المافريك و أسلحة أخرى .
و انا أعرف امكانياتى و أعرف حدودى . . لن أحارب أمريكا
و لذلك بعد عودتى من غرفة القيادة
كتبت للرئيس الأسد شريكى فى القرار برقية أخطره فيها أنى قررت الموافقة على وقف إطلاق النار . . و سجلت فى هذه البرقية موقفى
و هو أنى لا اخاف من مواجهة إسرائيل ، و لكنى أرفض مواجهة الولايات المتحدة الامريكية
و إنى لن أسمح أن تدمر القوات المصرية مرة أخرى فى حرب غير متكافئة
و إننى مستعد أن احاسب أمام شعبى فى مصر و أمام الأمة العربية عن هذا القرار
و فى هذه الليلة اتخذت القرار بوقف إطلاق النار فقد كان لى عشرة أيام أحارب فيها أمريكا وحدى بأسلحتها الحديثة التى لم يستخدم أغلبها من قبل على الساحة العسكرية
و كان الموقف على غير ما يتصوره العالم كله . . و اتهمت من بعض الدول العربية انى جبان وقتها
فقد كان اعتقاد الجميع فى العالم أن الاتحاد السوفيتى يقف إلى جانبنا ،
و أنه قد أرسل الجسر الجوى لنجدتنا
و لكن الموقف كان غير ذلك فى الواقع
فــ أمريكا و إسرائيل فى مواجهتى
و الاتحاد السوفيتى فى يده الخنجر و يجلس وراء ظهرى
ليطعننى فى أى لحظة عندما أفقد ٨٥ % أو ٩٠ % من سلاحى كما حدث فى سنة ١٩٦٧
لكنى قرأت مخططهم جيدا و لن أترك لهم أولادى لقمة سهلة
الثعلب المحنك الراحل أنور السادات

 

[Think Tanks]

29.683 Aufrufe · 1.197 Reaktionen | لماذا لُقب المشير الجمسي بـ"مهندس النصر"؟ وما سر وصف إسرائيل له بـ"القائد المخيف"؟ رحلة بطل استثنائي من قرية "البتانون" بالمنوفية إلى غرفة عمليات حرب أكتوبر. انتظروا العرض الأول للفيلم الوثائقي "الجمسي"، غدًا الث

لماذا لُقب المشير الجمسي بـ"مهندس النصر"؟ وما سر وصف إسرائيل له بـ"القائد المخيف"؟ رحلة بطل استثنائي من قرية "البتانون" بالمنوفية إلى غرفة عمليات حرب أكتوبر. انتظروا العرض الأول للفيلم الوثائقي...

www.facebook.com

 

[الرحال المصري]

عيلة وسخه عيلة الاسد دي
ليه حق صدام يعمل اللي عمله بعد كدا معاهم ... مكنش بيطيق ابوهم

وقبل الاسد
سوريا طول عمرها عبء وجعجاعين وممنهمش فايده
عندك حرب 67 لبسنا فيها بسببهم وانهم كانوا خايفين اسرائيل تجتاح سوريا
والمثير للضحك والبكاء في أن واحد
ان اسرائيل اول ما ضربتنا السوريين لم يتدخلوا وظلوا يتفرجون ولم يتحركوا لمساندتنا احنا اللي دخلنا الحرب اساسا دفاعا عنهم
علي امل ان اسرائيل لن تضربهم وهوا ما حصل في النهايه
ياراجل اقسم بالله مصر لو دخلت الحرب وحدها بدون هؤلاء الحنجوريين لكان افضل لنا ولما حدثت الثغره

 

[Tiger Egypt]

الشيزوفرينيا
اذا عضو قال إن اكتوبر نصر يبقي بفضل العرب والمليون جندي مصري كانوا ديكور
اذا قال هزيمة يبقي مصر انهزمت
غسلت ايدي من زمان من أمراض البعض النفسية والحمد لله

 

[الرحال المصري]

انا الصراحه نفسى زى مابنحتفل بالعبور نسترجع ذكرى نكسه يونيو كل سنه ونسرد أسبابها للشعب بدون مواربه علشان مننساش الدرس اللى اتعلمناه بالدم
وزى مابنسرد الجوانب اللى أدت للنصر العظيم ده من تخطيط وتدريب ودراسه مفصله للصهاينه + أيمان وتضحيه وصلابه الشعب العظيم ده فى أوقات المحن
نتكلم كمان عن قد أيه المحسوبيه والعنجهيه وتفضيل أصحاب الثقه عن أصحاب الكفائه وتهميش الرتب الأدنى من القيادات وعدم سماع الأفكار الجديده ونزع المبادره من قاده الوحدات وغيره وغيره ممكن يتسبب بكوارث عسكريه زى هزيمه 67
عظمه أنتصار أكتوبر كان بسبب قدرتنا المذهله من الوقوف والأستعداد والرد بعد 6 سنين فقط من هزيمه عسكريه كارثيه بكل المقاييس خسرنا فيها ألاف الأرواح ومعظم قدراتنا العسكريه من قوات جويه ومدرعات وطبعا سيناء ... وفى رأيى أعترافنا بأخطائنا الكارثيه فى نكسه يونيو ودراستها مع الأعتراف بنقاط القوه عند الصهاينه والاستعداد ليها كان اكبر سبب للنصر العظيم اللى أتحقق فى 73

السبب الاساسي الرئيسي للنكسبه بجانب ما ذكرته
هوا انجرارنا لهياط وحنجوريه العرب ودفعهم دفعا لمصر للتحرك عسكريا للدفاع عن سوريا ردا علي ما قيل ايامها بحشد اسرائيل قوات علي حدود سوريا لاجتياحها واول ما الحرب اشتغلت كله وقف يتفرج بما فيهم السوريين اللي احنا اصلا كنا حاشدين الحيش في سيناء دفاعا عنهم انتا متخيل
تقريبا نفس اللي بيتعمل معانا دلوقتي كله بيسخن وفين مصر وجيش مصر واول ما الحرب حتشتغل كله حيتفرج واللي حيساعدك بمليم حيفضل يزل أهلنا بيه لابد الابدين

 

[Think Tanks]

السبب الاساسي الرئيسي للنكسبه بجانب ما ذكرته
هوا انجرارنا لهياط وحنجوريه العرب ودفعهم دفعا لمصر للتحرك عسكريا للدفاع عن سوريا ردا علي ما قيل ايامها بحشد اسرائيل قوات علي حدود سوريا لاجتياحها واول ما الحرب اشتغلت كله وقف يتفرج بما فيهم السوريين اللي احنا اصلا كنا حاشدين الحيش في سيناء دفاعا عنهم انتا متخيل
تقريبا نفس اللي بيتعمل معانا دلوقتي كله بيسخن وفين مصر وجيش مصر واول ما الحرب حتشتغل كله حيتفرج واللي حيساعدك بمليم حيفضل يزل أهلنا بيه لابد الابدين

تعليق نارى ... موتنى من الضحك

 

[Tiger Egypt]

مشاهدة المرفق 816220

معقوله ملك السعودية وولي عهده بيهنئ مصر علي هزيمة ؟؟؟؟؟؟؟ !!!!!
تحياتي لمؤلفين كتاب كيف تفكر كانك معاق ذهنيا

 

[Forget Them All]

الفريق سعد الدين الشاذلي المخطط الحربي لحرب اكتوبر يشرح اين كانوا جنود الكيان واين وصلوا
يبدا الشرح في الدقيقة 1:44

انته بتستدل بايه على ايه
طوال الفديو لم اسمع كلمة ٨٠ كيلو على الإطلاق
بل إن الراجل فنّد كل كلامك وأبدى إعجابه ببسالة قواتنا وقال نصاً في نهاية حديثه إن لواء مظلات وكتبتين صاعقة استطاعوا إيقاف فرقة كاملة مدرعة ومنعوها من دخول إسماعيلية
يبقى منين بيودّي على فين ؟

 

[Forget Them All]

السبب الاساسي الرئيسي للنكسبه بجانب ما ذكرته
هوا انجرارنا لهياط وحنجوريه العرب ودفعهم دفعا لمصر للتحرك عسكريا للدفاع عن سوريا ردا علي ما قيل ايامها بحشد اسرائيل قوات علي حدود سوريا لاجتياحها واول ما الحرب اشتغلت كله وقف يتفرج بما فيهم السوريين اللي احنا اصلا كنا حاشدين الحيش في سيناء دفاعا عنهم انتا متخيل
تقريبا نفس اللي بيتعمل معانا دلوقتي كله بيسخن وفين مصر وجيش مصر واول ما الحرب حتشتغل كله حيتفرج واللي حيساعدك بمليم حيفضل يزل أهلنا بيه لابد الابدين

حقيقي
سوريا دي من يوم يومها واحنا شايلين الطين من وراها

 

[ايمن التونسي]

الشيزوفرينيا
اذا عضو قال إن اكتوبر نصر يبقي بفضل العرب والمليون جندي مصري كانوا ديكور
اذا قال هزيمة يبقي مصر انهزمت
غسلت ايدي من زمان من أمراض البعض النفسية والحمد لله

مع عبقرية التخطيط العسكري المصري والعمل الاستخبارتي والعسكري الاعجازي الي قامو به المصريين طيلة 6 سنوات بعد نكسة
لكن لايمكن ان ننكر دور العرب البارز في دعم مصر بكل ماتحتاجه في تلك الفترة
الجزائر ليبيا تونس العراق الكويت المغرب السعودية بالاساس ساعدو مصر وقدمو لها الدعم السخي للامانة والمقاتلات العراقية شاركت في الضربة الاولى وكانت المقاتلات الليبية ستشارك لولا ضعف خبرة الطيارين الليبين وكل المعدات اشترتها مصر بفضل دعم شعبي مصري وعربي سخي

 

[Tiger Egypt]

مع عبقرية التخطيط العسكري المصري والعمل الاستخبارتي والعسكري الاعجازي الي قامو به المصريين طيلة 6 سنوات بعد نكسة
لكن لايمكن ان ننكر دور العرب البارز في دعم مصر بكل ماتحتاجه في تلك الفترة
الجزائر ليبيا تونس العراق الكويت المغرب السعودية بالاساس ساعدو مصر وقدمو لها الدعم السخي للامانة والمقاتلات العراقية شاركت في الضربة الاولى وكانت المقاتلات الليبية ستشارك لولا ضعف خبرة الطيارين الليبين وكل المعدات اشترتها مصر بفضل دعم شعبي مصري وعربي سخي

محدش أنكر دور حد ...بعض الاعضاء بينكر إن اكتوبر نصر الا في حاله إظهاره ان بلده ساعدت فيه فقط


ده شغل عيال صغيرة

 

[ايمن التونسي]

محدش أنكر دور حد ...بعض الاعضاء بينكر إن اكتوبر نصر الا في حاله إظهاره ان بلده ساعدت فيه فقط


ده شغل عيال صغيرة

عسكريا هو النصر الاكبر للعرب بين قوتين وجيشان فقط وانهزم فيه الكيان شر هزيمة
اساسا كتب جولدا مايير وشارون وموشي ديان تبين من انتصر ومن انهزم
قصة الدول العربية الفضل في النصر يعود للمصريين بالاساس وبعدهم الدول العربية
مصر بفضل مخابرتها القوية والخطه العسكرية المنظمة جدا للشادلي واحمد اسماعيل ودهاء السادات عرفو يفوزو
الفوز كان نصرا عسكريا كاملا بفضل تكامل الاسلحة مع تكتيك والاستراتيجية والاستخبارات ولايمكن نكران نجاح المصري الباهر
سوريا فشلت في حين نجحت مصر

 

[مطلق]

انته بتستدل بايه على ايه
طوال الفديو لم اسمع كلمة ٨٠ كيلو على الإطلاق

هو يشرح ويذكر اسماء الطرق ولو تحسب يطلع الكلام الصحيح وان الكيان اقرب من اي وقت مضى عن القاهرة

 

[مطلق]

بل إن الراجل فنّد كل كلامك وأبدى إعجابه ببسالة قواتنا وقال نصاً في نهاية حديثه إن لواء مظلات وكتبتين صاعقة استطاعوا إيقاف فرقة كاملة مدرعة ومنعوها من دخول إسماعيلية
يبقى منين بيودّي على فين ؟

ولماذا لا تذكر ما قال عن القوة الضاربة و ما حدث لها ؟؟؟؟؟؟؟؟؟؟؟؟