السعودية : ولي العهد إطلاق أربع مناطق إقتصادية خاصة

[D.A.S]

لا والله ..
القهر واحد منهم بعد التخرج حصل على وظيفة في شركة ألمنيوم البحرين وبراتب مجزي ومحترم وكان أمامه المستقبل حلووو عشان يتقلد مناصب، اشتغل في ألمنيوم البحرين تقريباً 8 شهور وبعدين حصل له في راس الخير قام فنش من ألمنيوم البحرين وراح راس الخير.

حسد صريح

 

[عبير البحرين]

حسد صريح

لا مو حسد،
بس لأن نخبة الطلبة اللي كانوا من الأوائل على الثانوية خلال العشرين سنة الماضية حصلوا على بعثة من سمو ولي العهد للدراسة في أفضل الجامعات الأميركية والبريطانية، للأسف بعد ما تخرجوا اشتغلوا في البحرين لشهور قليلة وبعدين طلعوا راحو إما دبي أو الكويت أو السعودية.
هذا اهدار للمال العام، نصرف عليهم وندرسهم في أحسن الجامعات وبعدين يروحون يشتغلون خارج البحرين.

أعطيك مثال: هذي واحدة بحرينية إسمها وفاء السيد هذي البنت "جينيس" ذكية جداً جداً، كانت من ضمن بعثة سمو ولي العهد ودرست في بريطانيا بكالوريس ثم ماجستير في جامعة جورج تاون واشنطن ثم دكتوراه من كلية لندن للاقتصاد والعلوم السياسية وكله كان على حساب بعثة ولي العهد، وفي الأخير راحت الكويت اشتغلت في جامعة بالكويت وتزوجت كويتي.
حسابها على تويتر

ليس لديك تصريح لمشاهدة الرابط، فضلا قم ب تسجيل الدخول او تسجيل

شيء يقهررررر.

 

[جَزيْريّ]

ألف مبروك للمملكة العربية السعودية.
هذه المناطق تعطيك ميزة لزيادة الصادرات لانك تستورد متطلباتك بدون ماتدفع جمارك وتصدر بدون تضع اي نوع من انواع الضرائب عل منتجاتك .. بس اذا حبيت تبيع بضاعتك عل السوق المحلي السعودي لازم المشتري المحلي يدفع ضريبة القيمة المصافة عليها .
اما اذا كانت شركة تجارية واستوردت بضاعة وباعتها عل السوق المحلية أعتقد يجب ان تجمرك.​

أنهكتنا ضريبة القيمة المضافة على السلع والخدمات وأنهكنا التضخم وإنخفاض القوة الشرائية للريال الألف مايسوى 200 ريال في وقتنا الحالي ، نحتاج حلّ إقتصادي للتضخم ومايمثله من إرتداد سلبي لإقتصاد المواطن ومعيشته في ظل مرتبات ثابته بنفس سلم تسعيرتها وإرتفاع في الأسعار بالإضافة إلى إرتفاع الدعم الحكومي عن السلع الحيوية وتمدد الأيدي العامله الأجنبية في البلد وإستغلالهم لجيب المواطن.









​

 

[آل قطبي الحسني]

موقع علي بابا كونه اول مره نستخدمه في التوريد فما اثق بموضوع الوكلاء ففضلت البريد السعودي سبل يستقبلها بفرعه في الصين كتجميع بضائع عده من اكثر من جهه ثم يوردها للسعوديه طلع لكل 8 قطع كرتون صغير صقعونا فيه قيمة شحن 1520 ريال غير الجمرك المجموع 6080 ريال بدون جمارك معا ان السلعه على بعضها4 الف وكسور والشحن وحده كلف دبل المبلغ ونص

وش المواقع اللي تتسوق منها وايش عنوان الشحن اللي تستخدمه ؟
ليه شحنتك جايه على البريد السعودي ؟

 

[آل قطبي الحسني]

أنهكتنا ضريبة القيمة المضافة على السلع والخدمات وأنهكنا التضخم وإنخفاض القوة الشرائية للريال الألف مايسوى 200 ريال في وقتنا الحالي ، نحتاج حلّ إقتصادي للتضخم ومايمثله من إرتداد سلبي لإقتصاد المواطن ومعيشته في ظل مرتبات ثابته بنفس سلم تسعيرتها وإرتفاع في الأسعار بالإضافة إلى إرتفاع الدعم الحكومي عن السلع الحيوية وتمدد الأيدي العامله الأجنبية في البلد وإستغلالهم لجيب المواطن.









​

الغاء نظام الكفيل ستنخفض نسبة الاتاوه اللي ياخذها الكفيل وتعود لجيب المواطن

 

[رٍسِـــلآنٍ]

موقع علي بابا كونه اول مره نستخدمه في التوريد فما اثق بموضوع الوكلاء ففضلت البريد السعودي سبل يستقبلها بفرعه في الصين كتجميع بضائع عده من اكثر من جهه ثم يوردها للسعوديه طلع لكل 8 قطع كرتون صغير صقعونا فيه قيمة شحن 1520 ريال غير الجمرك المجموع 6080 ريال بدون جمارك معا ان السلعه على بعضها4 الف وكسور والشحن وحده كلف دبل المبلغ ونص

وليه ما شحنت لسعوديه دايركت من البائع ليه تستخدم عنوان صيني على البريد السعودي !!!!!

 

[عبير البحرين]

أخوي @آل قطبي الحسني
ما جربت تشتري من السوق الصيني في البحرين؟ أو السوق التايلندي في البحرين؟
عندهم وايد بضائع تخص البناء مثل خلاط الماء وأدوات الحمام أنت وبكرامة ولمبات ومادري شنو،
وعندهم نفس بضائع علي بابا الصيني وأحسن منها بعد، والميزة أنك تشتري البضاعة في الحال وتشوف البضاعة جدامكم بدلاً من الأونلاين وتنتظر أسابيع لوصول الشحنة.
أشوف واايد سعوديين يجون البحرين خصيصاً للسوق الصيني والسوق التايلندي.

 

[رٍسِـــلآنٍ]

أخوي @آل قطبي الحسني
ما جربت تشتري من السوق الصيني في البحرين؟ أو السوق التايلندي في البحرين؟
عندهم وايد بضائع تخص البناء مثل خلاط الماء وأدوات الحمام أنت وبكرامة ولمبات ومادري شنو،
وعندهم نفس بضائع علي بابا الصيني وأحسن منها بعد، والميزة أنك تشتري البضاعة في الحال وتشوف البضاعة جدامكم بدلاً من الأونلاين وتنتظر أسابيع لوصول الشحنة.
أشوف واايد سعوديين يجون البحرين خصيصاً للسوق الصيني والسوق التايلندي.

ابو قطبي شكله من غرب السعوديه مو شرقها

السوق الصيني بالبحرين ارتفعت اسعاره بسبب ارتفاع الجمارك والضرائب ويعتبر خيار اقرب للي مايقدر يروح السوق الصيني بالامارات لان الفرق كبير

 

[عبير البحرين]

ابو قطبي شكله من غرب السعوديه مو شرقها

السوق الصيني بالبحرين ارتفعت اسعاره بسبب ارتفاع الجمارك والضرائب ويعتبر خيار اقرب للي مايقدر يروح السوق الصيني بالامارات لان الفرق كبير

بالنسبة للأسعار كاسروهم وطلعوا عيونهم،
لا تشترون بمجرد ما يقولون لكم السعر.

 

[رٍسِـــلآنٍ]

بالنسبة للأسعار كاسروهم وطلعوا عيونهم،
لا تشترون بمجرد ما يقولون لكم السعر.

معليك خبره فيه ولنا ربع هناك
الكلام اخذته منهم مباشره عن الاسباب ، اللي اعرفهم يشغلون محلات بالبحرين والامارات

 

[عبير البحرين]

معليك خبره فيه ولنا ربع هناك
الكلام اخذته منهم مباشره عن الاسباب ، اللي اعرفهم يشغلون محلات بالبحرين والامارات

والله تصدق يا أخوي أنا إلى الآن لم أزر السوق الصيني في البحرين،
كل معلوماتي من الناس ومن الأصدقاء ومن ما نقرأه على السوشيال ميديا للأخوة السعوديين اللي يزورون البحرين.

 

[جنة البقيع]

كام موقعهم بس الصين الحين تركيا أمريكا والصين!

اللي معجبني عطوني عنوان مستودع عندهم وجمعت اغراضي وصوروها و ارسلوها لبابي

شريت من أكثر من موقع على عنواني عندهم

 

[جنة البقيع]

السعر ماذكر بس كنت ابي عنوان و فحص وقدموها لي ماكنت ماخذ بالي من الأسعار
كنت بس ابي يتأكدون المنتجات مطابق صح لرغبتي

 

[جنة البقيع]

انا ما انصح احد يتعامل معهم او لا يتعامل

انا جربتهم مره وحده و مكان الهدف السعر
كنت بس ابي عنوان مستودع و تصوير مشترياتي عشان ماشحنها وتطلع مو كويسة

السعر ماكان في بالي اكيد لهم عموله ممكن ما تناسبك أو تناسبك

انا شحنت جوي لباب

لان قبل كورونا كان في مواقع صينية بحته مو دولية احتجتهم لذلك

 

[جنة البقيع]

شكل الموقع موقف لأن آخر إعلان يوتيوب من ٣ سنين
و في تعليقات سلبية

انا حصلت الخدمة اللي بغيتها قبل كورونا
الله اعلم عنهم اليوم

 

[جَزيْريّ]

موقع علي بابا كونه اول مره نستخدمه في التوريد فما اثق بموضوع الوكلاء ففضلت البريد السعودي سبل يستقبلها بفرعه في الصين كتجميع بضائع عده من اكثر من جهه ثم يوردها للسعوديه طلع لكل 8 قطع كرتون صغير صقعونا فيه قيمة شحن 1520 ريال غير الجمرك المجموع 6080 ريال بدون جمارك معا ان السلعه على بعضها4 الف وكسور والشحن وحده كلف دبل المبلغ ونص​

الحين علي بابا ليش مايفتح في المنطقة عندنا ليش الشحن من الصين

 

[جَزيْريّ]

الحين علي بابا ليش مايفتح في المنطقة عندنا ليش الشحن من الصين​

اشتريتي لي -الله يكرمكم- جزمة رسميّه منّه ب 180 ريال ولا ادري عنهم -ندوّر الرخص- على كل حال هل فيه محلات غير الدو وميلانو وعندهم شيء رسمي ؟






​

 

[access1]

الغاء نظام الكفيل ستنخفض نسبة الاتاوه اللي ياخذها الكفيل وتعود لجيب المواطن

ابو قطبي من الكفيل اللي ياخذ الاتاوه!!

مشكلة اغلب الشعب يهرج في شيئ بعيد عن الواقع
مشكلتنا في الرسوم الحكوميه والخدميه مرتفعه ليش ما تنتقد هالامر
نعم نريد استقرار اقتصادي وضمان لكن هل ندمر ونعدل تحت مبداء التجارب
الكفيل او غيره ما ياخذ ريال الا المتستر ولكن الان المتسترين قلوا وخرج الاجانب وخصوصا بعد القضاياا والانظمه الحديثه
صار السعودي يخاف يتدبس في قضيه وبضاعه ولا يقدر يسدد وبكذا تلاقي الشعب صار واعي ويبعد عن سالفه التستر

مشكلتنا في الية الرسوم وطريقه الدفع وايضا الجمارك والاستيراد والتصدير والبيع
الضريبه مضاعفه بكل مره تفرض ضريبه

 

[آل قطبي الحسني]

حسد صريح

ليس حسد بل المفترض اللي تصرف عليه دولته تلزمه بقوانين منها يعمل فيها مده او يدفع قيمة الابتعاث ليش!


من باب دراستي
الموارد البشريه الغرض منها تنمية اليد العامله او انتاجها للتطوير لاي دوله

لكن لما يجي المبتعث يفكر في نفسه فقط هذا يعني انك ياوطن تنتج ايادي عامله باموال الشعب حتى تخدم دول اخرى بينما انت مكانك سر لعدم قدرتك الاستفاده من مخرجات التعليم اللي ميزانيته من قوت الشعب

فلا انت اعطيت فرصه لغيره يتعلم ولا انت قدرت تطور بلدك وهذا يسمى سوء ادارة الموارد البشرية والاموال العامه بسبب ان الغرض من الابتعاث ليس المصالح الشخصيه للعامه مادام على حساب الحكومه

وعلى فكره حنا نعاني من هذا في الطب معا اني سمعت انه فيه قوانين الان بعهد الملك عبدالله صدرت تلزم المبتعث على حساب الحكومه العمل داخل السعوديه اولى

 

[آل قطبي الحسني]

كلامه مو صحيح الشمال ليست غائب عندهم مدينة اوكساجون الصناعيه وهيا مفتوحه للمستثمرين ولها ميناء خاص