نجاح ايه يا راجل بذمتك انت مصدق نفسك متخليش التأييد الاعمي يغيبك عن الواقع
الواقع اللي بيقول ان الراجل دا محتاج يمسح دولة دخلها ترليون دولار في السنة عشان تكفيه طرق وكباري ومدن سياحية
للاسف الريس مش عارف ان احنا دولة نامية بموارد محدوده ومصادر دخل اجنبي محدوده
الاولي كان عمل مصانع واتوسع زراعيا اكتر من اللي عمله 100 ضعف واهتم بالتعليم السيسي رئيس ممتاز ومفيش زيه بس مينفعش معانا دا عايز دولة أوروبية ينهض بيها احنا لا نصلح له
مسكونى شركة ..
وحلفت لهم بشرفى أن الشركة دى فى خلال سنتين هتكون فى حتة تانية ..
ومن يوم ما مسكتها و أنا مبنامش ..
شلت البلاط القديم وعملت الأرضيات كلها رخام شلت التكييفات القديمة وعملت تكييف مركزى غيرت الديكورات تماماً
لكن السيولة إللى فى الشركة خلصت و أنا فى نص مشوار التطوير ..
إضطريت أبيع شوية مكن و أستلف من الشركات التانية ..
لكن الموضوع لسه محتاج سيولة علشان مستقبل الشركة ..
قللت مرتبات العمال وسرحت شوية موظفين ..
إضطريت أرهن الشركة علشان أرصف المداخل وأشجرها و أعمل إضاءات ليلية تليق بشركة محترمة ..
البنك اللى رهنت له الشركة طلب منى أوفر عمالة وأبيع شوية مكن كمان ..
الحقيقة أنا وفرت وبعت ..
و بعدين رفعت سعر الساندوتش في مطعم الشركة ٤ اضعاف علشان برضه محتاج اكمل ديكور
والحمد لله .. نتيجة التطوير بدأت تبان لكل الناس ..
كل اللى رايح وإللى جاى عمال يبص على الشركة .. مش مصدقين حجم العمل إللى تم ..
معجزة بكل المقاييس ..
إحنا عملنا معدلات غير مسبوقة فى إنجاز أعمال الرخام والدهانات وعملنا أرصفة مش موجودة فى أفضل الشركات فى العالم ..
وإللى عملناه فى سنة كان يحتاج سنين ..
صحيح الشركة داخلة على افلاس ، و أصحاب الشركة أتحبسوا ،،و العمال اتشردوا و جاعوا لكن كله يهون ..
وبعدين إن شاء الله لما يخلص التطوير إللى فى دماغى همشى علشان أنا مش غاوى مناصب ..
أنا يهمنى التطوير وبس ..
وعموماً أنا مش هسيب الشركة دى غير لما التطوير يخلص لأن دى أمانة فى رقبتى وربنا هيحاسبنى عليها ..
تحيا الشركة .. تحيا الشركة .. تحيا الشركة
منقول
