اخ من
السوق السوداء هشرحلك فى رد مطول
البنوك متقدرش توفر دولار فى تجار بيبقو عاوزين يشترو بضائع وفى ناس بتكون هتسافر ومحتاجه دولار وفى تجار سلاح ومخدرات بتكون محتاجة دولار غير معلوم المصدر الناس دى كلها بتاخد الدولار من تاجر السوق السوداء الى بيحصل على الدولار بأكتر من طريقة وبالتالى بيبقا عاوز يحقق اكتر مكسب ممكن فا بيبيع اغلى من سعر البنك
طيب التاجر بيحصل على الدولار إزاى التجار طبقات فى منهم التقيل ومنهم الى سغال بأجنده سياسية ومنهم البسيط الى بيشتغل بمبالغ صغيرة مع نفسه بدوافع الجشع
التاجر البسيط بيجيب الدولار بأكثر من طريقة اما بيجند رجاله وستات تصاحب مصريين بيقبضو بالدولار من شركات إنترناشيونال فى مصر وطبعا بيوهموهم بالحب مقابل توفير الدولار لهم مع تحقيق نسبة ربح أفضل من تبديله فى البنك معرفش الشركات لسه بتقبض بالدولار ولا اتمنع لكن فى بعض الأحيان الموظفين دول نفسهم الى كانو بيبيعو لأصحابهم الى بيحتاجو دولار او مسافرين
وفى منهم بيحصل على الدولار بشكل مباشر عن طريق عرض سعر اكتر من سعر البنك على السياح الى لسه واصلين مصر
وفى منهم بيحصل على الدولار عن طريق عملات مزورة فى السوق المصري دخلت مصر بداية 2010 وتم تداولها فى السوق من بعض الجنسيات العربية الى جت مصر فى وقت الحروب وكان جزء كبير منهم انتمائم لتركيا وفتحو بالفلوس المزورة دى مشاريع كتير وده لو حد اخد منه دولار بيتحبس وفى دولار مزور بيوصل عن طريق حدودنا مع ليبيا
النوع التانى من التاجر الى هوا التقيل وده فى العادة بيكون مسؤول حكومى او يقرب لحد فى جهاز أمنى فى مصر او هوا شخصيا او رجل أعمال محترم مشهور بيشتغل مع الحكومة
![Face with tears of joy :joy: 😂](https://cdn.jsdelivr.net/joypixels/assets/8.0/png/unicode/64/1f602.png)
وده بيحصل على الدولار عن طريق دولار غير شرعي مجهول المصدر فى العادة بيدخل مصر من عوائد تجارة المخدرات او السرقات والسلاح من مناطق النزاعات او الدول الغنية الى بيسيطر على العملية دى فى الشرق الأوسط دولتين هما ايران وتركيا وبتوصل الفلوس بتتحول لجنيه ويتم ضخها فى الاقتصاد والمشاريع السياحية وتمويل التجارات الغير مشروعة الى بدورها بتجيب جنيه وبيتحول لدولار معلوم المصدر الى بيتم تحويله فيما بعد عن طريق المؤسسات والمشاريع الوهمية دى فى البنوك وفيما بعد بيحولوها لشركات فى الدول الى بتشرف عن الموضوع ده وبتستفيد الدول دى في النهاية بدولار حرفيا مبعوش بيه سلع كله من تجارات حرام بتتم خارج حدودهم وسرقة ثروات وارواح شعوب تانية لدعم اقتصادهم بالمناسبة كانت بتتم بعلم بعض مسؤولين الحكومة فى الدول العربية مقابل نسبة
التاجر الثالث وده أوسخ نوع هوا التاجر المسيس ده بيكون مدفوع من جهات معادية لمصر كل غرضها تخريب الاقتصاد وأسعار الصرف وده الى شغال دلوقت الحكومات دى بتسهل حصول التاجر ده على الدولار عن طريق بنوك داخلية موجودة فى البلد والبنك نفسه بيسهل له وصوله للدولار ده وطول ما التاجر ده بيضارب فى السعر مع عجز الدولة عن مكافحة الظاهر دى او توفير دولارات بتفضل الأزمه مستمرة وانهيار الجنيه مستمر طيب ايه مصلحتهم بتكون الحصول على مكاسب سياسية واقتصادية من المستحيل تحقيقا مع استقرار الجنيه علشان كده لازم تفضل حلة عدم الاستقرار مستمرة وبالمناسبة بعد تحقيق المكاسب دى سهل جدا يلمو الدولار بطرق تانية
طيب السؤال الى كلنا بنسئله هل الدولة تعرف الكلام ده الإجابة أكيد اه طيب ليه مش بيكافحو الظواهر دى والله لو نعرف مكناش قربنا نتجنن كده محدش بيكافح التجار دول وممولينهم ولا حركه الدولار الغير شرعي الى بتدور فى مصر والمصيبة انهم لما بيقبضو على تجار بيكونو تجار صغيرين لوقت محدود ومبيكملوش لارهابهم وفى نفس الوقت بيتعاملو مع الموضوع كما لو انها ظاهرة عشوائيه فى الوقت الى هيا نظام منظم جدا ويجب تدميره ربنا يحلها من عنده علشان من الواضح مفيش حل فى الدايرة الى أحنا فيها دى