والله عاوزين نعمل موضوع السيسي صرف 96 مليار دولار (الزبادة في الدين الخارجي ) في ايه خلال 9 سنوات
زراعة
مشروعات ري وصرف ومعالجة مياه وتحلية مياه
صناعة
بنية اساسية طرق كباري موانيء صرف صحي كهرباء مشروعات نقل عملاقة سكك حديد مترو انفاق مونوريل قطارات سريعة
صحة اهم انجاز من وجهة نظري مش مدينة الدواء اللي شغال فيها ولا الخريطة الجينية للمصريين (الجينوم ) ولا صناعة اللقاحات ولا تصنيع مشتقات البلازما في مصر المهم عندي هو انه تم القضاء على فايروس سي نهائيا وللابد من مصر
تعليم ومشروعات علمية منها الجامعات والمدارس والتابلت والمشروع بتاع التليسكوب
تسليح حدث ولا حرج
قطاع الاتصالات وده لوحده قصة ومصر فيه بتتحول لداتا سنتر عالمي ده غير الاقمار الصناعية اللي اطلقتها مصر في الفترة ديه وغيره وغيره ده قطاع رائد
ده غير انفاق القناة وتوسعة قناة السويس والتفريعة
ده غير مشروع حياه كريمة وغير الدعم للخبز والوقود
اه نسيت ده غير مشروعات السياحة والثقافة زي طريق الكباش والمتحف المصري الكبير ده لوحده كلف مليار دولار ومتحف الحضارة
اه نسيت وسكن بديل للعشوائيات
كل ده وكان فيه حرب على الارهاب في سيناء وحالة من عدم الاستقرار بعد خلع الاخوان و تضرر السياحة سواء من الطائرة الروسية ثم بعد ذلك كورونا ومع زبادة سكانية 2 مليون سنويا غير اللاجئين وحاليا ازمة اوكرانيا
هات لي بلد في العالم فيها كل الحاجات ديه في وقت واحد وبتواجه كل الازمات ديه لكن هذا لا ينكر ان فيه تقصير خصوصا في التشريعات والبيروقراطية الطاردة للاستثمار وفي منافسة الدولة للقطاع الخاص
